Euskal Herriko Agintaritzaren Aldizkaria

25. zk., 2011ko otsailaren 7a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Herri-Kontuen Euskal Epaitegia

623

EBAZPENA, Herri-Kontuen Euskal Epaitegiaren Osokoak 2010eko ekainaren 17ko bilkuran hartua, Gipuzkoako Lurralde Historikoaren Administrazioaren 2008ko urtealdiko Kontu Orokorraren gaineko fiskalizazio txostena behin betiko onesten duena.

Herri-Kontuen Euskal Epaitegiaren Osokoak 2010eko ekainaren 17an eginiko bilkuran,

EBATZI DU:

Gipuzkoako Lurralde Historikoaren Administrazioaren 2008. urtealdiko Kontu Orokorraren gaineko fiskalizazio txostena, Erabaki honen eranskin modura ageri dena, behin betiko onestea.

HKEEren 1/1988 Legearen 13.2 artikuluak aurreikusten duena betez, txostenaren ondorioak EHAAn eta GAOn argitaratzeko xedatzea.

Vitoria-Gasteiz, 2010eko ekainaren 17a.

HKEEren lehendakaria,

IGNACIO MARTÍNEZ CHURIAQUE.

HKEEren idazkari nagusia,

TERESA CRESPO DEL CAMPO.

I.- Sarrera.

Gipuzkoako Lurralde Historikoaren 2008ko ekitaldiko kontuari buruzko txosten hau Herri Kontuen Euskal Epaitegiaren 1/1988 Legearen arabera burutu da, eta HKEEren Lanerako Planean jasoa dago.

Gipuzkoako Lurralde Historikoaren Kontu Orokorrak 2008ko ekitaldian zehar ondotik zerrendaratutako erakundeek gauzatutako aurrekontu, ondare eta diruzaintzako eragiketa guztiak besarkatzen ditu:

- Gipuzkoako Foru Aldundia (aurrerantzean GFA).

- Uliazpi foru erakunde autonomoa (adimen gutxitu sakonei egoitza arreta).

- Foru sozietate publiko hauek: Izfe SA (% 100ean partaidetua, zerbitzu informatikoak ematen dizkio foru eta udal administrazioari); Bidegi SA (% 100ean partaidetua, helburua A-8 eta AP-1 autopistak eta horien instalakuntza eta zerbitzuak mantentzea, zaintzea, eraikitzea eta ustiatzea da); eta Etorlur Gipuzkoako Lurra SA (% 100ean partaidetua, helburua lurzorua sustatu, antolatu, urbanizatu, erosi eta saltzea da, jarduera ekonomiko, etxebizitza eta era guztietako ekipamendu publikoak kokatzera zuzendua; baita, nekazaritzako erabilera eman dakiokeen lurzorua erosi, kudeatu eta ustiatzea ere).

Fiskalizazioak honako alderdi hauek besarkatzen ditu:

- Legezkoak: honako atal hauetan: aurrekontua, zorpetzea eta finantza eragiketak, langileria, obren kontratazioa, erosketa eta zerbitzuak, diru-laguntzen emakida eta zuzenbide publikoko sarrerei buruzko arautegia.

- Kontularitzakoak: Kontu Orokorra ezargarriak diren kontularitzako printzipioen arabera mamitu den aztertuko dugu.

- Foru administrazioaren egoera ekonomikoaren finantza analisia.

- Lanaren zabalak ez du gastuaren eraginkortasun eta zuhurtasunari buruzko azterlanik besarkatzen. Nolanahi dela ere, azaleratutako hutsak «Barne kontrolerako sistemari eta kudeaketa prozedurei buruzko irizpenak» idazpuruan xehetasunez jaso ditugu.

Erakunde autonomoak eta foru sozietate publikoek dagozkien kanpo auditoretzako txostenak eginak dituzte.

II.- Iritzia.

II.1.- Legea betetzeari buruzko iritzia.

Zerga salbuespenak, kenkariak eta hobariak.

1.- 2009ko irailaren 9an Europako Batasuneko Lehen Auzialdiko Epaitegiak ezetsi egin ditu GFAk aurkeztutako errekurtsoak, Europako Batzordeak 11/1993 FAren 14. artikulua, 7/1996 FAren 26. artikulua eta 7/1997 FAren Xedapen Gehigarri hamargarrena ez-legezko izendatzeko erabakiari dagokionez. 2009ko azaroaren 23an GFAk kasazio errekurtsoak aurkeztu zituen Europako Erkidegoetako Auzitegien aurrean, aurreko epaien aurka.

Berebat, ebazteko daude Euskal Herriko Justizia Auzitegi Nagusiaren aurrean 14 enpresak GFAren erabakien ondorioz aurkeztutako errekurtsoak (aurrerantzean, FAEA), zeinaren arabera jasotako laguntza fiskalak itzultzeko agintzen zaien.

Bestalde, 2009ko azaroaren 20an, Europako Elkarteetako Batzordeak arrazoitutako irizpena plazaratu zuen eta bertan ondorioztatzen zuen 1993an enpresa baten alde hartutako laguntza neurriei zegokienez, ez direla behar hainbatekoak justizia-auzitegiaren 2007ko irailaren 20ko epaia betearazteko eta bi hilabeteko epea ematen du aipatutako epaia betearazteko egoki diren neurriak bidera ditzan.

GFAk 2008ko urriko ebazpen bitartez enpresa honi emandako laguntzak itzultzeko eskatu zion, 1994tik 2001era bitarteko ekitaldiei zegozkienak eta guztira 44.855 mila euro egin zituztenak; ebazpena Foru Auzitegi Ekonomiko Administratiboaren aurrean (aurrerantzean FAEA) errekurritu zuten eta organo honek gaitzetsi egin zuen errekurtsoa 2009ko abenduan. Aldi berean, GFAk 2008ko ekitaldian enpresa horri 2002an eta 2003an 60.125 mila euroan egindako atxikipenak itzultzeko eskatu zion, horiek ezartzeko beharrezko ziren betekizunak ez betetzeagatik; hori ere FAEAren aurrean errekurritu zuen eta honek berriz GFAren erreklamazioa baitetsi zuen, zenbatekoari zuzenketa txiki bat eginez. FAEAren ebazpenen ondoren, GFAk 44.855 mila euroko ordainketa eskaria egin dio eta 59.685 mila euroko likidazio berriak igorri dizkio. Batzordeak neurriak hartzeko eman zuen bi hilabeteko epean, 2010eko urtarrilaren 23an iraungitzen zena, GFAk ezin berreskuratu izan ditu laguntza horiek.

2010eko apirilren 27an GFAk 44.855 mila euroko zorraren gauzazko ordainketa onartzen du, gehi erositako ondasunen eskritura data arteko berandutza interesak, 45.160 mila euroan balioztatu direnak 2010eko maiatzean egidnako erosketa eskrituran. Erositako ondasunak landa izaerako lursailak dira eta gauzatutako erosketaren berri eman zaio Europako Batzordeari.

Txosten hau idatzi dugun datan, Europako Batzordeak ez du GFAk 2001 eta 2002an erabakien exekuzioari dagokionez gauzatutako jardueren gaineko irizpenik eman, ez eta Europako Batzordeak 2009ko azaroaren 20an egindako errekerimenduarekiko GFAk gauzatutako jardueren gainekorik ere.

Sarrera fiskalak.

2.- 2005eko abuztuan, GFAren Finantzen Zuzendaritzako Artekaritza eta Auditoria Zerbitzuak hainbat irregulartasun azaleratu zituen Irungo Diru-bilketa Bulegoak izapidetutako zerga sarreren baliogabetze espedienteetan. GFAk espediente horiek Ministerio Fiskalari igorri zizkion 2006ko irailean eta honek 2007ko maiatzean, ustezko erantzukizun penalak eragin zitzaketen zantzuak ikusirik dagokion salaketa aurkeztu zuen Irungo Instrukzioko Epaitegiaren aurrean; txosten hau jaulki dugun datan erakunde horrek amaitu gabe du prozeduraren izapidea eta honenbestez, Irungo Instrukzioko Epaitegian izapidetzen ari diren espedienteen analisian mugaketa bat dago.

3.- GFAk ondare kontabilitatean Estatuko Administrazioan 2005eko ekitaldia baino lehenago guztira 34.317 mila euroko guztizko zenbatekoarekin sartutako zerga sarreren kontzeptuko zordunak ditu erregistratuak; kopuru horretatik 27.524 mila euro bost zergapekori dagozkie; diru kopuru hori guztiz zuzkitua dago eta ez da Arbitraje-Batzordearen aurrean erreklamatzeko izapidetu, Arbitraje-Batzordearen Erregelamenduan ezarritakoaren indarrez (Estatuko Administrazioaren eta Foru Aldundiaren edota hauen eta beste zeinahi Autonomia Erkidegoko Administrazioaren arteko auziak konpontzeko organo eskuduna, Ekonomia Itunaren 12/2002 Legearen 65 eta 66. artikuluetan ezarritakoaren arabera), 2008ko urtarrilaren 16an indarrean sartuko dena; honenbestez, zordun hauen erreklamazioa eta ondorioz kobratzeko saldoaren berreskurapena ez da gauzatzerik izan.

4.- 2008ko aurrekontuko ekitaldiaren itxieran, zerga zorrak geroratzeko 30 eskabide daude, guztira 25.873 mila euroko zenbatekoa egiten dutenak; horiek ebatzi gabe daude eta sei hilabetetik gorako antzinatasuna dute; honenbestez, Gipuzkoako Lurralde Historikoaren Diru-bilketa Erregelamenduaren 44.2 artikulua urratu da. Ebazpenean atzeraldi honek ordainketa plan bat ez finkatzea eta dagozkion bermeak eskatzea suposatzen du.

5.- 2008ko ekitaldian zehar, GFAk ekitaldian borondatezko ordainketa aldian iraungi diren zorrei dagozkien 390 mila euroko zerga sarrerak baliogabetu ditu (kopuru honetatik 345 mila euro mila eurotik gorako zorra duten 35 zergapekori dagozkie); egoera hau zorrak jakinarazteko egin beharreko izapideak ez betetzeak eragin du, Diru-bilketa Erregelamenduaren 68. eta 69. artikuluetan aurreikusiak daudenak.

Langileen gastuak.

6.- GFAk ez ditu Pertsona Fisikoen Errentaren gaineko Zergaren laneko irabazi modura barne hartzen zazpi langileri guztira 507 mila euroko zenbatekoarekin ordaindutako borondatezko erretiro kontzeptuko sariak; izan ere, ez baititu zerga horri atxikitako ordainsaritzat hartzen, eta zerga-arauak, aldiz, ez du ordainsari horietarako inongo salbuespenik aurreikusten.

Administrazioko kontratazioa.

7.- Guztira 1.570 mila euroko zenbatekoarekin zazpi zerbitzuren kontratazioa publizitaterik gabeko prozedura negoziatu bitartez gauzatu da, arrazoi teknikoak edo eskubide esklusiboen babesarekin lotutakoak behar hainbat egiaztatu ez direla, Administrazio Publikoen Kontratuen Legearen Testu Bateratuaren (APKLTB) 210.b) artikuluan aurreikusitako prozedura hori erabiltzea bideratuko dutenak; edota Sektore Publikoko Kontratuen Legearen 154.d) artikulua (aurrerantzean, SPKL), publizitate edo lehia printzipioak urratuz, kontratazio arautegian aurreikusitako esleipen prozedura irekia ez baitute erabili.

8.- GFAk publizitate betekizunak saihestuta kontratuak zatikatu ditu, APKLTBren 78. artikuluan edota SPKLren 74.2 artikuluan xedatutakoa urratuz honako kasu hauetan: zentro batean 394 mila euroko lanak; 89 mila euroko hornidura kontratu bat; 7.056 mila euroko lau zerbitzu kontratu (kopuru honetan Gizarte-Politika Saileko kontratazioak nabarmentzen dira, 5.299 mila euro egin dutenak adingabeen egonaldiengatiko zerbitzuen kontzeptuan eta 1.583 mila euro arreta psikologikoa emateko zerbitzuen kontzeptuan; azken kontzeptu honi dagokionez, GFAk lehiaketa publikoa esleitu zuen) eta aseguruen kontratu pribatu bat 225 mila eurokoa.

9.- GFAk 16 babesletza kontratu izenpetu ditu erakundeekin guztira 735 mila euroko zenbatekoarekin, Gipuzkoaren eta Foru Erakundearen izena eta irudia zabaltzeko helburuarekin. Kontratuen helburua orokorra da eta honek desitxuratu egiten du kontratua eta egiaz bete dela egiaztatzea eragozten du. Honela, bada, eragiketa honek diru-laguntza edukia du eta honenbestez, publizitate eta lehia printzipioak bete behar ziratekeen.

10.- Eibarko egoitzan asteburuetako zaintzaileen zerbitzu ematea, 2008ko ekitaldian 1.348 mila euroko gastua eragin duena, aurreko ekitaldietan lehiaketa publiko baten esleipen bidez zerbitzua ematen zuen enpresarekin zuzenean kontratatzen da, kontratazioaren arautegian aurreikusitako luzapen kopuru gehiengoa ahitua zuena; honela, bada, gastua zorpetu da zegokion prozedura irekia gauzatu gabe.

11.- Guztira 33.451 mila euroko zenbatekoarekin esleitutako obra espediente baten lehiaketan eskaintzak jasotzeko kontratazio arautegian aurreikusitako publizitate epeak urratu dira (APKLTBren 78.2 artikulua), izan ere, 14 egun eman dira arautegiak 26 egun aurreikusten dituenean. Lizitatzaile kopurua 14koa izan da.

12.- Hainbat kontraturen exekuzioan aldaketa adierazgarriak gertatu dira, administrazioko kontratazioaren arautegian jasotako lehiaketa printzipioak urratzen dituztenak, izan ere, igoeren zenbatekoak desitxuratu egiten baitu bai kontratuaren xedea, bai kontratuaren bolumen ekonomikoa ere:

- Donostia-Hernani GI-131, Martutene-Hernani saihesbidea eraikitzea, 2003ko uztailean 61.105 mila euroko zenbatekoarekin esleitu zena, 93.258 mila euroan kitatu da. Prezioen berrikuspenaren eragina kenduta, 14.777 mila euro egin zituena, gauzatutako obra esleipenarekiko % 29 gehitu da.

- Elgoibarren Apraitzeko hondakin-uren araztegiaren proiektua, exekuzioa eta abian jartzea, 2003ko abenduan 11.797 mila euroko zenbatekoarekin esleitutakoa eta 2008ko abenduaren 16ko aldaketaren ondoren 17.010 mila euroko kontratu bidezko exekuzioa duena (% 44ko igoera).

- Adunan Oria Erdiko hondakin-uren araztegia eraikitzeko egitasmoa, 2007ko maiatzean 17.416 mila euroko zenbatekoarekin esleitutako eta 2008ko abenduaren 16an 7.372 mila euroan aldatutakoa (% 42ko igoera).

- Asteasu eta Zizurkilgo herrien artean bidegorria egitea, 2007ko ekainean 1.320 mila euroko zenbatekoarekin esleitutakoa eta 2008ko ekainaren 17an 789 mila euroko zenbatekoarekin aldatutakoa (% 60ko igoera).

- Aldakonea egoitza geriatrikoa zaharberritzeko lanak, 2008ko uztailean 707 mila euroko zenbatekoarekin esleitutakoak eta 2008ko abenduaren 16an 226 mila euroko zenbatekoarekin aldatutakoak (% 32ko igoera).

Diru-laguntzak.

13.- Diputatuen Kontseiluak 56 diru-laguntza zuzen eman ditu guztira 22.067 mila euroko zenbatekoarekin, publizitate eta lehia printzipioak sustatzeko ezintasuna justifikatu gabe. Hona hemen laguntza horien onuradunak: hogeita bederatzi toki entitate (14.468 mila euro); 6 enpresa (2.125 mila euro) eta irabazi asmorik gabeko 27 entitate (5.474 mila euro).

Gainera, Diputatuen Kontseiluak 18 erakunderi 11.107 mila euroko diru-laguntza zuzenak eman dizkie (5 toki erakunderi 4.146 mila euro, enpresa pribatu bati, 1.130 mila euro eta irabazi asmorik gabeko 12 erakunderi, 5.831 mila euro) osasun eta gizarte zerbitzuen azpiegiturak garatzeko, publizitate eta lehia sustatzeko ezintasuna justifikatu gabe. 2008ko ekitaldian helburu bereko foru dekretu bat dago eta horren bitartez inbertsioetarako 69 proiekturi 8.273 mila euro eman zaizkie.

14.- Bi foru diputatuk guztira 159 mila euroko zenbateko zuzeneko diru-laguntzak eman dizkiete bi toki erakunderi eta irabazi asmorik gabeko elkarte bati, foru aldundiek zuzeneko emakidarako duten gehiengo zenbatekoa gaindituz (15 mila euro), Gipuzkoako Lurralde Historikoaren 2008rako Aurrekontu Orokorrei buruzko 10/2007 Foru Arauaren 14.1 artikuluan xedatutakoa.

15.- Nekazal ustiapenetan inbertsioetarako laguntzetan (80/2004 Foru Dekretua), 3.269 mila eurokoetan, diru-laguntza eskuratzeko oinarri-arauetan ezarritako gutxieneko puntuazioa osatu zuten 29 eskabide bota dira atzera.

Ondarea.

16.- GFAk 2008ko azaroan enpresa pribatu bati Legorretan bi hiri-finka erosi zizkion (2 eta 3 sortak) 3.205 mila euroko zenbatekoarekin, BEZ barne. Enpresa honek lursail horiek likidazioan zegoen enpresa baten hartzaile ziren finantza erakundeei erosi zizkien (1. sortaz gain).

GFAk bere jarduera arrazoitzen du urbanistikoki degradatutako hiri esparruen irisgarritasun irizpideak berreskuratu, onera ekarri eta egokitzeko politikan eta lurzorua sustatzeko politikan, bereziki jarduera ekonomikoen lurzorua. Ildo honi jarraiki, erositako eraikinak enpresa saltzailearen enpresa proiekturako ez direla beharrezkoak izango argudiatzen da eta era honetara, GFAk udalerri horretan hiria onera ekartzeko lan garrantzitsua gauza lezake.

Erosketa eragiketa honi dagokionez alderdi hauek azpimarratu behar ditugu:

- Salerosketa prezioa bat dator apirilean egindako tasazioarekin, data horretan indarrean zegoen hirigintzako planeamenduari jarraiki. Maiatzean Legorretako Udalak Udal Arau Subsidiarioak berrikusteko agiriari egindako oinarrizko aldaketak jendaurrean jarri zituen, GFAk erositako lursailak kokatzen diren esparrua barne hartzen dutenak; hori dela eta, salerosketa prezioak ez du aldaketa horien eragina jasotzen.} Honi dagokionez, Diputatuen Kontseiluaren erabakiak berak Arau Subsidiarioen aldaketari buruzko informazioa txertatzen du, erositako lursailak eragiten dituena eta eraikinak suntsitzea aurreikusten duena.

Azpimarratzekoa da GFArentzat tasazioa egiten den data bat datorrela erakunde publikoen eta gerora lursailak GFAri salduko dizkion enpresaren artean hirigintzako hitzarmena sinatu zeneko datarekin.

- Lursailak erosteko Diputatuen Kontseiluaren erabakiak aurrerakoetan enpresa saltzailea planeamendua indarrean sartzen den unetik aurrera lau urteko epean finkatzea aurreikusten du. Honela, bada, 2009ko apirilean, Diputatuen Kontseiluak erositako sortak saldu zituen enpresari hilabetero 8.788 euroko zenbatekoarekin eta lau urtetarako alokatzea baimendu zuen. Enpresak GFAri saldutako ondasunak alokairu kontratua izenpetu aurretik erabili ditu.

Aurrez adierazitakoaren ondorioz azaleratu da ez direla 4/2007 Foru Arauaren 66. artikuluak eskatutako objektibotasun eta gardentasun eskakizunak bete.

17.- GFAk honako higiezin hauek erosi ditu Gipuzkoako Lurralde Historikoaren Ondareari buruzko 8/1996 Foru Arauaren 38. artikuluan aurreikusitako lehiaketa publikoaren prozedura saihestuz eta prozedura negoziatua erabiltzeko bide ematen duten inguruabarrak egiaztatu gabe:

- Adingabeak hartzeko mendiko aterpetxea, 1.000 mila euroko zenbatekoarekin, ordaindutako prezioa, tasaziokoa baino 100 mila euro handiagoa izanik.

- Egoera babesgabean dauden adingabeentzako Azpeitia, Urretxu, Arrasate eta Legorretan dauden lau etxebizitza, hurrenez hurren, 987, 956, 411 eta 930 mila euroko zenbatekoetan.

Epaitegi honen iritzira, 1. paragrafoan adierazitako zalantza egoera, 2. paragrafoko mugaketa eta aipatutako ez-betetzeak salbuetsita, Gipuzkoako Foru Aldundiak zuzentasunez bete du 2008ko ekitaldian bere ekonomia-finantza jarduera arautzen duen lege arautegia.

II.2.- Foru Aldundiaren Kontuari buruzko iritzia.

1.- GFAren Diruzaintza Geldikina 2008ko abenduaren 31n 4.667 mila euroan murriztu behar da, ondoko doiketa hauen ondorioz:

- GFAk ez ditu aurrekontuan erregistratzen ez zordunak, ez zerga hartzekodunak ere. Horren ondorioz, diruzaintza geldikinean ere ez da kaudimengabezietarako zuzkidura ez erakunde konpromisoetarako zuzkidura ere erregistratzen. Kontu-sail hauen ondorioz, aurrekontuko kontabilitatetik sortu den diruzaintzako geldikina 10.157 mila euroan gehitu behar da.

- GFAk ez ditu 2008ko ekitaldian kontuetarako ekitaldi horri dagozkion obra egiaztagiriak 14.824 mila euroko zenbatekoarekin 420 mila euro 2008an esleitutako espedienteei dagozkie eta 14.404 mila euro, lehenagoko ekitaldietan esleitutako espedienteei dagozkie.

2.- Ondotik zehaztutako ibilgetuko kontuek ez dute banakako xehakapenik, kostua eta amortizazio fondoa egiaztatzeko bide emango dutenak.

Mila euro

Kostua Amortiz. F.

Aplikazio informatikoak 102.120 77.979

Abian dauden ikerketa, azterlan eta proiektuak 24.477 17.691

Instalakuntza teknikoak (obra hidraulikoak) 427.356 48.160

Higigarriak 24.007 15.544

Informazio prozesuetarako ekipoak 13.941 12.116

Makineria, tresneria, bestel. instal., segurtas. ekipoak eta beste 50.996 39.934

Mendietan hobekuntzak 5.396 -

GUZTIRA 648.293 211.424

Bestalde, uraren zerbitzuak kudeatzeko azpiegitura hidrauliko horiek erabiltzen dituzten mankomunitate eta partzuergoei lagatzea ez da kontularitzan erregistratu.

Epaitegi honen iritzira, aurreko paragrafoetan aipatutako ez betetzeak alde batera, Gipuzkoako Foru Aldundiaren Kontu Orokorrak alderdi esanguratsu guztietan 2008ko aurrekontu ekitaldiaren jarduera ekonomikoa erakusten du, ondarearen eta 2008ko abenduaren 31n finantza egoeraren isla leiala eta ekitaldi horretan bere eragiketen emaitzena.

II.3.- Uliazpi Erakunde Autonomoari buruzko iritzia.

Legea ez betetzea.

- Elikadura eta beste zerbitzu batzuk emateko kontratuaren lizitazioa, 384 mila euroan esleitu zena, ez zen Europako Batasuneko Egunkari Ofizialean argitaratu, publizitate printzipioa urratuz.

Epaitegi honen iritzira, aurreko paragrafoan adierazitako ez-betetzea alde batera, Uliazpi erakunde autonomoak zuzentasunez bete du 2008ko ekitaldian ekonomia-finantzaren jarduera arautzen duen lege arautegia eta bere kontuek alderdi esanguratsu guztietan ekitaldiaren jarduera ekonomikoa erakusten dute, baita ondarearen eta ekitaldi itxieran finantza egoeraren isla leiala ere.

II.4.- Sozietate Publikoei buruzko iritzia.

Urteko Kontuak.

GFAren foru sozietate publikoen 2008ko ekitaldiko urteko kontuak dira aurkezten diren lehenak 1514/2007 Errege Dekretuak onetsitako Kontabilitate Plan Orokorra ezarrita. Aipatu Dekretuaren Xedapen Iragankor Laugarrenari jarraiki, honako kontu hauek hasierako urteko kontutzat hartu dira eta honenbestez, ez dira aurreko ekitaldiko konparaziozko zifrak barne hartu.

Izfe SA

Legea ez betetzea.

- Sozietateak ez ditu Pertsona Fisikoen Errentaren gaineko Zergako lan errendimendu modura barne hartu bi langileri ordaindutako borondatezko erretiro sariak, guztira 210 mila euroko zenbatekoarekin, ez baititu zerga horri meneratutako ordainsaritzat hartzen; ordea, zerga arautegiak ez du ordainsari horientzako inongo salbuespenik barne hartzen.

- Ekipamendua erosteko espediente batean, esleipen hartzaileak eskainitako prezioa 77 mila eurokoa da, baina kontratuan esleitutakoa eta izenpetutakoa 114 mila eurokoa; alde horretarako justifikaziorik batere ez dagoela.

Bidegi SA

Legezkotasuna urratzea.

- AP-8ko instalakuntzen proiektua idatzi eta bide kudeaketa hobetzeko kontratuaren lizitazioa, 207 mila euroko zenbatekoarekin esleitutakoa, ez zen Europako Batasuneko Egunkari Ofizialean argitara eman, publizitate printzipioa urratuz.

- Hainbat kontraturen exekuzioan aldaketa adierazgarriak gertatu dira, administrazioko kontratazioaren arautegian jasotako lehiaketa printzipioak urratzen dituztenak, izan ere, igoeren zenbatekoak desitxuratu egiten baitu bai kontratuaren xedea, bai kontratuaren bolumen ekonomikoa ere.

+ AP-1 autobideko lanak Arlaban-Eskoriatza Ifarra bide-zatikoak, 2004ko ekainean 191.841 mila euroko zenbatekoarekin esleitu zirenak, 8 aldaketa izan dituzte ekitaldi itxieran, esleitutako zenbatekoa % 36 gehitzen dutenak.

+ AP-1 autobideko lanak Eskoriatza Ifarra-Arrasate Ifarra bide-zatikoak, 2005eko azaroan 106.606 mila euroko zenbatekoarekin esleitu zirenak, 4 aldaketa izan dituzte ekitaldi itxieran, esleitutako zenbatekoa % 34 gehitzen dutenak.

- Obra nagusiaren esleipen hartzaileari 1.184 mila euroko zenbatekoarekin esleitutako N1 Gaintxurizketa Gaina-Irungo Bentak saihesbideari dagokion espediente osagarriak lizitazio-gai behar zukeen izan, publizitate eta lehia printzipioak betearaztearren.

Etorlur SA

Legea ez betetzea.

- Sozietateak berariaz gaitutako enpresa kontratatzen du hautaketa prozesua egiteko; honek deialdiari publizitatea ematen dio eta sozietateari prozesuaren gaineko azken txosten bat aurkezten dio, izangaien azken zerrenda proposatuaz. Azken txosten horrekin batera izangai guztien balorazioa justifikatu edo euskarrituko duen dokumentaziorik aurkezten ez duenez, ezin egiaztatu izan dugu berdintasun, merezimendu eta gaitasun printzipioak gorde direnik hiru langile finko eta aldi-bateko langile bat kontratatzean.

Epaitegi honen ustetan, aurreko paragrafoetan adierazitako ez-betetzeak salbuetsita, GFAren meneko diren sozietate publikoek zuzentasunez bete dute 2008ko ekitaldian ekonomia-finantza jarduera arautzen duen lege arautegia eta bertako kontuek alderdi esanguratsu guztietan erakusten dute ekitaldi horretako jarduera ekonomikoa eta ondarearen eta ekitaldi itxierako finantza egoeraren isla leiala.

III.- Barne kontrolerako sistemen eta kudeaketa prozeduren gaineko irizpenak.

Atal honetan jaso dira bai ekonomia-finantza jarduera arautzen duten printzipioen betetzea nabarmen eragiten ez duten hutsak, bai prozedurazko alderdiak ere, kudeaketa hobetzeko azaleratu ditugunak.

III.1.- Aurrekontua eta kontabilitatea.

Konpromezu kredituak.

- Konpromiso-kredituen egoerak aurrekontu faseko jarduerak barne hartzen ditu, guztira 200.272 mila euroko zenbatekoa egiten dutenak eta ekitaldian aurrekontuko diru-izendapenik izan ez dutenak. Horregatik guztiagatik, ez da egokia kreditu hauei 2008ko ekitaldiko aurrekontuaren urteanitzeko kreditu izaera ematea.

- Diputatuen Kontseiluak baimendutako konpromiso kredituetatik, 36.462 mila eurokoak, guztira 17.017 mila euroko zenbatekoa egin duten jardueretan, indarreko ekitaldian lotutako ordainketa kredituak ez dira konprometitu eta horrek GLHren Finantza eta Aurrekontuen Araubideri buruzko 4/2007 Foru Arauaren 54.7 artikuluak agindutakoa urratzen du, zeinak agintzen baitu kreditu horien exekuzioari onartzen diren ekitaldian ekin behar zaiola.

Konpromiso kredituen aurrekontuak hainbat ekitaldi barne hartuko dituzten ekintzak barne hartu behar ditu, betiere ekitaldian konprometitu badaitezke eta Diputatuen Kontseiluak onetsitakoen kasuan, exekuzioari ekitaldian bertan ekin.

- Konpromiso kredituen egoerak 273.000 mila euroko aurrekontu faseko jarduerak barne hartzen ditu, egoera horretan hitzartu modura ageri ez direnak, nahiz indarreko ekitaldian zuzkidura konprometitu modura erregistratua dagoen. Honek esan nahi du ekitaldi itxieran erabilitako konpromiso kredituei buruzko informazioa (128.240 mila euro) ez dela zuzena, ez baititu konpromiso horiek besarkatzen.

- GFAk 2009-2010 ekitaldietan Eusko Jaurlaritzak kudeatzen duen Berrikuntza Fondorako ekarpenak egiteko konpromisoa hartzen du, guztira 7.908 mila euroko zenbatekoarekin, konpromiso kredituen egoeran aurrekontu izendapenik batere ez dagoela.

Aurrekontuaren aldaketak.

- 200 mila euroko kredituak gaitzeko espediente bat Finantza eta Aurrekontuen zuzendariak onetsi zuen, horretarako eskumena zuen atala Diputatuen Kontseilua zenean, izan ere, eragiketa finantzatzen duten sarrera mota langileriari emandako maileguen diru-itzulketa baita (4/2007 Foru Arauaren 58.10 artikulua).

- GFAk SASFALeko (foru administrazioko funtzionarioei osasun-laguntza emateko sistema) sarrera eta gastuak barne hartzen dituzten kontu-sailei 6 mila euroko hasierako aurrekontua esleitzen die eta kredituak gaitzeko espedienteak bideratzen ditu kopuru hori 2.000 mila euro inguruko zenbatekora gehitzeko. Historikoki errepikatu den egoera hau zuzendu egin beharko litzateke ekitaldiko gastua eta sarrera egoki aurrekontuetaratuz.

Diruzaintza Gaindikina eta Erabili gabeko zorpetzea.

- GFAk, azken ekitaldietan zehar, baimendutako eta erabili gabeko zorpetze bidezko sarrerak aurrekontuan kontabilizatu ditu; honek ekitaldi bakoitzeko aurrekontuen emaitzak handitu ditu eta gaurko egunez, Diruzaintzako Geldikinean jasoa dago. 2008ko ekitaldi itxieran, Diruzaintza Geldikinaren atal den baimendutako eta erabili gabeko 27.200 mila euro daude.

Nolanahi dela ere, GFAk Diruzaintzako Geldikinaren berri ematerakoan, «Erabili gabeko kreditu eragiketekin Diruzaintzako Geldikin Bateratua» xehatzen du; hor sartzen da 2008ko abenduaren 31ko Diruzaintzako Geldikin Erabilgarria, guztira 310.107 mila euro, eta kreditu-lerroen bidez gauzatutako aurrekontu finantziazioa, erabili ez dena, guztira 27.200 mila eurokoa.

Erabili gabeko zorpetzea ez da aurrekontuko sarrera modura aitortu behar.

Beste alderdi batzuk.

- Inbertsio errealen kapituluaren barruan egin du GFAk «errepideak, bideak eta basoko pistak hobetzea» kontzeptuaren aurrekontua, 2008ko ekitaldian 49.430 mila euroko gastua izan duena; ordea, ondareari dagokionez, galera eta irabazien atalean erregistratzen dira, izan ere, nagusiki konponketak izan direnez, kapitalizagarritzat jotzen ez diren eragiketak jasotzen baititu. Berebat, badira beste kontzeptu batzuk aurrekontuan egiazko inbertsioen kapituluan erregistratzen direnak eta gero ondare kontabilitatean erregularizatzen direnak (kapitalizatu gabeko inbertsioak, 1.028 mila eurokoak, beste erakunde batzuentzako egindako lanak, 9.432 mila eurokoak). Gastu arrunt modura aurrekontuetaratu behar litzatekeela uste dugu.

- Desjabetzeen aurrekontuzko exekuzioa banakako ordainketa bidez egiten da, zeinetan aurrekontu exekuzioaren atal guztiak ekintza bakar batean metatzen baitira.

