Euskal Herriko Agintaritzaren Aldizkaria

149. zk., 2013ko abuztuaren 7a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 3 ZENBAKIKO EPAITEGIA

3537

EDIKTUA, kontratu orokorrei buruzko 1543/12 kanbio-judizioaren ondoriozkoa.

Vitoria-Gasteizko Lehen Auzialdiko 3 zenbakiko Epaitegia.

Judizioa: 1543/12 kanbio-judizioa.

Demandatzailea: Talleres Electricos Jolma, S.L.

Abokatua: José Ignacio Munguia Santamaría.

Prokuradorea: Perez Avila.

Demandatua: Construcciones Alfonso Olave, S.L.

Gaia: diru-zenbatekoa erreklamatzea.

2013ko maiatzaren 16an, aipatu judizioan autoa eman da, zeinaren xedapenezko zatia ondokoa baita:

XEDAPENAK

1.– Kanbio-judizio hau amaitutzat jotzen da.

2.– Betearazpen-agindu orokorra ematen da. Alderdi betearazle den Laneder Talleres Electricos Jolma, S.L.ren alde gauzatuko da, eta Construcciones Alfonso Olave, S.L. alderdi betearaziaren aurka.

Betearazpena betearazpen-prozesu bezala erregistratuko da.

3.– Ondoko zenbatekoarekin abiarazten da betearazpena: 14.121,26 euro, tronkoarenak; eta 4.000 euro: berandutza-interesenak, gastuenak eta kostuenak, alde batera utzi gabe ondorengo likidazioa.

4.– Jakinaraz bedi ebazpen hau PZLb-ren 553. artikuluan ezarritako moduan.

Ebazpen hau irmoa da, eta beraren aurka ez dago errekurtsoa aurkezterik (PZLb, 551.4 artikulua). Hala ere, abiarazi den betearazpenaren aurka egin dezakete zordunek, auto hau jakinarazten den egunaren ondoko hamar eguneko epean.

Epaileak ebatzi eta sinatu du. Fede ematen dut.

Epailearen sinadura Idazkariaren sinadura

Construcciones Alfonso Olave, S.L. demandatuaren egungo egoitza ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibileko 1/2000 Legearen 497.2 artikuluaren arabera (PZLb).

Ebazpen horren aurka, demandatu auzi-iheslariak ezin du errekurtsorik jarri.

Interesdunak eskura du jakinarazten den ebazpenaren testu osoa, auzitegi honetako bulego judizialean.

Vitoria-Gasteiz, 2013ko ekainaren 19a.

IDAZKARI JUDIZIALA.

Azterketa dokumentala