Euskal Herriko Agintaritzaren Aldizkaria

128. zk., 2013ko uztailaren 5a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

GETXOKO LEHEN AUZIALDIKO ETA INSTRUKZIOKO 2 ZENBAKIKO EPAITEGIA

3079

EDIKTUA, ezkontzaz kanpoko seme-alabentzako neurrien gainean bideratu den 73/10 prozeduraren ondoriozkoa.

Getxoko Lehen Auzialdiko eta Instrukzioko 2 zenbakiko Zuzeneko Laguntza emateko Unitate Prozesala.

Judizioa: ezkontzaz kanpoko seme-alabentzako neurriei buruz bideratutako 73/10 prozedura.

Demandatzailea: Mery Mamani Massi.

Abokatua: Lidia Cuevas Cabezuelo.

Prokuradorea: Otero.

Demandatua: Mario Delgado Aguilar.

Gaia: guraso eta seme-alaben arteko neurriak.

Judizio horretan, 2012-06-18ko epaia eman da eta epaitza honakoa da hitzez hitz:

82/12 EPAIA

Epailea: Isabel Odriozola Trueba.

Lekua: Getxo (Bizkaia).

Eguna: bi mila eta hamabiko ekainaren hemezortzia.

Alderdi demandatzailea: Mery Mamani Massi.

Abokatua: Lidia Cuevas Cabezuelo.

Prokuradorea: Beatriz Otero Mendiguren.

Alderdi demandatua: Mario Delgado Aguilar.

Abokatua.

Prokuradorea.

Judizioaren gaia: guraso eta seme-alaben arteko neurriak.

EPAITZA

Baietsi egiten dut Otero prokuradoreak Mery Mamani Massi andrearen izenean eta ordez aurkeztutako guraso eta seme-alaben arteko harremanen gaineko demanda, Mario Delgado Aguilar jaunaren aurkakoa. Hori dela eta, 2011ko azaroaren 15eko autoaren bidez hitzartutako behin-behineko neurriak sendesten dira, ebazpen honetako hirugarren oinarri juridikoan zehaztuta daudenak.

Ez da kosturik ezarri behar.

Aurkaratzeko modua: apelazio-errekurtsoa, Bizkaiko Probintzia Auzitegiari zuzendua (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: inpugnazioa zein alegaziotan oinarritzen den, eta apelatutako ebazpena eta aurkaratutako erabakiak zeintzuk diren (PZLb, 458.2 artikulua).

Errekurtsoa aurkeztu ahal izateko, 50 euroko gordailua jarri beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan. Kontuaren zenbakia hauxe da: 4767 0000 39 0073 10. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu egin beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Mario Delgado Aguilar demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake auzi-ihesean den demandatuak.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Getxo (Bizkaia), 2013ko apirilaren 17a.

IDAZKARI JUDIZIALA.

Azterketa dokumentala