Gastua baimentzeko fasea jaso behar litzatekeela uste dugu, eraginpeko ondasun eta eskubideen gaineko balorazio txostena abiaburu hartuta, gutxi gorabeherako izaerarekin, bai kopuruan, bai eraginpeko ekitaldietan, hartara desjabetzen exekuzio denborazko eta aurrekontuzkoa egokitzearren. Bestetik, gure iritzira -gutxienez aurrekontu-ekitaldiaren itxieran- konprometitutako gastu modura zenbatetsi eta erregistratu behar lirateke desjabetzapen haiek, zeinetan GFAk jada eraginpekoei eskaintza egina baitie, izan ere, eskaintza hori bera gutxieneko konpromisoa baita.

- «Kanpoko enpresek egindako bestelako lanak» aurrekontuko azpikontzeptuak 2008ko ekitaldian 7.511 mila euroko exekutatutako gastua du, era honetako kontzeptuak besarkatzen dituela: txostenak, gizarte zerbitzuetan laguntza teknikoak, nekazaritza eta bestelako kontzeptuak, euren aurrekontu aplikazio propioa dutenak; honenbestez, kontzeptukako aurrekontu exekuzioaren informazioa desitxuratzen ari da.

- Ibilgetu finantzarioaren baliogaleragatiko zuzkidura gaurkotu gabe dago. GFAk gaurkotu egin behar du zuzkidura, partaidetzen dituen enpresen urteko kontuetatik eratortzen diren balorazioen arabera. 2008ko ekitaldi itxieran egindako berrikusketatik ondorioztatu da zuzkidura 1.427 mila euroko zenbatekoarekin gehitu behar litzatekeela.

- Gipuzkoako Lurralde Historikoaren Aurrekontu Orokorrak onesten dituen 10/2007 Foru Arauaren 22. artikuluak agintzen du aurrekontuan aurreikusi gabeko plazak edo lanpostuak sortzeko aldez aurretik osotasunean zuzkidura ekonomiko bera edo handiagoa duten beste plaza edo lanpostu batzuk amortizatu beharko direla, hainbat salbuespenekin. Mugaketa honek ez ditu foru sozietate publikoak eragiten.

Komenigarria litzateke aurrekontuen gaineko foru arauek foru sozietate publikoei dagozkien ezaugarriak arautzea, aurrekontuaren kudeaketari eta langileen gastuei dagozkienak, hala nola, lanpostuen zerrenda handitzea, ordainsari igoerak, bizitza aseguruak, e.a.

III.2.- Sarrera fiskalak.

Denboran modu nabarmen irregularrean eskuratutako etekinak.

Gipuzkoako Lurralde Historikoaren Pertsona Fisikoen Errentaren gaineko Zergaren 10/2006 Foru Arauaren 19.2.a) artikuluak agintzen du laneko errendimendu osoa % 50eko integrazio-ehunekoa aplikatuta eskuratuko dela, erregelamendu bidez denboran modu nabarmen irregularrean eskuratutako modura kalifikatzen diren errendimenduen suposamenduan. Gipuzkoako Lurralde Historikoaren Pertsona Fisikoen Errentaren gaineko Zergaren Erregelamendua onesten duen 137/2007 Foru Dekretuaren 14.2 artikuluak agintzen du ezargarritzat joko dela % 50eko integrazio-ehunekoaren aplikazioa zergapekoek eskuratutako kopuru handiko errendimenduei, betetzen duten jardueraren inguruabar objektiboak aintzat hartuta, etekin mota hori denbora epe laburrean eskuratu dutenei eta behin epe hori igaroa dela, ezinezkoa izanik aipatutako jardueraren ondorioz etekin gehiago eskuratzea; gainera, horren aplikazioa Diputatuen Kontseiluak zehaztutako hitzetan eta baldintzekin gauzatuko da. 2008ko maiatzaren 20an Diputatuen Kontseiluak arautegi hori kirolari profesionalei ezartzea onartzen du eta bertan adosten da fitxaketa eta gelditzeagatiko edo leialtasunagatiko sariaren kontzeptuan eskuratutako errendimenduei % 50eko integrazio-ehunekoa aplikatuko zaiela; aldiz, aplikazioz kanpo geratuko dira eta etekin arrunt izaera jasoko dute bai soldatek, bai hobariek ere, nola eta azken kasu honi dagokionez ez den egiaztatzen hobaria sortu duen epea bi urtetik gorakoa izan dela. Diputatuen Kontseiluaren erabaki hau ez da Gipuzkoako Aldizkari Ofizialean argitaratu.

Gure iritzira Erregelamenduak ezarri behar ditu eraginpeko subjektu pasiboak zein diren bereiziko duten zehaztapen eta baldintzak.

Sarreren baliogabetzea.

- Kreditu kobraezinek eragindako bajak 2008ko ekitaldian 6.985 mila eurokoak izan dira, zordunen ondare egoera aztertu ostean. Baja hauei dagokienez, GFAk erantzukizuna eratortzeko prozedurari ekiteko aukera aztertu du soil-soilik 50 mila eurotik gorako zorrentzako, GLHren Zergei buruzko 2/2005 Foru Arau Orokorraren 178tik 182ra bitarteko artikuluetan aurreikusita dagoena; baita, kopuru hau baino txikiagoentzat ere, herentzia banatugabeei eta ondasun-erkidegoei dagozkienean.

Kaudimen-gabeziagatiko baja guztiek erantzukizuna eratortzeko prozedurari ekiteko ezintasunaren frogatze justifikazioa barne hartu beharko lukete.

- 2008ko ekitaldian lehiaketa-prozeduretan izenpetutako hitzarmen judizialei dagokienez, honako alderdi hauek azpimarratu nahi ditugu:

+ 2008ko ekitaldian zehar 5.086 mila euroko zerga zorren kitak onetsi dira, lehiaketa-prozeduretan dauden hiru sozietateri emandako lehentasun eta pribilegiozko kredituei dagozkienak. Kita hauek GLHren 2/2005 Zergei buruzko Foru Arau Orokorraren 168.4 artikuluari jarraiki gauzatu dira; honek, zordunarekin bat etorrita eta egoki iritzitako bermeekin, ordainketa baldintza bereziak adosteko bide ematen du, baina horiek ezingo dira prozesu judiziala amaiarazten duen hitzarmenean edo akordioan jasotakoak baino onuragarriago izan zordunarentzat.

Gainerako zorrarentzat onetsitako kita eta gerorapen baldintzen xehapena honakoa da:

Mila euro

Bajaren zenbatekoa % baja

GFA Kitatzeko

zorra GERORATUTAKO ZERGA ZORRA

% interesa Bermea

1. Zorduna 3.543 % 38 5.665 % 0 Hipotekarioa

2. Zorduna 1.359 % 54 1.174 % 4 Bahiketa

3. Zorduna 184 % 54 158 % 0 Ez da eskatu

GUZTIRA 5.086

Gure iritzira, irizpide orokorrak zehaztu behar lirateke konkurtso prozeduretan dauden sozietateen lehentasun eta pribilegiozko kredituen kita-ehunekoak, berandutza interesak eta bermeak ezartzeko.

+ 2/2005 Zergen Foru Arau Orokorrak agintzen du Zerga Administrazioaren organo eskuduna izango dela zerga zorren kitetan esku hartuko duena, 2008ko ekitaldikoak Foru Diputatuak onetsi dituela. Aurreko Foru Arauan organo eskuduna Diputatuen Kontseilua zen. Kopuruaren arabera diru-sarrerak baliogabetzeko eskumenak arau bidez garatu behar liratekeela uste dugu, gastu zein sarrerekin lotutako bestelako ekintza administratiboentzat egiten den legez.

+ Azkenik esan behar da, konkurtso prozeduretan zordunen egoeraren kontrola eskuz gauzatzen dela; ordea, komenigarria litzateke horien egiazko egoera kontrolatzeko bide emango duen aplikazio informatiko bat ezartzea, egoera ezagutzeko banakako espedienteetara jo beharrik izan gabe.

- Zergen Foru Arau Orokorrak (194.3 art.) agintzen du «irmoak diren zerga zehapenak Fiskalitate eta Finantzen Saileko Foru Diputatuak soilik barkatu ahal izango dituela grazia bidez, betiere ezarritako zehapena gauzatzeak ekoizpen gaitasunari eustea larriki eta sustraitik eragingo balu edota guztien interesei galera larriak eragingo balitzaizkie. Erregelamendu bidez zerga zehapenak barkatzeko betekizunak eta prozedura garatuko dira». Erregelamendu bidezko arauketak zordunaren egoera ekonomikoari soilik egiten dio aipamen, zorren barkazioa objektiboki exekutatzeko bide emango duten parametroak finkatu gabe. 2008ko ekitaldian 745 mila euroko zerga zehapenak barkatu dituzte. Barkazio ehuneko ezberdinak ezarri zaizkien hiru barkazio aztertu ditugu (bitan % 50a, eta batean % 70a), espedientean horren zergatia egiaztatu gabe.

Zerga zorren ordainketaren gerorapenak.

- GFAk ebazteko dituen zerga zorren ordainketa geroratzeko eskabideei dagokienez, erregelamenduan ezarritako gehienezko epea gainditzen dutenak, zordunek kontura kopuru jakin batzuk ematen dituzte eta ordainketa epe batzuk ezartzen zaizkie, GFAk egoera hori arautzeko inongo baimenik eman ez duela. Epe horretan zehar zorduna ez dago behartua gerorapen baten emakidaren ondorioz gordailatu beharrekoa den bermea gordailatzera.

- Ogasun eta Finantza Diputatuak 660 mila euroko zerga zor baten gerorapena ematen du, bermeak gordailatzetik guztiz salbuetsiz, aipatutako GLHren Diru-bilketa Erregelamenduaren 42.5 artikuluari meneratuz, Ogasun Publikoaren interesei galera larriak ekar dakizkiokeen kasuetarako soilik aurreikusten dena. Txosten berean zor horren jatorria argudiatzen da, zera, Europar Batzordeko erabakien ondorioz itzuli beharreko laguntza fiskalak batetik, eta GFA laguntza horien legezkotasunaren alde egiten ari den defentsarekiko koherentzia, bestetik. Espedientean ez dira egiaztatu Erregelamenduan bermetik salbuesteko aurreikusitako arrazoiak.

Bestalde, gerorapenaren emakidan jasotzen da geroratutako kopuruei dagokienez GFAren ordainketa edo itzulketak ezartzeko Erregelamenduaren 47.2 artikulua ezartzetik salbuesten dela, artikulu horretako 4. idatz-zatian ezarritakoaren arabera, zordunari kalte larriak eragiten dizkioten eta haren jarduera ekonomikoa arriskuan jar dezaketen suposamenduei ezargarria zaiena. Inguruabar hauek, aurreko paragrafoan aipatu dugun legez, ez dira espedientean egiaztatu.

- 2008ko ekitaldian emandako 6.518 mila euroko 16 gerorapen aztertu ditugu eta honako alderdi hauek gailendu behar ditugu:

+ Atzerapenez eman dira 1.505 mila euro egiten zuten hiru gerorapen, arautegian ezarritako gehiengo epea gaindituz.

+ Atzeratzeko espediente batean, zerga zor nagusi zatikatua 460 mila eurokoa zuenean, ez zuten galdatutako bermea eman edo gauzatu (38/2006 FAren 40.7 artikulua). GFAk emandako zatikapena bermea osatzeko finkatutako epea iraungi eta hamahiru hilabetetara baliogabetu du.

- Hona hemen zerga zorren ordainketa geroratzeko espedienteak berrikustean azaleratu zaizkigun beste zenbait alderdi:

+ Arautegiak aurreikusten duen bi urtez baino gehiago geroratutako zorrak dituzten enpresen diruzaintzaren egoerari buruzko informazioa ez da jasotzen; ez eta kapital zabalkuntzako akordioei buruzkorik ere (38/2006 FDren 44.5 artikulua).

+ Bermeen salbuespen erabateko edo partziala eskuratu duen zordunaren egoera ekonomiko-finantzario eta ondarezkoaren jarraipena ez da egiten, Erregelamenduak aurreikusten duen modura (38/2006 FDren 42.5 artikulua).

+ Gerorapenak emateko erabakien baldintza bereziak betetzen diren egiaztatzeko jarraipenik ez da egiten, enpresaren ibilgetu materialaren atal diren ondasunen salmentatik eskuratutako produktua geroratutako zorra ordaintzeko erabiltzeari dagokiona. Datu baseak ere ez du informazio hau jasotzen.

- Amaitzeko aipatu behar dugu, ondoren gertatutako gertakizun garrantzitsu modura, eta bizi dugun krisi ekonomiko-finantzarioari lotuta, 2009ko ekitaldian bi Foru Dekretu onartu direla (2/2009 eta 19/2009) eta hainbat zerga obligazioren ordainketa malgutzera eta zerga obligazioen gerorapena bideratzera zuzendutako neurriak finkatzen dituztela.

Diru-sarrerak beste administrazio batzuetan.

- GFAk ondare kontabilitatean Nafarroako Foru Erkidegoan sartutako zerga-sarreren kontzeptuko zordunak ditu, zergapeko bati dagozkionak guztira 20.239 mila euroko zenbatekoarekin, guztiz zuzkituak daudenak. Euskal Autonomia Erkidegoko eta Nafarroako Foru Erkidegoko erakundeen arteko erreklamazioek legezko hutsunea dute, izan ere, bietan auziak ebazteko Batzorde Arbitralak osatu dira, baina euren Erregelamenduetan ez dute arautu autonomia erkidego horien arteko auziak ebazteko prozedura.

- GFAk ondare kontabilitatean Bizkaiko Foru Aldundian egindako zerga sarreren kontzeptuko zordunak ditu, 2.833 mila euro egin dutenak, 2004ko urriaren 30a ondoren sortutako zorren ondorioz. Herri Dirubideen Euskal Kontseiluak 2008ko otsailaren 13an hartutako erabakiaren indarrez, -foru administrazioen arteko erreklamazio guztiak kitatutzat eta baliogabetutzat ematen zituena-, GFAk modu berean jokatu behar zukeen eta saldoa ez ezik, horren zuzkidura ere kitatu egin behar zukeen.

III.3.- Kontratazioa.

Kontratuen Erregistroa.

Artekaritza eta Auditoria Zerbitzuak, GFAren Kontratuen Erregistroaren arduradun denak, ez du departamentuetatik izapidetu dituzten kontratuei buruzko informaziorik jasotzen. Lehiaketa publiko edo enkanteak kontrolatzen ditu, soil-soilik Kontratazio Mahaian ordezkaririk badu.

Honela, bada, «2008ko Kontratazioaren Oroitidazkia» mamitzerakoan, publizitaterik gabeko prozedura bidez izapidetutzat hartzen ditu kopuruaren arabera publizitaterik gabeko prozedurentzat finkatutako gehiengo mugen baitan sartzen diren kontratu guzti haiek, inongo egiaztapenik batere egin gabe. Bestetik, ez dago kontratu luzapen eta aldaketei buruzko informaziorik; honenbestez, kontratu bakoitzaren egoera esleipena egiten duen departamentuak soilik ezagutzen du.

GFAren Kontratuen Erregistroak ez ditu 24/2001 Foru Dekretuan finkatutako alderdi guztiak jasotzen, egiteko moldea arautzen duena. GFAk kontabilitatearekin integratutako prozedura finkatu beharko luke kontratuen erregistroa egiteko.

Kontratazio espedienteak.

2008an 69.737 mila euroan esleitutako 12 kontratazio-espediente eta aurreko urteetan esleitutako beste 14 espediente- 2008an 88.597 mila euroko exekuzioa izan dutenak- aztertu dira. Honako alderdi hauek nabarmenduko ditugu:

- Donostia-Hernani GI-131 saihesbideko lanak egiteratzean, Martutene-Hernani bidezatian, 2003ko ekitaldian esleitutakoak eta partzialki 2006ko abenduan hartu zirenetan, GFAk 2007ko urtean (berme aldian zegoela) 784 mila euroko gastua hartu zuen bere gain, bidezubien zutabeetan azaldutako hainbat pitzadura konpontzeko. 2007ko azaroan sailak espedientea abiarazi zuen pitzadura horiek agertu izanaren zergatiak eta erantzukizunak zehazteko eta txostenean obra zuzendaritzaren ardura zuen zerbitzuburuaren txostena dago jasoa, 2008ko apirilean egindakoa, eta bertan ondorioztatzen du akatsak jatorrizko proiektuko errore baten ondorio direla. Gerora, GFAk ez du inongo jarduerarik abiarazi eta honenbestez, espedientea iraungi zen eta ezinezkoa da GFAk ordaindutako zenbatekoa erreklamatzea.

- Donostia-Hernani GI-131 saihesbidea egitean, Donostia-Martutene bidezatian, GFAk kalte-ordain kontzeptuan 2008an 756 mila euro ordaindu ditu zortzi hilabetetan aldi baterako obrak partzialki eteteagatik, GFAri egozgarriak zaizkion arrazoiak tarte.

- 2008ko ekitaldian guztira 47.391 mila euroan esleitutako hiru espedientetan, Administrazio Klausula Partikularren Pleguek esleipen irizpide modura kontratarien kaudimenari buruzko alderdiak barne hartzen dituzte (azken ekitaldietan antzeko lanen exekuzioan kalitatea), lehiaketan egiaztatu behar dira eta ez esleipena egiten den unean, atal honetan eskaintza baloratu baizik ezin baita egin.

- 2008ko ekitaldian zehar esleitutako bi kontratazio espedienteren administrazio klausula partikularren pleguek, guztira 46.134 mila euroko zenbatekoa egin dutenek, ez dute esleipen irizpideak aplikatzeko moldea zehazten eta horien garapena eta balorazioa esleipenaren txosten teknikoetan finkatzen dira. Gure iritzira, pleguek ahalik eta zehaztasun handienaz jaso behar dute esleipen irizpideei ezarriko zaizkien balorazioak.

- 2008an zehar esleitutako bi espedienteren administrazio klausulen pleguek, -2008ko ekitaldian guztira 34.708 mila euroan esleitutakoetan- eskaintza ekonomikoa balio-neurtzeko finkatzen duten formula objektiboa eta publikoa izan arren, pleguan bertan aurreikusitako prezio faktorearen neurketari kontrajartzen zaio. Honela, bada, nahiz lizitazioaren baldintzetan aurreikusten den prezio faktoreak lehiaketan % 50eko pisua izan behar duela, egiatan, formulak ezarri ondoren, garestienaren eta merkeenaren puntuen arteko aldea ehunekoetan 7 eta 12 puntu bitarte eskasekoa izan ohi da; honen ondorioz, pisua galtzen du irizpideen guztizko balio-neurketan.

- Azpeitian GI-2635 Landeta-Zapatar saihesbidea eraikitzeko proiektuaren obra 2007ko maiatzean esleitu zen 6.900 mila euroko zenbatekoarekin eta 11 hilabeteko exekuzio epearekin. Obrak ez du exekuziorik izan ez 2007an, ez 2008an ere, lursailak ez zeuden eskuragarri esleipena gauzatu zen unean eta lanei ekin aurretiko Segurtasun eta Osasun Plana ez da 2009ko ekainera arte onetsi, ordurako ordea, kontratuan aurreikusitako exekuzio planaren arabera, obrak jada bukatua behar luke egon.

- 2008ko ekitaldian guztira 1.293 mila euroko zenbatekoarekin esleitutako bi obra espedientetan, kontratazio atalak ez du lanerako programa onetsi eta 2008ko ekitaldian esleitutako beste bi espedientetan, guztira 1.393 mila euroko zenbatekoarekin, lanerako programak ez du obraren baliabideak zehazteari eta hileroko balorazioa eta metatutakoari buruzko informazioa barne hartzen, Kontratuen Legearen Erregelamendu Orokorraren 144.3 artikuluan finkatutakoa.

- 2008an guztira 1.656 mila euroan esleitutako hiru espedientetan, aurrekontuan aurreikusitako finantzaketa ez zaio exekuzio erritmoari egokitzen.

- 2008an guztira 3.685 mila euroan esleitutako bost obra kontratutan, proiektuaren aldez aurreko zuinketa, behin-betiko onetsi aurretik egin da. Guztira 10.191 mila euroko zenbatekoa egin duten bederatzi aldaketetan, 2008ko ekitaldia baino lehenago esleitutako bost espedienteri dagozkienetan, 2008ko ekitaldian 59.858 mila euro egin dituztenak, proiektuaren aldez aurreko zuinketa, proiektuaren aldarazpena behin-betiko onetsi aurretik egin da.

- Aurreko ekitaldietan esleitutako lau espedientetan, 2008ko ekitaldian 12.781 mila euroko exekuzioa izan dutenak, 22 egun eta 4 hilabete bitarteko atzeraldia sumatu da azken egiaztagiria onestean.

- Lehenagoko ekitaldietan 651 mila eurotan esleitutako espediente batean eta 2008ko ekitaldian 278 mila euroko exekuzioa izan duenean, egiaztagiriak ez dira hilerokoak eta obrak urtebeteko atzeraldia izan du exekuzioan.

- Lehenagoko ekitaldietan esleitutako bi espedienteri, 2008ko ekitaldian 8.018 mila euroko exekuzioa izan dutenei, arrazoi berri edo ustekabekoen ondorioz epea luzatu zaie, espedientean behar bezala egiaztatu gabe.

- Lehenagoko ekitaldietan esleitutako lau espedientetan, 2008ko ekitaldian 55.370 mila euroko exekuzioa izan dutenak, guztira 11.204 mila euro egin dituzten aldaketak onetsi dira eta horietan ez daude behar bezain justifikatuak horiek sorrarazi dituzten kausa berri edo ustekabekoak.

Azkenik, 2008ko ekitaldian amaitutako zortzi lanetan epea nabarmen luzatu dela kontratuaren exekuzio epearen eta egiazko exekuzio epearen artean azaleratu da. Kontrolatu egin behar litzateke kontratuetan jasotako obren exekuzio epea betetzen dela.

Publizitaterik gabeko negoziatuak.

- Publizitaterik gabeko prozedura negoziatu bitartez guztira 353 mila euroko zenbatekoarekin zazpi zerbitzu kontratatu dira, eskaintzarik eskatu gabe eta APKLTBren 210.b) artikuluari edo Sozietate Publikoen Kontratuen Legearen (SPKL) 154.d) artikuluari meneratuta, prozedura hori erabiltzeko bide ematen duten inguruabarrak batere egiaztatu gabe; hori dela eta, zegozkion negoziatuak gauzatu behar ziratekeen, eskaintzak eskatuta.

Administrazio kontratazioko espedienterik gabeko gastua.

Administrazio kontratazioko espedienterik gabe kontratatu den gastua berrikusita, honako alderdi hauek azpimarratu nahi ditugu:

- GFAk ez ditu administrazio kontratazioko derrigorrezko espedienteak izapidetu xede bakarrarekin egindako lanetan, ondotik laburbilduko dugun gastu bakoitzaren exekuzioari dagokionez: Guztira 390 mila euro egin dituzten 3 obra; 733 mila euroko 17 zerbitzu eta guztira 182 mila euroko 4 hornidura.

- 2008ko ekitaldian zehar, berrogeita hamar hornitzailerekin 3.002 mila euroko hainbat ondasun eta zerbitzu erosketa gauzatu dira eta horiei dagokienez, GFAk kontratu txikiaren prozedura erabilita erostea aztertu behar lukeela uste dugu.

Ondasun eta zerbitzuen erosketaren urteko gastuak, kontzeptu homogeneoka hartuta, kontratu txikietarako ezarrita dauden mugak gainditzen baditu eta urteroko gastu hori aldakorra dela aurreikusten bada, gure ustez, zer behar den, lizitazioak edo eskaintzak eskatu beharko lirateke, unitate-prezioka, bai sailka bai zerbitzu nagusika.

Beste alderdi batzuk.

- Lazkao eta Zumarragan zentro gerontologiakoen proiektuak idatzi, eraiki, ekipatu, ustiatu eta mantentzeko obra publikoaren emakidarako kontratu administratiboetan, zeinetan inbertsioak, hurrenez hurren, 8.752 eta 10.385 mila eurokoak izan ziren eta jardunean 2007ko azaroan eta 2008ko maiatzean hasi ziren, horietan guztietan, ez dira inbertsioak egiaztatzeko aktak gauzatu.

- Kontrataturiko publizitate eta propagandako gastua, bai zuzenean GFAk, bai bitarteko enpresen bitartez, idatzizko prentsan 653 mila eurokoa izan da, 409 mila euro irrati-telebistan eta 893 mila euro bestelako publizitatetan.

Indarreko erregulazioa osatu behar litzatekeela uste dugu (27/1994 Foru Araua, GFAn eta Gipuzkoako Batzar Nagusietan publizitatearen hedapena arautzen duena) publizitatea irrati eta telebistan hedatuz. Gainera, nahiz gastua sakabanatua dagoen kontratazio ugaritan, bolumen osoari erreparatuta, komenigarria litzateke bitarteko agentziak kontratatzeko lizitazioak bideratzea.

III.4.- Diru-laguntzak.

Zuzeneko diru-laguntzak.

Hona hemen Diputatuen Kontseiluak onetsitako diru-laguntza zuzenen bilakaera azken lau ekitaldietan; baita abenduan emandakoena ere:

DIPUTATUEN KONTSEILUAK ONETSITAKO ZUZENEKO DIRU-LAGUNTZAK Mila euro

2005 2006 2007 2008

Diru-laguntza zuzenen zenbatekoa guztira 7.833 21.663 41.816 49.981

Abenduan onetsitako diru-laguntza zuzenak 4.432 6.549 9.043 35.520

- Aurreko taulan azken ekitaldietan zuzeneko diru-laguntzek izan duten igoaldia azpimarratu behar da; baita ekitaldiaren azken hilabetean onetsitakoek ere.

Azken ekitaldietan Diputatuen Kontseiluak emandako diru-laguntza zuzenen kopuru handia aintzat hartuta, gogorarazi behar dugu molde hau salbuespen modura soilik erabili behar dela, publizitate eta lehia printzipioak sustatzeko ezintasuna justifikaturik geratzen den kasuetan.

- Diputatuen Kontseiluak zuzenean emandako diru-laguntzen exekuzioa % 24koa da. Honi dagokionez, abenduan emandako diru-laguntzen kopuru handia azpimarratu behar da, guztizkoaren gainean % 71 egiten dutenak.

Garrantzia handieneko hiru diru-laguntza zuzenak Diputatuen Kontseiluak erabakitzen ditu 2008ko abenduan, jada Batzar Nagusien aurrean hurrengo ekitaldiko aurrekontuak izapidetzen ari direnean. Hona hemen diru-laguntza horietan alderdi azpimarragarrienak:

+ Diputatuen Kontseiluak Pasaiako Udalari 7.866 mila euroko zenbatekoarekin hiria onera ekartzeko jarduerak gauzatzeko 2008ko abenduaren 23an emandako diru-laguntza. 2009ko urtean lankidetza-hitzarmena izenpetu zen, 2008ko eta 2007ko diru-laguntza garatzen duena, guztira 10.006 mila eurokoa; horrek, izenez 2009ko aurrekontuetan jasotzeko aukera zegoela erakusten du, are gehiago Pasaian egin asmo diren jardueren inguruan Batzar Nagusien aldetik esku-hartzeak daudenean.

+ Txingudiko Zerbitzuak SA sozietate publikoari ura hornitzeko 5.500 mila euroko zenbatekoarekin emandako diru-laguntzak eta hondakinak kudeatzeko mankomunitateei garbiguneak sortu eta bestetarako, 3.339 mila eurokoak. Txosten hau idatzi dugun datan, ez dira diru-laguntza horiek arautuko dituzten hitzarmenak gauzatu.

Diputatuen Kontseiluak ekitaldi itxieran diru-laguntza zuzenak ematea ez dela operatiboa uste dugu, materialki ezinezkoa baita ekitaldian horiek egiteratzea. Orduko, jada izapidetzen ari dira hurrengo ekitaldiko aurrekontua, diru-laguntza horiek gauzatuko diren ekitaldia, alegia; eta horri onuradunak eta diruz-lagundutako objektuak errepikatzen direla gehitzen badiogu, horietako zenbait emakida zuzenaren moldepean egokitzeko zailtasunarekin batera, diru-laguntza horiek hurrengo ekitaldirako Batzar Nagusien aurrean izapidetutako aurrekontuan izendun modura barne hartzeko gomendarazten digute.

- Amaitzeko azpimarratu behar da ekitaldi itxieran hitzartutako 33.459 euro, diru-laguntzen 40 espedienteri dagozkienak, ez zaizkiola 2009ko aurrekontuari txertatu.

Aztertu diren diru-laguntza mota ezberdinen akats orokorrak.

- Guztira 46.172 mila euroan esleitutako 25 espedientetan, aurrekontuan aurreikusitako finantzaketa ez zaio exekuzio erritmoari egokitzen.

- Hainbat diru-laguntza arautzen dituzten 6 dekretutan, guztira 14.274 mila euroko zenbateko osoarekin emandakoetan, diruz lagunduko den proiektuaren gehieneko ehunekoa finkatzen da. Honela, bada, emakidan onuradun batetik bestera nabarmen aldatzen diren ehunekoak ezartzen dira -betiere, dekretuetan ezarritako gehienekoari eutsiz-, espedientean alde horien zergatia justifikatu gabe. Berebat, guztira 8.556 mila euroko zenbatekoarekin emandako 18 diru-laguntza zuzenetan, kopuru edo ehuneko jakin bat zehaztu da, espedientean justifikatu gabe dagoena.

Gure ustez, Dekretu Arautzaileetan diruz laguntzeko gehienezko portzentajeak ezartzeak, diru laguntzako portzentaje desberdinak zein kasutan aplika daitezkeen ezarri gabe, diru laguntzak behar ez bezala emateko arriskua dauka. Objektibotasuna bermatu ahal izateko, gure ustez, oinarrietan ezarritako irizpideak nola erabili diren arrazoitu beharko litzateke emandako diru laguntzetan.

- Guztira 6.304 mila euroko zenbatekoarekin emandako 15 diru-laguntzetan, ez dira Diru-laguntzei buruzko 3/2007 Foru Arauaren 12. artikuluan aurreikusitako onuradun izaera eskuratzeko betekizunak eskatu eta GFAk Gizarte Segurantzaren aurrean zerga obligazioak bete izana soilik egiaztatu du.

- 6.046 mila euro egin duten 17 diru-laguntzetan, onuradunei ez zaie betebehar fiskal eta sozialetan eguneratuak egoteko eskatu.

- Gipuzkoako Lurralde Historikoaren diru-laguntzei buruzko 3/2007 Foru Arauaren 17.2.a) artikuluak adierazten du ez dela beharrezkoa izango Gipuzkoako Aldizkari Ofizialean argitara ematea Gipuzkoako Lurralde Historikoaren Aurrekontu Orokorretan izendapen nominatiboa duten diru-laguntza publikoen emakida. 2008ko ekitaldiaren aurrekontuak erreferentzia-gai duen 36.360 mila euroko diru-laguntza nominatiboen eranskina ez zen argitaratu eta honenbestez, ekitaldi honetan ez da emandako diru-laguntza nominatiboen gaineko publizitaterik egin.

- Guztira 42.137 mila euroko zenbatekoarekin emandako 44 diru-laguntzetan ez da emakida GAOn argitaratu.

- 20 mila euroan emandako diru-laguntzen espediente batean, xedea laguntza teknikoa ematea da, kontratazioaren araudiak agintzen duenaren arabera izapidetu behar zatekeena.

- Guztira 28.497 mila euroko zenbatekoarekin emandako 15 diru-laguntzatan ez dira izenpetutako hitzarmenen jarraipen batzorde mistoek egindako bileren aktak idatziz jasotzen.

- Emandako diru-laguntzen kontura aurrerakinak emateari dagokionez, honako akats hauek azaleratu dira:

+ Guztira 22.924 mila euroko zenbatekoarekin emandako 43 diru-laguntza izendun eta zuzenetan aldez aurreko ordainketak egin dira, bermeak aurkezteko eskatu gabe.

+ Guztira 19.313 mila euroko diru laguntzen emakida arautu duten hamaika dekretu arautzailek aurrerakinak emateko aukera aurreikusten dute (% 50 eta % 80 bitartean), aurreikusitako laguntzen onuradunek aurkeztu behar dituzten bermeen zenbatekoa eta moldea batere zehaztu gabe.

- Diru-laguntzen justifikazioarekin lotuta honako akats hauek azaleratu dira:

+ Beste erakunde batzuekin elkar-finantzatuak dauden diruz lagundutako proiektuetan GFAk ez du gastuaren justifikazioari dagokionez jasotako finantzaketa egiaztatzeko eskatzen. 2008ko ekitaldian egoera hau guztira 2.071 mila euroko zenbatekoarekin emandako 7 diru-laguntzatan sumatu dugu.

+ Guztira 6.922 mila euroko zenbatekoarekin emandako diru-laguntzen 16 espedientetan ez da exijitu, hala zegokionean, diru-laguntzaren onuradunak hiru eskaintza eskatzeko betekizuna, diruz laguntzen den gastuak kontrataziorako arautegian finkatutako zenbatekoa gainditzen duenean.

+ Guztira 477 mila euroko zenbatekoarekin emandako 4 diru-laguntzetan, azpikontratazioari buruzko 3/2007 FAren 28. artikuluan araututako hainbat alderdi urratu dira.

+ Bi enpresa pribatuk eta irabazi asmorik gabeko erakunde batek, guztira 106 mila euroko diru-laguntza izendun edo zuzenak eman zaizkienak, ez dituzte 45 mila euroko gastuak justifikatu.

+ Guztira 365 mila euroko zenbatekoarekin emandako 3 diru-laguntza izendun eta zuzenetan ez da diru-laguntzaren norakoaren justifikaziorik ematen.

