Euskal Herriko Agintaritzaren Aldizkaria

58. zk., 2011ko martxoaren 24a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizia Administrazioa

Bilboko Lehen Auzialdiko 12 Zenbakiko Epaitegia

1658

EDIKTUA, 972/10 hitzezko judizioaren ondoriozkoa.

Bilboko (Bizkaia) Lehen Auzialdiko 12 zenbakiko Epaitegia.

Judizioa: 972/10 hitzezko judizioa.

Demandatzailea: Bilbao Compañía de Seguros y Reaseguros SA.

Abokatua: Jimenez Gonzalez, Jose Ramon.

Prokuradorea: Guillermo Smith Apalategui.

Demandatua: Liberty Seguros eta Tony Ofori Mensah.

Gaia: hitzezko judizioa.

Judizio horretan epaia eman da, eta honakoa da epaitza:

EPAITZA

Osorik baietsi dut Guillermo Smith Apalategui prokuradoreak -Bilbao Compañía Anónima de Seguros Generales sozietatearen izenean eta ordez- aurkeztutako demanda. Horregatik, ondokora kondenatzen ditut kodemandatuak (auzi-ihesean den Tony Ofori Mensah; eta Pedro Carnicero prokuradoreak ordezkatzen duen Liberty Seguros konpainia): hirurehun eta berrogeita hiru euro eta hogeita bederatzi zentimo (343,29 euro) modu solidarioan ordaintzera. Halaber, demanda aurkeztu zenetik aurrera sortutako legezko interesa, eta epai honetatik aurrera sortutako urteko interesa ere -diruaren legezko interesa, bi puntu gehituta- ordaindu beharko dute kodemandatuek. Kostu guztiak ere kodemandatuek ordainduko dituzte.

Tony Ofori Mensah demandatuaren egungo bizilekua ezezaguna denez, ebazpen hori Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibileko 1/2000 Legearen 497.2 artikuluan xedatutakoaren arabera (PZLb).

Epai honen aurka, apelazio-errekurtsoa aurkez dezake demandatu auzi-iheslariak: epaitegi honetan aurkeztu beharko da idazkia, bost eguneko epean, jakinarazten den egunetik hasita; bertan, zein ebazpen apelatzen den eta zein erabaki inpugnatzen den adierazi beharko da.

Errekurtsoa jarri ahal izateko, 50 euroko gordailua aurkeztu beharko da, eta baldintza hori bete ezean ez da hura izapidetzea onartuko. Gordailua eratzeko, diru-zenbateko hori zainpean utzi beharko da epaitegi honen Gordailuan eta Zainpean uzteko Kontuan; kontu hori Banesto (Banco Español de Crédito) taldekoa da, eta 4726 0000 00 097210 zenbakia du; errekurtsoa aurkeztean egiaztatu egin beharko da zainpean utzi dela diru-zenbateko hori(BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak. Apelazio-errekurtsoa.

Jakinarazten den ebazpenaren testu osoa interesdunaren esku dago, Epaitegi honetako Bulego Judizialean.

Bilbao (Bizkaia), 2011ko otsailaren 21a.

IDAZKARI JUDIZIALA.