Euskal Herriko Agintaritzaren Aldizkaria

127. zk., 2015eko uztailaren 8a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 9 ZENBAKIKO EPAITEGIA

3037

EDIKTUA, 1015/2014 prozedura arruntaren ondoriozkoa.

Bilboko Lehen Auzialdiko 9 zenbakiko Epaitegia

Judizioa: 1015/2014 prozedura arrunta.

Demandatzailea: Mercedes Benz Financial Services España EFC, S.A.

Abokatua.

Prokuradorea: Jose Manuel Lopez Martinez.

Demandatua: Jose Alberto Velasco Diaz.

Gaia: judizio arrunta.

Judizio horretan, epaia eman da 2015-06-09an. Hona hemen epaitza:

EPAITZA

Baiesten dut Jose Manuel Lopez Martinez prokuradoreak Mercedes Benz Financial Services España EFC, S.A.ren izenean eta ordezkaritzan (egun Daimlerchrysler Services España EFC, S.A.) aurkeztutako demanda, auzi-ihesean den Jose Alberto Velasco Diazen aurkakoa. Eta deklaratzen dut amaituta dagoela 2006ko otsailaren 24an sinatutako finantzako errentamendu-kontratua, kontratu-epea amaitzeagatik. Horrenbestez, demandatua kondenatzen dut auzi-jartzaileari honen xede den ibilgailua itzultzera –ibilgailu industriala; marka: Mercedes Benz; modeloa: Actros/1846 LS; fabrikazio- edo xasis-zk.: WDB9340331L999901– eta hauek ordaintzera:

a) 57.962,10 euro, mugaeguneratutako eta ordaindu gabeko finantza-errentamenduen kuota gisa.

b) Errenta moduan ordaindu gabeko eta mugaeguneratutako kuota bakoitzaren berandutza-interesak, hitzartutako tasaren araberakoak (hileko % 2); hain zuzen ere, mugaeguneratzeen datatik eta auzi-jartzaileari zor zaion guztia ordaindu arte sortzen direnak.

c) Kontratua amaitu zenetik (2010eko otsailaren 22a) auzi-jartzaileari kontratuaren xede den ondasuna itzuli arte igarotzen den hile bakoitzeko edo hile zati bakoitzeko kontratuko bi kuotari dagokion zenbatekoa biderkatzearen ondoriozko kopurua.

d) Judizioaren kostuak.

Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458,2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, epaitegi honek Banco Santanderren duen Gordailu eta Kontsignazio Kontuan (4750 00 0000 1015 14) kontsignatu beharko da zenbateko hori. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Jose Alberto Velasco Diaz demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake auzi-ihesean den demandatuak.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Bilbao (Bizkaia), 2015eko ekainaren 10a.

IDAZKARI JUDIZIALA.

Azterketa dokumentala