Euskal Herriko Agintaritzaren Aldizkaria

230. zk., 2013ko abenduaren 3a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 4 ZENBAKIKO EPAITEGIA

5255

EDIKTUA, 1036/11 prozedura arruntaren ondoriozkoa.

JAKINARAZPEN-ZEDULA

Bilboko Lehen Auzialdiko 4 zenbakiko Epaitegian, 1036/11 prozedura arrunta bideratu da (judizio arrunta), Recreativos Elga Cdad Bienes-ek eskatuta, Khalid Merouah Merouah-en aurka. Prozedura horren gainean epaia eman da. Idazpuruak eta epaitzak honela diote hitzez hitz:

182/13 EPAIA

Epailea: Covadonga Gonzalez Rodriguez.

Lekua: Bilbao (Bizkaia).

Eguna: bi mila eta hamahiruko azaroaren laua.

Alderdi demandatzailea: Recreativos Elga Cdad Bienes.

Abokatua: Susana Suarez Santa Coloma.

Prokuradorea: María Begoña Fernández de Gamboa Iraragorri.

Alderdi demandatua: Khalid Merouah Merouah.

Abokatua.

Prokuradorea.

Judizioko gaia: judizio arrunta.

EPAITZA

Guztiz baiesten dut Khalid Merouah Merouah jaunaren aurka, Recreativos Elga ondasun-erkidegoaren izenean eta ordez Begoña Fernández de Gamboa prokuradoreak aurkeztutako demanda. Hori dela eta, auzi-jartzaileari honako hauek pagatzera kondenatzen dut demandatua:

a) 15.189,51 euro.

b) Adostutako tasan (urteko % 18) 5.688 euroren berandutza-interesak, demanda aurkeztu zenetik auzi-jartzaileari zorra guztiz ordaindu artekoak (egunean 2,81 euro).

b) Adostutako tasan (urteko % 18) 7.000 euroren berandutza-interesak, demanda aurkeztu zenetik auzi-jartzaileari zorra guztiz ordaindu artekoak (egunean 3,45 euro).

d) Judizioaren kostuak.

Inpugnatzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen den (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori kontsignatu beharko da epaitegi honek Banesto taldean (Banco Español de Crédito) duen Gordailu eta Kontsignazioen kontuan. Kontuaren zenbakia hauxe da: 4708 0000 00 1036 11. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut Bilbon (Bizkaia), 2013ko azaroaren 4an.

Khalid Merouah Merouah demandatuari behar bezalako jakinarazpena egiteko balio dezan ematen eta sinatzen dut ediktu hau, Bilbon (Bizkaia), bi mila eta hamahiruko azaroaren lauan.

IDAZKARIA.

Azterketa dokumentala