+ Guztira 2.267 mila euroko zenbatekoarekin emandako diru-laguntza izendun eta zuzenen 6 espedientetan, onuradunek gastu zerrenda bat soilik aurkezten dute eta ez ordainagiri edo baliokiderik.

+ Guztira 3.300 mila euroko zenbatekoarekin emandako diru-laguntza izendun eta zuzenen 4 espedientetan, irabazi asmorik gabeko elkarteen jarduera finantzatzen da eta justifikagiri modura irabaziak erakusten dituzten urteko kontuak aurkezten dira; hori dela eta, zuzendu egin behar da datozen ekitaldietan.

+ Guztira 1.216 mila euroko zenbatekoarekin emandako diru-laguntza izendunen 3 espedientetan, onuradunek auditatu gabeko kontularitzako egoerak aurkezten dituzte, nahiz diru-laguntza arautzen duen hitzarmenak auditaturiko urteko kontuak aurkezteko eskatzen zuen eta diru-laguntzen arautegiak ere hala eskatzen duen kasu honi dagokionez.

+ Guztira 440 mila euroko zenbatekoarekin emandako 3 diru-laguntzetan, ordainagiriak onuradunaz bestekoaren izenean daude.

Aztertutako diru-laguntzen akats berariazkoak.

Izendunak eta zuzenak.

- 2008-2011 Kudeaketaren Aparteko Aurrekontuak, 2/2008 Foru Arauak onetsitakoak, zazpi kirol erakunderi 20.944 mila euroan emandako diru-laguntzak barne hartzen ditu (5.236 mila euro urteko 2008-2011 aldirako). Diru-laguntza hauekin lotuta alderdi hauek azpimarratu behar ditugu:

+ Diru-laguntzaren xedea orokorra da eta honenbestez, ezin daiteke bete izana egiaztatu.

+ Aipatutako foru arauan aurreikusitako kopuru handieneko diru-laguntza, 6.005 mila eurokoa, ez da 2008ko ekitaldian eman eta honenbestez, aurrekontu fasean geratu da. 2008ko ekainaren 3an hartzekodunen borondatezko konkurtso egoera aitortu zitzaion kirol erakunde bati dagokio, zeinari GFAk azken ekitaldi fiskalak ikuskatu dizkion; ikuskaritza honen ondorioz, 2009ko urrian hainbat akta jaulki dira eta erakunde horrek GFAren alde 12.303 mila euro ingresatu behar ditu zerga zor kontzeptuan eta 6.369 mila euro, zehapen kontzeptuan. Kopuru hauei 2008ko ekitaldi itxieran ordaintzeko zuen 7.331 mila euroko saldoa gaineratu behar zaie.

+ Aipatutako Foru Arauan onetsitako kopuru handieneko bigarren kirol erakundeari dagokionez, 4.000 mila euro, diru-laguntza arautzen duen hitzarmena 2008ko ekainean gauzatzen da, 2010eko irailera bitarteko indarraldia duena eta honenbestez, hitzarmenaren zenbatekoa 2.500 mila eurokoa da. Diru-laguntzaren norakoa justifikatzeko aurkezten den auditoriako txostenak adierazten du «pasibo kontingente fiskal eta laborala existitzen dela eta azken zenbatekoa objektiboki zenbatestea nekeza bada ere, sozietatearen egoera finantzarioak nabarmen eralda ditzakeela». GFAk ez du txosten hori jaso ondoren ikuskapen fiskaleko inongo jarduerarik burutu.

+ Aipatutako Foru Arauan onetsitako kopuru handieneko hirugarren kirol erakundeari dagokionez, 3.600 mila euro, diru-laguntza arautzen duen hitzarmena 2008ko ekainean gauzatzen da 900 mila euroko zenbatekoarekin eta 2008ko ekitaldirako indarraldia soilik duena.

Batzar Nagusiek onetsitako diru-laguntzen kirol erakunde onuradunekin izenpetutako hitzarmenetatik batek ere ez ditu Foru Arauan aurreikusitako epea eta zenbatekoak barne jasotzen. Bestalde, zenbait kirol erakundetan azaleratutako arazo fiskalaren aurrean eta gogoan izanik azken ekitaldietan GFA babesletza kontratuak izenpetzen ari dela edo erakunde horiei diru-laguntzak ematen, horien egoera fiskala berrikusi behar litzateke, emandako laguntza publikoak edo kontratatutako zerbitzuak egoki eman eta exekutatzeko.

- GFAk 2007an Gipuzkoako Futbol Federazioarekin eta kirol sozietate anonimo batekin lankidetza-hitzarmena izenpetu zuen, Gipuzkoan futbolean teknifikazio eta prestakuntza proiektu berria finantzatzeko, lau ekitalditarako eta urtean 820 mila euroko zenbatekoarekin. Kirol sozietate anonimoak 2008ko ekitaldian 820 mila euro jaso zituen, Gipuzkoako futbol kluben artean 683 mila euro banatzeko konpromisoa izanik, hitzarmenean jasotakoa. GFAk hitzarmena bete izanari buruzko informazioa eskatzen du eta behar hainbateko erantzunik jaso ez izanaren aurrean, dirua itzultzeko prozedura abiarazten du, zeinetan sozietateak klubei 511 mila euro eman izana justifikatzen duen. Honenbestez, itzuli beharreko zenbatekoa 172 mila euro, gehi berandutza interesak dira. Kopuru honen aurrean kirol sozietate anonimoak erantzuten du 143 mila euroko gastuak egin dituztela teknika eta giza baliabide propioetan eta ondorioz, espedientea 29 mila euro itzultzeko eskaria eginda amaitu da diru-laguntza kontzeptuan eta 3 mila euro berandutza interesen kontzeptuan. Kirol sozietate anonimoak egindako 143 mila euroko gastuak onartzea hitzarmenean futbol taldeen artean 683 mila euroko zenbatekoa banatzeko ezarrita dagoen obligazioaren aurkakoa da. Honez gainera, GFAk ez ditu onuradunak egindako arau-hausteen kontzeptuan Diru-laguntzen Foru Arauan aurreikusitako zehapenak ezarri. Azkenik esan behar da GFAk bertan behera utzi zuela 2009 eta 2010eko ekitaldietarako hitzarmena.

- Zuzendari Nagusi batek 9 mila euroko diru-laguntza zuzena eman du; ordea, 10/2007 FAren 14.1 artikuluaren arabera emakida Foru Diputatuek soilik egin dezakete eta gehienera 15 mila euroko zenbatekoarekin. Gastua aitortu ondoren, Foru Diputatuak jarduerak baliokidetu ditu.

- Guztira 191 mila euroko zenbatekoarekin emandako bi diru-laguntzetan, aholkularitza eta langileria egitekoetarako erabilitako 62 mila euro justifikatzeko hartu-agiriak aurkeztu dira. 18 mila euroko zenbatekoarekin emandako diru-laguntza zuzen batean, onuradunak aldi berean hirugarrenei 14 mila euroko diru-laguntzak eman dizkie, funtsen azken norakoa justifikatu gabe.

- Diputatuen Kontseiluak 200 mila euroko diru-laguntza eman dio Gipuzkoako Merkataritza Ganberari, honek beste enpresa batzuei diru-laguntzak emango zizkiela aurreikusita. Espedientean deialdiaren zabalkundea aipatzen da, baina ez da Gipuzkoako Aldizkari Ofizialean inongo argitalpenik egin eta ez dira laguntzak emateko diru-laguntzen arautegiari egokitutako oinarri-arauak finkatu. Merkataritza Ganberari emandako diru-laguntzaren zenbateko osoa ordaintzen da, aurrerakinen emakidan aurreikusia egon gabe.

Deialdi publiko bidez emandakoak.

- Euskaraz egindako aldizkako argitalpenetarako eta euskararen gizarte erabilerako udalaren normalizazio planetarako emandako diru-laguntzetan, hurrenez hurren, 861 eta 400 mila euroko zenbatekodunak, oinarri-arauetan finkatutako emakida irizpideak orokorrak dira eta balioeste-batzordea da irizpideetako bakoitzean baloratu beharreko alderdi zehatzak garatzen dituena.

- Azterlanak, lan monografikoak eta antzekoak editatu edo argitaratzeko emandako diru-laguntzetan, 133 mila eurokoetan, laguntzetarako irispidea izateko gutxieneko puntu kopurua ezartzen da (70). Betekizun hori betetzen ez duten hiru eskabidek 20 mila euroko laguntzak jasotzen dituzte. Bestalde, ez dago espedientean justifikatua emakida gehieneko zenbatekoarekin edo eskabideetakoa baino txikiagoarekin eman izana, nahiz aldeak adierazgarriak ez diren.

- Nekazaritza eta abeltzaintzako azoka eta erakusketetarako diru-laguntzen lerroan, 130 mila eurokoan, oinarri-arauetan finkatutako irizpideak orokorrak dira eta ez daude balio-neurtuak, ez dira diru-laguntzaren zenbatekoa zehazteko erabiltzen eta ez da onuradunen hautaketa, ez emandako diru-kopurua arrazoitzen. Emandako kopurua 18 onuradunen artean banatzen da eta horietatik kopuru handienak, azokarik garrantzitsuenari dagokionak, 35 mila euro jasotzen ditu.

- Kirol gaietan toki erakundeei emandako diru-laguntzetan (12/2007 Foru Dekretua), 628 mila euro kirola kudeatu eta artatzeko udal egiturei dagokiena eta 55 mila euro, udako kirol aisialdietarako kanpainei, emakidarako gauzatutako balorazio txostenek dekretuaren oinarri arautzaileak aldarazi dituzte eta honela, kasu batean, oinarri-arauetan finkatutako gutxienekoa bikoiztu egin da eta beste kasu batean, berriz, deialdiaren oinarri-arauetan arautu gabeko gutxienekoa ezarri da.

Txartel Bakarra eta Bidaiarien Garraio Publikoaren ezarpena.

- 2007ko maiatzaren 15ean Diputatuen Kontseiluak zerbitzu publikoak kudeatzeko kontratuen aldaketa onetsi zuen, Gipuzkoako Foru Aldundiaren eskumeneko den errepide bidezko bidaiaren garraio publikoko linea erregularren kontzesionario diren enpresekin hitzartuak zituenak, autobus bidez Gipuzkoako herri arteko garraio publikoa, «Txartel Bakarra», ezarri asmoz; hori dela eta, 2008ko maiatzaren 6an kopuruak gaurkotu ziren eta 2008ko abenduaren 9an hobari osagarriak onetsi. 2008ko ekitaldian gauzatutako exekuzioari dagokionez, zera aipatu behar dugu:

+ Gauzatu gabe darraie 2007an onetsi ziren hasierako kontratuak eta honenbestez, ezta 2008an onetsitako aldaketak ere, aldeen eskubide eta obligazioak arautuko dituztenak, ezta denborazko esparrua ere, nahiz garraio emakiden iraungipena 2012ko urtean gertatuko den.

+ Enpresa kontzesionarioei bermatzen zaie, zerbitzu eskaintza bera emanik, txartelengatiko diru-sarrerak ez direla, inola ere, 11 enpresa kontzesionarioentzat banaka zehazten diren kopuru jakin batzuk baino txikiagoak izango eta osotara 25.717 mila euro egiten dituztenak. Kopuru hauen eguneraketa Eusko Jaurlaritzak onesten duen tarifen eguneraketa orokorra ezarrita egingo da eta, nolanahi dela ere, inoiz ez da Euskal Autonomia Erkidegoko Kontsumorako Prezioen Indize Orokorraren bariazioa baino txikiagoa izango. Honenbestez, zerbitzua eragin lezaketen elementu aldakorrak ez dira txertatzen.

+ GFAk 2008ko ekitaldian kontuetaratu duen gastua kontratu hauen izenean 5.810 mila eurokoa izan da. 2007ko ekitaldian, maiatzaren 15etik aurrerako indarraldiarekin, gastuak 544 mila euro egin zituen. Gastuaren igoera, 2007ko ekitaldiaren erdi aldera indarrean sartu izanaren eragina murriztuta, desplazamendu txikiei eta taldeei egindako deskontuei dagokie (gazte, adin nagusiko eta adin txikiko ezinduei), 2008ko urritik eta azarotik aurrera. Deskontu hauek onetsi aurretik aplikatu dira, nahiz gertakizun honek ez dituen kontratuen zenbatekoak modu funtsezkoan eragin.

- Aipatutako txartel bakarra ezartzeak eragindako gastuaz gain, GFAk 2008ko aurrekontuan 1.910 mila euroko diru-laguntza izendunak eman ditu errepide bidezko bidaiarien garraio publikoko linea erregularren kontzesionario diren lau enpresentzako eta Diputatuen Kontseiluak modu zuzenean 923 mila euroko diru-laguntzak eman ditu.

APKLTBren 156. artikuluak agintzen du emakida bidez gauzatutako zerbitzu publikoen kudeaketa kontratatzean enpresaburuak zerbitzua bere gain eta galorde kudeatuko duela. Printzipio honek talka egiten du txartel bakarra ezartzearen ondorioz billetaje kontzeptuan gutxieneko sarrera batzuk ziurtatzearekin eta zerbitzuaren defizita finantzatzeko diru-laguntzak ematearekin. Emandako zerbitzu publikoetan zeinahi aldaketak kontratuaren aldaketa ekarri beharko luke eta ez, diru-laguntzen emakida.

- Lurraldebus SA (% 5ean GFAk partaidetua eta gainerakoa GFAren eskumeneko den errepide bidezko bidaiaren garraio publikoko linea erregularren kontzesionario diren enpresek) soil-soilik GFAren diru-laguntza bitartez finantzatzen da, Batzar Nagusiek onetsitako 2008ko aurrekontuan 1.872 mila euroko zenbatekoarekin izendun modura ageri direnak. Komenigarria litzateke diru-laguntzaren norakoaren justifikazioak diru-laguntzen arautegian aurreikusitako eskakizunak bete izana egiaztatzea, hirugarrenekin egiten dituen kontratazioei dagokienez.

Gizarte zerbitzuen hitzarmenak: eguneko zentroak eta egoitzetxeak.

GFAk egoitza eta eguneko zentroen laguntza zerbitzuen hainbat prestazio finantzatzen ditu, irabazi asmorik gabeko erakunde, toki entitate eta enpresa pribatuekin sinatutako hitzarmenen bidez, ondotik zehaztutako arauketa babes harturik:

- 70/1993 Foru Dekretua, gizarte zerbitzuko gaietan erakunde publiko eta pribatuekin hitzartutako jarduerarako prozedura finkatzen duena.

- 5/1996 Legea, Gizarte Zerbitzuei buruzkoa.

- Eusko Jaurlaritzaren 40/1998 Dekretua, Euskal Autonomia Erkidegoaren gizarte zerbitzuen baimena, erregistroa, homologazioa eta ikuskaritza arautzen dituena; honenbestez, laguntza zerbitzuak eman nahi dituzten erakundeek dagokion homologazioa eskuratu behar dute.

- 4/2001 Foru Dekretua, Gipuzkoako lurralde historikoan gizarte zerbitzuen sistema arautzen duena.

Emandako zerbitzuei ezarri beharreko tarifak urtero gaurkotzen dira Diputatuen Kontseiluaren erabaki bitartez eta 2008ko ekitaldiari dagokion igoaldia % 4,2koa izan da. Bestalde, 2008ko ekitaldian 139 plazetan gehitu dira egoitzetako egonaldiak, 96 plazetan eguneko zentroetako egonaldiak astelehenetik ostiralera eta 32tan jai egun eta asteburuetakoak. Plaza hauek jada GFArekin zerbitzu hauek emateko lankidetza hitzarmenak izenpetuak zituzten enpresen artean banatzen dira, eskura dituzten plazen arabera.

Gure iritzira, gizarte zerbitzuak gehituz gero publizitatu egin behar dira, izan ere, urteko plaza horiek gehitzearekin, hasierako kontratuen aldaketak kontratatzen ari baitira eta horiek adierazgarriak izan daitezke batetik, eta bestetik, laguntza zerbitzuak emateko homologatutako enpresek horien berri izan beharko lukete.

III.5.- Langileria.

Atal honetan ondoko alderdi hauek azpimarratuko ditugu:

- GFAk 2008an, apiriletik uztailera bitartean zerga aitorpenak egiteko erdi mailako 91 teknikari kontratatu ditu eta horietako 19 berriz kontratatu ditu irailetik abendura, iruzurraren aurkako kanpainarako. Azken ekitaldiotan errepikatzen diren kontratazio hauek programako bitarteko funtzionario figuraren baitan egiten dira. Lanpostu horiek ez dira agertzen Lanpostuen Zerrendan. Nolanahi dela ere, GFAk 2008an egin duen Enplegu Eskaintza Publikoan kanpainetan laguntza emateko erdi mailako teknikarien 21 lanpostu barne hartu dira.

- GFAren aurrekontuzko plantillak ez ditu behin-behineko langileriarentzat gordetako lanpostuen banakako ordainsariak zati-banatzen, Euskal Funtzio Publikoaren Legearen 21. artikuluan agintzen den moduan.

III.6.- Ondarea.

- Diputatuen Kontseiluak 2008ko ekitaldian 1.000 mila euroko zenbatekoarekin GFAk kapital pribatuko elkarte batean parte hartzea baimendu eta xedatzeko erabakia hartu zuen, modu zuzenean, parte hartze horren beharra justifikatu gabe, ez eta publizitate, lehia, gardentasun eta eskaintza ekonomiko mesedegarrienaren hautaketa printzipioak betetzetik salbuestea ere, Gipuzkoako Lurralde Historikoaren Ondareari buruzko 8/1996 Foru Arauan ezarritakoaren arabera buru egin behar dutenak; izan ere, FA honek agintzen baitu kostubidezko ondasun eta eskubideen erosketan administrazio eta ondare kontrataziorako aurreikusitako arauak beteko direla. Bestalde, ez da erositako partaidetzen egiazko baliodun tasaziorik gauzatu, 8/1996 Foru Arauaren 26. artikuluari jarraiki, aurrez aipatu dena. Erabaki hau 2008ko ekitaldiaren aurrekontuan hitzartutako kreditu modura islatzen da; nolanahi dela ere, ez zaio 2009ko aurrekontuari txertatu eta ez da Diputatuen Kontseiluaren erabakiaren inongo betearazteko egintzarik gauzatu ere. Eragiketaren izaera eta aipatu ditugun ondoko gertakariak aintzat hartuta, komenigarria litzateke hartutako erabakia baliogabetzeko ekintza esplizitua burutzea.

- Diputatuen Kontseiluak ez du inbentario orokorra onetsi, Ondareari buruzko 8/1996 FAren 29. artikuluan aurreikusitakoari jarraiki.

III.7.- Uliazpi Erakunde Autonomoa.

Erakunde autonomo honi dagokionez, honako alderdi hauek azpimarratu behar ditugu:

- Uliazpi Erakunde Autonomoak ez ditu Sozietate Publikoen Kontratuen Legean (SPKL) aurreikusitako prozedura negoziatuak izapidetu eta lehia urratu du guztira 137 mila euro egin duten lau zerbitzu kontratutan eskaintzak eskatzearekin.

- Ekitaldian zehar zazpi hornitzaileri elikadura hornigaiak erosi zaizkie, material teknikoak bi hornigairi eta lan txikiak egin dira bi hornitzailerekin, guztira, hurrenez hurren, 257 mila euro, 63 mila euro eta 108 mila euroko zenbatekoarekin; horietarako kontratazio espedienteak bideratu behar ziratekeen aleko prezioetan edo sortaka.

- Guztira 222 mila euroko gastuak kontratatu dira GFAren hornitzaileekin, Uliazpi Erakunde Autonomoaren eta GFAren artean zentralizatutako kontratazio sistemetarako atxikimendurik ez dagoela, SPKLren 187tik 191ra bitarteko artikuluei jarraiki.

- 2008ko ekitaldian guztira 645 mila euroan esleitutako hiru espedienteren Administrazio Klausula Partikularren Pleguek esleipen irizpide modura kontratarien kaudimenari buruzko alderdiak barne hartzen dituzte (antzeko lanetan eskarmentua, obrara atxikitako giza taldearen eta baliabide teknikoen balioa); hauek guztiak, ordea, lizitazio unean egiaztatu behar dira eta ezin dira esleipenean hartu aintzat, une horretan eskaintza baizik ezin baita balioztatu.

III.8.- Izfe Sozietate Publikoa SA.

Sozietate honekin lotuta alderdi hau azpimarratu behar dugu:

- 2008ko ekitaldian guztira 2.554 mila euroan esleitutako hiru lehiaketa publikoren Administrazio Klausula Partikularren Pleguek esleipen irizpide modura kontratarien kaudimenari buruzko alderdiak barne hartzen dituzte (antzeko lanetan eskarmentua, giza taldearen balioa, baliabideak eta antolamendua); hauek guztiak, ordea, lizitazio unean egiaztatu behar dira eta ezin dira esleipenean hartu aintzat, une horretan eskaintza baizik ezin baita balioztatu.

III.9.- Bidegi Sozietate Publikoa SA.

Sozietate honekin lotuta alderdi hauek azpimarratu behar ditugu:

- Guztira 2.174 mila euroko zenbatekoarekin esleitutako lau espedientetan, ez da SPKLren 175. artikuluan aurreikusitako argibideen eskuliburua erabili, ez baita 2008ko uztailaren 29ra arte onetsi. Espediente hauetan beretan ez da aldez aurretik esleipena proposatzen duen atalaren berri ematen, lizitazio prezioak BEZ barne hartzen du eta exekuziorako eskumena duen atal jurisdikzionala zibila dela esaten da; ordea, eskumena kontratu osoarentzat du.

- Guztira 236 mila euroko esleipen zenbatekoa egiten duen espediente batean, esleipen irizpide modura kontratisten kaudimen edo eskarmentuari buruzko alderdiak oker erabili dira, lehiaketan soilik balioztatu daitezkeenak. Espediente honetan bertan esleipenak hiru hilabeteko epea gainditzen du gutunazalak irekitzen diren unetik aurrera kontatuta.

- Guztira 207 mila euroko zenbatekoarekin esleitutako espediente batean ez da kontratazio mahaia eratu eta ez dira pleguak irekitzeko aktak egin.

- 90.106 mila euroko sei aldaketa onestean, hilabete batetik lau hilabete bitartera igarotzen dira Sozietatearen Administrazio Kontseiluak onesten duenetik harik eta Diputatuen Kontseiluak onesten duenera arte.

- Gaintxurizketa Gaina-Irungo Bentak N1eko saihesbideari dagokion espedientean kontratu nagusiaren aldaketa bat exekutatzen da 1.434 mila euroko zenbatekoarekin, Administrazio Kontseiluak onetsi ez duena.

- Arlaban-Eskoriatza bidezatiko obra espedientearen sei zenbakiko modifikatua eta osagarri bat, Sozietatearen Administrazio Kontseiluak 1.037 mila euroko zenbatekoarekin eta 2.844 mila eurorekin onetsi direnak, ez ditu Diputatuen Kontseiluak onetsi.

- Kontratazio espedienterik gabe izapidetutako gastuak aztertzean azaleratu da prozedura negoziatu bitartez izapidetu behar ziratekeen gastuak daudela: 22 mila euro egin dituen ibilgailuen errentamendua eta 27 mila euroko publizitate zerbitzuak.

III.10.- Etorlur Gipuzkoako Lurra SA, Sozietate Publikoa.

Sozietate honekin lotuta alderdi hauek azpimarratu behar ditugu:

- 2006ko martxoaren 27an Etorlur SAk salerosketa kontratu bat izenpetu zuen enpresa pribatu batekin; horren arabera, 18.577 metro karratuko lursaila erosi zuen 28.567 mila euroko prezioan, gehi BEZ; eragiketa hori ondoko moduan finantzatzekoa zen: 5.267 mila euroko balioa zuen 31.500 metro karratuko lursaila emanez, une hartan Etorlur SAren jabetzako ez zena; 11.600 mila euroko hainbat inbertsio eginez Etorlur SAk; enpresak erositako makineria eta instalakuntza hornigaien 5.850 mila euroko ordainketa bidez; eta beste 5.850 mila euro, Etorlur SAk erositako lursaila enpresak alde egiten duen unean. 2007ko uztailean kontratu hau aldarazi zen eta Etorlur SAk egin beharreko inbertsioak 2010eko ekitaldira arte eskudirua emanez (2008an 2.193 mila euro ordaindu zituen). Eragiketa honi dagokionez alderdi hauek azpimarratu behar ditugu:

+ 2008ko ekitaldirako Sozietatearen aurrekontuak, Gipuzkoako Lurralde Historikoaren Aurrekontu eta Finantza Araubideraren 4/2007 Foru Arauaren 63. artikuluari jarraiki, indarreko ekitaldirako eta ondoko hiru ekitaldietarako aurreikuspenezko finantza egoerak barne hartzen ditu. Horiek aztertzetik eta oroitidatzi argigarritik ezin ondoriozta daiteke aipatutako eragiketarako berariazko finantzaketaren izatea, 2010eko ekitaldira arte luzatzen dena eta ordainketa konpromiso garrantzitsuak dituena (3.657 mila euro 2009ko ekitaldian eta 17.450 mila euro 2010ean).

Kontratuaren zenbatekoa gogoan hartuta eta Administrazio Kontseiluak berak horri aurre egiteko finantzaketa beharrezkoa dela onartu izana, GFAn dagozkion urteanitzeko kredituak edo zorpetzeko baimena kontsignatu behar ziratekeen. Bestalde, komenigarria litzateke erositako lursailen tasazioa egitea.

- Administrazio Batzordeak bi langilerentzat onetsitako ordainsari igoera % 23,47 eta % 28,10koa izan da Foru Administrazioaren 16. eta 11. mailekin berdinkatzeko; horrek GFArentzat onetsitako % 4,2a gainditzen du. Halaber, espedienteetan justifikatu gabe GFArenak baino ordainsari altuagoak existitzen direla esan behar da, Administrazio Kontseiluak onartu dituenak.

IV.- Finantzen analisia.

IV.1.- Gipuzkoako Foru Aldundiaren Kontuak.

Gipuzkoako Foru Aldundiaren Kontuetatik eratortzen diren finantza magnitude nagusiak honako hauek dira:

Mila euro

Aldaketa

2005 2006 2007 2008 2008-2007

Sarrera arruntak 3.669.926 4.035.628 4.455.447 4.258.680 (% 4,4)

Itunpeko zergak 3.612.957 3.977.652 4.367.558 4.128.876

Itundu gabeko zergak 13.994 23.118 22.668 37.365

Transferentzia arruntak 37.296 25.932 54.264 82.055

Ondare sarrerak 5.679 8.926 10.957 10.384

Erakunde konpromisoak 3.035.532 3.348.304 3.710.613 3.508.978 (% 5,4)

Estatuari kupoa 396.702 451.070 508.126 528.887

Eusko Jaurlaritzari ekarpena 2.293.024 2.520.486 2.778.378 2.575.658

Udalei ekarpenak 345.626 376.748 424.109 404.433

Sarrera arrunt garbiak 634.394 687.324 744.834 749.702 % 0,6

Gastu arruntak (342.868) (373.418) (389.397) (457.840) % 17,6

Langileen gastuak (82.954) (88.192) (91.149) (96.776)

Ondasun arrunten erosketa eta zerbitzuak (68.620) (80.858) (87.176) (95.840)

Finantza gastua (7.776) (6.703) (1.407) (5.851)

Transferentzia arruntak (183.518) (197.665) (209.665) (259.373)

ERAGIKETA ARRUNTEN EMAITZA (1) 291.526 313.906 355.437 291.862 (% 17,9)

KAPITAL ERAGIKETAK (2) (213.243) (280.375) (307.085) (276.044)

Inbertsio errealen besterentzea 2.724 1.464 2.333 411

Kapital transferentziek eragindako sarrerak 51.849 47.118 35.762 55.171

Inbertsio errealetan gastua (205.505) (252.681) (253.341) (249.631)

Kapital transferentziek eragindako sarrerak (62.311) (76.276) (91.839) (81.995)

FINANTZA ERAGIKETEN SALDOA (3) (5.966) (50.803) 6.716 (18.621)

Finantza aktiboen aldaketa garbia (1.343) (2.528) 11.339 (65.173)

Finantza pasiboen aldaketa garbia (4.623) (48.275) (4.623) 46.552

ZALANTZ. KOBRAGARR. DUTEN ESKUB. ZUZKID (4) - - - (53.911)

EKITALDIAREN EMAITZA (1+2+3+4) 72.317 (17.272) 55.068 (56.714)

EKITALDI ITXIEN EMAITZA (5) (214) (5) (69) 62

AURREKONTUAREN EMAITZA (1+2+3+4+5) 72.103 (17.277) 54.999 (56.652)

Emaitza arrunta.

- Emaitza arrunta 2008ko ekitaldian % 17,9 murriztu da aurreko ekitaldiarekiko da, sarrera arrunt propioek % 0,6 gora egin izanaren ondorioz, gastu arrunten % 17,6ko igoaldiaren aldean. Aldaketa hauetan nabarmen eragiten dute salbuespen, dedukzio eta hobari fiskalen itzulketek eragindako sarrerek, 2008ko ekitaldian 44.855 mila euro eta 2007an 9.056 mila euro egin dutenak eta osotasunean 53.911 mila eurokoak izan direnak. Sarrera ezohiko hauen eragina kenduta, sarrera arrunt propioek % 4,2 egin dute behera eta eragiketa arruntek eragindako emaitzak % 28,7 egin dute behera.

Zerga zuzen eta zeharkakoek eragindako sarreretan % 5,5eko beheraldia izan da eta gastu arruntak aurreko ekitaldietakoan baino ehuneko askoz handiagoan hazi dira; ekitaldi horietan, ordea, sarrera arrunt garbiak urtero gehitzen ziren, ez murriztu (sarrera ezohikoak kenduta), 2008an gertatu den legez.

Bariazioaren ehunekoa

2006-2005 2007-2006 2008-2007

Sarrera arrunten bariazioa, erakunde konpr.etatik garbi % 8,3 % 8,4 (*)(% 4,2)

Gastu arrunten bariazioa % 8,9 % 4,3 % 17,6

(*): Aurrez aipatutako sarrera ezohikoak kenduta.

Gastu arruntaren igoera modu nabarmenean gertatu da Transferentzia eta Diru-laguntza arrunten kapituluan, 2006 eta 2007ko ekitaldietan urteko % 6 eta % 7 igotzetik, 2008ko ekitaldian % 24 igotzera aldatu dena.

- Hona hemen, azken lau ekitaldietan itunpeko zergen dirubilketak, GFAren finantzaketa iturri nagusi dena (sarrera arrunten % 98,2) eta erakundeen konpromisoek izan duten bilakaera:

Mila euro

2005 2006 2007 2008

DIRUBILKETA 3.612.957 3.977.652 4.367.558 4.128.876

Estatuari kupoa 396.702 451.070 508.126 528.887

Dirubilketaren g/% % 11,0 % 11,3 % 11,6 % 12,8

Eusko Jaurlaritzari ekarpena 2.293.204 2.520.486 2.778.378 2.575.658

Dirubilketaren g/% % 63,5 % 63,4 % 63,6 % 62,4

Udalen partaidetza tributuetan 345.626 376.748 424.109 404.433

Dirubilketaren g/% % 9,6 % 9,5 % 9,7 % 9,8

ERAKUNDE KONPROMISOAK 3.035.532 3.348.304 3.710.613 3.508.978

Dirubilketaren g/% % 84,1 % 84,2 % 84,9 % 85,0

Kapitalezko eragiketak.

Ekitaldian exekutatutako inbertsioak finantzatzeko jasotako sarreretatik garbi, 31.041 mila euro murriztu dira ekitaldian eta honek aurrekontu emaitza handiagoa eragiten du. Inbertsioen exekuzioari bere horretan eutsi zaio azken ekitaldietan eta kapitalezko transferentziek eragindako sarrerak gehitu egin dira.

Finantza eragiketen saldoa.

Atal honetan udalei Udal Finantzaketarako Foru Fondotik 2008ko ekitaldiaren likidazioa ordaintzeko emandako gerorapena da azpimarragarri, 54.315 mila euro egin dituena.

Diruzaintzako geldikina.

Hona hemen Diruzaintza Geldikin Erabilgarriaren eta GFAk Kontsolidatutako Diruzaintza Geldikinean erabili gabeko kreditu eragiketekin barne hartutako erabili gabeko maileguen bilakaera:

Mila euro

2005 2006 2007 2008

Diruzaintza Gerakin Erabilgarria 149.823 113.671 189.132 310.107

Kontsol. Diruz. Geldikinean jaso gabeko mailegu erabili gabeak 204.950 225.450 204.950 27.200

Erabili gabeko kreditu eragiketekin kontsolidatutako Diruz. Geldikina 354.773 339.121 394.082 337.307

Diruzaintza Geldikin Erabilgarria kreditu geldikinak hurrengo ekitaldiaren aurrekontura txertatzea finantzatzeko erabiltzen da eta berebat, erabili gabeko zorpetzearen atal bat Kontsolidatutako Diruzaintza Geldikinaren moldea baliatuz erabiltzen da, ondoko taulan ikus daitekeen legez:

KREDITU GELDIKINEN TXERTAKETA ETA FINANTZAKETA Mila euro

2005 2006 2007 2008

Ekitaldi itxieran kreditu geldikinak (Aurrekontua-Obligazioak) 314.245 268.155 317.726 (*)296.496

Hurrengo ekitaldira txertatutako kredituak 294.061 244.890 259.783 150.537

Hurrengo ekitaldira txertatutako kreditue ehunekoa % 94 % 91 % 82 % 51

(*): 2008ko ekitaldi itxieran kreditu geldikina 358.043 mila euroko zenbatekoan murriztu da, aurrekontuarekiko Eusko Jaurlaritzari egin zaizkion ekarpen txikiagoen ondorioz.

