Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

58. zk., 2011ko martxoaren 24a, osteguna


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Iragarkiak

Industria, Berrikuntza, Merkataritza eta Turismo Saila
1676

IRAGARKIA, 2011ko otsailaren 18koa, Industria, Berrikuntza, Merkataritza eta Turismo Saileko Bizkaiko Lurralde Bulegoko buruarena. Horren bidez, jendaurreko informaziopean jartzen da ondoren zehazten den instalazioaren espedientea, administrazio-baimenaren eskaera, eta ingurumen-inpaktuko deklarazioa jasotzen dituena.

«Hidroerregai likidoak biltegiratzeko instalazio berria Bilboko portuan, Zierbenako udalerrian».

Hidrokarburoen Sektoreari buruzko urriaren 7ko 34/1998 Legearen 40. artikuluan (1998-10-08ko BOE) aurreikusitako ondorioetarako, eta Proiektuen Ingurumen Inpaktuaren Ebaluazioari buruzko Legearen testu bategina onartzen duen urtarrilaren 11ko (2008-01-26ko BOE) 1/2008 Legegintzako Errege Dekretuaren 5. artikuluan xedatutakoari jarraiki, Euskadiko Ingurumena Babesteko otsailaren 27ko (1998-03-27ko BOE) 3/1998 Legean aurreikusitakoari dagokionez, jendaurreko informaziopean jartzen da honako instalazio hau, eskatzailea Compañía Logistica de Hidrocarburos CLH, SA delarik.

Erref.: 48/16141 - CL-A-2011/1 LUI/MMA

Eskatzailea: Compañía Logistica de Hidrocarburos CLH, SA; jakinarazpen-ondorioetarako, hauxe da helbidea: c/ Titán 13, 28045-Madrid.

Kokapena: Punta Sollana, Bilboko Portu Autonomoa, Zierbenako udalerrian.

Aurrekontua, guztira: 15.347.519 euro.

Helburua: Petrolio-gai likidoak biltegiratzeko edukiera handitzea Bilboko Portuan.

Ezaugarriak:

Bilketa-edukiera: 198.046 m3.

Bilketa-mota: ardatz bertikaleko eta sabai finkoko tanga atmosferikoak.

Biltegiratzekoak diren gaiak: kerosenoak, gasolinak, gasolioak eta bioerregaiak.

Gaiak honela iristen dira: tanga-ontzien deskarga-pantaloitik datorren poliduktoaren bitartez.

Gaiak honela irtetzen dira: bilketa-instalazioaren edo oliobide-sarearen ondoko ponpaketa-estazioaren bitartez.

Hidrokarburo likidoak biltegiratzeko Booster ponpaketako edukiontzien instalazioak, instalazio elektrikoak, suteen aurkakoak, ur hidrokarburatuak tratatzekoak, etab. Biltegiaren jarduerari berez dagozkionak.

Azaldutako instalaziorako administrazio-baimena eta ingurumen-inpaktuari buruzko deklarazioa eskatzen dira.

Eta hori guztia argitara ematen da jendea eta, bereziki, interesdunak jakinaren gainean egon daitezen, batetik, Bilboko Concha Jeneralaren kaleko 23. zenbakiko 5. solairuan dagoen Lurralde Ordezkaritzan edo dagokion udalean proiektua eta ingurumen-inpaktuari buruzko azterlana aztertu ahal izateko, eta, bestetik, erreklamazioak aurkeztu ahal daitezen, iragarki hau argitaratu eta hurrengo egunetik harako hilabeteko epean.

Bilbao, 2011ko otsailaren 18a.

Lurralde-ordezkaria,

MIREN AINTZANE IZAGUIRRE ETXEBERRIA.


Azterketa dokumentala