Euskal Herriko Agintaritzaren Aldizkaria

109. zk., 2014ko ekainaren 11, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 6 ZENBAKIKO EPAITEGIA

2558

EDIKTUA, finkaren edukiera handiagoari buruz bideratutako 365/14 jabari-espedientearen ondoriozkoa.

Vitoria-Gasteizko Lehen Auzialdiko 6 zenbakiko Epaitegia – Zuzeneko Laguntza Zibila emateko Unitate Prozesala.

Judizioa: edukiera handiagoari buruz bideratutako 365/14 jabari-espedientea.

Alderdi demandatzailea: Iñaki Ortiz de Villalba Payueta, Miren Arantzazu Ortiz de Villalba Payueta eta Joseba Mirena Ortiz de Villalba Payueta.

Alderdi demandatua.

Gaia: finkaren edukiera handiagoari buruzko jabari-espedientea.

Aipatu prozeduran ebazpena eman da, eta honela dio hitzez hitz:

PROBIDENTZIA

Epaia ematen duen epaile magistratua: Emilio Ramón Villalain Ruiz jauna.

Lekua: Vitoria-Gasteiz.

Eguna: bi mila eta hamalauko apirilaren hamalaua.

Iñaki Ortiz de Villalba Payueta, Joseba Mirena Ortiz de Villalba Payueta eta Miren Arantzazu Ortiz de Villalba Payuetak aurkeztutako eskabidea berretsi eta izapideak egiteko onartu da. Hortaz, segidako traktuari berriro ekiteko jabari-espedienteari ekingo zaio, non alderditzat joko baita eskatzailea. Hurrengo jakinarazpenak eta eginbideak berari egingo zaizkio adierazitako egoitzan.

Helaraz bekio idazki hau Ministerio Fiskalari, eta eman bekizkio idazkiaren kopiak eta dokumentuak. Egin bekie zitazioa Francisco Javier Aldama Murguia, Javier Barreña Cortazar, Carlos Francisco Diaz de Arcaya Bueso, Jesus Maria Gabiña Lopez de Ipiña, Manurgako Administrazio Batzarra, Maria Anunciacion Ortiz de Lejarazu Urquiaga eta Narciso Ruiz de Apodaca Fernandez de Gamboari, finka mugakideen jabeak baitira. Horiei guztiei dei egiten zaie, hain zuzen ere, hamar eguneko epean espedientean ager daitezen, betiere zuzenbidez aldeko dutena alegatzeko; eta helbide ezezaguna dutenei ediktu bidez egingo zaie dei, Euskal Herriko Agintaritzaren Aldizkarian eta epaitegiko iragarki-oholean ediktuak argitaratuz. Halaber, alderdi eskatzaileari ediktu hori helaraziko zaio eginbideez eta itzulketaz arduratzeko.

Dei egin bekie Zigoitiako Udal eta Bake Epaitegiaren bidez eskatutako inskripzioak kalterik eragin diezaiekeen pertsonei; Euskal Herriko Agintaritzaren Aldizkarian argitaratuko dira pertsona horien izenak, hamar eguneko epean, espedientean ager daitezen, aipatu diren ondorioetarako. Aipatutako ediktuak eta exhortoak egin.

Aurkaratzeko modua: Epaitegi honetan aurkeztu beharreko berraztertzeko errekurtso bidez; hala ere, aurkaratu arren, erabakitakoa bete egingo da. Errekurtsoa, jakinarazpena egin eta hurrengo bost egun balioduneko epean aurkeztu beharko da idatziz, eta errekurtsogilearen ustez zein arau-hauste egin den adieraziko da; baldintza horiek betetzen ez badira, errekurtsoa ez da onartuko (PZLb, 451. eta 452. artikuluak).

Errekurtsoa jarri ahal izateko, 25 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko zenbateko hori epaitegi honek Banco Santander bankuan duen Gordailuan eta Zainpean Uzteko Kontuan (IBAN ES55 0049 3569 92 0005001274, eta kontzeptua: 0072 0000 000365 14) kontsignatu beharko da. Errekurtsoa aurkeztean egiaztatu beharko da kontsignazioa (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Epaileak ebatzi eta sinatu egiten du. Fede ematen dut.

Alderdi demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.

Vitoria-Gasteiz, 2014ko apirilaren 14a.

IDAZKARI JUDIZIALA.

Azterketa dokumentala