Euskal Herriko Agintaritzaren Aldizkaria

22. zk., 2012ko otsailaren 1a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

Barakaldoko Lehen Auzialdiko 3 Zenbakiko Epaitegia

522

EDIKTUA, zenbateko bat erreklamatzeko bideratutako 518/11 prozedura arruntaren ondoriozkoa.

Barakaldoko Lehen Auzialdiko 3 zenbakiko Epaitegia.

Judizioa: 518/11 prozedura arrunta.

Demandatzailea: Arantzazu Zaballa Del Rio.

Abokatua: Estanislao Iñigo Polancos Fernández.

Prokuradorea: Fernandez.

Demandatua: Carlos Automóviles SL.

Gaia: zenbateko bat erreklamatzea.

Judizio horretan epaia eman zen 2011ko abenduaren 1ean; honako hau da bere epaitza:

EPAITZA

Baietsi egiten dut Fernández Samaniego prokuradoreak Arantzazu Zaballa Del Río andrearen izenean eta ordez aurkeztutako demanda, Carlos Automóviles SL sozietatearen aurkakoa. Horregatik, bidezkoa dela deklaratzen dut, eta demandatua kondenatzen dut auzi-jartzaileari honako hauek ordaintzera: 9.000 euro; Kode Zibilaren 1101. artikuluko eta 1108. artikuluko interesak, demanda ezarri zenetik ebazpen hau eman arte sortutakoak; PZLren 576. artikuluan ezarritako interesak, ebazpen hau ematen denetik erabat ordaintzen den arte sortutakoak; eta prozesuko kostuak.

Aurka egiteko modua: apelazio-errekurtsoa, Bizkaiko Probintzia Auzitegiari zuzendua (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: apelatutako ebazpena, errekurritzeko nahia eta zein erabaki aurkaratzen den (PZLb, 458.2 artikulua).

Errekurtsoa aurkeztu ahal izateko, 50 euroko gordailua jarri beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori kontsignatu beharko da, epaitegi honek Banesto taldean (Banco Español de Crédito) duen Gordailu kontuan. Kontuaren zenbakia hauxe da: 4683 0000 04 0518 11. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Carlos Automóviles SL demandatuaren egungo egoitza ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibilaren 1/2000 Legearen 497.2 artikulua betez (PZLb).

Ebazpen horren aurka, apelazio-errekurtsoa aurkez dezake auzi-ihesean den demandatuak.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Barakaldo (Bizkaia), 2011ko abenduaren 1a.

IDAZKARI JUDIZIALA.