2008ko ekitaldiaren Diruzaintza Geldikin Erabilgarria gehitu egin da aurreko ekitaldiarekiko eta txertatutako kredituak, berriz, murriztu egin dira aurreko ekitaldiekiko. Bariazio hauetan gogoan izan behar da aurrekontu egindakoekiko Eusko Jaurlaritzari egin zaizkion ekarpen txikiagoak, 358.043 mila eurokoak, dirubilketa txikiagoaren ondorioz. Eragin hau murrizten badugu, ekitaldi itxieran kreditu geldikiank 296.496 mila eurokoak izango lirateke eta txertatutako ehunekoa % 51koa izango litzateke, aurreko ekitaldietakoa baino askoz txikiagoa (% 82, 2008an; % 91 2007an; eta % 94, 2006an).

2009ko ekitaldira txertatu diren kreditu kopuru txikiari dagokionez esan behar da, 2009ko ekitaldira ez direla txertatu 2008ko ekitaldi itxieran konprometitutako fasean zeuden 101.376 mila euro.

Zorpetzea.

GFAren zorpetzeak igoaldi nabarmena izan du 2008ko ekitaldian; honi eragiketa arrunten ondoriozko emaitzak izan duen beheraldi nabarmena gehitzen badiogu, nabarmen okertzen da bi magnitudeen arteko lotura erakusten duen ratioa. Nolanahi dela ere, gogoan izan behar da emaitza arruntak ehuneko oso altua egiten duela erabilitako zorpetzearen aldean.

Mila euro

2005 2006 2007 2008

Zorpetzea: Erabilitako maileguak 113.268 44.493 60.370 284.671

Eragiketa arrunten emaitza 291.526 313.906 355.437 (*)237.951

(*) Guztiz zuzkituak zeuden salbuespen, hobari eta dedukzio fiskalak itzultzeagatiko sarrerak kendu dira.

Konpromiso kredituak.

Konpromiso kredituen azken aurrekontuak igoera nabarmena izan du 2008ko ekitaldian. Hona hemen azken lau ekitaldietako zifrak:

Mila euro

2005 2006 2007 2008

Konpromiso kredituen azken aurrekontua 418.744 362.889 420.821 716.255

2008an izandako igoeraren arrazoia da Batzar Nagusiek 2008-2011 Kudeaketako Aparteko Aurrekontua, 117.808 mila eurokoa, eta Gipuzkoako Hiri Hondakinak Kudeatzeko Plan Integrala, 126.971 mila eurokoa, onartu izana.

IV.2.- Erakunde Autonomoa eta Sozietate Publikoak.

Uliazpi Erakunde Autonomoa eta foru sozietate publikoak (Bidegi SA eta Etorlur SA salbuetsita) ia osorik GFAk ematen dizkien funtsetatik elikatzen dira eta honenbestez, GFAren kontuen finantza analisiak jada aurreikusten ditu haien eragiketak.

Bidegi SA sozietate publikoak ez du GFAren finantzaketarik jasotzen, diru-baliabideak sortzen baititu, zorpetzea eta inbertsio bolumen handia baitu, ondoko taulatik ondorioztatzen den legez:

Bidegi SA Mila euro

2005 2006 2007 2008

ibilgetu materialaren igoera 25.363 89.756 239.688 315.459

Zorpetzearen igoera - - 123.000 177.000

Negozio zifratik zenbateko garbia 58.335 64.953 68.306 69.277

Ekitaldiaren emaitza 46.517 51.076 75.100 50.193

Etorlur SA sozietate publikoa batik bat akziodun bakar duen GFAk izenpetutako kapitalezko zabalketen bitartez finantzatzen da (3.000 euroko ekarpena dirutan eta 9.825 mila euroko ekarpena lursailetan 2008ko ekitaldian). Izakinen igoera, eraikitze-jarduerak gora egin izanarekin eta diruzkoa ez den ekarpen bidezko kapitalaren zabalketarekin dago lotua.

Etorlur SA Mila euro

2005 2006 2007 2008

Izakinen gehitzea 763 7.563 5.876 10.948

Berezko funtsen gehitzea (83) 5.395 358 12.802

Ekitaldiaren emaitza (83) (83) (301) (483)

IV.3.- Ondorioa.

2008ko ekitaldian sarrera arrunten beheraldiak, aurreko ekitaldietakoa baino erritmo biziagoarekin gastu arruntaren igoerarekin batera, emaitza arrunta (sarrera fiskalekin zuzkitutako sarrera ezohikoak kenduta) kapitalezko eragiketen exekuzio garbia finantzatzeko behar hainbatekoa izatea eragotzi du, erabilitako zorpetzea nabarmen gehituz. Egoera honetan aipatzekoa da konpromiso kredituen igoera, etorkizuneko aurrekontuekin finantzatzen direnak.

2009ko ekitaldiko aurrekontuek zorpetzeak 384.820 mila euroko muga izatea aurreikusten dute (2008ko ekitaldi itxieran erabilitakoa 284.671 mila eurokoa da). Bidegi SAren foru sozietate publikoari dagokionez, 567.000 mila euroko muga aurreikusten du (2008ko ekitaldi itxieran zorpetzea 300.000 mila eurokoa zen).

IV.4.- Aurrekontuaren egonkortasuna.

Aurrekontu Egonkortasunari buruzko abenduaren 12ko 18/2001 Lege Orokorrak 5. artikuluan xedatzen du «Lege honen ezarpen eremuan dauden subjektuen Aurrekontuek eta horien likidazioek informazio behar adinako eta egokia jaso beharko dutela aurrekontu egonkortasunaren printzipioari egokitzen zaiela egiaztatu ahal izateko; baita, aurrekontu egonkortasunaren helburua bete eta kontabilitate nazionalari buruzko gaietan arau komunitarioek ezarritako obligazioak bete ahal izateko ere». Berebat, 1463/2007 Errege Dekretuaren 16.2 artikuluak agintzen du Artekaritzak entitatearen beraren eta meneko dituen erakunde eta entitateen egonkortasun helburua betetzeari buruzko txostena egingo duela. Txosten hau ez da Gipuzkoako Lurralde Historikoaren 2007ko ekitaldiko Kontu Orokorrari dagokionez gauzatu.

V.- Urteko kontuak.

V.1.- Foru Aldundiaren kontuak.

A. 2008-KO EKITALDIAREN AURREKONTU LIKIDAZIOA Mila euro

SARRERAK Aurrekontua Behin-betikoa Eskubide

kitatuak Kobrantzak kobratu

gabe

Hasierakoa Aldaketak

1.-Zerga zuzenak 2.096.470 - 2.096.470 2.073.757 2.073.757 -

2.-Zeharkako zergak 2.437.676 - 2.437.676 2.022.779 2.022.779 -

3.- Tasak eta bestelako sarrerak 45.494 2.243 47.737 69.705 55.513 14.192

4.- Transferentzia arruntak 98.942 7.185 106.127 123.709 44.325 79.384

5.-Ondare sarrerak 2.712 - 2.712 10.384 8.412 1.972

6.-Inbertsio errealen besterentzea 83 - 83 411 411 -

7.- Kapital transferentziak 38.161 19.061 57.222 55.171 45.936 9.235

8.-Finantza aktiboen aldak. 2.698 255.477 258.175 1.893 1.514 379

9.- Finantza pasiboen aldak. 4.623 57.826 62.449 53.500 53.500 -

DIRU-SARRERAK GUZTIRA 4.726.859 341.792 5.068.651 4.411.309 4.306.147 105.162

GASTUAK Aurrekontua Behin-betikoa Zorpetutako

obligazioak Ordaink. Ordaindu

gabe

Hasierakoa Aldaketak

1.-Langileen gastuak 99.000 466 99.466 96.776 96.772 4

2.- Ondasun arr. eta zerbitz. erosk 93.415 15.423 108.838 95.840 86.171 9.669

3.-Finantza gastuak 6.396 - 6.396 5.851 5.077 774

4.- Transferentzia arruntak 4.198.212 (33.871) 4.164.341 3.810.005 3.782.700 27.305

6.- Inbertsio errealak 250.901 157.402 408.303 249.631 206.289 43.342

7.- Kapital transferentziak 65.849 138.818 204.667 81.995 63.191 18.804

8.-Finantza aktiboen aldak. 6.138 63.554 69.692 67.066 66.930 136

9.- Finantza pasiboen aldak. 6.948 - 6.948 6.948 6.948 -

GASTUAK GUZTIRA 4.726.859 341.792 5.068.651 4.414.112 4.314.078 100.034

B. AURREKONTU ITXIEN ALDAKETA Mila euro

Hasierako

zorra Baliog. (Kobran.)/

Ordaink. Azken

zorra

Zordunak 13.796 (15) (13.445) 336

Hartzekodunak (119.871) 77 119.783 (11)

AURREKONTU ITXIAK 62

C. KONPROMISO KREDITUEN EGOERA Mila euro

Kapitulua Hasierako

kredituak Aldak. Itxierako

kredituak Baimenduak Hitzartutakoak

2.- Ondasun arrunt eta zerb. erosketa 2.070 2.315 4.385 2.853 2.716

4.- Transferentzia arruntak 4.671 18.965 23.636 6.565 6.343

6.- Inbertsio errealak 401.901 70.999 472.900 109.509 87.920

7.- Kapitalezko transferentziak 27.738 186.621 214.359 58.059 31.261

8.- Finantza aktiboen aldak. - 975 975 - -

GEROKO GASTUAK GUZTIRA 436.380 279.875 716.255 176.986 128.240

2009 urtea

2010 urtea

2011 urtea eta hurr. 105.064

18.120

5.056

D. AURREKONTU EMAITZA ETA DIRUZAINTZA GELDIKINA Mila euro

Eskubide kitatuak 4.411.309

-Obligazio aitortuak (4.414.112)

-Zalantz. kobragarr. duten eskub. zuzkid. (53.911)

EKITALDIAREN EMAITZA (1) (56.714)

Eskubide kitatuak baliogabetzea (15)

Obligazio aitortuak baliogabetzea 77

EKITALDI ITXIEN EMAITZA (2) 62

AURREKONTUAREN EMAITZA 1+2 (56.652)

DIRUZAINTZA GELDIKINA 2007-12-31n 394.082

Aurrekontuan jaso gabeko sarreren itzuleragatiko hartzekodunen bariazioa (123)

2008-12-31-N DIRUZAINTZA GELDIKIN KONTSOLIDATUA

ERABILI GABEKO KREDITU ERAGIKETEKIN 337.307

E. DIRUZAINTZA GELDIKINA Mila euro

Diruzaintza eta aldi bateko finantza inbertsioak 162.683

Aurrekontuko zordunak 105.498

Zalantz. kobragarr. duten eskub. zuzkid. (53.911)

Aurrekontuz kanpoko zordunak 216.685

Aurrekontuko hartzekodunak (100.045)

Aurrekontuz kanpoko hartzekodunak (20.605)

Aurrekontuan jaso gabeko sarreren itzuleragatiko hartzekodunak (198)

DIRUZAINTZA GELDIKIN ERABILGARRIA 2008-12-31-N 310.107

Kreditu lerroetan gauzatutako aurrekontu-finantzaketa

(Erabili gabeko saldoa) 27.200

2008-12-31-N DIRUZAINTZA GELDIKIN KONTSOLIDATUA

ERABILI GABEKO KREDITU ERAGIKETEKIN 337.307

F. EGOERAREN BALANTZEAK 2008 eta 2007ko abenduaren 31n Mila euro

AKTIBOA 2008 2007 PASIBOA 2008 2007

IBILGETUA 1.064.223 1.082.702 BEREZKO FONDOAK 1.123.531 1.217.292

Erabilera orokorrekoa 214.580 299.687 Ondarea 2.921.864 2.693.177

Ezmateriala 126.964 111.704 Erabilera orokorrerako ondarea (1.107.105) (898.574)

Amort. ezmateriala (96.038) (82.482) Egoera berezi. ondarea (809.243) (805.998)

Materiala eta abian 876.259 842.729 Ekitaldiko ondare emaitza 118.015 228.687

Amort. materiala (189.415) (173.018)

Ibilgetu finantzarioa 131.873 84.082

ZORDUNAK 260.370 89.941 ZUZKIDURAK 54.562 53.017

Aurrekontuko zordunak 105.497 13.796 P. Erakunde konpromisoak 54.562 53.017

D. Geroratu gab. zerga zord. 421.607 407.745

D. Geroratutako zerga zord. 61.930 65.764 EPE LUZEKO ZORRA 280.813 56.888

Aurrek. kanp. bestel. zord. 126.843 3.195 Jasotako maileguak 280.813 56.888

Kaudimengabeziet. zuzkid. (456.971) (401.821)

Erakunde publ., eskud. k/k 1.464 1.262

FINANTZA-KONTUAK 278.281 336.415 HARTZEKODUNAK, EPE LABUR. 143.968 181.861

Epe labur. emandako kred. 27.220 63 Aurrekont. Hartzek. 100.045 119.871

Bankukoak ez diren b. kntu 88.378 145.430 Sarrerak itzultzeag. hartzek. 15.957 9.100

Diruzaintza 162.683 190.922 Aurrek. kanpoko beste hartzek. 7.163 17.958

Epe laburreko zorra 7.325 7.326

Beste zor batzuk 797 631

Bestel. erak. publikoen baliab. 5.916 5.413

Aplikatzeko dauden sarrerak 6.765 21.562

GUZTIRA AKTIBOA 1.602.874 1.509.058 PASIBOA GUZTIRA 1.602.874 1.509.058

G. 2008 eta 2007ko ekitaldietako GALDU-IRABAZIEN KONTUAK Mila euro

GASTUAK 2008 2007 DIRU-SARRERAK 2008 2007

Langileen gastuak 98.291 92.576 Zergak 4.192.264 4.367.053

Kanpoko zerbitzuak 147.270 138.939 Salmentak eta zerbitzuen emakida 25.854 27.737

Tributuak 494 339 Jasotako tran. eta dirul. 178.730 160.626

Emandako trans. eta dirulag. 3.901.512 4.091.139 Kudeaket. sarrera osagarriak 59.170 43.590

Ibilgetua amortizatzeko zuzk. 31.002 28.601 Kapital partaidetzak - 198

Kaud.gabez.zuzk-erak.konp. ald. 71.268 26.482 Interesak 10.378 10.754

Finantza gastua 5.851 1.407 Finantza inb. zuzkidur. aldak. - -

Aurreko ekitaldietako galerak 92.915 19.959 Aurreko ekitaldietako mozkinak 31 4.905

Ibilgetuaren galerak 11 272 Ibilgetuaren mozkinak 158 13.538

Aparteko galerak - - Aparteko irabaziak 44 -

GASTUAK GUZTIRA 4.348.614 4.399.714 DIRU-SARRERAK GUZTIRA 4.466.629 4.628.401

Ekitaldiaren emaitza 118.015 228.687

V.2.- Uliazpi Erakunde Autonomoaren kontuak.

2008ko aurrekontuaren likidazioa Mila euro

Hasierako

aurrekontua Amaierako

aurrekontua Eskubideak

Obligazioak

Tasak eta bestelako sarrerak 1.464 1.464 1.494

Transferentzia arruntak 12.775 12.775 12.775

Ondare sarrerak 80 80 192

Kapitalezko transferentziak 920 920 920

Finantza aktiboak 175 2.570 28

DIRU-SARRERAK 15.414 17.809 15.409

Langileen gastuak 10.618 10.618 10.256

Ondasun arrunten erosketa eta zerbitzuak 3.701 3.701 3.701

Inbertsio errealak 920 3.315 2.374

Finantza aktiboak 175 175 53

GASTUAK 15.414 17.809 16.384

EKITALDIAREN EMAITZA (975)

AURREK. ITXIEN EMAIT. ETA AURR. DOIK. (7)

AURREKONTUAREN EMAITZA (982)

DIRUZAINTZA GELDIKINA 2008-12-31n 2.706

Egoeraren Balantzeak 2008 eta 2007ko abenduaren 31n Mila euro

31.12.08 31.12.07

Ibilgetua 11.732 9.788

Zordunak 368 206

Kaudimengabezietarako zuzkidura (53) (60)

Finantza kontuak 4.435 5.156

AKTIBOA 16.482 15.090

Berezko Fondoak 14.470 13.493

Hartzekodunak epe laburrera 2.012 1.597

PASIBOA 16.482 15.090

2008 eta 2007ko Galdu-Irabazien kontuak Mila euro

2008 2007

Negozio zifra eta best. ustiaketa sarrerak 1.494 1.392

Transferentzia arruntak 12.775 11.786

Sarrera finantzarioak 192 110

Kapitalezko transferentziak 920 2.835

DIRU-SARRERAK 15.381 16.123

Langileen gastuak 10.256 9.654

Amortizaziorako zuzkidura 439 423

Kaudimengab. horniduren aldakuntz. 8 8

Bestelako ustiaketa gastuak 3.701 3.375

Kapital diru-laguntzak 1.117 1.712

GASTUAK 15.521 15.172

EKITALDIAREN EMAITZA (140) 951

V.3.- Sozietate Publikoen kontuak.

Egoeraren Balantzea 2008ko abenduaren 31n Mila euro

Izfe SA Bidegi SA Etorlur SA

AKTIBO EZ ARRUNTA 7.363 843.322 1.028

Ibilgetu ukiezina 709 159.962 6

Ibilgetu materiala 6.350 683.204 1.022

Taldeko enpresetan partaidetzak 199 - -

Epe luzeko finantza inbertsioak 104 156 -

Atzeratutako zergengatiko aktiboak 1 - -

AKTIBO ARRUNTA 7.325 67.056 26.894

Izakinak 20 - 25.150

Merkataritzako zordunak eta kobratzeko beste 6.257 48.484 358

Epe motzeko finantza inbertsioak 2 6.096 -

Epe laburreko aldizkakotzeak 294 - 3

Eskudirua eta beste aktibo likido batzuk 752 12.476 1.383

GUZTIRA AKTIBOA 14.688 910.378 27.922

ONDARE GARBIA 7.509 452.565 24.104

Berezko Fondoak 2.228 292.636 24.104

Diru-laguntzak, dohaintzak eta jasotako ondareak 5.281 159.929 -

PASIBO EZ ARRUNTA 1.976 300.000 -

Epe luzeko zorrak - 300.000 -

Atzeratutako zergengatiko pasiboak 1.976 - -

PASIBO ARRUNTA 5.203 157.813 3.818

Epe laburreko zorrak 924 1.624 15

Merkat. Hartzek. eta ordaintzeko beste kontu batzuk 4.270 156.189 3.803

Epe laburreko aldizkakotzeak 9 - -

ONDARE GARBIA ETA PASIBOA GUZTIRA 14.688 910.378 27.922

Galdu-irabazien kontuak 2008 Mila euro

Izfe SA Bidegi SA Etorlur SA

Negozio zifratik zenbateko garbia 18.862 69.277 3.956

Izakinen bariaz. eta ibilgetura txertatutako eraikinak - - 3.571

Hornidurak (89) - (7.455)

Bestelako ustiaketa sarrerak 574 10.498 98

Langileen gastuak (7.947) (1.143) (401)

Bestelako ustiaketa gastuak (11.451) (24.027) (255)

Ibilgetuaren amortizazioa (2.563) (17.947) (20)

I. ez finantzarioko diru-laguntzen izendap. eta beste 2.563 11.423 -

Bestelako emaitzak 85 - (24)

USTIAKETAREN EMAITZA 34 48.081 (530)

EMAITZA FINANTZARIOA 100 2.112 47

EMAITZA ZERGA AURRETIK 134 50.193 (483)

Mozkinen gaineko zerga (47) - -

EKITALDIAREN EMAITZA 87 50.193 (483)

GIPUZKOAKO LURRALDE HISTORIKOKO 2008KO KONTU OROKORRAREN FISKALIZAZIO TXOSTENARI EGINDAKO ALEGAZIOAK

Gipuzkoako Lurralde Historikoko 2008ko ekitaldiko Kontu Orokorrari egindako fiskalizazioaren emaitzei erantzuna ematearren, eta otsailaren 5eko 1/1998 Legearen 13. artikuluan zehaztutakoa betez, txosten honetan aurkezten ditugu aipatutako emaitzei dagozkien alegazioak eta justifikazioak.

1.- Legea betetzeari buruzko iritziari egindako alegazioak.

Zerga sarrerak.

Atal honetako 3 idatz-zatian, HKEEk honako hau zehazten du:

GFAk ondare kontabilitatean Estatuko Administrazioan 2005eko ekitaldia baino lehenago guztira 34.317 mila euroko guztizko zenbatekoarekin sartutako zerga sarreren kontzeptuko zordunak ditu erregistratuak; kopuru horretatik 27.524 mila euro bost zergapekori dagozkie; diru kopuru hori guztiz zuzkitua dago eta ez da Arbitraje-Batzordearen aurrean erreklamatzeko izapidetu, Arbitraje-Batzordearen Erregelamenduan ezarritakoaren indarrez (Estatuko Administrazioaren eta Foru Aldundiaren edota hauen eta beste zeinahi Autonomia Erkidegoko Administrazioaren arteko auziak konpontzeko organo eskuduna, Ekonomia Itunaren 12/2002 Legearen 65 eta 66. artikuluetan ezarritakoaren arabera), 2008ko urtarrilaren 16an indarrean sartuko dena; honenbestez, zordun hauen erreklamazioa eta ondorioz kobratzeko saldoaren berreskurapena ez da gauzatzerik izan.

Alegazioa.

Maiatzaren 13ko 12/1991 Legeak onartutako Ekonomia Itunean dagoeneko Arbitraje Batzordea aurreikusita egon arren, Estatuaren eta Euskadiren artean sinatutako eta maiatzaren 23ko 12/2002ko Legeak onartutako eta indarrean dagoen Ekonomia Itunean ere aurreikusten den batzorde horretako kideak ez ziren 2007. urtera arte izendatu; izendapena irailaren 5eko EHA/2603/2007 Agindua betez burutu zen.

Arbitraje Batzordea osatzen duten kideak abenduaren 28ko 1760/2007 Errege Dekretuaren bidez izendatu eta gero, Batzordearen funtzionamenduari buruzko Araudia onartu zen, eta 2008ko apirilaren 4an egin zen Batzordea eratzeko bilera.

Aipatutako arbitraje-batzordea eratu eta gero, foru-aldundietan sortu zen lehenengo galdera izan zen zer-nolakoak izan behar ziren edo izan zitezkeen batzordera igortzeko moduko gai edo gatazkak.

Zalantza horren arrazoia izan zen, funtsean, aipatutako errege-dekretuan ez zela jasotzen «atzeraeragineko» behin-behineko ezarpen-eremua mugatzeko berariazko xedapenik, eta bakar-bakarrik aurreikusten zela, amaierako xedapen bakarrean, indarrean sartzeko data, alegia «& Estatuko Aldizkari Ofizialean argitaratu eta hurrengo egunean».

Horiek horrela, edukiaren lehenengo interpretazioaren arabera, erabaki zitekeen Arbitraje Batzordera igortzea Batzordea indarrean sartzen zen egunetik aurrera sortutako gatazkak soilik.

Hala eta guztiz ere, dagoen lege-hutsunearen aurrean, komenigarritzat hartu zen aipatutako errege-dekretua «atzeraeragineko izaeraz» ezartzea eta Arbitraje Batzordera bidaltzea Batzordea indarrean sartu zenean dagoeneko sortuak ziren gatazkak.

Erabaki hori hartuta, pentsatu zen, hala ere, foru-aldundi bakoitzean erabakitzeko zeuden gai guztiak Arbitraje Batzordera bidaliz gero, Batzordearen funtzionamendua galaraz zitekeela.

Horiek horrela, Ogasuneko eta Finantzetako Departamentuak (2008ko otsailaren 14an eta martxoaren 7an) eta EZKOk (2008ko martxoaren 12ko bilkura) egindako bileretan ondorioztatu zen egokia zela Arbitraje Batzordera bidaltzea preskribatu gabeko egoerak, baldin eta gatazka sortzen zuen gaiak ikuspegi ekonomiko zein juridikotik behar adinako garrantzia bazuen; eta, horretarako, bi hautapen-irizpide zehaztu ziren, alegia:

- Etendako likidazioaren zenbatekoa: >25.000 euro.

- Ezarpen data: 2004-01-01 eta gerokoa.

Irizpen hori kontuan hartu zen Diputatuen Kontseiluak 2008ko maiatzaren 6ko Erabakia hartzean. Erabaki horren bidez, ebatzirik geratu zen Arbitraje Batzordearen aurrean zer-nolako gatazkak aurkeztu behar ziren.

Atal honetako hurrengo idatz-zatian, HKEEk honako hau zehazten du:

2008ko aurrekontuko ekitaldiaren itxieran, zerga zorrak geroratzeko 30 eskabide daude, guztira 25.873 mila euroko zenbatekoa egiten dutenak; horiek ebatzi gabe daude eta sei hilabetetik gorako antzinatasuna dute; honenbestez, Gipuzkoako Lurralde Historikoaren Diru-bilketa Erregelamenduaren 44.2 artikulua urratu da. Ebazpenean atzeraldi honek ordainketa plan bat ez finkatzea eta dagozkion bermeak eskatzea suposatzen du.

Alegazioa.

Ez da egia 6 hilabeterik gorako atzerapenak berekin duela beti ordainketa-plan bat ez zehaztea, ezta dagozkien bermeak eskatzea ere, hala egiaztatzen duten espedienteak badirelako.

Atal honetako 5. idatz-zatian, HKEEk honako hau zehazten du:

2008ko ekitaldian zehar, GFAk ekitaldian borondatezko ordainketa aldian iraungi diren zorrei dagozkien 390 mila euroko zerga sarrerak baliogabetu ditu (kopuru honetatik 345 mila euro mila eurotik gorako zorra duten 35 zergapekori dagozkie); egoera hau zorrak jakinarazteko egin beharreko izapideak ez betetzeak eragin du, Diru-bilketa Erregelamenduaren 68. eta 69. artikuluetan aurreikusiak daudenak

Alegazioa.

HKEEk adierazitako likidazioek bat egiten dute irregulartasun bat antzeman ez zitzaien likidazioekin, izan ere, likidazio horiei buruzko lehenengo jakinarazpena egin eta gero, eta Postetxeak jakinarazpena itzuli eta gero, ez ziren GAOra bidali, horiei buruzko informazioa berriz emateko. Likidazio horien kudeaketa egiteko prozeduraren barruan, Aldizkarian argitaratzeko moduko likidazio guztiak tratatzen ari zirelakoan jardun zen, baina ez zen horrela egin. Iazko fiskalizazio-txostenaren aurrean egindako alegazioetan adierazi zen bezala, prozedura hori aztertu egin zen barne-kontrolak hobetzeko estrategiaren barruan, eta borondatezko aldian egiten diren zorren jakinarazpenen kontrola eta segimendua egiteko tresna berriak garatu dira jadanik; beraz, azaldutakoaren moduko egoerak ez lirateke errepikatu behar, sistema berria funtzionatzen hasten den egunetik aurrera.

Langileen gastuak.

Atal honetan, honako hau zehazten du HKEEk:

GFAk ez ditu Pertsona Fisikoen Errentaren gaineko Zergaren laneko irabazi modura barne hartzen zazpi langileri guztira 507 mila euroko zenbatekoarekin ordaindutako borondatezko erretiro kontzeptuko sariak; izan ere, ez baititu zerga horri atxikitako ordainsaritzat hartzen, eta zerga-arauak, aldiz, ez du ordainsari horietarako inongo salbuespenik aurreikusten.

Alegazioa.

Hasiera batean, Foru Aldundiak ordaindutako borondatezko erretiroko sariak Pertsona Fisikoen Errentaren gaineko Zergaren araberako konturako atxikipenak egin eta gero ordaintzen ziren, harik eta, Diputatuen Kontseiluak 1987ko uztailaren 14an hartutako Erabakiaren ondorioz, 1987ko martxoaren 25ean Iruñako Lurralde Auzitegiko Administrazioaren Auzietako Salaren Epaia bere horretan gauzatzea erabaki zen arte. Epai horren bidez, onartu egin zen Foru Aldundiko funtzionario batek, ordaindu zioten borondatezko erretiroko sarian, PFEZen % 22ko atxikipen gisa, 575.506 pezetako atxikipena egin ziotela-eta, ezarritako errekurtsoa.

Epaian adierazi zen egindako atxikipena ez zela zuzenbidearen araberakoa, eta kontzeptu hori zela-eta subjektu pasiboari behar ez bezala atxikitako kopuruak itzultzeko agindu zen.

Beste alde batetik, otsailaren 25eko 1/1998 Foru Arauak, Zerga Neurriei buruzkoak, Pertsona Fisikoen Errentaren gaineko Zergaren hainbat salbuespen arautzen ditu, eta egindako aldaketan berariaz aipatzen dira administrazio publikoetako giza baliabideen inguruko plan estrategikoak, Pertsona Fisikoen Errentaren gaineko Zergari buruzko abenduaren 27ko 13/1991 Foru Arauaren 9. artikuluan, Bat idatz-zatiaren d) eta p) letren idazketa berriaren bitartez.

Pertsona Fisikoen Errentaren gaineko Zergari buruzko Abenduaren 24ko 8/1998 Foru Arauan nahiz abenduaren 29ko 10/2006 Foru Arauan, salbuetsitako errentei buruzko 9. artikuluan, administrazio publikoen giza baliabideen inguruko plan estrategikoak arautzen dira.

Ingurune horren barruan sartu behar da Gipuzkoako Foru Aldundiaren Giza Baliabideen Plan Estrategikoa, Diputatuen Kontseiluak 1998ko urtarrilaren 7an hartutako Erabakiaren bidez onartua eta 1998ko martxoaren 24ko Erabakiaren bidez osatua; izan ere, aipatutako plana baliabideak egoki antolatu ahal izateko tresna gisa sortu zen, eta baliabideen antolaketaren II. atalean aurreikusten da, besteak beste, diru-laguntzen bidezko erretiro aurreratua.

Zehazki, diru-laguntzen bidezko erretiro aurreratua arautzen duen 2.1 Neurriaren b) atalean, honako hau xedatzen da:

«Kalteordaina, berriz, Lan Baldintzak Arautzeko Akordioan borondatezko erretirorako aurreikusitako saria oinarritzat hartuta ondorengo eskalako kopuruetara iristeko jarri behar dena izango da, erretiro adinari egokituta beti ere:

- 60 urterekin, lansari gordinaren 3 urteko.

- 61 urterekin, lansari gordinaren 2,4 urteko.

- 62 urterekin, lansari gordinaren 1,8 urteko.

- 63 urterekin, lansari gordinaren 1,2 urteko.

- 64 urterekin, lansari gordinaren 0,6 urteko».

Neurri horretan zehaztutakoa ikusita, argi eta garbi dago diru-laguntzen bidezko erretiro aurreratua dela-eta emandako sariek bi zati dituztela: borondatezko erretiroko saria, lan-baldintzak arautzen dituzten erabakietan aurreikusitakoa, eta Foru Aldundiaren Giza Baliabideen Plan Estrategikoan aurreikusten den osagarria, aipatutako eskalan adierazitako kopuruetara iritsi arte.

Beste alde batetik, osagarri hori ordain daiteke, bakar-bakarrik, Planean ezarritako baldintzak betetzen direnean, eta aldez aurreko deialdi bat egin beharko da baldintza horiei heltzeko, eta, horren ondorioz, baldintza horiek gehienak ez dira bete, aldian behingo deialdiak izapidetu ez direlako. Aitzitik, izapidetu egin dira Giza Baliabideen Plan Estrategikoan aurreikusitako lehenengo zatia bakarrik ordaindu zaien erretiro aurreratuak, hau da, 2005eko abenduaren 25ean Diputatuen Kontseiluak hartutako Erabakiaren eranskineko 7. puntuan aipatzen diren hileko ordainketak; aipatutako Erabakiaren bidez, Aldundiko Langileen Araudia onartu zen, 2005eko urtarrilaren 1etik 2007ko abenduaren 31 bitarteko aldirako.

Ondorioz, erretiro aurreratuko sariei dagokienez, aipatutako bi araudietan zehaztutakoaren interpretazio bateratua egin behar da, eta ulertu behar da Diputatuen Kontseiluak 1998ko urtarrilaren 7an hartutako Erabakiaren bidez onartutako eta 1998ko martxoaren 24ko Erabakiaren bidez osatutako Giza Baliabideen Plan Estrategikoak duela lehentasuna, bertan aipatzen baitira saria osatzen duten bi zatiak.

Beste alde batetik, 2009ko uztailaren 7an egindako Diputatuen Kontseiluan hartutako Erabakian, indarrean dagoen Gipuzkoako Foru Aldundiaren Giza Baliabideen Plan Estrategikoko Lehen Tituluaren II. Kapituluaren aldaketa xedatzen da; hala bada, bertan jasotzen dira erretiro aurreratuaren inguruko neurriak eta Gipuzkoako Foru Aldundiko enplegatu publikoa izateari uko egite saritua, horren helburua Gipuzkoako Foru Aldundiko pertsonala berritzea dela.

Era berean adierazi behar dugu gure inguruko foru-administrazioek neurri horiek jasotzen dituzten plan estrategikoak dituztela jadanik, eta plan horiek, gainera, administrazioko pertsonalaren antolaketa eta plangintza egitea errazten dutela.

