RSS
149. zk., 2016ko abuztuaren 8a, astelehena
- Bestelako formatuak:
- PDF (233 KB - 2 orri.)
- EPUB (220 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
OSASUN SAILA
3496
EBAZPENA, 2016ko uztailaren 13koa, Osasun Publikoaren eta Adikzioen zuzendariarena, zeinaren bidez baimena ematen baita ingurumenerako eta elikagaien industriarako tratamendu bioziden aplikatzaile txartela -oinarrizko mailakoa- emateko honako ikasle hauei: «Hazi - Arkaute Nekazaritza Institutua BHI» ikastetxeak Arkautin (Araba) 2016ko ekainaren 15etik 27ra emandako oinarrizko mailako ikastaroa gainditu dutenei.
Ikusi da «Hazi - Arkaute Nekazaritza Institutua BHI» zentroak bidali duen dokumentazioa, 2016ko ekainaren 15etik 27ra emandako ikastaroen garapenari eta ikasleek ateratako probetxuari buruzkoa (oinarrizko mailako ikastaroa, ingurumenerako eta elikagaien industriarako tratamendu bioziden aplikatzaileentzat).
Kontuan hartu da Osasun Publikoaren eta Adikzioen Zuzendaritzak baimena eman ziola «Hazi - Arkaute Nekazaritza Institutua BHI» zentroari (lehen, «IMK Itsamendikoi Arkaute») oinarrizko mailako ikastaroak emateko (2008ko maiatzaren 7ko Ebazpena). Ebazpen hori, hain zuzen ere, abenduaren 21eko 257/2004 Dekretuaren bigarren xedapen gehigarrian ezarritakoa aplikatzeko eman zen (257/2004 Dekretua, Euskal Autonomia Erkidegoko Establezimendu eta Zerbitzu Bioziden Erregistro Ofiziala sortzen duena). Horiek horrela, hau
XEDATZEN DUT:
Lehenengoa.- Agintzea ebazpen honen eranskinean ageri den zerrendako pertsonei eman diezaieten ingurumenerako eta elikagaien industriarako tratamendu bioziden aplikatzaile txartela (oinarrizko maila).
Bigarrena.- Ebazpen honen aurka, gora jotzeko errekurtsoa aurkez diezaiokete interesdunek Osasuneko sailburuordeari, hilabeteko epean, ebazpena argitaratzen den egunetik hasita.
Vitoria-Gasteiz, 2016ko uztailaren 13a.
Osasun Publikoaren eta Adikzioen zuzendaria,
MARÍA DORRONSORO IRAETA.
