Euskal Herriko Agintaritzaren Aldizkaria

16. zk., 2013ko urtarrilaren 23a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 6 ZENBAKIKO EPAITEGIA

437

EDIKTUA, ezkontzaz kanpoko seme-alabentzako neurrietarako 803/11 prozeduraren ondoriozkoa.

Bilboko Lehen Auzialdiko 6 zenbakiko Epaitegia (familia).

Judizioa: ezkontzaz kanpokoko seme-alabenganako neurrietarako 803/11 prozedura.

Demandatzailea: Ana Maria Zambrana Colque.

Abokatua: Igor Ezquerra.

Prokuradorea: Amalia Rosa Saenz Martin.

Demandatua: Henry Marcelo Perez Flores.

Gaia: IV-VII L1 CC TIT. – ezkontzaz kanpoko seme-alabenganako neurriak hartzea.

Aipatutako judizioan, 473/12 epaia eman da, 2012-11-06an. Hona hemen

EPAITZA

Partez baiesten dut Amalia Rosa Saenz epaitegietako prokuradoreak Ana María Zambrana Colque andrearen izenean eta ordez jarritako demanda; horrenbestez, Ana María Zambrana Colque demandatzaileari esleitzen zaio XXXXX alaba adingabearen gaineko guraso-ahala, baita adingabearen gaineko zaintza eta jagoletza ere.

Ez da ezartzen Henry Marcelo Pérez Flores zaintza ez duen gurasoaren aldeko bisita- eta komunikazio-erregimenik, adingabearekin egoteko.

Henry Marcelo Pérez Flores jaunak bere hileko diru-sarrera garbien % 25 ordaindu beharko dio Ana María Zambrana Colque andreari XXXXX alaba adingabearen mantenu-gastuetarako, betiere, gutxienez, 100 euro hilean. Zenbateko hori hilabete naturalaren lehenengo bost egunetan ordaindu beharko du, aurreratuta, demandatzaileak horretarako izendatzen duen kontu-korrontean edo aurrezki-libretan. Zenbateko horiek urtero eguneratuko dira, urtarrilean, Estatistikako Institutu Nazionalak edo ordezko erakunde batek argitaratzen duen kontsumoko prezioaren indizeak izandako aldakuntzen arabera. Alabaren aparteko gastuak bi gurasoek erdibana ordainduko dituzte

Alderdi bati ere ez zaio ezartzen kosturik berariaz.

Eman ebazpen honen berri alderdiei.

Ebazpen horren aurka errekurtsoa aurkez dezake demandatu auzi-iheslariak.

Aurkaratzeko modua: apelazio-errekurtsoa, Bizkaiko Probintzia Auzitegiari zuzendua (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: inpugnazioa zein alegaziotan oinarritzen den, eta apelatutako ebazpena eta aurkaratutako erabakiak zeintzuk diren (PZLb, 458.2 artikulua).

Errekurtsoa aurkeztu ahal izateko, 50 euroko gordailua jarri beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori zainpean utzi beharko da epaitegi honek Banesto taldean (Banco Español de Crédito) duen Gordailuan eta Zainpean uzteko Kontuan (kontuaren zenbakia: ...). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu egin beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Henry Marcelo Perez Flores demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian eta Bulego Judizial honetako oholtzan ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Jakinarazten den ebazpenaren testu osoa eskura du interesdunak, epaitegi honetako bulego judizialean.

Bilbao (Bizkaia), 2012ko azaroaren 8a.

IDAZKARI JUDIZIALA.

Azterketa dokumentala