Euskal Herriko Agintaritzaren Aldizkaria

127. zk., 2016ko uztailaren 5a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DONOSTIA-SAN SEBASTIÁNGO LEHEN AUZIALDIKO 3 ZENBAKIKO EPAITEGIA

2955

EDIKTUA, behin betiko neurriak aldatzeari buruzko 516/2015 prozeduraren ondoriozkoa.

Donostiako lehen auzialdiko 3 zenbakiko epaitegia.

Judizioa: behin betiko neurriak aldatzeko 516/2015 auzia.

Demandatzailea: Belgica Argentina Mite Gouzabay.

Abokatua: Federico Carro Espasandin.

Prokuradorea: Itziar Mujika Atorrasagasti.

Demandatua: Fernando Javier Bustamante Jimenez.

Gaia: behin betiko neurriak aldatzea.

Judizio horretan, epaia eman da 2016ko ekainaren 1ean. Hona hemen epaitza:

ERABAKITZEN DUT:

Osorik baiestea Itziar Mujika Atorrasagasti prokuradoreak, Bélgica-Argentina Mite Gouzabayen izenean eta bera ordezkatuz, Fernando-Javier Bustamante Jiménezen aurka aurkeztutako demanda; horrenbestez, aldatu egiten ditut epaitegi honetako 2005eko otsailaren 24ko 228/05 epaiak onartutako 2005eko otsailaren 4ko hitzarmen arautzailean hartutako neurriak. Gurasoen eta seme-alaben arteko neurriak ezartzeko 154/2005 prozedura horretan, zenbait neurri adostu, eta aitaren eta alabaren arteko bisita-araubide bat ezarri zen. Hala ere, aldaketaren ostean, honela geratuko da bisita-araubide hori:

– Kendu egiten dira txandakako asteburuetako eta oporraldietako bisitak.

– Ezartzen dira astean zeharreko bisitak, eta horiek baino ez dira izango. Bisita horietan, aita alabarekin egon daiteke, asteazkenero, ikastetxetik edo eskolaz kanpokoetatik ateratzen denetik, edo, horren ezean, 16:00etatik 21:00etara, demandatzailearen oporraldiarekin bat egiten duten eskola gabeko asteazkenetan izan ezik (Aste Santua, Gabonak eta udaldia), artean eten egingo baitira astean zeharreko bisitak.

Gainerakoetan, 2005eko otsailaren 24ko 228/05 epaiak onartutako 2005eko otsailaren 4ko hitzarmen arautzailean hartutako neurriei eutsiko zaie, alderdi biek adostu baitzituzten gurasoen eta seme-alaben arteko neurriak ezartzeko 154/2005 prozeduran.

Fernando Javier Bustamante Jimenez demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu baten bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake demandatu auzi-iheslariak.

Jakinarazten den ebazpenaren testu osoa eskuragarri du interesdunak, auzitegi honetako bulego judizialean.

Donostia, 2016ko ekainaren 1a.

JUSTIZIA ADMINISTRAZIOAREN LETRADUA.

Azterketa dokumentala