RSS
39. zk., 2013ko otsailaren 25a, astelehena
- Bestelako formatuak:
- PDF (218 KB - 7 orri.)
- EPUB (177 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Oposaketak eta lehiaketak
HERRI ADMINISTRAZIO ETA JUSTIZIA SAILA
1033
EBAZPENA, 2013ko otsailaren 22koa, Herri Arduralaritzaren Euskal Erakundeko zuzendariarena, Euskal Autonomia Erkidegoko Administrazio Orokorreko 2008ko enplegu publikorako eskaintzako laguntzaile teknikoen kidegoan, Itsasontziko Makinen eta Instalazioen Ikuskapen eta Kontroleko Goi-mailako Teknikaria Aukeran, sartzeko hautaketa-prozesuko hautatutakoen eta esleituko diren lanpostuen behin betiko zerrenda osagarria aditzera ematen duena; eta behin betiko hautatutakoei, betekizunei eta merezimenduei buruzko agiriak aurkezteko 20 eguneko epea ematen diena.
Justizia eta Herri Administrazioko sailburuak 2010eko apirilaren 16an emandako Aginduaren bidez, 2008. urteko lan-eskaintza publikoaren ondorioz Euskal Autonomia Erkidegoko Administrazio Orokorreko laguntzaile teknikoen kidegoan, Itsasontziko Makinen eta Instalazioen Ikuskapen eta Kontroleko Goi-mailako Teknikaria Aukeran sartzeko hautaketa-prozesuaren oinarri orokorrak onartu ziren.
Herri Arduralaritzaren Euskal Erakundeko zuzendariaren 2013ko urtarrilaren 22ko ebazpenaren bidez, hautatutakoen eta esleituko diren lanpostuen behin-behineko zerrenda osagarria argitaratu zen, eta horien aurkako erreklamazioak aurkezteko epea amaitu egin da.
Aurkeztutako erreklamazioak aztertuta, epaimahaiak hautatutakoen eta esleituko diren lanpostuen behin betiko zerrenda osagarria onartu du. Deialdiaren oinarri orokorren 8.11 atala betetzeko, zerrenda hori Herri Arduralaritzaren Euskal Erakundeak argitaratu behar du.
Deialdiaren oinarri orokorren 10. atalaren arabera, hautatutakoen behin betiko zerrenda osagarria argitara eman ondoren, zerrendan azaltzen direnek hautaketa-prozesuan parte hartzeko betekizunei eta baloratutako merezimenduei buruzko agiriak aurkeztu behar dituzte. Hori dela eta, behin betiko hautatutakoei hogei eguneko epea eman behar zaie, eskatutako agiriak aurkezteko.
Hori guztia kontuan hartuta, honako hau
EBAZTEN DUT:
Lehenengo artikulua.– Euskal Autonomia Erkidegoko Administrazio Orokorreko 2008ko enplegu publikorako eskaintzako laguntzaile teknikoen kidegoan, Itsasontziko Makinen eta Instalazioen Ikuskapen eta Kontroleko Goi-mailako Teknikaria Aukeran, sartzeko hautaketa-prozesuko hautatutakoen eta esleituko diren lanpostuen behin betiko zerrenda osagarria aditzera ematea. Zerrenda hori Ebazpen honen I. eranskinean azaltzen da.
Bigarren artikulua.– Behin betiko hautatutakoei hogei eguneko epea ematea, ebazpen hau argitaratu eta hurrengo egunetik hasita, hurrengo lerroaldeetan aipatuko diren agiriak aurkezteko.
Agiriak Funtzio Publikoko Zuzendaritzan –Eusko Jaurlaritzako Vitoria-Gasteizko egoitzan (Donostia, 1, PK: 01010)– aurkeztu beharko dira.
Funtzio Publikoko zuzendaritzan eskatutako agiriak aurkezteko, behin betiko hautatutakoen bertaratze ordenatua izateko, aldez aurretik data eskatu beharko da, 945 01 63 82 telefono zenbakian, eta, adostutako datan, agiriak aurkeztu.
Euskal Autonomia Erkidegoko Administrazio Orokorreko Langileen Erregistroan dauden agiriak ez dira aurkeztu behar.
a) NANaren fotokopia konpultsatua.
b) Atzerriko izangaiek nazionalitateari buruzko betekizunak betetzen dituztela egiaztatzen duen agiriak. Izangai horiek jakinarazpen bat jasoko dute administraziotik, eta hor adieraziko zaie zein agiri derrigorrez ekarri beharko dituzten beren egoera kontuan hartuta.
c) Oinarri espezifikoen arabera kidegoan sartzeko eskatzen den tituluaren fotokopia konpultsatua. Titulazioak atzerrikoak badira, haien homologazioaren egiaztagiriaren fotokopia konpultsatua aurkeztu beharko da.
d) Zinpeko aitorpena edo hitzematea, honako eduki hauek jasota uzten dituena:
● Ez izatea gaixotasun edo akats fisikorik dagozkion eginkizunak betetzea galaraziko dionik.
