Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

52. zk., 2015eko martxoaren 17a, asteartea


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HERRI ADMINISTRAZIO ETA JUSTIZIA SAILA
1280

AGINDUA, 2015eko otsailaren 23koa, Herri Administrazio eta Justiziako sailburuarena, Fundación Sancho El Sabio fundazioaren estatutuetako 14, 15, 20 eta 23. artikuluetan egindako aldaketak onartu eta Euskal Autonomia Erkidegoko Fundazioen Erregistroan inskribatzeko dena.

Euskal Autonomia Erkidegoko Fundazioen Erregistroan inskribatzeko egindako eskabidearen espedientea ikusi eta aztertu da.

AURREKARIAK

Lehenengoa.– 2014ko abenduaren 17an, honako eskabide honi eman zitzaion sarrera Eusko Jaurlaritzaren Herri Administrazio eta Justizia Sailean: Fundación Sancho el Sabio fundazioaren Patronatuan, Batzorde Betearazlean eta estatutuen 14, 15, 20 eta 23. artikuluetan egindako aldaketak Euskal Autonomia Erkidegoko Fundazioen Erregistroan inskribatzeko eskabidea, Fundazioaren Patronatuko lehendakari Fernando Aranguiz Mingueza jaunak aurkeztua.

Eskabidearekin batera, Patronatua eta Batzorde Betearazlea aldatzeko eta estatutuak aldatzeko hartutako erabakiak publiko egiteko eskritura publikoaren kopia baimendu bat aurkeztu zen. Eskritura publiko hori 2014ko abenduaren 2an egiletsi zuen Fundazioaren Patronatuko idazkari José Ignacio Besga Zuazola jaunak, Vitoria-Gasteizko Alfredo Pérez Ávila notarioaren aurrean (protokolo zk.: 2.912).

Eskritura publiko horretan sartu zen José Ignacio Besga Zuazola jaunak –Fundazioko Patronatuaren idazkari gisa, eta lehendakariaren oniritziarekin– 2014ko urriaren 27an Vitoria-Gasteizen emandako ziurtagiria, 2014ko ekainaren 12an eta 2014ko urriaren 2an egindako bilerei buruzkoa, zeinetan besteak beste aho batez onartu baitzen Fundazioaren estatutuetako 14, 15, 20 eta 23. artikuluak aldatzea.

Eskrituran, aldatutako artikuluen idazketa berria jasotzen da, osorik.

Bigarrena.– Euskal Autonomia Erkidegoko Fundazioen Erregistroko Zerbitzu Teknikoek, espedientea aztertu ondoren, erabaki-proposamena eman dute. Hona hemen horretarako kontuan hartu dituzten

ZUZENBIDEKO OINARRIAK

Lehenengoa.– Herri Administrazio eta Justiziako sailburuari dagokio fundazioaren estatutuak aldatzeko espedientea agindu bidez ebaztea. Hala ezarrita dago: Euskal Autonomia Erkidegoko Fundazioen Erregistroaren Erregelamendua onartzen duen ekainaren 19ko 101/2007 Dekretuaren 3.1 artikuluan; Euskal Autonomia Erkidegoko Fundazioen Babeslaritzaren Erregelamendua onartzen duen ekainaren 19ko 100/2007 Dekretuaren 4.1.a) artikuluan; Herri Administrazio eta Justizia Sailaren egitura organikoa eta funtzionala ezartzen duen apirilaren 9ko 188/2013 Dekretuan, eta Lehendakariaren abenduaren 15eko 20/2012 Dekretuan, Euskal Autonomia Erkidegoaren Administrazioko sailak sortu, ezabatu eta aldatzeko eta horien egitekoak eta jardun-arloak finkatzekoan.

Bigarrena.– Espediente honi funtsezko iritzitako datu eta agiriak erantsi zaizkio, eta bereziki bete dira honako xedapen hauetan aurreikusitako betekizunak: Euskal Autonomia Erkidegoko Fundazioei buruzko ekainaren 17ko 12/1994 Legearen 31. artikuluan eta Euskal Autonomia Erkidegoko Fundazioen Erregistroaren Erregelamendua onartzen duen ekainaren 19ko 101/2007 Dekretuaren 44. artikuluan eskatutakoak. Gainera, aplikagarriak diren lege eta erregelamenduetan ezarritakoarekin bat dator aldaketa.

Aipatutako manuak eta aplikagarriak diren gainerako arauak ikusita. Honako hau

EBAZTEN DUT:

Lehenengoa.– Fundación Sancho El Sabio fundazioaren estatutuen 14, 15, 20 eta 23. artikuluetan egindako aldaketak onartzea.

Bigarrena.– Fundazioaren estatutuen aldaketa hori inskribatzeko agintzea, agindu honen datarekin, eskritura publikoan ezarritakoari jarraituz. Eskritura –han dago jasota zein artikulu aldatu diren– 2014ko abenduaren 2an egiletsi zuen Fundazioaren Patronatuko lehendakari José Ignacio Besga Zuazola jaunak, Vitoria-Gasteizko Alfredo Pérez Ávila notarioaren aurrean (protokolo-zenbakia: 2.912).

Hirugarrena.– Agindu hau Euskal Herriko Agintaritzaren Aldizkarian argitaratzea eta interesdunei bidaltzea.

Agindu honek amaiera ematen dio administrazio-bideari, eta, beronen aurka, aukerako berraztertzeko errekurtsoa aurkez dakioke Herri Administrazio eta Justiziako sailburuari, hilabeteko epean, agindua jakinarazi eta hurrengo egunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusiko Administrazioarekiko Auzien Salan, bi hilabeteko epean, agindua jakinarazi eta hurrengo egunetik aurrera.

Vitoria-Gasteiz, 2015eko otsailaren 23a.

Herri Administrazio eta Justiziako sailburua,

JOSU IŃAKI ERCORECA GERVASIO.


Azterketa dokumentala