Euskal Herriko Agintaritzaren Aldizkaria

95. zk., 2012ko maiatzaren 16a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

JUSTIZIA ETA HERRI ADMINISTRAZIO SAILA

2166

EBAZPENA, 2012ko martxoaren 16koa, Justizia eta Herri Administrazio Saileko Administrazio Erregistroen eta Toki Araubidearen zuzendariarena, Elkarteen Erroldan joan den otsailean egin diren inskripzioak eta oharrak argitaratzeko dena.

Euskadiko elkarteei buruzko ekainaren 22ko 7/2007 Legearen 12.2, 29., 38., 39. eta 40. artikuluetan agindutakoaren ondorioetarako eta Euskal Autonomia Erkidegoko Elkarteen Errolda Nagusiaren Erregelamendua onartzen duen uztailaren 29ko 145/2008 Dekretuaren 3.2 artikuluan aurreikusitakoarekin bat etorriz.

Euskal Autonomia Erkidegoko Elkarteen Errolda Nagusiaren Erregelamendua onartzen duen uztailaren 29ko 145/2008 Dekretuaren 4.2 artikuluan ematen zaizkion ahalak erabiliz, eta Justizia eta Herri Administrazio Sailaren egitura organikoa eta funtzionala finkatzen duen otsailaren 23ko 57/2010 Dekretuaren 5. artikulua aintzat hartuta –zeinek 472/2009 Dekretuari 26. artikulua gehitzen baitio–, Administrazio Erregistroen eta Toki Araubidearen Zuzendaritzak honako hau

EBAZTEN DU:

Lehenengoa.– Elkarteen Erroldan otsailean sartu diren elkarteak eta federazioak Euskal Herriko Agintaritzaren Aldizkarian argitaratzea, Ebazpen honen I. eta II. eranskinetan agertzen diren moduan. eranskin horietan, helbidea, lurralde-eremua eta hurrenkera zenbakia adierazten dira.

Bigarrena.– Erregistroaren jardueraren funtsa den publikotasun-printzipioaren ondorioz, erregistratuta dauden baina aldaketak izan dituzten elkarte edo federazioen zerrendak aditzera ematea, guztiek izan dezaten erakunde horien egoeraren berri. Aldaketak jadanik jakinarazi zaizkio Erregistroari, bertan jasota geratzeko edo, hala badagokio, hirugarrenengan ondorioak izateko. Zerrenda horiek aurreko idatzi-zatian adierazitako aipamen berberak jasoko dituzte, III., IV., V. eta VI. eranskinetan aipatzen direnak, hain zuzen ere.

Vitoria-Gasteiz, 2012ko martxoaren 16a.

Administrazio Erregistroen eta Toki Araubidearen zuzendaria,

JOSÉ IGNACIO PARIENTE PRADA.

(Ikus .PDF)

Azterketa dokumentala