Adierazitako guztia kontuan izanda, interpretatu da Diputatuen Kontseiluak 1998ko urtarrilaren 7an hartutako Erabakiaren bidez onartu eta 1998ko martxoaren 24ko Erabakiaren bidez osatutako Gipuzkoako Foru Aldundiaren Giza Baliabideen Plan Estrategikoan zehaztutakoa betez eta 2005eko abenduaren 26ko Diputatuen Kontseiluak 2005eko urtarrilaren 1etik 2007ko abenduaren 31ra bitarteko aldiko Langileen Araudia onartzeko hartutako Erabakiaren bidez ezarritako zenbatekoen arabera ordaindu diren erretiro aurreratuko sariei ez zaiela Pertsona Fisikoen Errentaren gaineko Zergaren atxikipena egin behar. Aipatutako erabakian, bigarren puntuan, honako hau ezartzen da:

«Erabaki honen indarraldia hasiko da Diputatuen Kontseiluak onartua izan eta gero, ordainketen eguneratzeari dagokionean izan ezik, alderdi horrek ondorioak izango baititu 2005eko urtarrilaren 1etik aurrera, eta antzinatasuna dela-eta ordainketa egiteko egunei dagokienean, 2006ko urtarrilaren 1ean indarrean sartuko baita.

Indarraldia 2007ko abenduaren 31n amaituko da. Nolanahi ere, ulertuko da era automatikoan luzatuko dela, horren ordez emandako beste erabaki bat indarrean sartzen den arte».

2008. urtean ez zen erabakirik hartu, eta, beraz, era automatikoan luzatu zen 2005-2007 aldiari zegokiona hurrengo erabakia hartu arte, 2009ra arte, alegia.

Administrazio kontratazioa.

Atal honetako 8. idatz-zatian, HKEEk honako hau zehazten du:

GFAk publizitate betekizunak saihestuta kontratuak zatikatu ditu, HAKLTBren 78. artikuluan edota SPKLren 74.2 artikuluan xedatutakoa urratuz honako kasu hauetan: zentro batean 394 mila euroko lanak; 89 mila euroko hornidura kontratu bat; 7.056 mila euroko lau zerbitzu kontratu (kopuru honetan Gizarte-Politika Saileko kontratazioak nabarmentzen dira, 5.299 mila euro egin dutenak adingabeen egonaldiengatiko zerbitzuen kontzeptuan eta 1.583 mila euro arreta psikologikoa emateko zerbitzuen kontzeptuan; azken kontzeptu honi dagokionez, GFAk lehiaketa publikoa esleitu zuen) eta aseguruen kontratu pribatu bat 225 mila eurokoa.

Alegazioa.

Gizarte Politikako Departamentuak izapidetutako kontratuei dagokienez, adierazi behar dugu inoiz ez dela kontratuak zatikatzea proposatu; hala ere, egia da Departamentuaren ardurakoak diren adin txikikoei arreta emateko betebeharrak eta legea zorrotz betetzen duten prozedurak egitea bateratzea ia ezinezkoa suertatu zela 2008ko ekitaldian.

2008. urtea Gipuzkoan jatorri atzerritarreko adin txikikoen sarrera gehien gertatu diren urteetako bat izan zen (gehienbat, gizonezkoak izan ziren, Marokon jaioak). Hala bada, 2006. urtea erreferentziatzat hartzen badugu, urte horretan 156 adin txikiko iritsi ziren, eta horietatik erdiak baino gehiago lurraldetik joanak ziren urte bereko abenduaren 31rako. 2008. urtean, aldiz, 225 adin txikiko iritsi ziren, eta horietatik 221 adin txikikok jarraitzen zuten Gipuzkoan abenduaren 31n. Adin txikiko horien batezbesteko adina 15 urtekoa zen.

Onartu behar da Aldundiak adin txikiko horiei arreta emateko dituen baliabideak ez zirela aurrera joaten eskaeraren erritmo berean, gorago adierazi dugun bezala, adin txikikoak etengabe iristen zirelako.

Ahalegin handiak egin ziren adin txikikoei ahalik eta arretarik osoena emateko. Ildo horretan, gainerako administrazioekin lankidetzan aritu ginen, eta adin txikiko horietako bakoitzari banakako arreta emateko Plana prestatu zen, ahalik eta osatuena egiten ahaleginduta eta erreferentziako pertsona bat jarrita; pertsona hori, oro har, adin txikikoentzako arretaren kudeaketan eskarmentu frogatuko elkarteren batekoa zen, horrek balio handia baitzuen Departamentuko teknikarientzat. Hala bada, eman beharreko zerbitzuaren eskaintzak kontrolatu gabeko eskaerari aurrea hartzeko baliabiderik eta azkartasunik ezaren aurrean, elkarteak bitarteko moduan erabili ziren erreferentziako profesionalez hornitzeko orduan, eta adin txikiko horiek hotel-establezimenduetan (pentsioetan) ostatu hartu zuten, hasierako erantzuna pixkanaka ordezkatzen zuten beste zerbitzu batzuk sortzen ziren bitartean (higiezinak eskuratuta eta zerbitzuen kontratazioen bidez).

Alegazio honen hasieran aipatutako zenbakizko datuetatik ondoriozta daiteke, halaber, legedian premiazko egoeretarako kontuan hartzen diren premiazko prozedurek ere ez zutela gertatutako egoera saihestuko, izan ere ordu batetik bestera erantzun behar zitzaion kontrolatu gabeko zerbitzuen eskaeraren aurrean, ez geneukan abiadura berean jarduteko moduko berezko baliabiderik.

Atal honetako 9. idatz-zatian, HKEEk honako hau zehazten du:

GFAk 16 babesletza kontratu izenpetu ditu erakundeekin guztira 735 mila euroko zenbatekoarekin, Gipuzkoaren eta Foru Erakundearen izena eta irudia zabaltzeko helburuarekin. Kontratuen helburua orokorra da eta honek desitxuratu egiten du kontratua eta egiaz bete dela egiaztatzea eragozten du. Honela, bada, eragiketa honek diru-laguntza edukia du eta honenbestez, publizitate eta lehia printzipioak bete behar ziratekeen.

Alegazioa.

Baieztapen hori ez dator bat errealitatearekin, 15.5. eranskinean jasotzen diren kasu guztietan; izan ere, kontratu horietatik hamarri -behean zehaztutakoak- kontratazio-espedientea egin zitzaien, eta aipatutako espediente horietan (bai baldintza teknikoen agirian, bai kontratua sinatzeko dokumentuaren eranskinean) jasota daude babestutako erakundeek, beren gain hartutako betebeharraren arabera, eman beharreko publizitate-kontraprestazio zehatzak, eta, hala, ezin da orokortzat hartu kontratuaren xedea.

BABESLETZA KONTRATUA ZENBATEKOA

Musika-kontzertua 100.000 euros

Behobia-Donostia oin-lasterketa 25.000 euros

Zaldi-lasterketak, Donostiako hipodromoan 25.000 euros

Donosti Cup futbol-lehiaketa 25.000 euros

Hiru txirrindularitza-itzuli 140.000 euros

Aita Mari Arraun Elkartea 50.000 euros

Sanpedrotarra arraun-kluba 50.000 euros

Orioko arraunketa olinpikoko kluba 50.000 euros

Hondarribiako arraun-taldea 50.000 euros

Zarauzko Arraun Elkartea 50.000 euros

Lau kontratu gehiagotan, nahiz eta babestutako erakundeek publizitatearen kontraprestazioa egiteko baldintzarik ez ezarri, babespekoen publizitate-betebeharrak betetzen direla zorroztasunez kontrolatu da, Gipuzkoako Foru Aldundiak sustatutako kirol-ekitaldi eta -jarduerak kontrolatzeko berariaz kontratatutako enpresa baten bidez.

Musika-kontzertu bat egiteko babesletza-kontratuari dagokionez, adierazi behar dugu rock musikaren munduko gaur egungo irudi garrantzitsuenetako batek Donostian kontzertua ematea, berez, berezitasun handiko jazoera dela. Hiri bat eta lurralde bat musikaren munduko artisten lehen mailako zirkuituan sartzen denean, alderdi ugari elkartu ohi dira, bestela, oro har, batzen ez direnak. Berezitasun hori -bisitarien kopuru handiak duen erakarpen-efektuak areagotua- zein emanaldi mota horiek komunikabideetan duten oihartzuna eta egiten zaien segimendua bitarteko ezin hobeak dira Lurralde Historikoaren irudia sustatzeko. Horregatik bada, Gipuzkoako Lurralde Historikoaren eta Foru Aldundiaren beraren irudia aipatutako kontzertuaren babesletza-kontratu baten bidez sustatzea interesgarria zela uste izan zen, eta, hala, Kiroletako eta Kanpo Ekintzako Departamentua eta Diputatu Nagusiaren Kabinetea elkarrekin aritu ziren lankidetzan.

Kirol-erakundeekin sinatutako babesletza-kontratu guztiak nahiz musika-emanaldia nabarmen iragarri ziren komunikabideetan, eta kontzertua erakargarritasun handikoa izan zen turista eta bisitarientzat.

Horregatik bada, erakunde horiek eta kontzertu hori -eta ez beste batzuk- soilik babestea erabaki zen. Hau da, kontratu pribatuak dira, eta kontratista hautatzeko sistema publizitaterik gabeko sistema negoziatua izan zen, lizitatzaile bakarrarekin, arrazoi ekonomiko, tekniko edo artistikoak direla medio (Sektore Publikoko Kontratuei buruzko Legearen 154.d) artikulua).

Atal honetako 11. idatz-zatian, honako hau adierazten da:

Guztira 33.451 mila euroko zenbatekoarekin esleitutako obra espediente baten lehiaketan eskaintzak jasotzeko kontratazio arautegian aurreikusitako publizitate epeak urratu dira (HAKLTBren 78.2 artikulua), izan ere, 14 egun eman dira arautegiak 26 egun aurreikusten dituenean. Lizitatzaile kopurua 14koa izan da.

Alegazioa.

Puntu honetan alegatzen denari dagokionez, uste dugu egokia dela adieraztea lizitazioari publizitatea eman behar zitzaion hiru aldizkari ofizialetatik BOEn bakarrik ez zela epea bete, eta horren arrazoia izan zen BOEko bulegoetan iragarkia jasotzeko berandutzea, izan ere, GFAko irteera-erregistroko data urtarrilaren 3a da, eta BOEko sarrera-data urtarrilaren 15a (I. eranskina).

Hurrengo idatz-zatian, honako hau zehazten da:

Hainbat kontraturen exekuzioan aldaketa adierazgarriak gertatu dira, administrazioko kontratazioaren arautegian jasotako lehiaketa printzipioak urratzen dituztenak, izan ere, igoeren zenbatekoak desitxuratu egiten baitu bai kontratuaren xedea, bai kontratuaren bolumen ekonomikoa ere:

Alegazioa.

Apraitzeko (Elgoibar) hondakin-uren araztegia gauzatzeko eta abian jartzeko 2. Proiektu Aldatuaren inguruko obrak gauzatzeko kontratuari dagokionez, adierazi behar dugu 2008ko abenduaren 16an hartutako Erabakiaren bidez, proiektua likidatzea onartu zela, 19.147.952,68 euroko zenbatekoan; horietatik 17.010 mila euro kontratu bidezko exekuzioari dagozkio eta 2.137.804,90 euro prezioen berrikuspenari; baimendutako gastua 1.528.580,82tan gainditzen zen, hau da, % 8.98tan, alegazioak egiteko aurkeztutako txostenean, hutsegite baten ondorioz, aipatzen den % 44ren ordez.

Gauzatze materialaren atalean, 787.422,20 euroko igoera gertatu zen indarrean dagoen esleipen-prezioaren gainetik, eta neurketen doitasunaz gain, hauek izan dira horren arrazoiak: tratamendu biologikoko unitatea arintzeko, hormigoi armatuzko horma bat eraikitzeko beharra; lohien lodigarrira iristeko kanpoko eskailera bat eraikitzea; lohien lixibagailua kanpotik estaltzea; galerietako pasabideetan aldaketak egitea; Euskotrenek hala eskatuta, trenbide aldeko instalazioen itxituraren atzeraemangunea; eta, azkenik, hasiera batean aurreikusita ez zeuden edo bermealdian burutu behar izan diren beste jarduketa batzuk.

Adunan Oria Erdiko hondakin-uren araztegia eraikitzeko egitasmoa onartzearen ondoriozko kontratuetan egindako aldaketei eta Asteasu eta Zizurkilgo herrien artean bidegorria egiteko proiektuaren 1 zenbakiko proiektu aldatuari dagokienez, horiek behar bezala arrazoitu ziren bakoitzaren kontratazio-espedientean, eta egiaztatu zen behar berriak edo ezusteko egoerak sortu zirela eta lan horiek bereizirik kontratatzea ez zela egokia. Adunako araztegiari buruzko espedientean, gainera, beharrezkoa izan zen Lurralde Historikoko Aholku Batzorde Juridikoak parte hartzea, eta aldeko txostena eman zuen 2008ko azaroaren 4an.

Aldakonea egoitza geriatrikoko beheko solairua zaharberritzeko eta egokitzeko lanen kontratuan, obra dagoeneko esleituta zegoela, obrei ekin baino lehen Donostiako Udalak eman beharreko baimena eskatu zenean, Udalak baimena emateko baldintza bat ezarri zuen, alegia, obrako proiektuan aurreikusita ez zeuden neurri batzuk hartzea, eta zehazki, atondo nagusian beste banaketa bat egitea eta larrialdiko eskailerak zituen ebakuazio-irteera berri bat egitea. Hau da, eskakizun horren ondorioz, hasiera batean aurreikusita ez zeuden obrak egin behar ziren, teknikoki kontratatutako obrak gauzatu behar ziren alderdiaren barruan zeudenak, baina hasieran aurreikusitako gastuan igoera sortzen zutenak. Beraz, bazirudien obraren zati hori obra nagusitik bereizteko eta kontratazio-espediente berri bat irekitzeko irtenbidea ez zela obren alderdi teknikoaren konponketa; hala bada, Udalak proposatutako obraren aldaketari aurre egiteko behar adinako baliabide ekonomikoak zeudela kontuan hartuta, legean aurreikusitako formulen artean prozedurarekin jarraitzea aukeratu zen, kontratuan aldaketa bat eginda, era horretan, zentroa zaharberritzeko orduan denbora irabazten zen-eta.

Udalak hartutako erabakiaren ondorioz, Obrako Zuzendaritzari eskatu zitzaion hasierako proiektua Udalaren eskakizunak gehituta osatzea, era horretan eskuratu ahal izango baitzen eduki beharreko baimena.

Izapidearen gainerako urratsak ekainaren 16ko 2/2000 Legegintzako Errege Dekretuaren edukira egokitu ziren.

Diru-laguntzak.

Atal honetan, HKEEk alderdi hauek zehazten ditu, besteak beste:

Diputatuen Kontseiluak 56 diru-laguntza zuzen eman ditu guztira 22.067 mila euroko zenbatekoarekin, publizitate eta lehia printzipioak sustatzeko ezintasuna justifikatu gabe. Hona hemen laguntza horien onuradunak: 23 toki entitate (14.468 mila euro); 6 enpresa (2.125 mila euro) eta irabazi asmorik gabeko 27 entitate (5.474 mila euro).

Alegazioa.

Aranzazu Fundazioa, Dendartean, Mondragon Unibertsitatea eta Gotzaindegia erakundeei emandako diru-laguntzetarako publizitate eta lehia printzipioak ez sustatzeko arrazoirik ez azaltzeari dagokionez, adierazi behar dugu erakunde guztiak eta aurkeztutako proiektuak erreferentzia bereziak direla bakoitza bere esparruan, eta hala arrazoitu zela Diputatuen Kontseiluaren aurrean aurkeztu ziren espedienteetan. Era berean, lankidetza formalizatzeko ekintzek eragin handia izaten dute hedabideetan.

Kirolgi Fundazioari emandako diru-laguntzari dagokionez, adierazi behar dugu Gipuzkoako Foru Aldundiak, sortzaile bakarra izanik, partaidetza bakarra daukala erakunde onuradun horretan, eta gobernu- eta administrazio-organoetako kideak -Patronatua eta Batzorde Betearazlea-, gehienbat, foru-ordezkariak direla. Horregatik, eta errendimenduko kirola babesletzen bidez sustatzea helburu duen Gipuzkoako erakunde bakarra izanik, badirudi behar bezala arrazoituta dagoela kasu honetan lehia ez egotea -edo, hobeto esateko, lehia egiteko ezintasuna-.

Kiroletako eta Kanpo Ekintzako Departamentuak emandako gainerako zuzeneko diru-laguntzei buruz esan behar dugu horietako batzuek inplizituki dutela berekin publizitate eta lehiaren printzipioak ezartzeko ezintasuna. Berez, lehiaren printzipioa ez ezartzeak berekin du, nahitaez, diru-laguntza eman baino lehenagoko publizitatearen printzipioaz salbuestea, baina ez eman eta gerokoa, eta hori, nolanahi ere, zuzeneko diru-laguntzen kasuan bakarrik betetzen da.

Horrela bada, Bidasoa-Txingudi Mugaz gaindiko Partzuergoari mugaz gaindiko kirol-jarduerak garatzeko emandako diru-laguntzari dagokionez, begien bistakoa dirudi ezinezkoa dela lehia sustatzea, Gipuzkoan mugaz gaindiko izaera duen erakunde publiko bakarra delako. Irungo Kirol Patronatuaren kasuan, kontuan hartu behar dugu Gipuzkoako Kirol Kontseiluko kidea izanik eta, beraz, Kirol Txartela izenekoa -Lurralde osoko kirol-instalazioetan sartzeko txartela- abian jartzeko jarduketetan parte hartu duenez, giza baliabideak eskainita lagundu du ekimen hori garatzen, eta hori da zuzeneko diru-laguntza emateko arrazoia eta lehiarik ez egoteko arrazoia. Beste alde batetik, Gipuzkoako Euskal Pilota Federazioa bertako kirol-modalitate horren kudeatzailea izanik Gipuzkoan, eta Euskadiko Kirolari buruzko ekainaren 11ko 14/1998 Legean eta Kirolaren Euskal Planean erakunde horrentzako tratamendu estrategi berezia aurreikusita, arrazoituta dago lehiarik ez egotea.

Laburbilduz, gorago esandakoa: ematen den diru-laguntzaren izaerak, edo objektuak, berekin du inplizituki, ia kasu guztietan, lehiaren salbuespena eta, ondorioz, aurretiazko publizitatea egitea, izan ere, diruz laguntzen dena erakunde onuradunaren berezko jarduera da, edo erakunde horrek soilik proposatutako proiektu zehatzak. Beste alde batetik, ezin dugu aipatu gabe utzi diru-laguntza zuzena jaso duen jarduerak 2009. urtean jarraipena izan duenean, ekitaldi horretako aurrekontuari gehitu zaiola diru-laguntza izendun bezala, eta hortik ondorioztatu behar da jarduera horiei diru-laguntza emateko aukera 2008an sortu dela.

Beste espediente batzuetan, eta zehazki hainbat kontzeptu direla-eta Donostia, Beizama, Elgeta, Irun, Beasain eta Aiako udalei, eta Donostiako Tranbia Konpainia SA eta Oarsoaldeko Industrialdea SA sozietateei emandako diru-laguntzen espedienteetan, zehazki, uste dugu behar bezala egiaztatuta daudela (eta ildo horretako informazioa eman da espediente bakoitzean) Gipuzkoako Lurralde Historikoko Diru-Laguntzei buruzko Foru Arauaren 20. artikuluan, 3.c) idatz-zatian aipatzen diren interes publikoko arrazoiak; horien arabera, Foru Aldundiak zuzenean esku har dezake mota horretako jarduketak finantzatzeko orduan, eta esku-hartze hori, beste alde batetik, administrazioen arteko harremanak besteak beste gidatu behar dituen kooperazioaren printzipioaren barruan sartu behar da, Toki Araubidearen Oinarriak arautzen dituen apirilaren 2ko 7/1985 Legearen 55. eta 57. artikuluetan nahiz Herri Administrazioen Araubide Juridikoaren eta Administrazio Prozedura Erkidegoaren azaroaren 26ko 30/1992 Legearen 4. artikuluan adierazitakoaren arabera.

Garbiguneak eta erabilitako olioa biltzeko guneak egiteko diru-laguntzei dagokienez, jakinarazi behar dugu Lurralde Historikoan hondakinen kudeaketan ari diren mankomunitate guztiei eman zaizkiela. Ondorioz, uste dugu bete egin direla publizitate eta lehiaren printzipioak, diru-laguntza horiek emateko orduan.

Berrikuntzako eta Jakintzaren Gizarteko Departamentuak kudeatzen dituen diru-laguntzen inguruan arrazoiketa hauek egin behar ditugu:

- Zientziaren Astea antolatzeko Euskal Herriko Unibertsitateari eman zitzaion diru-laguntzak publizitatearen eta lehiaren printzipioak ez edukitzeko arrazoia da EHU urtero ekitaldi hori antolatzeaz arduratzen den irakaskuntzako erakunde bakarra dela.

- Makina-tresnen eta Fabrikazio Teknologien Biltzarra egiteko emandako diru-laguntzari dagokionez, adierazi behar dugu biltzar hori oso ekitaldi berezia dela, 1976. urteaz geroztik INVEMA (makina-tresnari buruz ikertzeko fundazioa) izeneko erakundeak bi urtean behin antolatzen dituena.

Invema Fundazioak bere barnean biltzen ditu sektoreko enpresa guztiak, eta, beraz, ez dago lehiaren beharrik.

GFAk ekintza mota horiek babestu eta sustatu ditu, dinamikoa eta teknologiaren aldetik aurreratua den sektore baten alde, Gipuzkoak presentzia handiena baitu aipatutako sektorean; beraz, 9.000 euroko diru-laguntza ematea erabaki zuen, Donostiako Miramar Jauregian, 2008ko urriaren 15ean, 16an eta 17an egin zen 17. Biltzarrari.

«Disonancias» proiektua egitasmo aitzindaria da, artearen munduko sorkuntzaren eta teknologiaren berrikuntzaren arteko zubiak eraiki nahi dituena; hala bada, lotura berria garatu du, enpresa-munduak eta horri lotutako teknologia-inguruneak arte-munduarekin eta mundu horretako sorkuntza-garapenarekin elkarrizketan jarduteko. Kultur Kudeaketaren Foroa Kultur Elkarteak garatu du proiektu hori hasieratik, eta 2008-2009 aldian itxi da.

Foru Aldundiak proiektu hori sustatu du 2006-2007 aldian lehenengo emanaldia egin zenetik, eta 2008-2009 aldirako 24.000 euroko diru-laguntza zuzena eman dio (12.000 euro 2008ko ekitaldirako, eta 12.000 euro 2009ko ekitaldirako). Diru-laguntza zuzen hori emateko arrazoia aipatua dugu dagoeneko: ekimen berezia da eta ezaugarri bereziak ditu (arte-sorkuntza eta teknologiaren berrikuntza, enpresen eta teknologia-zentroen arteko lankidetza), eta, era berean, diru-laguntza jaso duen erakundeak alor honetan duen eskarmentua.

Donostia International Physics Center Fundazioari Konputazio Zentroa zabaltzeko emandako 400.000 euroko diru-laguntza beharrezkoa izan da materialen fisikaren alorrean ikerketak egiten dituen erakunde onuradunak, dituen ezaugarriak kontuan hartuta, egin behar duen inbertsioan laguntzeko, izan ere, bertako Konputazio Zentroa etengabe berritu behar da, ikerketak garatu ahal izateko.

Erakunde onuradunaren berezitasuna ikusita, materialen fisikaren alorrean duen eredu-izaera eta bertan egiten diren ikerketen garrantzia -nazioarteko eremuaz gaindikoa, eta, halaber, Gipuzkoan, ikerketaren alorrean duen eragile dinamizatzailearen eraginaz gaindikoa baita- arrazoi dira laguntzak izaera berezia izan dezan.

Gipuzkoako Bazkundea zuzenbide publikoko korporazioa da, Merkataritza, Industria eta Itsasketa Ganbera Ofizialen martxoaren 22ko 3/1993 Oinarrizko Legean ezarritakoari jarraituz, eta enpresak nazioartekotzeko nahiz Gipuzkoako enpresen esportazioan laguntzeko jarduketak egiten ditu, bertako produktuak eta zerbitzuak hemendik kanpo ere egongo direla ziurtatzeko. Horiek horrela, GFA eta Gipuzkoako Bazkundea, nazioarteko merkatuetara iristeko oinarri teknologikoko enpresa berriek (NEBT) dituzten arazoez eta horrek hazkuntzaren, jarduera nazioartekotzearen eta lehiakortasunaren alorretan sortzen dizkien ondorio negatiboez ohartuta, hainbat jarduketa sustatu nahi izan dituzte elkarrekin, helburu hauek lortzeko: nazioarteko estrategia definitzea, harremanak eta itunak sustatzea, kanpoko sareak sortzea eta nazioarteko hedakuntzan laguntzea.

Ildo horretan, Gipuzkoako Foru Aldundiak eta Gipuzkoako Bazkundeak lankidetza-hitzarmen bat egitea erabaki zuten, oinarri teknologikoko enpresa berriak nazioartekotzeko esperientzia pilotu bat sustatzeko eta garatzeko.

Hitzarmenean zehazten da Foru Aldundiak eta Gipuzkoako Bazkundeak enpresak nazioartekotzeko jarduketak egiten dituztela, eta merkatuetara iristeko oinarri teknologikoko enpresa berriek (NEBT) dituzten arazoez ohartuta, diru-laguntza bat ematen zaiola Bazkundeari, dituen eskarmentua, harremanak eta sareak kontuan hartuta, Gipuzkoako oinarri teknologikoko enpresa berriak nazioartekotzeko estrategia bateratua finkatzearren.

Fundación Goierri-Goierri Fundazioa 1986an sortutako erakundea da, Goierrin, prestakuntzan eta garapen tekniko, ekonomiko eta sozialaren alorrean lan egiten duena. Erakundeak Goierri Berrikuntza Gunea Ordizia udalerrian sortzea sustatu du, bertan kokatuta baitaude, halaber, Goierri Lanbide Eskola, Mondragon Unibertsitatearen Goierriko Campusa, Goikerri Zerbitzu Teknologikoa eta LORTEK Teknologia Zentroa.

GFAren 2007-2011 Kudeaketa Planaren ekintza-ildoen arteko bat Lurraldeko eskualde, enpresa eta eragileen I+G+b alorrean dauden beharrei erantzutea da, eta baita I+G+b alorreko proiektu edo azpiegitura berezi edo estrategikoak babestea ere, eta hori Goierri Fundazioari Goierri Berrikuntza Gunea sustatzeko emandako diru-laguntzaren izaera berezia zuritzeko moduko arrazoia da, azpiegitura horrek izaera estrategiko garbia baitu, eta interes publiko eta ekonomikokoa baita Goierri eskualdean nahiz, hedapenez, Gipuzkoako Lurralde osoan.

Hiru ikerketa-zentro ekipamenduz hornitzeko emandako diru-laguntzari dagokionez, hau adierazi behar dugu: Gipuzkoan dauden bost ikerketa kooperatiboko zentroetako batzuetan (IKZ), alderdi fisikoa ez da garrantzitsuena, eta, zenbaitetan, ikerketaren zama IKZren alderdi birtualak hartzen du bere gain, hau da, bazkideek, eta, hala, IKZ berez osatzen duen alderdi fisikoak koordinazio-lanak egiten ditu, batez ere. Halaxe gertatzen da MARGUNE IKZn. IKZ horretan oso zabala da alderdi birtuala, hau da, ikerketa gehienak IKZko kideek egiten dituzte, eta kideen egoitzetan kokatuta daude proiektuak burutzeko beharrezkoak diren azpiegiturak eta ekipoak. IKZ honek, beraz, ez dauka ekipamenduan inbertsio garrantzitsurik, ez eta ikerketan aritzeko azpiegituretan ere. Beste alde batetik, TOURGUNE izeneko IKZk, burutzen dituen ikerketen izaera dela-eta, ez dauka ekipamendu bereziren beharrik.

Gainontzeko IKZk dira diru-laguntzak jaso dituztenak.

Beraz, Gipuzkoan kokatuta dauden bost IKZetatik (EAEn zazpi daude) hiruk bakarrik aurkez ditzakete mota horretako proiektuak, eta hirurek proiektuak aurkeztu dituztenez eta diru-laguntza jaso dutenez, uste dugu publizitatea eta lehia ez direla beharrezkoak.

Diru-laguntza horiek FEDER funtsekin batera finantzatzeko aurkeztuko dira.

Diputatuen Kontseiluak 18 erakunderi 11.107 mila euroko diru-laguntza zuzenak eman dizkie (5 toki erakunderi 4.146 mila euro, enpresa pribatu bati, 1.130 mila euro eta irabazi asmorik gabeko 12 erakunderi, 5.831 mila euro) osasun eta gizarte zerbitzuen azpiegiturak garatzeko, publizitate eta lehia sustatzeko ezintasuna justifikatu gabe. 2008ko ekitaldian helburu bereko foru dekretu bat dago eta horren bitartez inbertsioetarako 69 proiekturi 8.273 mila euro eman zaizkie.

Alegazioa.

2008an, inbertsioari diru-laguntzak emateko onartutako araudiari dagokionez, aipatu behar dugu Diputatuen Kontseiluak 2008ko irailaren 9an hartutako Erabakia; erabaki horren bidez, Gizarte Politikako Departamentuaren eskumen-esparruko gizarte-zerbitzuetako egoitzetan inbertsioa egiteko diru-laguntzak emateko oinarri arautzaileak eta 2008ko ekitaldian laguntzak emateko deialdia onartu ziren. Oinarrietako 7.1 atalean, eta laguntzak emateko prozedurari dagokionez, adierazten zen laguntza horiek lehiakortasun-erregimenean emango zirela, eta ekitaldiko aurrekontuak ahalbidetzen zuen heinean.

Nolanahi ere, adierazi behar dugu Gipuzkoako diputatu nagusiak, gainerako foru-aldundietako diputatu nagusiekin batera, hitzarmen bat sinatu zuela 2008ko otsailaren 13an Eusko Jaurlaritzarekin, Herri Dirubideen Euskal Kontseiluak 2007ko urtarrilaren 18ko bilkuran hartutako erabakiaren bidez eratu zen Osasun eta Gizarte Zerbitzuen Azpiegituretarako Funtsa 2007-2011 aldian garatzeko eta erabiltzeko. Ingurune hartan ezarri ziren irizpideei jarraituz, aipatutako erabakiaren 1. eranskinean berariaz identifikatu eta zenbatetsi ziren bi erakunde publikoek batera mendekotasuna eta ezgaitasuna duten adineko pertsonen alorrean finantzatu behar zituzten proiektuak. Beraz, ez zen egokia aipatutako proiektuei, aurreko paragrafoan aipatutako oinarri arautzaileetan aurreikusitakoaren arabera, diru-laguntzak lehiakortasun-erregimenaren bidez emateko prozedura ezartzea.

Hala bada, erakundeen erabaki hori gauzatzeko, Diputatuen Kontseiluak 2008ko apirilaren 22an eta abenduaren 16an egindako bileretan onartu zuen Eusko Jaurlaritzarekin batera sinatutako Hitzarmenaren 1. eranskinean zerrendatutako erakundeentzat izango ziren diru-laguntzak era zuzenean ematea, Gipuzkoako Lurralde Historikoko diru-laguntzei buruzko martxoaren 27ko 3/2007 Foru Arauaren 20. artikuluan, 3.c) atalean ezarritako baldintzak betetzen zirelako.

Nekazal ustiapenetan inbertsioetarako laguntzetan (80/2004 Foru Dekretua), diru-laguntza eskuratzeko oinarri-arauetan ezarritako gutxieneko puntuazioa osatu zuten 29 eskabide bota dira atzera.

Alegazioa.

Horri buruz esan behar dugu Epaitegiaren adierazpena 2007ko aurrekontuari dagokion deialdiaren ingurukoa dela, eta deialdi hori 2008ko ekitaldian ebatzi zela. 2008ko ekitaldiko deialdia foru-dekretu berri baten babespean egin zen, Gipuzkoako Lurralde Historikoko nekazaritza-ustialekuetako lehiakortasuna eta ingurumen-iraunkortasuna hobetzeko laguntzak ezartzen dituen uztailaren 29ko 66/2008 Foru Dekretuaren babespean, hain zuzen ere.

Espedienteak baloratzeko, Gipuzkoako Lurralde Historikoko nekazaritza ustialekuei laguntzak eman eta landa aldeak garatu eta egokitzeko irailaren 14ko 80/2004 Foru Dekretuan aurreikusitako Balorazio Batzordeak egindako bileraren aktan jasota dagoen bezala, 55/2005 Foru Dekretuaren artikulu bakarreko 11. atalaren bidez aldatu zen 80/2004 Foru Dekretuaren 11. artikulua; izan ere, bertan ezarritakoaren arabera, diru-laguntzak lehiakortasun-erregimenez eman behar dira, deialdirako onartutako kredituaren mugen barruan (kreditua 3.280.000 eurokoa da), eta aurkeztutako eskaeren kopurua zein proiektuen interesa kontuan hartuta, eta proiektuak baloratu behar dira aipatutako atalean adierazitako irizpideei jarraituz lortzen dituzten puntuen arabera.

Balorazio-irizpide horiek ezartzearen ondorioz, espedienteek puntuaketa jakin bat lortuko dute, eta beheranzko hurrenkeran sailkatuta geratuko dira, hau da, puntuaketa handienetik txikienera. Lehentasun-ordena horrek zehaztuko du eskatzaile bakoitzari dagozkion laguntzak eskuratzeko lehentasunezko hurrenkera, egindako deialdirako jarritako kreditua agortu arte, eta pertsona onuradun bakoitzeko eta urteko deialdiko onargarria den gehieneko diru-laguntzaren arabera, inbertsioak baloratzeko eta laguntza horiek zehaztearen ondorioetarako 55/2005 Foru Dekretuaren 10. atalean zehaztutakoari jarraituz lortutako puntuaketa eta 2005eko urriaren 11ko Foru Aginduan aurreikusitako moduluak kontuan izanda.

