235. zk., 2013ko abenduaren 11, asteazkena
- Bestelako formatuak:
- PDF (203 KB - 4 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
XEDAPEN OROKORRAK
EUSKAL HERRIKO UNIBERTSITATEA
5374
EBAZPENA, 2013ko uztailaren 18koa, Euskal Herriko Unibertsitateko Ikasleen, Enpleguaren eta Gizarte Erantzukizunaren Arloko errektoreordearena. Honen bidez, agintzen da Euskal Herriko Unibertsitatearen protokolo gaurkotua, presondegietan diren pertsonei buruzkoa, Euskal Herriko Agintaritzaren Aldizkarian argitaratzeko.
Ebazpen honen helburua da Euskal Herriko Unibertsitatearen protokoloa gaurkotzea, hau da, presondegietan diren pertsonei buruzkoa eguneratzea, betiere Europako Unibertsitate Eremua aintzat harturik.
Honekin batera doan egokitzapena Gobernu Kontseiluak onetsi zuen 2013ko uztailaren 18an.
Aipaturiko guztia kontuan hartuta, eta otsailaren 25eko 3/2004 Legeak, Euskal Unibertsitate Sistemarenak, 10.2. artikuluan dioena betez (2004-03-12ko EHAA), honako hau
EBAZTEN DUT:
Artikulu bakarra.– Agindua ematea Euskal Herriko Agintaritzaren Aldizkarian argitara dadin Euskal Herriko Unibertsitateko Gobernu Kontseiluak 2013ko uztailaren 18an hartutako Erabakia. Horren bidez, gaurkotu egin dira, erabaki honetako I. eranskinean jasotako moduan, presondegietan diren pertsonei buruz Euskal Herriko Unibertsitatearen protokoloko hainbat artikulu, zehazki, protokolo horretako 3. artikuluaren 1. atala, e) eta f); 4. artikulua, 3. eta 5. atalak; 5. artikulua, 1. atala; 9. artikulua, 1. atala eta lehen xedapen iragankorra (2005eko irailaren 16ko EHAA).
Leioa, 2013ko uztailaren 18a.
EE (2013-01-30eko Ebazpena, 2013-02-13ko EHAA)
Ikasleen, Enpleguaren eta Gizarte Erantzukizunaren Arloko errektoreordea,
MAITE ZELAIA GARAGARZA.
PRESONDEGIETAN DIREN PERTSONEI BURUZKO EUSKAL HERRIKO UNIBERTSITATEAREN PROTOKOLOAREN EGUNERATZEA
3. artikulua.– Titulazioen eskaintza:
3.1.– Gobernu-kontseiluak titulazioen eskaintza onartu beharko du, beroriek eskaintzen dituzten unibertsitate-ikastegiekin kontsulta egin ostean. Eskaintza hori Protokolo honi atxikiko zaio gehigarri bezala:
e) Protokolo honetan eskainita, titulazioek praktiken portzentaia aski garrantzitsua dutenean, beste era bateko egokitzapen pedagogikorik ez dutela, hauetan matrikula egin nahi duten ikasleek kontutan hartu beharko dute aipatutako praktikak eta hauei dagozkien kredituak bete ahal izateko, praktikak burutzeko aukera eskaintzen duen guneren batera joan beharko dutela, presondegietako legeriak ezartzen dituen baimenez baliaturik.
f) Ikastegi batean baino gehiagotan eskaintzen diren titulazioei eta espezialitateei dagokienez, unibertsitate-ikastegi bakarrari esleituko zaio irakaskuntza-era hau.
4. artikulua.– Gradu eta Graduondora sartzeko betebeharrak:
4.3.– Izena eman eta onarpenaren baieztapena hirugarren pertsona baten bidez edo telegrama, fax edo posta ziurtatuaren bidez egin beharko da, eta noralekuan deialdi bakoitzean (ekain, uztailean) izen ematea baieztatzeko aurreikusitako azken data baino lehen jaso beharko dira.
4.5.– Matrikula egiteko epea indarreango araudiak ezarritakoa izango da. Matrikularen ordaintzea gainerako ikasleek darabilten modu berean burutuko da eta, hala balegokio, protokolo honetan parte hartzen duten ikasleentzako beka-erregimenean ezarriko den moduan.
5. artikulua.– Ikasketa desberdinak aldi berean egitea.
5.1.– Ikasketa desberdinak aldi berean egiteko aukera arautegi nagusiak aztertuko ditu, egin gura diren ikasketa berriak protokolo honi adskribituriko titulazioen eskaintzaren barruan egotea besterik eskatzen ez delarik.
9. artikulua.– Estalduraren igortzea.
9.1.– Oinarrizko arauei dagokienez, hitzez hitz aplikatuko dira UPV/EHUko gainerako ikasleei eragiten dieten xedapenak, honako arlo hauek arautzen dituztenak: aukera askea, egokitzapena eta baliokidetzak, kredituen aitorpen eta transferentzia, eta ezohiko deialdia.
LEHENENGO XEDAPEN IRAGANKORRA
2013-2014 IKASTURTERAKO GRADUKO IKASKETEN ESKAINTZA
Arabako campusa
Letren Fakultatea:
Ingeles ikasketetako gradua
Euskal ikasketetako gradua
Filologiako gradua
Historiako gradua
Artearen historiako gradua
Bizkaiko campusa
Bilboko Enpresa ikasketen unibertsitate eskola:
Negozioen kudeaketako gradua
Lan harremanen unibertsitate eskola:
Lan harremanen eta giza baliabideetako gradua
Ekonomia eta enpresa zientzien fakultatea:
Ekonomiako gradua
Finantza eta aseguruetako gradua
Zerga sistemako eta administrazio publikoko gradua
Marketineko gradua
Gipuzkoako campusa
Donostiako Enpresa ikasketen unibertsitate eskola:
Enpresen administrazio eta zuzendaritzako gradua
Donostiako Irakasleen Unibertsitate Eskola:
Haur hezkuntzako gradua
Lehen hezkuntzako gradua
Zuzenbide Fakultatea:
Zuzenbideko gradua
Kriminologiako gradua
Filosofia eta Hezkuntza Zientzien Fakultatea:
Gizarte antropologiako gradua
Gizarte hezkuntzako gradua
Filosofiako gradua
Pedagogiako gradua
Psikologia Fakultatea:
Psikologiako gradua
Informatika Fakultatea:
Informatikaren Ingeniaritzako gradua
2013-2014 IKASTURTERAKO GRADUONDOKO IKASKETEN ESKAINTZA
Landare Biologia eta Ekologia Saila
Garapen Iraunkorra et Ingurumen Hezkuntzari buruzko UNESCO katedra
Ingurumena eta Iraunkortasunean Espezialistaren berezko titulua