Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

161. zk., 2016ko abuztuaren 25a, osteguna


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 6 ZENBAKIKO ZUZENEKO LAGUNTZA EMATEKO UNITATE PROZESALA
3699

EDIKTUA, 317/2015 prozedura arruntaren ondoriozkoa.

Vitoria-Gasteizko Lehen Auzialdiko 6 zenbakiko Epaitegia – Zuzeneko Laguntza Zibila emateko Unitate Prozesala.

Judizioa: 317/2015 prozedura arrunta.

Demandatzailea: Gasteizko Ortiz de Zarate kaleko 3 zenbakiko Jabekideen Erkidegoa.

Abokatua: Emma Maria Rioja Iturricha.

Prokuradorea: Maria Concepcion Mendoza Abajo.

Demandatua: Alfredo Gracianteparaluceta, Luis Maria Lopez Borobia, Construcciones Alfonso Olave, S.L. eta Nergosa 11, S.L.

Gaia: judizio arrunta.

Judizio horretan, epaia eman da 2016-07-15ean. Hona hemen epaitza:

EPAITZA

Nergosa, S.L. eta Construcciones Alfonso Olave, S.L. baltzuen eta Alfredo Gracianteparaluceta eta Luis María López Borobia-ren aurka, Gasteizko Ortiz de Zarate kaleko 3 zenbakiko Jabekideen Erkidegoak aurkeztutako demanda baietsi egiten dut zati baten:

1.– Luis María López Borobia jauna honako honetara kondenatzen dut: Moro Quintana perituak deskribatutako pitzadurak eta horien ondorioak konpontzeko behar diren obrak egitera, bere kargura ordainduta. Demandarekin batera aurkeztutako txostenean eman zituen aditzera akatsak peritu horrek (batez ere, txosten horretako 16. orritik 23.era bitartean, eta jarduketen 138. orrian eta hurrengoetan).

Epaian adierazitako exekuzio-epe borondatezkoaren barruan, obrak ez badira bururatzen osoki eta egoki, demandatuak haiek burutzea edo kalte-ordain alternatiboa (bata zein bestea) eska dezake, exekuzio-prozesuan eskatzekotan, eta egin beharreko lanei buruzko irizpidea, kasu horretan, Moro Quintana perituak aditu-txostenean azaldutakoa.

2.– Demandan, euren aurkako gainontzeko uzietatik absolbitu egiten ditut demandatu guztiak.

3.– Auzialdi honetan, prozesuko ezin parteri dagokionez, sortutako kostuak ordaindu beharra ez zaio ezartzen parteetariko bati ere.

Aurkarazteko modua: apelazio-errekurtsoa, Arabako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2. artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan (0072 0000 04 0317 15). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Construcciones Alfonso Olave, S.L. eta Nergosa 11, S.L. demandatuen egungo egoitzak ezezagunak direnez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibileko 1/2000 Legearen 497.2 artikuluaren arabera (PZLb).

Ebazpen horren aurka, apelazio-errekurtsoa aurkez dezake demandatuak, zeina auzi-ihesean baitago.

Jakinarazten den ebazpenaren testu osoa eskuragarri du interesdunak, auzitegi honetako bulego judizialean.

Vitoria-Gasteiz, 2016ko uztailaren 15a.

JUSTIZIA ADMINISTRAZIOAREN LETRADUA.


Azterketa dokumentala