Onargarriak diren modulatutako espedienteen behin-behineko zerrendan ikus daitekeenez, 50etik gorako puntuak lortu zituzten laguntza-eskaerak 111 ziren, eta diru-laguntzen zenbatekoa, guztira, 3.046.880,83 eurokoa zen.

Geratzen zen kreditua 40 puntu lortu zutenen artean banatzeko, Balorazio Batzordeak erabaki zuen lehentasuna ematea, lehenik eta behin, nekazaritza-ekoizpenarekin lotutako inbertsioei, landa-etxebizitza egiteko inbertsioen aurretik. Inbertsio produktiboen barruan, lehentasuna eman zitzaien hegazti-hazkuntzan eta untxi-hazkuntzan aritzeko zirenei, eta horien ondoren, barazki eta loregintzan eta frutagintzan aritzeko zirenei. Hirugarrenez, lehentasuna eman zitzaien aurreko 5 ekitalditan (2002-2006) laguntzarik eskuratu ez zuten ustialekuetako proiektuei. Aipatutako irizpide bakoitzaren barruan, hurrenkeran lehentasuna eman zitzaien onartutako aurrekontu handiagoa zutenei, onartutako inbertsio txikiagoa zutenen aurretik.

Nolanahi ere, adierazi behar dugu egoera hori zuzendu egin dela laguntza horien oinarri arautzaileak aldatu eta gero, 2008ko uztailaren 29ko 66/2008 Foru Dekretua, Gipuzkoako Lurralde Historikoko nekazaritza-ustialekuetako lehiakortasuna eta ingurumen-iraunkortasuna hobetzeko laguntzak ezartzen dituena, aldatzen duen maiatzaren 25eko 15/2010 Foru Dekretuan ezarritakoaren arabera.

Ondarea.

Txostenaren atal honetan, HKEEk aipatzen du bi hiri-finka eskuratu zirela, Legorretako Itzator 17. alderdian kokatuta, enpresa pribatu batekin adostutako salerosketaren bidez, 3.205 mila eurotan.

Salerosketa horri dagokionez, fiskalizazio-txostenean hainbat adierazpen daude jasota, eta hainbat zehaztapen egin behar dizkiegu adierazpen horiei: hona hemen adierazpenak:

«Salerosketa prezioa bat dator apirilean egindako tasazioarekin, data horretan indarrean zegoen hirigintzako planeamenduari jarraiki. Maiatzean Legorretako Udalak Udal Arau Subsidiarioak berrikusteko agiriari egindako oinarrizko aldaketak jendaurrean jarri zituen, GFAk erositako lursailak kokatzen diren esparrua barne hartzen dutenak; hori dela eta, salerosketa prezioak ez du aldaketa horien eragina jasotzen. Honi dagokionez, Diputatuen Kontseiluaren erabakiak berak Arau Subsidiarioen aldaketari buruzko informazioa txertatzen du, erositako lursailak eragiten dituena eta eraikinak suntsitzea aurreikusten duena».

«2008ko azaroaren 11n, Diputatuen Kontseiluak erabaki zuen gorago aipatutako 2 eta 3 loteak erostea, 2.763 mila euro eta BEZari zegozkion 442 euro gehiagotan, hau da, 3.205 mila eurotan, guztira. Horretarako, apirilean egindako tasazioa erabili zuen, udalerriko Udal Arau Subsidiarioak ekainean aldatu zirela kontuan hartu gabe; aldaketaren barruan sartu zen erositako eta, egoera hori kontuan hartu gabe, apirileko tasazioan baloratu ziren pabiloien zati baten eraisketa».

«2009ko apirilean, Diputatuen Kontseiluak baimendu zuen enpresari erositako eta enpresak hileko 8.778 eurotan eta lau urtetarako saldutako loteen errentamendua. Enpresak GFAri saldutako ondasunak alokairu kontratua izenpetu aurretik erabili ditu».

Horri buruz, honako hau adierazi behar dugu:

- Adituaren tasazioa egin zen egunean nahiz Diputatuen Kontseiluak erosteko erabakia hartu zuen egunean aldatu gabe zeuden Legorretako Hiri Antolaketako Arauak, eta gaur egun ere aldatu gabe daude. Legorretako Udalak, 2008ko ekainaren 27an egindako osoko bilkuran, hasiera bateko onespena eman zion Ajobin I, II eta III eta Iztator industrialdeetan eta Alderdi Eder etxegunean (egungo 20. eta 17. alderdiak) eragina zuen Hiri Antolaketako Arauen zati baten aldaketaren espedienteari. Eskumena duen organoak Hiri Antolaketako Arauen zati baten aldaketaren espedientea behin betiko onartzen ez duen bitartean, indarrean dagoen hiri-plangintza Diputatuen Kontseiluak 1995eko azaroaren 9an onartutako Legorretako Hiri Antolaketako Arauen Testu Bateratuan jasota dagoena izango da.

Ondorioz, finkak baloratzeko orduan, Lurzoruari buruzko maiatzaren 28ko 8/2007 Legeak (indarrean baitzegoen finken tasazioa 2008ko apirilean egin zenean) 23. artikuluan ezarritakoa betez nahiz Lurzoruari buruzko Legearen Testu Bateratua onartzen duen ekainaren 20ko 2/2008 Legegintzako Errege Dekretuak 24. artikuluan zehaztutakoari jarraituz, kontuan har daitezke, bakar-bakarrik, indarrean dagoen hiri-antolamenduak, hau da, 1995. urtekoak, lurzatiei esleitutako erreferentziako erabilera eta eraikigarritasuna.

- Enpresak alokatzeko kontratua sinatu baino lehenago ondasunak erabiltzeari dagokionez, informazioa osatu beharko litzateke, erabilera hori doan ez dela izan gehituta.

Izan ere, Diputatuen Kontseiluak 2009ko apirilaren 21ean hartutako erabakian zein errentamendu-kontratuaren II. aurrekarian, enpresak 2008ko azaroaren erdialdean bere jarduera Legorretara aldatu zuenetik 2 eta 3 zenbakietako loteetan kokatutako instalazio batzuk erabili zituela adierazten da (zehazki, B eraikina, 2008ko azaroaren 15etik abenduaren 31 arte; eta A eta B eraikinak, 2009ko urtarrilaren 1etik martxoaren 31 arte). Hori dela-eta, errentamendu-kontratuan berariaz arautu zen egoera hori, eta zehaztuta dago Papelera de Amaroz izeneko enpresak, kontzeptu horretan, 2.939,37 euro (BEZ barne) ordaindu behar diola Gipuzkoako Foru Aldundiari.

Txostenaren atal berean, honako hau adierazten da:

GFAk honako higiezin hauek erosi ditu Gipuzkoako Lurralde Historikoaren Ondareari buruzko 8/1996 Foru Arauaren 38. artikuluan aurreikusitako lehiaketa publikoaren prozedura saihestuz eta prozedura negoziatua erabiltzeko bide ematen duten inguruabarrak egiaztatu gabe:

- Adingabeak hartzeko mendiko aterpetxea, 1.000 mila euroko zenbatekoarekin, ordaindutako prezioa, tasaziokoa baino 100 mila euro handiagoa izanik.

- Egoera babesgabean dauden adingabeentzako Azpeitia, Urretxu, Arrasate eta Legorretan dauden lau etxebizitza, hurrenez hurren, 987, 956, 411 eta 930 mila euroko zenbatekoetan.

Alegazioa.

Adierazi behar dugu bi erosketa horien arrazoia hau dela: azken urte hauetan, laguntzailerik gabeko adin txikiko atzerritarren etorrera, hau da, atzerriko herritartasuna duten eta beren ingurunean erreferentziako pertsona heldurik ez duten adin txikikoen etorrera, arazo handia bihurtu da, haurrak babesteko sistemak erantzuteko duen gaitasuna behin eta berriro gaindituta geratu delako. Zehazki, 2008ko otsailaren 1ean, GFAk mota horretako 164 adin txikiko hartu zituen fase desberdinetan. Orain dela 4 urte besterik ez, kopuru hori hirurekin zatikatu behar zen, eta hamar urte lehenago, hemen ez zegoen ia horrelako adin txikikorik. Beraz, babesgabeko haurren egoera hori berria da, era bizian eta jarraituan hazten ari da, eta lurraldean dagoen harrera-egoitzen sarearen gaitasuna gainditzen ari da.

Gazte horiek gehienak magrebtar jatorriko gizonezko nerabeak dira, ezaugarri bereziak dituzte (kultura, arautzea administrazioaren aldetik, babesgabetasuna adierazteko era), eta ezaugarri horiek kontuan hartu behar dira, nerabe horiek gizarteratzeko eta lan-munduan txertatzeko, eta Gipuzkoako gizartean osoko txertatzea lortzeko.

Pertsona horiei harrera emateko GFAk dituen higiezinak nahikoak ez direnez, 2006. urtean, sarea zabaltzeko fase bati hasiera eman zitzaion, eta, hala, baliabideak dibertsifikatu ziren eta adin txikiko horien ezaugarri soziokulturalei eta pertsonalei egokitutako ibilbide bat zehaztea beharrezkoa zela erabaki zen.

Zehazki, behar diren higiezinek gizarte eta hezkuntzaren alorreko esku-hartze egokia bermatzeaz gain, adin txikikoen beharrei erantzun behar diete.

Horretarako, beharrezkoa da baloratzea eraikinak zer mailatan egokitu behar diren Babesik gabe dauden Haurrentzat eta Nerabeentzat Egoitza-harreraren Baliabideak arautzen dituen uztailaren 8ko 131/2008 Dekretuan (2008ko abuztuaren 8ko EHAA, 150 zk) xedatutakora, bertan bizitzeko ahalik eta esku-hartzerik txikiena eginda.

Uztailaren 9ko 8/1996 Foru Arauak, Gipuzkoako Lurralde Historikoko Ondarearenak, ondasun higiezinen erosketa arautzen du 38. artikuluan, eta honako hau zehazten du:

«1.- Gipuzkoako Foru Aldundiak, foru erakunde autonomoek eta zuzenbide pribatuko foru ente publikoek beren helburuetarako behar dituzten ondasun higiezinak dirutruke eskuratzea, Diputatuen Kontseiluan erabakiko da Ogasun eta Finantza Departamentuko foru diputatuak proposatu eta gero.

2.- Eskurapena lehiaketa ireki bidez egingo da. Dena den, Diputatuen Kontseiluak lehiaketa baztertu dezake eta prozedura negoziatua erabili hurrengo egoera hauetakoren bat, espedientean arrazoitu eta kreditatu beharko dena, gertatzen bada:

a) Eskurapena premia handikoa dela agerian egotea.

b) Eskuratu nahi den ondasunak edo erantzun beharreko premiak berezitasun bat edukitzea.

c) Higiezinen merkatuan eskaintza gutxi egotea.

3.- Aurreko apartatuan adierazi diren supostu guztietan, ahal dela, hiru eskaintza eskatuko dira gutxienez».

Kasu honetan, proposatu ziren eragiketen izaera kontuan hartuta, hau da, harrerako oinarrizko programan dauden adin txikikoen egoitza izateko etxebizitzak erostean, uste dugu aipatutako b) idatz-zatian adierazitako inguruabarrak daudela, eta horiek ahalbidetzen dutela lehiaketaren prozedura baztertzea eta prozedura negoziatua aukeratzea.

Horretarako, funtsean, bi arrazoi daude: alde batetik, harrera-egoitzak izango diren higiezinek ezaugarri zehatz batzuk izan behar dituztela, egoera babesgabean dauden haur eta nerabeei zuzendutako harrerako baliabideek bete behar dituzten baldintzei dagokienez: kokalekua, ingurunea, eraikuntza-elementuak eta bestelako baldintza tekniko, material eta funtzionalak (gorago aipatutako uztailaren 8ko 131/2008 Dekretuan adierazitakoak), eta ezaugarri horiek kontuan hartuta baztergarriak direla merkatuan dagoen etxebizitzen eskaintzaren zati handi bat; eta bestaldetik, adin txikikoen egoitza horien inguruan gizartean begien bistako egonezina sortu dela, eta, horren ondorioz, herritarrek ez dute nahi auzoan zerbitzu horiek emateko etxebizitzak jartzerik.

Beraz, prozedura negoziatua aukeratu da, erositako etxebizitzez gain beste batzuk ere bisitatu baziren ere, erosketa-espedienteetan jasota dagoen bezala.

Beste alde batetik, HKEEk adierazten du mendiko aterpetxea erosteko orduan, erosketan ordaindu zen prezioak (1.000.000 euro) 100 milatan gainditu zuela tasazioaren balioa.

Horren inguruan, hau adierazi behar dugu: Gizarte Politikako Departamentuaren iritziz guztiz beharrezkoa zen baliabide espezializatuetako bat jokabidean eta zentroetako funtzionamendu-arauetara egokitzeko orduan arazo bereziak dituzten adin txikikoentzako egoitza bat zen.

Gipuzkoako Foru Aldundiak ezaugarri horietako adin txikikoentzat une hartan zituen plazak, Dianova Elkartearekin hitzartutakoaren arabera, Nafarroan kokatuta dagoen Zandueta zentroan zeudenak besterik ez ziren. Plaza-kopurua nahikoak ez zirela kontuan hartuta, Gipuzkoan helburu berak lortzeko eta laguntzailerik gabeko adin txikiko atzerritarrentzat soilik zen zentro bat abian jartzea sustatu zen.

Zehazki, zentro berriak 16 plaza eduki behar zituen, gutxi gorabehera, funtsean bakartuta egon behar zen, hezkuntzan esku hartzearen ondorioz sor daitezkeen gatazkek ingurunean duten eragina minimizatzeko, eta laguntzaren beharrik ez izateko moduko instalazioak izan behar zituen, hau da, zentroan bertan prestakuntzako baliabideak eduki, kanpoko zentroetara jo behar izan gabe.

Aukera guztiak aztertu eta gero, Iturriotzazpi higiezina aukeratu zen, Aiako udal-barrutiko Iruretaegia Auzoan kokatua, aipatutako ezaugarri horiek guztiak zituen-eta.

Zehazki Sociedad de Valoraciones SA enpresak adituaren tasazioa egin eta gero, enpresak jakinarazi zuen, 2008ko urtarrilaren 16an emandako txostenaren bidez, finkaren balio osoa 900.140 eurokoa zela.

Hala eta guztiz ere, azkenean adostu zen prezioa 1.000.000 eurokoa izan zen, hau da, 99.860 euro gehiago, tasazio-zenbatekoarekin alderatuta. Foru Aldundiak diferentzia hori bere gain har zezakeela uste izan zen. Alde batetik, kontuan hartu behar da, salerosketaren prezioa zehazteko orduan, aipatutako tasazioaren emaitzaz gain, alderdi saltzailearen borondatea ere garrantzitsua dela. Bestaldetik, argi dago higiezinari eman behar zitzaion erabilerak, hau da, harrera-egoitzak, berekin dituela oso erabilera-egoera bereziak, ekipamendu mota hori higiezinen merkatuan saltzeko eskaintza nabarmen murrizten dutenak. Azkenik, adierazi behar dugu Gizarte Politikako Departamentuak uste izan zuela aterpetxea guztiz egokitzen zela eskaini behar zuen zerbitzu publikoaren beharretara.

2.- Foru Aldundiaren Kontuari buruzko iritziari egindako alegazioak.

Epaitegiaren txostenean jasota dagoenez, GFAk 2008ko abenduaren 31n zeukan Diruzaintzako soberakina 4.667 mila eurotan gehitu behar da, bi doikuntzaren ondorioz. Hau da lehenengo doikuntza:

GFAk ez ditu aurrekontuan erregistratzen ez zordunak, ez zerga hartzekodunak ere. Horren ondorioz, diruzaintza geldikinean ere ez da kaudimengabezietarako zuzkidura ez erakunde konpromisoetarako zuzkidura ere erregistratzen. Kontu-sail hauen ondorioz, aurrekontuko kontabilitatetik sortu den diruzaintzako geldikina 10.157 mila euroan gehitu behar da.

Alegazioa.

Paragrafo honetan, desberdindu behar diren bi gai aipatzen dira. Lehenengoaren arabera, Foru Aldundiak ez ditu aurrekontuan erregistratzen ez zordunak, ez zerga-hartzekodunak ere. Hori dela-eta, kontuan hartu behar da Finantza eta Aurrekontu Araubideari buruzko Foru Arauan ematen den unibertsaltasunaren printzipioaren edo abiaburuaren definizioa:

a) Unibertsaltasunaren abiaburua: Gipuzkoako Lurralde Historikoaren Aurrekontu Orokorretan ezarriko dira kitatu beharreko eskubide guztiak eta bete behar diren obligazioak.

Hala eta guztiz ere, tributuen sarreren aurrekontuko aurreikuspenak Finantza Publikoen Euskal Kontseiluak onetsitako erabakiekin bat etorriz egingo dira.

Gainera, gogorarazi behar dugu GFAk bere diru-sarreren aurrekontua egiteko, zerga-sarrerei dagokienez, Herri Dirubideen Euskal Kontseiluak onartutako diru-bilketaren aurreikuspenean oinarritzen dela. Erakunde horrek aurreikuspenak egiteko, kutxaren printzipioa erabiltzen du, hau da, hurrengo ekitaldiko diru-bilketa garbia zein izan daitekeen kalkulatzen du: kobrantzen eta diru-sarreren itzulketen arteko kenketa. Foru-aldundiek kopuru horiek beren aurrekontu orokorretan sartzeko betebeharra daukate.

Aipatutako bi arrazoi horiek direla-eta, GFAk kutxaren printzipioa erabiltzen du zerga-sarrerak aurrekontuan erregistratzeko. Gure iritziz, tratamendu hori babesten du Finantza eta Aurrekontu Araubideari buruzko Foru Arauan jasota dagoen unibertsaltasunaren printzipioak, eta baita Herri Dirubideen Euskal Kontseiluak onartutako kopuruak erabiltzeko betebeharrak ere.

Aldi berean, uste dugu kutxaren irizpidea bat datorrela aurrekontua egiteko erabilitako irizpidearekin, izan ere, aurrekontuaren inguruko aurreikuspenak diru-bilketa garbiaren inguruko aurreikuspenak badira (kutxa), aurrekontuaren kontabilitateak nahitaez islatu behar ditu izandako sarrerak kutxaren printzipioa erabilita. Zerga-sarrerak aurrekontuaren kontabilitatean sartzean sortzapenaren printzipioa ezarriz gero, aurrekontuaren kontabilitatean beste izaera bateko kopuruak egongo lirateke -aurreikuspenak, kutxaren irizpidearen arabera-, eta gauzatzea, sortzapenaren irizpidearen arabera-; beraz, ez luke zentzurik izango bien arteko alderaketa egiteak.

Beste alde batetik, adierazi behar dugu zerga-eskubide onartuekin lotutako eragiketak (likidazioak) islatuta daudela zerga-kontabilitatearen eta kontabilitate orokorraren esparruan, bai eskubide horien kudeaketari dagokionean (altak, bajak, etenaldiak, gerorapenak), bai diru-bilketari, kobratzeko dauden saldoei eta diru-sarrera kobragaitzen horniduraren kalkuluari dagokienean. Horren guztiaren kontuak ematen dira Urteko Kontuetan, fiskalizazio-txostenaren 7. eranskinean jasota dagoen bezala, bertan errepikatzen baita informazio hau.

Horregatik, uste dugu «GFAk ez ditu aurrekontuan erregistratzen ez zordunak ez zerga hartzekodunak ere» esaldia osatu gabea dela, eta ustez aditzera ematen duela Foru Aldundiak ez duela bere ardurapean hartu nahi eragiketa horien kontabilitatea. Gure iritziz, informazio osagarria behar da, zordun eta hartzekodun horien inguruko eragiketak zerga-kontabilitatean eta kontabilitate orokorrean erregistratuta daudela eta Urteko Kontuetan horien berri ematen dela aditzera ematen duena.

Bigarren gaiari dagokionez -«diruzaintza geldikinean ere ez da kaudimengabezietarako zuzkidura ez erakunde konpromisoetarako zuzkidura ere erregistratzen»-, honako zehaztapen hauek egin behar ditugu:

Gorago adierazi dugun bezala, GFAk zerga-zordunen kaudimengabezietarako zuzkidurak eta erakunde-konpromisoetarako zuzkidura kalkulatzen ditu zerga-kontabilitatean jasota dagoen zordun eta hartzekodunen inguruko informazio xehatuan oinarrituta.

2008ko Kontu Orokorrean zehatz-mehatz islatuta daude zerga-eragiketen ondoriozko kredituen eta zorren zenbatekoa, diruz hornitutako zuzkidurak eta hornidura horiek kalkulatzeko erabilitako prozedura. Diru-sail horien guztien saldo positibo garbia, 10.157 mila euro, erlatiboki oso txikia da, zerga-zordunen kopuru osoarekin alderatuta: 483.537 mila euro.

Horregatik bada, zenbateko erlatiboki eskasa izanik eta zuhurtzia-irizpidea ezarrita, GFAk, Diruzaintzako gerakina zehazteko orduan, ez ditu zenbatzen zerga-eragiketen saldoak: kobratzeko dauden zerga-zordunak, ordaintzeko dauden zerga-hartzekodunak; ez eta kaudimengabezietarako eta erakunde-konpromisoetarako horniduren saldoak ere.

HKEEk bere iritzia adierazteko era iluna da, izan ere, modu horretan pentsaraz dezake GFAk ez dituela Diruzaintzako Gerakinean diru-sail horiek jasotzen informazio hori ez daukalako, eta ez da horrela.

3.- Uliazpi Fundazioa Erakunde Autonomoari buruzko iritziari egindako alegazioak.

Elikadura eta beste zerbitzu batzuk emateko kontratuaren lizitazioa, 384 mila euroan esleitu zena, ez zen Europako Batasuneko Egunkari Ofizialean argitaratu, publizitate printzipioa urratuz.

Alegazioa.

Egia da aipatutako espedientea ez zela Europako Batasuneko Egunkari Ofizialean argitaratu, bai, ordea, Gipuzkoako Aldizkari Ofizialean; beraz, publizitatearen printzipioa neurri batean bete da, Legeak eskatutakoaren arabera izan ez bada ere.

Ildo horretan, adierazi behar dugu Sektore Publikoko Kontratuen Lege berria indarrean sartu zenetik, Uliazpi zorroztasunez betetzen ari dela bertan ezarritako publizitatearen printzipioa.

4.- Sozietate Publikoei buruzko iritziari egindako alegazioak.

Izfe SA.

Izfe SA merkataritza-sozietateari dagokionez, fiskalizazio-txostenean legea bete ez zen bi egoera aipatzen dira:

Ekipamendua erosteko espediente batean, esleipen hartzaileak eskainitako prezioa 77 mila eurokoa da, baina kontratuan esleitutakoa eta izenpetutakoa 114 mila eurokoa; alde horretarako justifikaziorik batere ez dagoela.

Alegazioa.

Dagoen aldea, 37 mila eurokoa, azalduta dago 2008ko abuztuaren 27an emandako esleipenari buruzko txostenean; aipatutako ekipamendua lizitatzaileak hobekuntza bezala eskainitakoa zen, eta ez dago lizitazio-prezioaren barruan sartuta.

Etorlur SA.

Sozietate honi dagokionez, fiskalizazio-txostenean, legea bete ez zen egoera hauek aipatzen dira, besteak beste:

Sozietateak berariaz gaitutako enpresa kontratatzen du hautaketa prozesua egiteko; honek deialdiari publizitatea ematen dio eta sozietateari prozesuaren gaineko azken txosten bat aurkezten dio, izangaien azken zerrenda proposatuaz. Azken txosten horrekin batera izangai guztien balorazioa justifikatu edo euskarrituko duen dokumentaziorik aurkezten ez duenez, ezin egiaztatu izan dugu berdintasun, merezimendu eta gaitasun printzipioak gorde direnik hiru langile finko eta aldi-bateko langile bat kontratatzean.

Alegazioa.

Etorlur Gipuzkoako Lurra SA sozietateak enpresa aholku-emaile bati langileen hautaketa egitea eskatu zion; horrekin batera, plazen ezaugarriak, bete beharreko eginkizunak eta prestakuntzaren eta eskarmentuaren alorretan bete beharreko baldintzak zeintzuk ziren azaldu zion. Horrez gain, prozesua bukatutakoan, langileen hautaketari zegokion espediente osoa eman behar zuen, eta prozesu osoan berdintasunaren, merezimenduaren eta gaitasunaren printzipioak erabili behar ziren.

Enpresa aholku-emaileak, Etorlur enpresaren eskaera kontuan hartuta eta lanpostu bakoitzaren ezaugarriak zehaztuta, hasiera eman zion hautaketa-prozesuari, eta prozesua amaitutakoan isilpeko dokumentazioa eman zion Etorlur enpresari, hautatutako langilegaiei buruzko informazio hau zuena: datu pertsonalak, prestakuntza-historia, lanbide-historia, eta ebaluazio psikoprofesionala.

Hautatutako langilegaiei buruzko txosten horiek, osorik, pertsona horien datu pertsonalak eta lanbidekoak dituztenak, Etorlur Gipuzkoako Lurra SA enpresaren esku daude.

Behin hautespen-prozesua bukatu eta, ezarritako gaitasun- eta nortasun-probetan nahiz egin ziren elkarrizketa pertsonaletan lortutako emaitzetan oinarrituta, balorazioa egin eta gero, langileak hautatu zituen enpresak lanpostu bakoitzaren ezaugarrietara egokitzen ziren langilegaien zerrenda bat aurkeztu zuen, lehentasunezko hurrenkeraren arabera, eta Etorlur enpresak, kontratazioari dagokionez, era objektiboan bete zuen hurrenkera hori.

Informazio hori guztia HKEEren eskura dago.

5.- Barne kontrolerako sistemen eta kudeaketa prozeduren gaineko irizpenari egindako alegazioak.

5.1.- «III.2 sarrera fiskalak» atalari egindako alegazioak.

HKEEren txostenean, atal honetan, honako hau dago jasota, besteak beste:

Gipuzkoako Lurralde Historikoaren Pertsona Fisikoen Errentaren gaineko Zergaren 10/2006 Foru Arauaren 19.2.a) artikuluak agintzen du laneko errendimendu osoa % 50eko integrazio-ehunekoa aplikatuta eskuratuko dela, erregelamendu bidez denboran modu nabarmen irregularrean eskuratutako modura kalifikatzen diren errendimenduen suposamenduan. Gipuzkoako Lurralde Historikoaren Pertsona Fisikoen Errentaren gaineko Zergaren Erregelamendua onesten duen 137/2007 Foru Dekretuaren 14.2 artikuluak agintzen du ezargarritzat joko dela % 50eko integrazio-ehunekoaren aplikazioa zergapekoek eskuratutako kopuru handiko errendimenduei, betetzen duten jardueraren inguruabar objektiboak aintzat hartuta, etekin mota hori denbora epe laburrean eskuratu dutenei eta behin epe hori igaroa dela, ezinezkoa izanik aipatutako jardueraren ondorioz etekin gehiago eskuratzea; gainera, horren aplikazioa Diputatuen Kontseiluak zehaztutako hitzetan eta baldintzekin gauzatuko da. 2008ko maiatzaren 20an Diputatuen Kontseiluak arautegi hori kirolari profesionalei ezartzea onartzen du eta bertan adosten da fitxaketa eta gelditzeagatiko edo leialtasunagatiko sariaren kontzeptuan eskuratutako errendimenduei % 50eko integrazio-ehunekoa aplikatuko zaiela; aldiz, aplikazioz kanpo geratuko dira eta etekin arrunt izaera jasoko dute bai soldatek, bai hobariek ere, nola eta azken kasu honi dagokionez ez den egiaztatzen hobaria sortu duen epea bi urtetik gorakoa izan dela. Diputatuen Kontseiluaren erabaki hau ez da Gipuzkoako Aldizkari Ofizialean argitaratu.

Alegazioa.

PFEZen Araudian, % 50eko itzulketa-portzentajea ezartzeko eskubidea ematen duten egoerak laburki deskribatu eta gero (lan-errentak aipatzen dira bertan, betetzen den jardueraren barneko inguruabarrak direla-eta, denbora-epe laburrean kopuru handiko errendimenduak sortzen dituztenak, ezinezkoa izanik jarduera bera aurrerago egitea), Diputatuen Kontseiluaren esku uzten da % 50eko ehunekoa zer egoera eta baldintzatan ezarriko den zehaztea.

Hori araugintzan mekanismorik ohikoena ez bada ere, ezin da esan erabateko salbuespena denik, adibide hauek aditzera ematen duten bezala:

Gipuzkoako Lurralde Historikoaren Pertsona Fisikoen Errentaren gaineko martxoaren 8ko 2/2005 Foru Arauaren 64.6 artikuluak ahalmena ematen dio Diputatuen Kontseiluari, Ogasuneko eta Finantzetako Departamentuko foru-diputatuak hala proposatzen duenean, zerga-zorren ordainketa zatitzea edo geroratzea baimentzeko, ezohiko inguruabarrak edo interes publikoko arrazoiak dauden egoeretan.

Irabazirik gabeko entitateen zerga-erregimen eta mezenasgoaren zerga-onurari buruzko apirilaren 7ko 3/2004 Foru Arauaren 29. artikuluak ahalmena ematen dio Foru Aldundiari, ekitaldi bakoitzerako, mezenasgoaren onura lehentasunez jasoko duten jardueren eta onura hori izango duten erakundeen zerrenda egiteko, eta, era berean, jarduera horiek zerga-onura jakin batzuk eskuratzeko bete behar dituzten baldintzak zehazteko.

Abuztuaren 2ko 865/2007 Foru Aginduak, fakturazio telematikoa eta fakturak elektronikoki mantentzeari buruz hainbat xedapen garatzen dituenak, Lehenengo Azken Xedapenean aurreikusitakoaren arabera, Ogasuneko zuzendari nagusiak ahalmena du foru-agindu hori ezartzeko beharrezkoak diren ebazpen guztiak emateko; horri jarraituz, Ogasuneko zuzendariak, Digitalizazio-softwarea homologatzeko Prozedurari buruzko 2008ko irailaren 10eko 39/2008 Ebazpenaren bidez, abuztuaren 2ko 865/2007 Foru Aginduan jasotzen den digitalizazio-softwareari buruzko erabakia hartu zuen, eta, hala, Foru Arauan aipatu besterik egin ez ziren edo, gehienez ere, gainetik deskribatu ziren alderdi eta baldintza jakin batzuk definitu, zehaztu eta mugatu egin ziren.

PFEZen beraren esparruan, Zergaren Araubidearen 39.2 artikuluan zehaztutakoaren arabera, Ogasuneko eta Finantzetako foru-diputatuak ahalmena du zeinu, indize edo moduluen araberako zenbatespenari ezargarriak zaizkion zeinu, indize eta moduluak nahiz jarraibideak onartzeko.

Eta araubide beraren 40.2 artikuluan, Ogasuneko eta Finantzetako foru-diputatuari ahalmena ematen zaio zeinu, indize edo moduluen murrizpena salbuespen-izaeraz baimentzeko, sektore edo zona jakin batean eragina duten salbuespenezko inguruabarrak daudenean.

Adierazitakoaren arabera, ondoriozta daiteke araugintzaren mekanikan, ahalmenak hainbat organoren esku uztea ez dela salbuespena.

Beste alde batetik, eskuartean dugun arauan erabilitako eskuordetzeko mekanika horrekin zerikusia du, baita ere, arauaren eremuaren barruan egon daitezkeen jardueretan ordaintzeko politika guztiz zehatzak, jarduera batetik bestera alde handia izan dezaketenak, erabiltzeak. Horrela bada, lan-etekina osatzen duten alderdietako bakar bat edo batzuk soilik barnean hartzen dituen mekanismo eraginkorra diseinatu nahi bada -mekanismoa ezartzeko eskubidea sortu behar ez duten etekinaren osagarriak baztertuta-, oso araudi zehatza eman behar da, xedapen orokorrak -hala nola PFEZen Araubidea- ematean kontuan izan den ikuspegi orokorra gainditzen duena.

Kaudimen-gabeziagatiko baja guztiek erantzukizuna eratortzeko prozedurari ekiteko ezintasunaren frogatze justifikazioa barne hartu beharko lukete.

Alegazioa.

Gure ustez, argitu behar da kreditu kobraezinak direla-eta egindako bajen datak, hain zuzen ere, eratorri ezin direnak direla, eta erator daitezkeen kobragaitzak ez direla inoiz kontzeptu horren arabera data jarrita agertzen; aitzitik, zorra kobratzeke baitago eta eratortzeko prozedura hasita.

Baliteke kreditu kobragaitza dela-eta egindako kontabilitateko baja -espedientean kobragaitzen aitorpena duena, eta kontabilitateko bajarik gabe- eta erantzukizun-adierazpena egiteko prozeduraren hasiera nahastu izana.

Nolanahi ere, berriro adierazi behar dugu eratorpenari hasiera emateko barne-instrukzio bat badagoela, zorraren zenbatekoaren arabera eta zorraren izaeraren edo arrazoiaren arabera, nahiz egin litekeen eratorpenaren arabera.

Instrukzio horretan ezarritako irizpide orokorren arabera erator daitekeen guztia eratorri egiten da, ahal bada.

