Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

73. zk., 2015eko apirilaren 21a, asteartea


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HERRI ADMINISTRAZIO ETA JUSTIZIA SAILA
1786

AGINDUA, 2015eko martxoaren 18koa, Herri Administrazio eta Justiziako sailburuarena, Fundación Jose Domingo Epelde - Jose Domingo Epelde Fundazioaren estatutuetako 19 bis.2 artikuluaren aldaketa onartu eta Euskal Autonomia Erkidegoko Fundazioen Erregistroan inskribatzeko dena.

Euskal Autonomia Erkidegoko Fundazioen Erregistroan inskribatzeko egindako eskabidearen espedientea ikusi eta aztertu da.

AURREKARIAK

Lehenengoa.- 2014ko azaroaren 20an, honako eskabide honi eman zitzaion sarrera Eusko Jaurlaritzako Herri Administrazio eta Justizia Sailean: Fundación José Domingo Epelde - Jose Domingo Epelde Fundazioaren Patronatuan eta estatutuen 19 bis artikuluan egindako aldaketa Euskal Autonomia Erkidegoko Fundazioen Erregistroan inskribatzeko eskabidea, fundazioaren gerentea den Miguel Fernández de Antona Lope jaunak aurkeztua.

Eskabidearekin batera, fundazioak Patronatuko Batzarreko eta Batzorde Betearazleko kideak kentzeko eta izendatzeko eta estatutu sozialen 19 bis.2 artikulua aldatzeko hartutako erabakiak publiko egiteko eskritura publikoaren kopia soila aurkeztu zen. Eskritura publiko hori 2014ko azaroaren 14an egiletsi zuen Jesús María Artola Ibarguren fundazioko presidenteak, Zarauzko Ángel María Moreno Gallego notarioaren aurrean (protokolo zk.: 977).

Eskritura publiko horretan sartu zen Sergio Ceberio Yarza-k -fundazioko patronatuko idazkari gisa, eta presidentearen oniritziarekin- 2014ko urriaren 20an Zarautzen emandako ziurtagiria, patronatuak 2014ko uztailaren 2an egindako bilerarena, zeinean, besteak beste, aho batez onartu baitzen fundazioaren estatutuetako 19 bis.2 artikulua aldatzea.

Bigarrena.- 2015eko otsailaren 17ko idazki baten bidez, Fundazioen Erregistroak atzemandako hutsak zuzentzeko eskatu zion Fundazioari, eta 2015eko martxoaren 16an, Herri Administrazio eta Justizia Sailean sartu ziren 2015eko martxoaren 10ean Zarauzko notario Ángel María Moreno Gallego-ren aurrean egiletsitako zuzentzeko eskritura publikoaren bi kopia (protokolo-zenbakia: 144).

Hirugarrena.- Euskal Autonomia Erkidegoko Fundazioen Erregistroaren Zerbitzu Teknikoek aztertu dute espedientea, eta ondoren, ebazpen-proposamena egin dute. Hona hemen horretarako kontuan hartu dituzten

ZUZENBIDEKO OINARRIAK

Lehenengoa.- Herri Administrazio eta Justiziako sailburuari dagokio fundazioaren estatutuak aldatzeko espedientea agindu bidez ebaztea. Hala ezarrita dago: Euskal Autonomia Erkidegoko Fundazioen Erregistroaren Erregelamendua onartzen duen ekainaren 19ko 101/2007 Dekretuaren 3.1 artikuluan; Euskal Autonomia Erkidegoko Babeslaritzaren Erregelamendua onartzen duen ekainaren 19ko 100/2007 Dekretuaren 4.1.a) artikuluan; Herri Administrazio eta Justizia Sailaren egitura organikoa eta funtzionala ezartzen duen apirilaren 9ko 188/2013 Dekretuan; eta Lehendakariaren abenduaren 15eko 20/2012 Dekretuan, Euskal Autonomia Erkidegoaren Administrazioko sailak sortu, ezabatu eta aldatzeko eta horien egitekoak eta jardun-arloak finkatzekoan.

Bigarrena.- Espediente honi funtsezko iritzitako datu eta agiriak erantsi zaizkio, eta bereziki, hauek: Euskal Autonomia Erkidegoko Fundazioei buruzko ekainaren 17ko 12/1994 Legearen 31. artikuluan, eta Euskal Autonomia Erkidegoko Fundazioen Erregistroaren Erregelamendua onartzen duen ekainaren 19ko 101/2007 Dekretuaren 44. artikuluan eskatutakoak; aplikagarriak diren lege eta erregelamenduetan ezarritakoarekin bat dator aldaketa.

Aipatutako manuak eta aplikagarriak diren gainerako arauak ikusita, honako hau

EBAZTEN DUT:

Lehenengoa.- Fundación José Domingo Epelde - Jose Domingo Epelde Fundazioaren estatutuen 19 bis.2 artikuluaren aldaketa onestea.

Bigarrena.- Fundazioaren estatutuen aldaketa hori inskribatzeko agintzea, agindu honen datarekin, fundazioaren erabakiak publiko egiteko eskritura publikoan ezarritakoaren arabera. Eskrituran jasota dago zein diren aldatutako artikuluak. Eskritura 2014ko azaroaren 14an egiletsi zuen fundazioaren presidentea den Jesús María Artola Ibarguren jaunak, Zarauzko Ángel María Moreno Gallego notarioaren aurrean (protokolo-zenbakia: 977). Eskritura publiko hori zuzendu egin zen, notario beraren aurrean, 2015eko martxoaren 10ean egiletsitako eskritura publikoaren bidez (protokolo zenbakia: 144).

Hirugarrena.- Agindu hau Euskal Herriko Agintaritzaren Aldizkarian argitaratzea eta interesdunei bidaltzea.

Agindu honek administrazio-bidea bukatzen du. Aurka egiteko, aukerako berraztertzeko errekurtsoa jar dakioke Herri Administrazio eta Justiziako sailburuari, jakinarazi eta hurrengo egunetik hilabeteko epean; bestela, administrazioarekiko auzi-errekurtsoa jar daiteke Euskal Autonomia Erkidegoko Auzitegi Nagusiko Administrazioarekiko Auzien Salan, jakinarazi eta hurrengo egunetik bi hilabeteko epean.

Vitoria-Gasteiz, 2015eko martxoaren 18a.

Herri Administrazio eta Justiziako sailburua,

JOSU IÑAKI ERCORECA GERVASIO.


Azterketa dokumentala