Euskal Herriko Agintaritzaren Aldizkaria

234. zk., 2014ko abenduaren 9a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIA

5250

EDIKTUA, ezkontzaz kanpoko seme-alabentzako neurrietarako 1077/2013 prozeduraren ondoriozkoa.

Barakaldoko Lehen Auzialdiko 5 zenbakiko Epaitegia (Familia).

Judizioa: ezkontzaz kanpoko seme-alabentzako neurriak (1077/2013).

Alderdi demandatzailea: Loredana Larisa Bonescu.

Alderdi demandatua: Emanuel Daniel Caldaras.

Gaia: ezkontzaz kanpoko seme-alabentzako neurriak.

Judizio horretan, ebazpena eman da, eta honela dio hitzez hitz:

656/2014 EPAIA

Epailea: Ana Isabel Viaña Ranilla andrea.

Lekua: Barakaldo (Bizkaia).

Eguna: bi mila eta hamalauko urriaren hogeita hamaika.

Alderdi demandatzailea: L.L.B.

Abokatua: Isabel Ruiz Soto.

Prokuradorea: Fco. Javier Gonzalez Ruiz.

Alderdi demandatua: Emanuel Daniel Caldaras.

Abokatua.

Prokuradorea.

Judizioko gaia: more uxorio bizikidetza bereiztea.

EPAITZA

Partez baiesten dut L.L.B. andreak Emanuel Daniel Caldaras jaunaren aurka aurkeztutako demanda eta, horrenbestez, honako neurri hauek onartu behar ditut, alderdien eta XXXXX eta XXXXX seme-alaba adingabeen arteko harremanak arautzeko.

A) Seme-alaba adingabeen zaintza eta jagoletza amari esleitzen dizkiot guraso ahala, berriz, bi gurasoena izango da. Horrekin batera, komunikazio- eta egonaldi-araubide hau ezartzen dut: asteburu birik behin, ostiraletan ikastetxetik irteten direnetik (edo bestela 17:00etatik aurrera) igandeko 20:00ak arte; bi arratsalde astean zehar, ados jarri ezean, astearteetan eta ostegunetan, 10:00etatik 20:00etara; eta eskolako oporraldien erdiak. Adingabean amaren etxean jaso eta utzi beharko ditu aitak.

B) Mantenu-pentsio bat ezartzen dut, zaintza ez duen gurasoaren kargura, mantenu-emaileak hilean kontzeptu guztiengatik jasotzen dituen diru-sarrera likido guztien %30ekoa, eta, betiere, gutxienez 300 euro (150 euro hilean seme-alaba bakoitzeko); eta hileko lehen bost egunetan ordaindu beharko du. Zenbateko hori demandatzaileak adierazitako kontuan ordaindu eta urtero eguneratuko da, Estatistikako Institutu Nazionalak argitaratzen duen Kontsumoko Prezioen Indizearen aldaketen arabera.

C) Semen-alaba adingabeen ezohiko gastuak bi gurasoek ordainduko dituzte erdibana, ebazpen honen zuzenbideko oinarrietan adierazitako eran. Dena dela, premiazkoak ez diren ezohiko gastuak biek baimendu beharko dituzte. Baimena emantzat joko da, baldin eta beste alderdiak jakinarazpen fede-emailea egin eta hurrengo 10 egunetan berariazko eragozpenik jartzen ez bada (komunikazio horretan adieraziko da zer gastu egin nahi den, zergatik den beharrezkoa eta zenbatekoa den; eta dagozkion agiriak jasoko dira bertan). Eta hori guztia auzialdian sortutako kostuei buruzko berariazko erabakirik hartu gabe.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Kontuaren zenbakia hauxe da:..... Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Alderdi demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.

Barakaldo (Bizkaia), 2014ko azaroaren 10a.

IDAZKARI JUDIZIALA.

Azterketa dokumentala