Euskal Herriko Agintaritzaren Aldizkaria

221. zk., 2012ko azaroaren 15a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 2 ZENBAKIKO EPAITEGIA

5052

EDIKTUA, kontratuei buruz bideratutako 446/12 hitzezko judizioaren ondoriozkoa.

JAKINARAZPEN-ZEDULA

Vitoria-Gasteizko Lehen Auzialdiko 2 zenbakiko Epaitegian 446/12 hitzezko judizioa bideratu da, Carlos Dominguez Montorok eskatuta Studio Diseño Interior Multiservicios Construmar, S.C.ren aurka, oro har, kontratu batzuk direla-eta. Prozedura horren gainean epaia eman da. Hona hemen idazpurua eta epaitza:

180/12 EPAIA

Epailea: Francisco Javier Pablo Pablo.

Lekua: Vitoria-Gasteiz.

Eguna: bi mila eta hamabiko irailaren hogeita seia.

Alderdi demandatzailea: Carlos Dominguez Montoro.

Abokatua.

Prokuradorea.

Alderdi demandatua: Studio Diseño Interior Multiservicios Construmar, S.C.

Abokatua.

Prokuradorea.

Judizioaren gaia: hitzezko gainerakoak (13).

Epaitegi honetan bideratu diren 446/12 ahozko judiziorako autoak ikusi dira; Carlos Domínguez Montorok eskatuta bideratu dira, dirua erreklamatzeko, «Studio Diseño Interior» (Multiservicios Construmar, S.C.) delakoaren aurka –auzi-ihesean dena–.

EPAITZA

Baietsi egiten dut Carlos Domínguez Montorok «Studio Diseño Interior» (Multiservicios Construmar, S.C.) delakoaren aurka –auzi-ihesean dena– dirua erreklamatzeko aurkeztu duen demanda, eta, ondorioz,

Deuseztatutzat jotzen dut alderdien arteko kontratua, demandarekin batera aurkeztu diren agirien arabera, PVC leihoak aldatzeko sinatu zutena. Horrenbestez, Multiservicios Construmar, S.C. kondenatzen dut Carlos Domínguez Montorori 365,15 euro ordaintzera, gehi zenbateko horren legezko interesa, 2102ko martxoaren 22tik ebazpen honen egunera artekoa.

Hori guztia, PZLren 576. artikuluari dagozkion interesei kalterik eragin gabe, epaia betearazteko beharrezkoa balitz.

Beren-beregi kostuak alderdi demandatuari ezartzen dizkiot.

Jakinaraz bekie ebazpen hau alderdiei.

Honen aurka ezin da inongo errekurtsorik aurkeztu, PZLko 455. artikuluaren 1. paragrafoan –in fine– xedatutakoaren arabera.

Eta epai honen bidez erabaki, agindu eta sinatzen dut.

Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judizial naizenez, horren guztiaren fede ematen dut, Gasteizen, bi mila eta hamabiko irailaren hogeita seian.

Epaitegi honetan bideratu diren 446/12 ahozko judiziorako autoak ikusi dira; Carlos Domínguez Montorok eskatuta bideratu dira, dirua erreklamatzeko, auzi-ihesean den «Studio Diseño Interior» (Multiservicios Construmar, S.C.) delakoaren aurka.

Eta Studio Diseño Interior Multiservicios Construmar, S.C. demandatuari behar bezalako jakinarazpena egiteko balio dezan ematen eta sinatzen dut hau, Gasteizen, bi mila eta hamabiko irailaren hogeita seian.

IDAZKARIA.

Azterketa dokumentala