Ez zaio eratortzeko prozesuari hasiera ematen, bakar-bakarrik, eratorpenari ekitea egokia ez den kasuetan, aipatutako instrukzioan ezarritako irizpideen arabera.

Instrukzio horren xedea da eratorpenaren prozedurari hasiera emateko edo ez emateko irizpide objektibo orokorrak eta bakarrak ezartzea, dauden baliabideen eraginkortasunaren eta optimizazioaren irizpideari jarraituz.

Gure iritzira, irizpide orokorrak zehaztu behar lirateke konkurtso prozeduretan dauden sozietateen lehentasun eta pribilegiozko kredituen kita-ehunekoak, berandutza interesak eta bermeak ezartzeko.

Alegazioa.

Oso konplexua da lehiaketa-prozeduretan pribilegiozko kredituen kita-ehunekoak, berandutza-interesak eta bermeak ezartzeko irizpide orokorrak zehaztea, lehiaketa-prozesu batean sartu den enpresa bakoitzaren egoera eta errealitatea oso desberdinak direlako.

Lehentasunezko zorren inguruko erabaki berezi bat hartzen denean, prozeduraren barruan dagoen enpresa aurrera ateratzeko ahaleginak egiten ari direlako izaten da, eta egon daitekeen irtenbidea Ogasun Publikoaren eskubideen defentsarik hoberenarekin bat etortzen saiatzen da. Horrek behartzen du kasu bakoitzaren irtenbidea enpresaren eta bere zorraren errealitatera egokitzera.

Argi dago Lehiaketen Legeak berak ezartzen dituen legezko mugak errespetatzeaz gain, irizpide orokorra dela zorra kobratzeko baldintzak onuragarriagoak izan behar direla hartzekodun arrunten kobrantza-baldintzak baino, eta gainerako erakunde-hartzekodunen antzekoak (oro har, Gizarte Segurantzaren Diruzaintza Orokorra).

Hala eta guztiz ere, HKEEk aipatzen dituen bi kasu horiek likidazio-fasean ebatzi dira, bi likidazio-hitzarmena eginda, eta bat hitzarmenik gabe, eta ez da adostasun berezirik egon. Era berean, adierazi behar dugu hartzekodunen hitzarmen horiek GFA hartzekodunen arteko bat duen Hartzekodunen Batzordean bertan onartu dela, eta, beraz, hitzarmena nahitaez bete behar duela.

Azkenik esan behar da, konkurtso prozeduretan zordunen egoeraren kontrola eskuz gauzatzen dela; ordea, komenigarria litzateke horien egiazko egoera kontrolatzeko bide emango duen aplikazio informatiko bat ezartzea, egoera ezagutzeko banakako espedienteetara jo beharrik izan gabe.

Alegazioa.

2007. urteaz geroz, IFAP2 izeneko HOSTeko informatika-tresna bat dago, lehiaketan dauden erakundeak, beren lehiaketa-zorra eta hitzarmen judizialen nahiz adostasun berezien (horrelakorik balitz) gauzatzea kontrolatu ahal izateko, eta hitzarmen horietan aurreikusitako ordainketen segimendua egin ahal izateko.

Tresna hori, berez, ez da kudeaketa-tresnarik, baina lehiaketa-prozeduretan zordunen kontrola egitea ahalbidetzen du, eta, hortaz, ez gaude ados HKEEk adierazitakoarekin.

Era berean, esan behar dugu 2009. urtean informatikako tresna txiki bat garatu dela, lehiaketako espediente bakoitzean sortutako dokumentazioa ezagutzea eta kontrolatzea ahalbidetzen duena.

Zerga-zorren ordainketak geroratzea.

HKEEk honako hau adierazten du:

Ogasun eta Finantza Diputatuak 660 mila euroko zerga zor baten gerorapena ematen du, bermeak gordailatzetik guztiz salbuetsiz, aipatutako GLHren Diru-bilketa Erregelamenduaren 42.5 artikuluari meneratuz, Ogasun Publikoaren interesei galera larriak ekar dakizkiokeen kasuetarako soilik aurreikusten dena. Txosten berean zor horren jatorria argudiatzen da, zera, Europar Batzordeko erabakien ondorioz itzuli beharreko laguntza fiskalak batetik, eta GFA laguntza horien legezkotasunaren alde egiten ari den defentsarekiko koherentzia, bestetik. Espedientean ez dira egiaztatu Erregelamenduan bermetik salbuesteko aurreikusitako arrazoiak.

Bestalde, gerorapenaren emakidan jasotzen da geroratutako kopuruei dagokienez GFAren ordainketa edo itzulketak ezartzeko Erregelamenduaren 47.2 artikulua ezartzetik salbuesten dela, artikulu horretako 4. idatz-zatian ezarritakoaren arabera, zordunari kalte larriak eragiten dizkioten eta haren jarduera ekonomikoa arriskuan jar dezaketen suposamenduei ezargarria zaiena. Inguruabar hauek, aurreko paragrafoan aipatu dugun legez, ez dira espedientean egiaztatu.

Alegazioa.

Gure iritziz, behar bezala egiaztatu dira Foru Ogasuneko interesen galera, gerorapen horren jatorria berariaz aipatzen delako. Espedientea osatzen duten txostenetan, jasota dago Dirubilketaren Erregelamenduaren 42.5 artikuluaren arabera bermea eratzetik salbuestea egokitzat jotzeko arrazoia.

Adierazi behar dugu espediente horrek beste espediente batzuekin zerikusia duela, eta baita espedientea aztertzeko eta bermea ezartzetik salbuespenez onartzeko erabili dugun dokumentatutako egoera batekin ere.

Horrek guztiak balio du, halaber, itzulketak ezartzeko Erregelamenduaren 47.2 artikulua ezartzetik salbuestea erabakitzeko orduan, zordunaren alde egon daitezkeen itzulketak ezartzea baztertuta.

5.2.- «III.3.- Kontratazioa» atalari egindako alegazioak.

Kontratazio-espedienteak.

Azpeitian GI-2635 Landeta-Zapatar saihesbidea eraikitzeko proiektuaren obra 2007ko maiatzean esleitu zen 6.900 mila euroko zenbatekoarekin eta 11 hilabeteko exekuzio epearekin. Obrak ez du exekuziorik izan ez 2007an, ez 2008an ere, lursailak ez zeuden eskuragarri esleipena gauzatu zen unean eta lanei ekin aurretiko Segurtasun eta Osasun Plana ez da 2009ko ekainera arte onetsi, ordurako ordea, kontratuan aurreikusitako exekuzio planaren arabera, obrak jada bukatua behar luke egon.

Alegazioa.

Halaxe da, obrak ez zuen exekuziorik egin ez 2007an, ez 2008an.

Hala ere, lursailak eskuragarri egoteko arazoa 2008ko uztailaren 22rako konponduta zegoen, egun hartan, Diputatuen Kontseiluaren Erabakiaz, onartu egin baitzen proiektuan aurreikusitako soberakinen biltegia kokatzeko lursailak desjabetzeko espedientea; izan ere, hutsegite baten ondorioz, aipatutako espedientea ez zen sartu Diputatuen Kontseiluak 2007ko maiatzaren 25ean hartutako Erabakiaren bidez onartu zen nahitaez hartu beharreko ondasunen eta eskubideen zerrendan.

Horregatik, lursailak eskuragarri egon zirenean, obrari hasiera emateko ezintasunaren arrazoia izan zen azaroaren 2ko 423/1994 Dekretuan, hondakin geldoen eta geldotuen kudeaketari buruzkoan, aurreikusitako baimena izapidetzea; aipatutako baimena 2007ko abuztuaren 3ko idazkiaren bidez eskatu zen, eta 2007ko azaroaren 21eko idazkiaren bidez osatu, baina gai horretan eskumena duen Eusko Jaurlaritzako Sailak ez zuen espedientea ebatzi.

Azkenean, Segurtasun eta Osasun Plana aurkeztu eta onartzeari dagokionez, adierazi behar dugu ez dugula hor inongo akatsik antzeman, Segurtasun eta Osasun Plana obrei ekin baino lehen onartu behar baita, Eraikitze Lanetako Segurtasun eta Osasun alorreko gutxieneko xedapenei buruzko urriaren 24ko 1627/1997 Errege Dekretuaren 7. artikuluan ezarritakoaren arabera, eta hala egin da.

2008an guztira 3.685 mila euroan esleitutako bost obra kontratutan, proiektuaren aldez aurreko zuinketa, behin betiko onetsi aurretik egin da. Guztira 10.191 mila euroko zenbatekoa egin duten bederatzi aldaketetan, 2008ko ekitaldia baino lehenago esleitutako bost espedienteri dagozkienetan, 2008ko ekitaldian 59.858 mila euro egin dituztenak, proiektuaren aldez aurreko zuinketa, proiektuaren aldarazpena behin-betiko onetsi aurretik egin da.

Alegazioa.

Bide Azpiegituretako Departamentuak izapidetutako Zumaiako N-634 errepidearen saihesbidea eraikitzeko 1 zenbakiko proiektu osagarria-soinuaren kontrako pantailak eta N-I errepidearen 435,200 kp-an kokatutako Ibarrako biezubiari eusteko sistema egokitu eta konponketa orokorra egiteko proiektuaren 1. proiektu osagarria, euskarriko tranpalen eta habeen nibelazioa eta erregularizazioa proiektuei dagokienez, adierazi behar dugu proiektuaren onarpena eta obren lizitazioaren onarpena egun berean erabaki zirela, eraginkortasuna eta azkartasuna zirela-eta, eta horrek ezin duela sortu inongo ondorio negatiborik, formazkoa soili den ondorioa alde batera utzita.

Beste alde batetik, proiektu aldatuen zuinketaren aktari dagokionez, adierazi behar dugu ez HAKLTBn, ez HAKLEOn, ez dela zuinketaren aktarik eskatzen proiektu aldatuak eta obrako kontratuen aldaketak izapidetzeko, izan ere, HAKLTBren 129. artikuluan aipatzen den zuinketaren akta obren kontratazioa egiteko espedientea izapidetzeari soilik lotuta dago, eta, berez, artikulu horren kokapen sistematikoa kontratu-aurreko fasean dago, obra-kontratuak prestatzeari buruzko atalean.

Lehenagoko ekitaldietan esleitutako bi espedienteri, 2008ko ekitaldian 8.018 mila euroko exekuzioa izan dutenei, arrazoi berri edo ustekabekoen ondorioz epea luzatu zaie, espedientean behar bezala egiaztatu gabe.

Alegazioa.

Andoaingo GI-131 errepidearen saihesbidea eraikitzeko proiektuari dagokionez, aditzera eman nahi da atzerapenaren arrazoiak espedientean egiaztatuta daudela, Proiektu eta Eraikuntza Zerbitzuko buruak 2008ko uztailaren 8an emandako txostenean (III. eranskina), honako hau baieztatzean:

«&atzerapen nabarmena gertatu baita obren gauzatze-egoeran. Ezaugarriak dira, alde batetik, proiektuan aurreikusitakoarekin alderatuta aurkitutako materialen ezaugarri geologikorik okerrenak, argi eta garbi, eta eragozpen izan dira ohiko errendimenduak lortzeko, bai hondeaketak egitean, bai lubetak egitean, baita betelan-lekuak egitean ere, eta egonkortzeko eta ezpondei eusteko neurriak hartu behar izan dira. Aldi berean, aldi honetako euri ugariak, batezbesteko balioetatik oso gainetik, zaildu eta, askotan, geldiarazi egin ditu gorago aipatutako lanak. Azkenik, lan batzuk eraginda suertatuko dira, proiektu aldatua idatzi eta gero».

Horrez gain, komenigarria da adieraztea HAKLTBn, epe-luzapenak arautzen direnean, ez direla kausa berriak edo ustekabekoak aipatzen, aitzitik, atzerapena kontratistari egotzi behar zaion ala ez zehazten baita. Ildo horretan, HAKLTBn, kontratistak kontratua betetzeko zehaztutako epearen barruan kontratua bete behar duela adierazi eta gero (HAKLTBren 95.1 artikulua), jakinarazten du kontratista, berari egoztekoak diren arrazoiak direla-eta, atzeratzen bada, Administrazioak kontratua suntsitzea erabaki dezakeela edo luzapen bat ematea, zigorrak ezarrita (95.2 artikulua), eta atzerapena kontratistari egoztekoa ez bada, luzapena adostu ahal izango duela, zigorrik ezarri gabe (96.2 artikulua).

Lehenagoko ekitaldietan esleitutako lau espedientetan, 2008ko ekitaldian 55.370 mila euroko exekuzioa izan dutenak, guztira 11.204 mila euro egin dituzten aldaketak onetsi dira eta horietan ez daude behar bezain justifikatuak horiek sorrarazi dituzten kausa berri edo ustekabekoak.

Alegazioa.

Bide Azpiegituretako Departamentua izapidetzen ari diren bi obra-kontraturi dagokienez, eta zehazki Urnietako GI-131 errepidearen saihesbidea eraikitzeko Proiektua eta N-121 errepidearen Laskoaineko (Behobia) biribilgunetik Endarlatsaraino (Nafarroako mugan) doan zatia zabaltzeko lanak egitea eta errepidea hobetzeko proiektua egiteko kontratuei dagokienez, ez gatoz bat HKEEk egindako baieztapenarekin, alegia, ez daudela behar bezala arrazoituta aldaketak eragin dituzten kausa berriak edo ustekabekoak, izan ere, aski arrazoituta geratu dira espedientean jasotako txostenetan.

Azkenik, 2008ko ekitaldian amaitutako zortzi lanetan epea nabarmen luzatu dela kontratuaren exekuzio epearen eta egiazko exekuzio epearen artean azaleratu da. Kontrolatu egin behar litzateke kontratuetan jasotako obren exekuzio epea betetzen dela.

Alegazioa.

Obrak gauzatzen diren bitartean, obren segimendua egiteko gomendioari buruz esan behar dugu Bide Azpiegituretako Departamentuak segimendu-lanak egiten dituela, eta horrek ez duela nahitaez eragina epeak betetzeko orduan.

Horiek horrela, gogorarazi behar dugu HAKLTB berak kontuan hartzen duela kontratuak gauzatzeko orduan atzerapenak gerta daitezkeela, bai kontratistari egoztekoak diren arrazoiengatik (HAKLTBren 95. artikulua), bai kontratistari egoztekoak ez diren arrazoiengatik (HAKLTBren 96.2 artikulua), eta horren arabera epea luza daitekeela zigorra ezarrita edo zigorrik gabe, edo kontratua suntsitu ere egin daitekeela.

Era berean, proiektu aldatuak onartzearen ondorioz, zenbaitetan, aldaketak gerta daitezke gauzatzeko epeetan, HAKLEOn ezarritakoaren arabera (159. eta 162. artikuluak), obra horiek gauzatzeko epeak luzatu egin baitira, proiektuan eta kontratuan egindako aldaketen ondorioz.

Publizitaterik gabeko negoziatuak.

Fiskalizazio-txostenaren atal honetan, HKEEk honako hau zehazten du:

Publizitaterik gabeko prozedura negoziatu bitartez, guztira 353 mila euroko zenbatekoarekin zazpi zerbitzu kontratatu dira, eskaintzarik eskatu gabe, eta HAKLTBren 210.b) artikuluari edo SPKLren 154.d) artikuluari meneratuta, prozedura hori erabiltzeko bide ematen duten inguruabarrak batere egiaztatu gabe; hori dela-eta, zegozkion negoziatuak gauzatu behar ziratekeen, eskaintzak eskatuta.

Alegazioa.

«Ibilgailuen irteeretan segurtasuna hobetzea» espedientea kontratatzeko prozedura, 120 mila euroko zenbatekoa izanik, prozedura irekia izan behar bada ere, espedientean jasota dagoen Zerbitzuaren txosten teknikoan -prozedura egokiena erabakitzeko erabili baitzen- zehaztuta zegoen neurrira egindako garapen bat zela, eta automaten programazioa (SCADAS), operadorearen panelak, panelak eta semaforoak aktibatzea eta gainbegiratzea «lehiaketan esleipenduna suertatu zen eta mantentze-lan ebolutibo nahiz zuzentzaileak egiten dituen enpresa berak gauza ditzala» erabaki zen. Hau da, horretarako arrazoi tekniko eta teknologiko bat zegoen.

Administrazio-kontratazioko espedienterik gabeko gastua

Atal honetan, HKEEk alderdi hauek nabarmentzen ditu:

GFAk ez ditu administrazio kontratazioko derrigorrezko espedienteak izapidetu xede bakarrarekin egindako lanetan, ondotik laburbilduko dugun gastu bakoitzaren exekuzioari dagokionez: guztira 390 mila euro egin dituzten 3 obra; 733 mila euroko 17 zerbitzu eta guztira 182 mila euroko 4 hornidura.

Alegazioa.

Garapen Iraunkorreko Departamentuak kudeatutako espedienteei dagokienez, esleipenak egiteko administrazio-ekintzetan behar bezala arrazoituta dago hiru eskaintzen lehia egokia ez izatea, hala ezarrita baitago, hori egin daitekeen egoeretarako, Herri Administrazioen Kontratuei buruzko Legearen Testu Bateratuaren 92. artikuluan zein Sektore Publikoko Kontratuei buruzko Legearen 162.1. artikuluan.

Azterlan sozioekonomikoa egiteko behatokia izeneko kontratuan, aditzera ematen da adierazle sozioeknomikoak gordetzen dituen datu-basea garatzeko eta eguneratzeko eginkizuna betetzeko -Gipuzkoako Bazkundeak egiten duen lana, Aldundiaren eskariaz-, 2008. urtean, 15.660 euroko kopurua behar izan zela, BEZ barne, eta bi fakturatan izapidetu zela. Hortaz, kontratu txikiak dira.

Izan ere, 2008. urtean, aurreko urteko, hau da, 2007ko fakturen ordainketa egin zen. Faktura horien guztizkoak ere, «Gipuzkoa 20 urte Europan jardunaldian lankidetzan aritzea» kontzeptua barne, ez du gainditzen kontratu txikiak egiteko ezarritako gehieneko zenbatekoa.

26 mila euroko zenbatekoan emandako Garbiketak materialez hornitzeko kontratuei dagokienez, jakinarazi behar dugu hornidurako 129 faktura txiki direla, suhiltzaile, Egogain, aterpetxe eta abarretarako, eta horien barnean higiene-produktuen kopuru handia dagoela, hala nola, eskuak lehortzekoak, eskuak garbitzeko xaboia eta abar, eta hain produktu desberdinak izanik, ez direla lehiaketa baten barruan sartu.

2008ko ekitaldian zehar, berrogeita hamar hornitzailerekin 3.002 mila euroko hainbat ondasun eta zerbitzu erosketa gauzatu dira eta horiei dagokienez, GFAk kontratu txikiaren prozedura erabilita erostea aztertu behar lukeela uste dugu.

Alegazioa.

- Miramon eraikineko altzariak, 38 mila eurotan. Oso desberdinak diren 9 produkturen hornidurak dira, 2008ko martxoaren eta abenduaren artean eginak: alfonbra, errezelak, kafe-aretoko mahaiak, manparak egiteko biniloak& Denboran bereizita daude eta zatiketa ez da gezurrezkoa; beraz, zuzena da horiei kontratu txikien izapidea egitea.

- Altzarien hornidura, 123 mila eurotan: Gizarte Politikako Departamentuak egindako hogeita hamabost inguruko eskaera txikiez hornitzeko hiru hornitzaile dira, eta beti premia handiz egindako erosketei dagozkie, bereziki adin txikikoentzako egoitzetarako, hondatutako gauzak aldatzeko.

- Hotel batean ostatu hartzea, 45 mila eurotan: gonbidatutako pertsonen alojamenduak eta ekitaldiak eta azterketak egiteko aretoen alokairuak dira.

- Telefoniako eta kableak jartzeko lan askotarikoak, 125 mila eurotan: zenbateko txikiko 149 faktura dira, askotariko materialei dagozkienak. Lanak, hornidurak eta egoerak era askotarikoak direnez, zaila izan daiteke lanak eta hornidurak jasotzen dituen eta lehiaketa ahalbidetzen duen agiria egitea.

- Pertsonak ibilgailuen bidez garraiatzea, 51 mila eurotan: Aldundiko departamentu guztien taxi-fakturak dira, 168 guztira. Ez da kudeaketa zentralizatuko kontzepturik.

- Fotokopiak, 30 mila eurotan: kanpoko fotokopiagailuei dagozkien faktura askotarikoak dira, departamentu guztienak, eta ez da kudeaketa zentralizatuko gasturik.

5.3.- «III.4.- diru-laguntzak» atalari egindako alegazioak.

Zuzeneko diru-laguntzak.

33.459 mila euro, diru-laguntzen 40 espedienteri dagozkienak, ez zaizkio 2009ko aurrekontuari txertatu.

Alegazioa.

2008ko ekitaldian, zerga-sarrerak biltzerakoan, diru-sarreretan izandako jaitsieraren aurrean, eta ekitaldia ixtean aitortutako betebeharren fasera iritsi ez ziren kreditu guztiak 2009ko aurrekontuari gehitzeko diruzaintzan behar adinako gerakinik ez zegoenez, hainbat gastu ezin izan ziren hurrengo ekitaldiko aurrekontuari gehitu, nahiz eta gero, ekitaldi horretako aurrekontuaren kargura burutu: Disonancias proiektuari emandako 12.000 euroko diru-laguntza 2009ko aurrekontuaren kargura kontabilizatu zen, irailaren 22ko 105/2009 Foru Aginduaren bidez; eta 3 ikerkuntza-zentrotako ekipamendua jartzeko diru-laguntza 2009ko aurrekontuaren kargura kontabilizatu zen, maiatzaren 25eko 39/2009 Foru Aginduaren bidez.

AZTERTU DIREN DIRU-LAGUNTZA MOTA EZBERDINEN AKATS OROKORRAK

Atal honetan, honako oharpen hauek daude jasota:

Hainbat diru-laguntza arautzen dituzten 6 dekretutan, guztira 14.274 mila euroko zenbateko osoarekin emandakoetan, diruz lagunduko den proiektuaren gehieneko ehunekoa finkatzen da. Honela, bada, emakidan onuradun batetik bestera nabarmen aldatzen diren ehunekoak ezartzen dira -betiere, dekretuetan ezarritako gehienekoari eutsiz-, espedientean alde horien zergatia justifikatu gabe. Berebat, guztira 8.556 mila euroko zenbatekoarekin emandako 18 diru-laguntza zuzenetan, kopuru edo ehuneko jakin bat zehaztu da, espedientean justifikatu gabe dagoena.

Alegazioa.

Gipuzkoako Lurralde Historikoko udalerrietako eremu hondatuak lehengoratzeko eta hiri eremua biziberritzeko jarduerak finantzatzeko diru laguntzak emateko programaren oinarri arautzaileak:

Oinarri horietan aurreikusten denaren arabera (5. oinarria), diru-laguntza diruz lagundutako jardueraren zenbatekoaren % 100era irits daiteke, baina zenbateko hori ezin izango da 300.000 eurokoa baino handiagoa izan.

Mugikortasuneko eta Lurralde Antolaketako Departamentuak 2009ko ekainaren 23an emandako 64/2009 Foru Aginduaren bidez -uztailaren 14ko 70/2009 Foru Arauaren bidez aldatua-, aipatutako diru-laguntzak ematea ebatzi zen. Ebazpen horren barruan sartu ziren % 14,71 eta % 70 bitarteko diru-laguntza izan dezaketen proiektuak, eta proiektu horiek ez zuten 300.000 euroko mugako kopurua gainditu.

Kasu honetan, espedientean jasota dago eskaeren ebaluazioari buruzko txostena, Ondare eta Arkitektura Zerbitzuak emanda; bertan, diru-laguntzak esleitzeko arrazoiak argitzen dira, onartutako eskaeren kopurua eta eskatutako diru-laguntzen zenbateko osoak baimendutako urte anitzeko 1.350.000 euroko gastuaren zenbatekoa gainditzen duela kontuan hartuta, eta ahalik eta eskaeren kopururik handienari erantzuteko xedeaz.

Guztira 42.137 mila euroko zenbatekoarekin emandako 44 diru-laguntzetan ez da emakida GAOn argitaratu.

Alegazioa.

Garapen Iraunkorreko Departamentuak emandako diru-laguntzei dagokienez, jakinarazi behar dugu horiek GAOn argitaratzen direla dagokien hitzarmen arautzailea izenpetu eta gero. Kontuan izan behar da, 2008an emandako diru-laguntzei dagokienez, kredituak 2009ko ekitaldiari ez gehitzearen ondorioz, horietako batzuk berriz periodifikatu behar izan zirela, eta horrek berekin ekarri zuela diru-laguntza horiek aldatu eta hitzarmen arautzaile berriak idazteko beharra.

Emandako diru-laguntzen konturako aurrerakinak ematearen inguruan, hutsegite hauek aipatzen dira txostenean:

Guztira 22.924 mila euroko zenbatekoarekin emandako 43 diru-laguntza izendun eta zuzenetan aldez aurreko ordainketak egin dira, bermeak aurkezteko eskatu gabe.

Guztira 19.313 mila euroko diru laguntzen emakida arautu duten hamaika dekretu arautzailek aurrerakinak emateko aukera aurreikusten dute (% 50 eta % 80 bitartean), aurreikusitako laguntzen onuradunek aurkeztu behar dituzten bermeen zenbatekoa eta moldea batere zehaztu gabe.

Alegazioa.

Txostenean aipatzen diren 45 diru-laguntza izendunen artean, Mugikortasuneko eta Lurralde Antolaketako Departamentuak bermerik eratzeko eskakizunik gabe ordainketa aurreratuak egin dituzten eta errepidetik bidaiarien garraio publikoko zerbitzuak ematen dituzten hainbat enpresari emandakoak daude.

Horri buruz adierazi behar dugu, alde batetik, Gipuzkoako Lurralde Historikoko Diru-laguntzei buruzko martxoaren 27ko 3/2007 Foru Arauan ezarritakoaren arabera, ez dela nahitaezkoa bermeak zehaztea, eta bestaldetik, bidaiariak errepidetik garraiatzeko hiriarteko garraioko lineen emakida duten enpresak izanik, foru-titulartasunekoak, aldian behin jasotzen dituztela funtsak Aldunditik, zerbitzu publikoa emateko ezarri zaizkien betebeharren ondorioz (funtsean, Txartel Bakarrak berekin duen murrizketen ondoriozkoak), eta, diru-laguntzak itzultzeko arrazoia egonez gero, ez da beharrezkoa bermea eratzea, nahikoa baita Foru Aldunditik jaso beharreko kopurua konpentsatzea (eta inoiz ere egin izan da hori).

Deustu Fundazioa-Lehiakortasunerako Euskal Institutuari emandako diru-laguntzari dagokionez, esan behar dugu hitzarmen arautzailearen hirugarren klausulan zehazten dela zein den diru-laguntza ordaintzeko era; horren arabera, ordainketa egiteko, aurreko ekitaldiko likidazioaren egiaztagiria aurkeztu behar da, eta ekitaldi bakoitzari dagokion diru-laguntza doitzeko formula jakin bat erabili behar da, alegia, egiazko finantzaketa-defizita eta horren ondorioz ordaindu behar den kopurua ebaluatzea Aurreko ekitaldian ordaindutako kopurua eman beharrekoa baino handiagoa izanez gero, laguntza emandako ekitaldiko ekarpena gutxitu egingo da, aldea berdindu arte.

Era berean, adierazi behar dugu diru-laguntza arautzeko hitzarmena onartu zenean (Diputatuen Kontseiluak 2006ko ekainaren 27an hartutako Erabakia), ez zegoela indarrean Gipuzkoako Lurralde Historikoko diru-laguntzei buruzko martxoaren 27ko 3/2007 Foru Araua.

Beste alde batetik, Makina-tresnari buruz ikertzeko Fundazioarekin batera izenpetutako hitzarmenaren 4. klausulan, ordaintzeko moduari buruzkoan, ezarrita dago emandako 9.000 euroko diru-laguntzaren guztizkotik 3.000 euro, biltzarreko txostengile berritzaileenari emandako sariari dagozkionak, Hitzarmena sinatu eta gero ordainduko direla.

Nabarmendu behar ditugu erakunde onuradunaren izaera, Lurraldean dituen ezarpen- eta eragin-maila, eta GFArekin mantentzen duen harremana.

Behin diruz lagundutako jarduera bukatu eta gero, gauzatutako gastu osoa behar bezala arrazoitu da.

Kultur Kudeaketaren Foroa elkarteari emandako diru-laguntza gauzatzeko, diru-laguntza emateko baldintzak arautzen dituen hitzarmenaren bidez gauzatu da; % 50eko ordainketa aurreratua aurreikusten zen, artisten hautaketa egiaztatu eta gero, eta ez zen beharrezkoa bermea eratzea. % 50eko aurrerakin hori beharrezko eta ezinbesteko finantzaketatzat jo da, proiektuak hasiera-hasieratik sustatu ahal izateko eta, era horretan, diruz lagungarria zen jarduketa finantzen ikuspegitik bideragarria eta gauzagarria izan zedin.

Diru-laguntzei buruzko 3/2007 Foru Arauaren 32.4. artikuluan aurreikusita dago ordainketa aurreratuak egiteko aukera, betiere diru-laguntza arautzen duten baldintzetan diru-laguntzarekin lotuta dagoen jarduera burutu ahal izateko beharrezko finantzaketatzat jotzen bada.

NEBTak nazioartekotzeko esperientzia pilotu bat sustatzeko eta garatzeko, Gipuzkoako Bazkundearekin sinatutako hitzarmenaren bosgarren klausulan, ordaintzeko modua zehazten da, eta honako hau adierazten da:

- «Hasierako % 25 hitzarmen hau sinatzen denean ordaintzea

- % 25 lehenengo fasea amaitzean eta justifikatzeko kontua aurkeztu eta gero

- % 25 bigarren faseari hasiera eman zaiola egiaztatu eta gero

- % 25 bigarren fasea amaitzean eta justifikatzeko kontua aurkeztu eta gero».

Hitzarmenean zehaztutakoaren arabera, programaren zabalkuntza egin, NEBTak aukeratu, horiekin lanean hasi eta diru-laguntzen ordainketak eskatu ziren, ordainketak egiteko ezarritako egiaztapenak egin zirelarik.

2008ko urriaren 16an, lehen ordainketa eskatu zen, eta hil horren bukaeran gauzatu zen.

Abenduaren 18an batzorde misto bat osatu zen, eta bilera hartan programaren lehen fasea egitea onartu zen; era berean, hitzarmenean ezarritakoaren arabera, bigarren ordainketa egin zen 2009ko otsailean.

Beraz, ordainketak onartutako hitzarmenean ezarritakoari jarraituz egin ziren. Hala bada, hitzarmena sinatu eta gero eta programaren lehen fasea amaitu zela egiaztatu eta gero egin ziren ordainketak, 2008. urtearen amaieran.

Horrez gain, nabarmendu behar ditugu Gipuzkoako Bazkundearen izaera, Lurraldean dituen ezarpen- eta eragin-maila, eta GFArekin mantentzen duen harremana, eta, halaber, beti bete dituela bere betebeharrak eta konpromisoak.

Ordainketa aurreratuak egiteko aukerari buruz, zenbait dekretu arautzailetan adierazten da, izaera orokorrez, Diru-laguntzei buruzko 3/2007 Foru Arauaren 32.4 artikuluan aurreikusita dagoen ordainketa aurreratuak egiteko aukera, betiere diru-laguntza arautzen duten arauetan hala aurreikusten bada.

Gipuzkoako Zientzia, Teknologia eta Berrikuntza Sarea: Dekretu arautzailearen 13. oinarrian ezartzen denez, diru-laguntzaren % 60ko ordainketa aurreratua egin behar da diruz lagundutako proiektuaren hasiera egiaztatzen denean, eta diru-laguntza osoa aurreratzeko aukera ematen da, aldez aurretik abala aurkeztuta.

Diru-laguntza eman zaien erakunde onuradunak Zientzia, Teknologia eta Berrikuntzarako Euskal Sareko eragileak direla egiaztatu da, eta ikerkuntzan ari diren irabazi-asmorik gabeko erakundeak dira. Laguntzak ematen dira zentro horiek ikerkuntza-proiektuak eta inbertsio-proiektuak egiteko, eta, beraz, interes publikoari begira, eta ez interes ekonomikoari begira. Laguntzen izaera eta laguntzen onuradun diren erakundeen izaera kontuan hartuta, uste dugu bidezkotuta dagoela % 60ko aurrerakina bermerik gabe ematea. Gainera, kontuan izan behar da aurrerakin horiek, zenbaitetan erakunde publikoentzat ematen direnek, diruz lagundutako proiektuei hasiera ematea ahalbidetzen duten kredituak sortzen dituztela.

Enpresa-ekimena sustatzea: programa arautzen duten oinarrietan, hainbat jarduketa mota eta erakunde onuradun jasota daude; batzuk lehiaketa-izaerako prozeduraren bidez ebatzi dira, eta beste batzuk lehiaketa-izaerarik gabeko prozeduraren bidez. Eta aurrerakinei dagokienez, hiru egoera daude:

- Txekin programak (aurrekontu osoaren % 50etik gora hartzen dute); honako hau da emandako laguntzen kudeaketa: laguntza osoa eman eta ordaintzen da, jarduketa egin eta egiaztatu eta gero.

- Txekintek programa (aurrekontu osoaren % 20tik gora hartzen du); honako hau da emandako laguntzen kudeaketa: proiektuen gauzatze-maila kontuan hartzen da, eta diruz lagundutako erakundeen banku-abaletan oinarritutako laguntzak likidatzen dira.

