Euskal Herriko Agintaritzaren Aldizkaria

221. zk., 2014ko azaroaren 19a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIA

4970

EDIKTUA, behin betiko neurriak aldatzeari buruzko 1029/13 prozeduraren ondoriozkoa.

JAKINARAZPEN-ZEDULA

Barakaldoko (Bizkaia) Lehen Auzialdiko 5 zenbakiko Epaitegian behin betiko neurriak aldatzeko 1029/13 prozedura bideratu da Luis Alberto Diez Pazosek eskatuta, Rosa Maria Colomo Gonzalezen aurka. Prozedura horren gainean epaia eman da. Hona hemen idazpurua eta epaitza, kopiatuta:

643/14 EPAIA

Epailea: Ana Isabel Viaña Ranilla andrea.

Lekua: Barakaldo (Bizkaia).

Eguna: bi mila eta hamalauko urriaren hogeita bederatzia.

Alderdi demandatzailea:

Abokatua: Koldobika Tellechea Madariaga.

Prokuradorea: Fco. Javier Gonzalez Ruiz.

Alderdi demandatua: Rosa Maria Colomo Gonzalez.

Abokatua.

Prokuradorea.

Judizioaren helburua: neurriak aldatzea.

EPAITZA

Rosa María Colomo Gonzálezen aurka aurkeztutako demanda baiesten dudanez, deklaratzen dut, ebazpen hau ematen denetik aurrera, baliogabetu egiten dela Luis Alberto Pazos demandatuaren kargura ezarritako mantenu-pentsioa, ezkontzako alaba XXXXXen aldekoa. Ez da sortutako kostuen gaineko erabakirik hartzen.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko kontuan. Kontuaren zenbakia hauxe da: 4795. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Errekurtsoa aurkeztean egiaztatu egin beharko da diru-kopuru hori zainpean utzi izana (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Eta Rosa Maria Colomo Gonzalez demandatuari jakinarazpena behar bezala egiteko balio dezan ematen eta sinatzen dut hau, Barakaldon (Bizkaia), bi mila eta lauko urriaren hogeita hamarrean.

IDAZKARIA.

Azterketa dokumentala