● Ez izatea eginkizun publikoak betetzeko gaitasunik gabetuta.
● Ez izatea inongo herri-administraziotako zerbitzutik diziplina-espediente bidez bereizita edo kanporatuta.
● Ez izatea Herri Administrazioetan jarduten duten langileen bateraezintasunei buruzko abenduaren 26ko 53/1984 Legean aurreikusitako ezgaitasun eta bateraezintasunen legezko inolako kausatan sartuta.
Aurreko lerroaldean aipatutako aitorpena, ebazpen honen II. eranskinean dagoen inprimakia betez egingo da.
Espainiako herritartasuna ez duten izangaiek beraien estatuko funtzio publikoan jardutea galarazten dien diziplinazko zigorrik edo zigor penalik ez dutela adierazten duen zinpeko aitorpena edo hitzematea aurkeztu beharko dute.
e) Legez aintzatetsitako ezintasunaren ziurtagiria, ezinduentzat gordetako modalitatean parte hartu bada.
f) Lehiaketa-aldian titulazioen eta euskara ez diren hizkuntzen inguruan baloratutako merezimenduei buruzko jatorrizko agiriak edo horien fotokopia konpultsatua, betiere lehen ez badira egiaztatu jatorrizko agirien edo fotokopia konpultsatuaren bidez.
g) Esleitutako lanpostuaren baldintza espezifikoak betetzen direla egiaztatzen duen jatorrizko agiriak edo horien fotokopia konpultsatua; betiere esleitutako lanpostuak halako baldintzak badauzka.
h) Izango den lanpostuaren jabetzari buruzko idazkia. Idazki hori ebazpen honen III. eranskinean dagoen inprimakia betez egingo da.
i) Aurkezten diren agiriak ordenatuta jasotzen dituen agiria. Ebazpen honen IV. eranskinean dagoen inprimakia betez egingo da idazki hori.
Hirugarren artikulua.– Aurreko artikuluari jarraituz aurkeztutako agiriek jatorrizkoak edo kopia konpultsatuak izan beharko dute. Fotokopiek, baliozkoak izateko, datu hauek izan beharko dituzte: data eta konpultsa egin duenaren izen-abizenak, NAN eta izenpe irakurgarria.
Agirien konpultsa Funtzio Publikoko Zuzendaritzan eska daiteke, betiere konpultsatu nahi den fotokopiaren jatorrizko agiria aurkezten bada, agiri biak alderatzeko.
Laugarren artikulua.– Aurreko agiri guztiak aurkeztu ezina behar bezala arrazoitzen bada, izangaiak zuzenbidean onartzen den edozein frogabide erabili ahal izango du deialdiko baldintza guztiak betetzen dituela egiaztatzeko.
Bosgarren artikulua.– Adierazitako epearen barruan, ezinbesteko kasuetan izan ezik, deialdiaren oinarrietan eskatutako agiriak aurkezten ez dituztenak, edo agiriak aztertuta ikusten bada deialdiaren oinarri orokorren hirugarren atalean zehaztutako baldintzetako bat ez dutela betetzen, edo dagozkien eginkizunak betetzeko eskatzen den gaitasun fisiko nahiz psikikorik ez dutela, ezin izango dira izendatu. Era horretako kasuetan, bertan behera geratuko dira aurretik egindako urrats guztiak, eta horretaz gain, litekeena da erantzukizunik izatea beren gain eskabidean faltsukeria egiteagatik.
Seigarren artikulua.– 2013ko martxoaren 8an iragarriko da, www.euskadi.net/ope helbidean, zein datatan argitaratuko den Euskal Herriko Agintaritzaren Aldizkarian, Herri Arduralaritzaren Euskal Erakundeko iragarki-oholetan, eta interneteko www.euskadi.net/ope helbidean, Herri Administrazio eta Justiziako sailburuaren agindua, oinarrietan eta aurreko artikuluetan ezarritakoa bete duten izangai hautatuak karrerako funtzionario izendatzen dituena.
Zazpigarren artikulua.– Ebazpen honen aurka, gora jotzeko errekurtsoa aurkeztu ahal izango zaio Herri Administrazio eta Justiziako sailburuari. Errekurtsoa jartzeko epea hilabetekoa izango da, ebazpena Euskal Herriko Agintaritzaren Aldizkarian argitaratu eta biharamunetik aurrera, hala ezartzen baita Herri Administrazioen Araubide Juridikoaren eta Administrazio Prozedura Erkidearen 30/1992 Legearen 114. artikuluan eta ondokoetan. Errekurtsoari ez bazaio ebazpen adierazirik ematen, errekurtsoa ezetsitzat joko da.
Vitoria-Gasteiz, 2013ko otsailaren 22a.
Herri Arduralaritzaren Euskal Erakundeko zuzendaria,
MARÍA TERESA IRURETAGOYENA IBARGUREN.