- Gainerako kasuetan (ez da % 30era iristen), 16.1. artikulua ezartzen da; horri jarraituz, ekintza moten arabera (berritzaileak edo prestakuntzakoak), % 50eko aurrerakina eman daiteke proiektuarekin hastean, behin ordainketa hori agirien bidez egiaztatu denean.

I-Gipuzkoa 2010 Enpresak Programa: «I-Gipuzkoa 2010 Enpresak» programa arautzen duten oinarrietan, Diputatuen Kontseiluak 2008ko uztailaren 22an hartutako Erabakiaren bidez onartuetan, honako hau zehazten da (13.1 oinarria): «Diru-laguntzak osorik ordainduko dira diruz lagundutako jarduera amaitzen denean, eta 14. oinarrian zehazten den dokumentazioa daukan justifikazio-kontua aurkeztu eta gero».

Beraz, ondorioztatu behar dugu programa honek ez duela onartzen bermerik gabeko aurrerakinak egitea, eta, aitzitik, beharrezkoa dela diruz lagundutako jarduera amaitzea zein jarduera gauzatu dela behar bezala egiaztatzea.

Jakintzaren Gizartean Unibertsitatea sustatzeko Programa: diru-laguntzak ordaintzeko (14. oinarria), oro har, proiektuari hasiera ematen zaionean % 50eko ordainketa aurreratua egitea aurreikusten da, bermea eratzeko eskakizunik gabe. Erakunde onuradunak Gipuzkoako lurraldean oso errotuta egonda, eta gizarte-izaerakoak nahiz onura publikokoak izanda, % 50eko aurrerakin hori beharrezko eta ezinbesteko finantzaketatzat jo da, proiektuak hasiera-hasieratik sustatu ahal izateko eta, era horretan, diruz lagungarriak ziren jarduketak finantzen ikuspegitik bideragarriak eta gauzagarriak izan zitezen.

Atal honi amaiera emateko, gogorarazi behar dugu erakunde onuradunak erakunde publikoak edo irabazi-asmorik gabeko erakundeak direnean, bermea eratzetik salbuetsita daudela, apirilaren 29ko 24/2008 Foru Dekretuaren bidez onartutako Diru-laguntzei buruzko Foru Arauaren Erregelamenduan, 21.2 artikuluan, xedatutakoari jarraituz.

Guztira 2.267 mila euroko zenbatekoarekin emandako diru-laguntza izendun eta zuzenen 6 espedientetan, onuradunek gastu zerrenda bat soilik aurkezten dute eta ez ordainagiri edo baliokiderik.

Alegazioa.

Kursaal Elkargunea. «El Sol» Publizitate Jaialdia. 18.000 euroko zenbatekoa. Partaidetzako erakundeari egindako ekarpena: 2003. urtean, Donostian urtero egiten zen Publizitate Jaialdia beste leku batera aldatzeko eta Donostia jaialdiaren egoitza aurrerantzean ez izateko arrisku larria gertatu zen. Gauzak horrela, eta jaialdia Gipuzkoan mantentzeko hartutako neurrien artean, Gipuzkoako Foru Aldundiak eta Donostiako Udalak, «Centro Kursaal-Kursaal Elkargunea» erakundearen baitan bi erakundeetako ordezkariek osatutako Administrazio Kontseiluan, erabaki zuten elkarrekin, eta Eusko Jaurlaritzarekin batera, El Sol Iberoamerikako Publizitate Jaialdiari laguntza ekonomikoa ematea beren gain hartzea. Jaialdia Donostian egiten da, Espainiako Publizitate Agentzien Elkarteak antolatuta. 2008an, bi mila bat lagunek parte hartu zuten Donostian, 18 herrialdetako agentzien ordezkari aritu zirela. «Centro Kursaal-Kursaal Elkargunea» erakundeak bere gain hartzen du gorago aipatutako erakundeen laguntza ekonomikoa koordinatzeko eta bideratzeko eginkizuna.

2007ko abenduaren 3an egindako bileran, Donostia International Physics Center Fundazioaren Patronatuak 2008ko aurrekontua onartu zuen, 2.445.348 eurotan, eta Fundazioaren Estatutuen eta Araudiaren arabera, Gipuzkoako Foru Aldundiari bi ekarpen-unitate egitea egokitu zitzaion, 316.000 euro guztira. Betebehar hori betetzeko, Fundazioaren alde aipatutako ekarpena egitea onartu zen, Diputatuen Kontseiluak 2008ko ekainaren 10ean hartutako Erabakiaren bidez.

Guztira 3.300 mila euroko zenbatekoarekin emandako diru-laguntza izendun eta zuzenen 4 espedientetan, irabazi asmorik gabeko elkarteen jarduera finantzatzen da eta justifikagiri modura irabaziak erakusten dituzten urteko kontuak aurkezten dira; hori dela eta, zuzendu egin behar da datozen ekitaldietan.

Alegazioa.

Lurraldebus SL enpresaren urteko kontuetan irabaziak egoteari dagokionez, Gipuzkoako Lurralde Historikoko Diru-laguntzei buruzko Foru Arauak, 30. artikuluan, xedatzen duenez, «Foru Arau honen ondorioetarako, gastu diruz lagungarriak dira diruz lagundutako jardueraren izaerari inolako zalantzarik gabe dagozkionak eta oinarri erregulatzaileetan jasotako epearen barruan egiten direnak. Diruz lagundutako gastuen erosketa-kostua inoiz ezin da izan merkatuko balioa baino handiagoa».

Merkatuko balioaren barruan dago, ezinbestez, enpresa-irabazia, eta, beraz, ez dira bateraezinak diru-laguntza ordaintzea eta sozietatearen urteko kontuetan irabaziak agertzea.

GFAk Donostia International Physics Center Fundazioari urteko ekarpena egiteko betebeharrari aurre egiteko beharrezkoa den kreditua urtero onartzen da Gipuzkoako Lurralde Historikoko aurrekontu orokorretan, eta bertan esleituta dago horren aldeko zenbateko bat, GFAk Fundazioaren aurrekontuari egindako ekarpen arrunt bezala; GFA Fundazioko kidea da berau sortu zenetik, eta ekarpena egitea GFAren betebeharra da, Donostia International Physics Center organoko kide-patrono sortzailea delako.

Aztertutako dirulaguntzen akats berariazkoak.

Izendunak eta zuzenak.

Atal honetan, lehenengo tartekian, honako hau adierazten da:

«2008-2011 Kudeaketaren Aparteko Aurrekontuak, 2/2008 Foru Arauak onetsitakoak, zazpi kirol erakunderi 20.944 mila euroan emandako diru-laguntzak barne hartzen ditu (5.236 mila euro urteko 2008-2011 aldirako). Diru-laguntza hauekin lotuta alderdi hauek azpimarratu behar ditugu:

Diru-laguntzaren xedea orokorra da eta honenbestez, ezin daiteke bete izana egiaztatu.

Aipatutako foru arauan aurreikusitako kopuru handieneko diru-laguntza, 6.005 mila eurokoa, ez da 2008ko ekitaldian eman eta honenbestez, aurrekontu fasean geratu da. 2008ko ekainaren 3an hartzekodunen borondatezko konkurtso egoera aitortu zitzaion kirol erakunde bati dagokio, zeinari GFAk azken ekitaldi fiskalak ikuskatu dizkion; ikuskaritza honen ondorioz, 2009ko urrian hainbat akta jaulki dira eta erakunde horrek GFAren alde 12.303 mila euro ingresatu behar ditu zerga zor kontzeptuan eta 6.369 mila euro, zehapen kontzeptuan. Kopuru hauei 2008ko ekitaldi itxieran ordaintzeko zuen 7.331 mila euroko saldoa gaineratu behar zaie.

Aipatutako Foru Arauan onetsitako kopuru handieneko bigarren kirol erakundeari dagokionez, 4.000 mila euro, diru-laguntza arautzen duen hitzarmena 2008ko ekainean gauzatzen da, 2010eko irailera bitarteko indarraldia duena eta honenbestez, hitzarmenaren zenbatekoa 2.500 mila eurokoa da. Diru-laguntzaren norakoa justifikatzeko aurkezten den auditoriako txostenak adierazten du «pasibo kontingente fiskal eta laborala existitzen dela eta azken zenbatekoa objektiboki zenbatestea nekeza bada ere, sozietatearen egoera finantzarioak nabarmen eralda ditzakeela». GFAk ez du txosten hori jaso ondoren ikuskapen fiskaleko inongo jarduerarik burutu.

Aipatutako Foru Arauan onetsitako kopuru handieneko hirugarren kirol erakundeari dagokionez, 3.600 mila euro, diru-laguntza arautzen duen hitzarmena 2008ko ekainean gauzatzen da 900 mila euroko zenbatekoarekin eta 2008ko ekitaldirako indarraldia soilik duena.

Batzar Nagusiek onetsitako diru-laguntzen kirol erakunde onuradunekin izenpetutako hitzarmenetatik batek ere ez ditu Foru Arauan aurreikusitako epea eta zenbatekoak barne jasotzen. Bestalde, zenbait kirol erakundetan azaleratutako arazo fiskalaren aurrean eta gogoan izanik azken ekitaldietan GFA babesletza kontratuak izenpetzen ari dela edo erakunde horiei diru-laguntzak ematen, horien egoera fiskala berrikusi behar litzateke, emandako laguntza publikoak edo kontratatutako zerbitzuak egoki eman eta exekutatzeko».

Alegazioa.

Akats honi dagokionez, hau adierazi behar dugu:

Gipuzkoako Foru Aldundiak, kirolak bere baitan daukan balio soziokulturala aintzakotzat hartuta, 2008-2011 Kudeaketaren Aparteko Aurrekontua onartzean ulertu zuen kirol-izaerako adierazpen jakin batzuk bitarteko egokia ere badirela Lurralde Historikoaren irudia kirolarekin zerikusia duten esparruetan hedabideen laguntzaz sustatzeko. Adierazpen horiek, beste alde batetik, «berdintzeko nahiaren» efektua sortzen dute herritarren artean, batez ere gazteenen artean, eta horrek kirol-jarduera sustatzeko tresna eraginkor bilakatzen ditu. Gauzak horrela, kirol-ikuskizuna izenekoak garrantzi handiko eragina du aipatutako alderdietan, hedabideetan egiten zaion segimendua dela-eta.

Hori da atal honetako diru-laguntza izendunen bidez lortu nahi den helburu orokorra; aipatutako diru-laguntzak erakundeekin batera sinatzen diren lankidetza-hitzarmenen bidez gauzatzen dira, eta hitzarmenetan diru-laguntza bakoitzaren helburua eta helburu hori, kasu bakoitzean, betetzen dela egiaztatzeko baliabideak zehazten dira.

Diru-laguntza jaso duten erakunde onuradunetatik hiruri dagokienez, HKEEren txostenean aipatzen diren lehiaketa-, zerga- edo lan-egoeraren inguruko gorabeherek administrazioaren erantzuna jaso dute kasu bakoitzean, diru-laguntzak ematea arautzen duen araudian adierazitakoaren arabera. Horrela bada, aipatzen den lehenengo egoeran, diru-laguntza ez zen eman, eta gainerako bi kasuetan, erakunde onuradunek Ogasun eta Gizarte Segurantzarekiko betebeharrak betetzeko orduan zer egoeratan zeuden azaltzeko ziurtagiriak aurkeztu zituzten.

Izenpetutako hitzarmenetan, Foru Arauan jasota dauden indarraldiak eta urteko zenbatekoak jasota ez egotearen arrazoia da diru-laguntza izendun horien bidez lortu nahi den helburua, hau da, kirol-ikuskizunari eustea, babesteko elementu bat ezartzeko beharra. Esan nahi baita, diruz lagundutako kirol-erakundeek, kategorian jaistearen ondorioz, hurrengo denboraldian kirol-ikuskizun izenekoan lehiatzeko aukera gal zezaketenez gero, hitzarmen ia guztiek 2008-2009 kirol-denboraldiarekin bat egiten zuen iraupena izan zutela. Beste kasu batzuetan, kirol-erakundeekin lehendik emanda zeuden diru-laguntzetan edo sinatutako kontratuetan zehaztutako indarraldia errespetatu zen.

Horrez gain adierazi behar dugu lankidetza-hitzarmena, zenbait kasutan, 2009. urtean berritu zela, eta beste batzuetan, eta urte horretan bertan, diru-laguntza izendunen ordez, lehiakortasun-erregimeneko beste batzuk eman zirela, erakunde horiek berak onuradunak izanik.

Aintzakotzat hartu behar den beste alderdi bat da ekainaren 10eko 2/2008 Foru Araua onartu bezain laster, gure gizartea mehatxatzen ari zen krisi ekonomikoa agertzen hasi zela; hori dela-eta, aurrekontuko gastua behar bezala aldikatzeko beharra aztertu zen, gastu horren gauzatzea urtearen barruan doituta eta, era horretan, kreditu-gehikuntzak saihestuta, finantzaketarako aurreikusten ziren zailtasunak kontuan izanda. Horregatik, diru-laguntza izendunen onuradun diren erakundeekin batera sinatutako hitzarmenetako batzuetan diru-laguntza horien ondoriozko gastua banatu zen 2008ko eta 2009ko aurrekontu-ekitaldien artean, azken buruan 2008-2009 kirol-denboraldiko lehiaketa finantzatzen ari baitzen kirol-ikuskizunaren kategoria batean.

Atal honetan, bigarren tartekian, honako hau adierazten da:

«GFAk 2007an Gipuzkoako Futbol Federazioarekin eta kirol sozietate anonimo batekin lankidetza-hitzarmena izenpetu zuen, Gipuzkoan futbolean teknifikazio eta prestakuntza proiektu berria finantzatzeko, lau ekitalditarako eta urtean 820 mila euroko zenbatekoarekin. Kirol sozietate anonimoak 2008ko ekitaldian 820 mila euro jaso zituen, Gipuzkoako futbol kluben artean 683 mila euro banatzeko konpromisoa izanik, hitzarmenean jasotakoa. GFAk hitzarmena bete izanari buruzko informazioa eskatzen du eta behar hainbateko erantzunik jaso ez izanaren aurrean, dirua itzultzeko prozedura abiarazten du, zeinetan sozietateak klubei 511 mila euro eman izana justifikatzen duen. Honenbestez, itzuli beharreko zenbatekoa 172 mila euro, gehi berandutza interesak dira. Kopuru honen aurrean kirol sozietate anonimoak erantzuten du 143 mila euroko gastuak egin dituztela teknika eta giza baliabide propioetan eta ondorioz, espedientea 29 mila euro itzultzeko eskaria eginda amaitu da diru-laguntza kontzeptuan eta 3 mila euro berandutza interesen kontzeptuan. Kirol sozietate anonimoak egindako 143 mila euroko gastuak onartzea hitzarmenean futbol taldeen artean 683 mila euroko zenbatekoa banatzeko ezarrita dagoen obligazioaren aurkakoa da. Honez gainera, GFAk ez ditu onuradunak egindako arau-hausteen kontzeptuan Diru-laguntzen Foru Arauan aurreikusitako zehapenak ezarri. Azkenik esan behar da GFAk bertan behera utzi zuela 2009 eta 2010eko ekitaldietarako hitzarmena».

Alegazioa.

Bigarren akats honi dagokionez, hau argudiatu behar dugu:

Itzulketa egiteko espedientean, izapidegileak, aurkeztutako froga dokumentalari eta kiroleko sozietate anonimoak argudiatu zituen alegazioei buruz 2009ko urriaren 5ean igorritako txosten baten bidez, eta sinatutako hitzarmenen edukia kontuan hartuta horri guztiari buruz egindako azterketa arrazoitu baten ondoren, hau ondorioztatu zuen: «orain arte adierazitakoari jarraituz, ondoriozta dezakegu (erakunde onuradunak) Gipuzkoako Futbol Sarea mantentzeko hasiera batean urtero egin behar duen 683.000 euroko ekarpena gauzatzeko, hitzarmenaren jarraipena egiten duen Segimendu Batzordeak zehaztutako zenbatekoak klubei transferitu behar bazaizkie ere, ez dago eragozpenik ekarpena beste modu batez egiteko, betiere gorago adierazitako kopurura iristen bada eta Gipuzkoako Foru Aldundiaren ekarpena berdintzen bada». Izapidegilearen arrazoiketarekin bat etor daiteke ala ez, baina HKEEren txostenean ez dira zehazten bere iritziaren oinarri diren argudioak.

Zuzendari Nagusi batek 9 mila euroko diru-laguntza zuzena eman du; ordea, 10/2007 FAren 14.1 artikuluaren arabera emakida Foru Diputatuek soilik egin dezakete eta gehienera 15 mila euroko zenbatekoarekin.. Gastua aitortu ondoren, Foru Diputatuak jarduerak baliokidetu ditu

Alegazioa.

Urtarrilaren 22ko 1/2009 Foru Aginduaren bidez, Berrikuntzaren eta Jakintzaren Sustapeneko zuzendari nagusiaren 319/2008 Ebazpena baliozkotu zen, eta Invema Fundazioari egindako emakidak eta erakundearekin batera sinatutako hitzarmenak zuten hierarkia-eskumenaren akatsa konpondu zen era horretan.

Diputatuen Kontseiluak 200 mila euroko diru-laguntza eman dio Gipuzkoako Merkataritza Ganberari, honek beste enpresa batzuei diru-laguntzak emango zizkiela aurreikusita. Espedientean deialdiaren zabalkundea aipatzen da, baina ez da Gipuzkoako Aldizkari Ofizialean inongo argitalpenik egin eta ez dira laguntzak emateko diru-laguntzen arautegiari egokitutako oinarri-arauak finkatu. Merkataritza Ganberari emandako diru-laguntzaren zenbateko osoa ordaintzen da, aurrerakinen emakidan aurreikusia egon gabe.

Alegazioa.

NEBTak nazioartekotzeko esperientzia pilotu baten sustapenari eta garapenari estaldura emateko, Gipuzkoako Bazkundeari emandako diru-laguntzari buruz goragoko ataletan dagoeneko emandako azalpenetara eta argudioetara bidaltzen dugu.

Landa Ingurunearen Garapeneko Departamentuak emandako diru-laguntza zuzenetako bakar batean ez da justifikatzen publizitatea eta lehiakortasuna betetzetik salbuestea.

Alegazioa.

Epaitegiaren txostenean, 78. orrialdean jaso diren kasu guztiak, Gipuzkoako eta Arabako Partzoneriari emandako diru-laguntza izan ezik, lurralde-administrazioei (udalak eta mankomunitateak) emandako diru-laguntzak dira, eta diru-laguntza horien interes publikoa egiaztatuta dagoenez, zuzenean eman daitezke. Diru-laguntza horiek Diputatuen Kontseiluak hartutako erabakien bidez eman ziren, eta Kontseiluaren espedienteetan jasota dauden Departamentuko hainbat memoriatan, erakunde horien interes publikoa egiazta daiteke.

Beste alde batetik, Epaitegiaren txostenean aipatzen diren emandako zuzeneko diru-laguntza guztiak GAOn ez argitaratzeari dagokionez, adierazi behar da horien argitaratzea nahitaezkoa dela, bakar-bakarrik, lehiaketa-erregimenaren bidezko diru-laguntzak ematen direnean, Gipuzkoako Lurralde Historikoko Diru-laguntzei buruzko martxoaren 27ko 3/2007 Foru Arauaren 17. artikuluan xedatutakoari jarraituz.

GIZARTE-ZERBITZUEN HITZARMENAK: EGUNEKO ZENTROAK ETA EGOITZETXEAK

Atal honetan, Epaitegiak iritzi hau azaltzen du: «gizarte zerbitzuak gehituz gero publizitatu egin behar dira, izan ere, urteko plaza horiek gehitzearekin, hasierako kontratuen aldaketak kontratatzen ari baitira eta horiek adierazgarriak izan daitezke batetik, eta bestetik, laguntza zerbitzuak emateko homologatutako enpresek horien berri izan beharko lukete».

Horri erantzunez, honako hau adierazi behar dugu: mendekotasuna duten adineko pertsonentzako egoitzetxe eta eguneko zentroetako plazen gehikuntzak, 2008an onartu eta gero Gizarte Politikako Departamentuaren eta mendekotasuna duten adineko pertsonei laguntza ematen dieten erakundeen artean sinatutako lankidetza-hitzarmenetan jaso zirenak, Gizarte Politikako Departamentuak prestatu eta Gipuzkoako Batzar Nagusien aurrean ezagutzera eman zen Gipuzkoako Lurralde Historikoko Gizarte Zerbitzuen II. Foru Mapan (2008-2012) jasotako helburuen artean daude.

Mapa prestatzeko burutu den azterlanaren arabera, plazen gehikuntza horiek herritarren multzo horri erantzuteko defizita zegoen eskualdeetan gauzatu dira. Mendekotasuna duten adineko pertsonei erakundeetan (bai egoitzetxeetan, bai eguneko zentroetan) laguntza emateko lehentasunen arteko bat zerbitzua gizarte-ingurunetik eta familiaren ingurunetik hurbil dauden zentroetan ematea dela kontuan izanda, eta zona horietan laguntza-zerbitzu mota hori ematen duen erakunde bakarra dagoela jakinda, uste izan zen egokiena lehenago lankidetza-hitzarmenak sinatuak zituzten erakundeekin hitzartutako plazak gehitzea zela.

Nolanahi ere, eta HKEEk azaldutako iritziaren ildotik, Gizarte Politikako Departamentuan plaza gehiago adosteko egingo den lehiaketa arautu behar duten baldintzak zehazteko prozesu bat definitu da. Lehiaketa urtero egingo da, datorren ekitalditik aurrera eta aurrekontuen arabera, plaza gehiago hitzartzeko, plaza horiek Gipuzkoako Lurralde Historikoko Gizarte Zerbitzuen II. Foru Mapan (2008-2012) jasota dauden estaldura zabaltzeko helburuen artean daudenean.

5.4.- «III.5.- Langileria» atalari egindako alegazioak.

Atal honetan, honako hau zehazten du HKEEk:

AGFAk 2008an, apiriletik uztailera bitartean zerga aitorpenak egiteko erdi mailako 91 teknikari kontratatu ditu eta horietako 19 berriz kontratatu ditu irailetik abendura, iruzurraren aurkako kanpainarako. Azken ekitaldiotan errepikatzen diren kontratazio hauek programako bitarteko funtzionario figuraren baitan egiten dira. Lanpostu horiek ez dira agertzen Lanpostuen Zerrendan. Nolanahi dela ere, GFAk 2008an egin duen Enplegu Eskaintza Publikoan kanpainetan laguntza emateko erdi mailako teknikarien 21 lanpostu barne hartu dira.

Alegazioa.

GAOn 2008ko otsailaren 18an argitaratu zen 2008ko otsailaren 12ko Foru Dekretuaren bidez, Gipuzkoako Foru Aldundiko langileentzat erreserbatutako Lanpostuen Zerrenda aldatu zen eta 20 aldizkako lanpostu finko sortu ziren, Kanpainetan laguntzeko Erdi Mailako Teknikarien kategorian.

Aldizkako langile finko berriak 2009ko apirilaren 2an hasi ziren lanean, 2008ko PFEZen kanpainan, eta urte horretan ez zen jadanik iruzurraren aurkako aldi baterako programa izapidetu.

5.5.- «III.6.- Ondarea» atalari egindako alegazioak.

Atal honetan, HKEEk honako hau adierazten du:

Diputatuen Kontseiluak 2008ko ekitaldian 1.000 mila euroko zenbatekoarekin GFAk kapital pribatuko elkarte batean parte hartzea baimendu eta xedatzeko erabakia hartu zuen, modu zuzenean, parte hartze horren beharra justifikatu gabe, ez eta publizitate, lehia, gardentasun eta eskaintza ekonomiko mesedegarrienaren hautaketa printzipioak betetzetik salbuestea ere, Gipuzkoako Lurralde Historikoaren Ondareari buruzko 8/1996 Foru Arauan ezarritakoaren arabera buru egin behar dutenak; izan ere, FA honek agintzen baitu kostubidezko ondasun eta eskubideen erosketan administrazio eta ondare kontrataziorako aurreikusitako arauak beteko direla. Bestalde, ez da erositako partaidetzen egiazko baliodun tasaziorik gauzatu, 8/1996 Foru Arauaren 26. artikuluari jarraiki, aurrez aipatu dena. Erabaki hau 2008ko ekitaldiaren aurrekontuan hitzartutako kreditu modura islatzen da; nolanahi dela ere, ez zaio 2009ko aurrekontuari txertatu eta ez da Diputatuen Kontseiluaren erabakiaren inongo betearazteko egintzarik gauzatu ere. Eragiketaren izaera eta aipatu ditugun ondoko gertakariak aintzat hartuta, komenigarria litzateke hartutako erabakia baliogabetzeko ekintza esplizitua burutzea.

Alegazioa.

Horren gainean esan behar dugu, lehenik eta behin, Sektore Publikoko Kontratuei buruzko urriaren 30eko 30/2007 Legeak 4.1.p) artikuluan xedatutakoari jarraituz, kontratu mota horiek lege horren ezarpen-eremutik kanpo daudela. Beraz, kasu honetan, ez dira ezargarriak administrazio-kontratuak egiteko aurreikusitako arauak eta, hala, ondareari buruzko araudira jo beharko da.

Ezargarria den ondareari buruzko araudiari dagokionez, uztailaren 9ko 8/1996 Foru Arauan, Gipuzkoako Lurralde Historikoaren Ondarearenean, jasotako araudia oso murritza izanik, beharrezkoa da Herri Administrazioen Ondareari buruzko azaroaren 3ko 33/2003 Legera jotzea, bere 171. artikuluan ez baita adierazten erosketa, oro har, lehiaketa bidez egin behar denik, Ondarearen Foru Arauan nahiz Legean bertan ondasun higiezinak edo higigarriak erosteaz hitz egiten denean adierazten den bezala; aitzitik, artikulu horretan, aipatu besterik ez da egiten zeintzuk diren erosketa adosteko eskumena duten organoak, erosteko partaidetzen balioa zehazteko prozedurak eta eman beharreko txostenak. Hortik ondoriozta daitekeen bakarra da balore-tituluen erosketa era zuzenean egin behar dela.

Bigarrenez, adierazi behar dugu eragiketaren izaera bera kontuan izanda, ez duela zentzurik publizitateaz, lehiaz edo eskaintza ekonomiko mesedegarrienaren hautaketaz hitz egiteak. Izan ere, merkataritzako sozietateen kapitalean parte hartzea (pertsona juridiko pribatuekin lehian) oso jardun ohikoa da Euskadiko Autonomi Erkidegoko administrazio publikoen artean, eta Gipuzkoako Foru Aldundiaren beraren jarduna ere bada, azken urteotan merkataritzako sozietate ugari eratu baitituzte enpresa pribatuekin batera, edo erakunde pribatuak partaide dituzten enpresetako kapital soziala erosi baitute, zuzenean.

Hirugarrenez, aipatutako sozietatearen kapitalean parte hartzea, azkenean, ondoriorik gabe geratu zen.

5.6.- «III.7.- Uliazpi Erakunde Autonomoa» atalari egindako alegazioak.

Erakunde honi dagokionez, HKEEk alderdi hauek nabarmentzen ditu:

Uliazpi Erakunde Autonomoak ez ditu Sozietate Publikoen Kontratuen Legean (SPKL) aurreikusitako prozedura negoziatuak izapidetu eta lehia urratu du guztira 137 mila euro egin duten lau zerbitzu kontratutan eskaintzak eskatzearekin.

Alegazioa.

Uliazpiren eginkizun nagusia biztanleen multzo zehatz baten ongizate orokorra eta bizi-kalitatearen hobekuntza sustatzea da, eta zehazki, adimen-ezgaitasuna eta laguntzaren behar orokorrak dituzten pertsonenak.

Horretarako, eta beste alderdi askoren artean, hainbat zerbitzu mediko eskaintzen ditu, adimen-ezgaitasun larriaren eremuan espezializatuta daudenak eta eskarmentudunak direnak, zerbitzu horiek beharrezkoak baitira gure erabiltzaileei behar bezalako arreta emateko. Kontratatutako zenbatekoa guztiz desberdinak diren hiru zerbitzu motetan banatzen da: neurologia, pediatria eta enpresako medikuntzan espezializatuta dauden zerbitzu medikoak; hortaz, komenigarritzat jotzen da hiru kontratazio desberdin egitea, eta hala egin ohi da.

Beste alde batetik, Uliazpik hainbat jarduera antolatzen ditu, besteak beste lantegi okupazionalak, Gureak Languneetan nahitaez burutu beharrekoak, hori baita zerbitzu hori eskaintzen duen erakunde bakarra.

Horregatik bada, aipatutako zerbitzu profesional zehatzen zein Languneen kontratazioa esleitu dira eskatu nahi zen espezialitate zehatza eta benetan esku har dezakeen profesional eta erakunde bakoitzaren izen ona kontuan hartuta.

Ekitaldian zehar zazpi hornitzaileri elikadura hornigaiak erosi zaizkie, material teknikoak bi hornigairi eta lan txikiak egin dira bi hornitzailerekin, guztira, hurrenez hurren, 257 mila euro, 63 mila euro eta 108 mila euroko zenbatekoarekin; horietarako kontratazio espedienteak bideratu behar ziratekeen aleko prezioetan edo sortaka.

Alegazioa.

Erosi beharreko produktu batzuen berezitasuna eta obra txikiak egiteko egon daitekeen premia eta kontuan hartu behar diren ezaugarri zehatzak direla-eta, kontratazio horiek era dezentralizatuan egiten dira, eta hornitzaileen kopuru handi bati.

Hala eta guztiz ere, aurreikusita dago laster beste kontratazio-espediente bati hasiera ematea, lizitatu beharreko sortak zabaltzeko. Ildo horretan, adierazi behar dugu une honetan informatikako aplikazio bat instalatzen ari dela Uliazpin, sortaka egindako kontratazio zentralizatu bat kudeatzea erraztuko duena. Era horretan, sorten kopurua nahiz sorta bakoitza osatzen duten produktuen kopurua handitu ahal izango dugu.

Guztira 222 mila euroko gastuak kontratatu dira GFAren hornitzaileekin, Uliazpi Erakunde Autonomoaren eta GFAren artean zentralizatutako kontratazio sistemetarako atxikimendurik ez dagoela, SPKLren 187tik 191ra bitarteko artikuluei jarraiki.

Alegazioa.

Gipuzkoako Foru Aldundia, joan den ekitaldian Uliazpik egin zuen eskaerari erantzunez, bere espedienteen agiriak aldatzen ari da, kontratatzeko sistema zentralizatuei atxikitzea ahalbidetzeko.

Ondorioz, espediente berriak egin ahala, Uliazpik egiten dituen kontratazioak kontuan izanda beteko dira Legeak eskatzen dituen betebeharrak.

2008ko ekitaldian guztira 645 mila euroan esleitutako hiru espedienteren Administrazio Klausula Partikularren Pleguek esleipen irizpide modura kontratarien kaudimenari buruzko alderdiak barne hartzen dituzte (antzeko lanetan eskarmentua, obrara atxikitako giza taldearen eta baliabide teknikoen balioa); hauek guztiak, ordea, lizitazio unean egiaztatu behar dira eta ezin dira esleipenean hartu aintzat, une horretan eskaintza baizik ezin baita balioztatu.

Alegazioa.

Hori konpontzeko beharrezkoak diren doikuntzak egiten ari dira, Uliazpik eskaintzen dituen zerbitzuen eta arreta ematen dien pertsonen berezitasunak kontuan hartuta.

5.7.- «III.9.- Bidegi Sozietate Publiko SA» atalari egindako alegazioak.

Sozietate honi dagokionez, HKEEk alderdi hauek nabarmentzen ditu:

Guztira 236 mila euroko esleipen zenbatekoa egiten duen espediente batean, esleipen irizpide modura kontratisten kaudimen edo eskarmentuari buruzko alderdiak oker erabili dira, lehiaketan soilik balioztatu daitezkeenak. Espediente honetan bertan esleipenak hiru hilabeteko epea gainditzen du gutunazalak irekitzen diren unetik aurrera kontatuta.

Alegazioa.

Lizitazio-agiriaren karatula gehitu dugu (V. eranskina); bertan zehaztuta daude esleipena egiteko irizpideak, kontratisten kaudimen edo eskarmentuaren inguruko alderdiak baloratu gabe. Hauek dira aipatutako agirian jasotako irizpideak:

1.- Gehieneko puntuazioa duen prezioa 35 puntu

2.- Lanen azterlana, metodologia, kalitatea eta lan-programa 0 eta 27 puntu bitartean

3.- Kontratuari esleitutako langileak eta laguntzaileak 0 eta 20 puntu bitartean

4.- Azken lau urteetan egindako antzeko lanen kalitatea 0 eta 10 puntu bitartean

5.- Agirietan eskatutakoarekin alderatuta egindako hobekuntza teknikoak, eskaintzaileak proposatutakoak eta kontratuaren objektuari begira interesgarriak direnak 0 eta 5 puntu bitartean

6.- Atxikitako ekipamenduak eta baliabide laguntzaileak 0 eta 3 puntu bitartean

Esleipena jakinarazteko epeari dagokionez, agirian bertan, 14. klausulan, honako hau ezarrita dago: «5.- BIDEGIK esleipenaren emaitza 2. eta 3. gutunazalak ireki eta sei hilabeteko gehieneko epearen barruan ezagutzera ematen ez badu, lehiaketan onartutako lizitatzaileek beren proposamena kentzeko eta ipinitako behin-behineko bermea atzera jasotzeko eskubidea izango dute».

Beraz, esleipena baldintza berezien agirian zehaztutako epearen barruan jakinarazi da.

Guztira 207 mila euroko zenbatekoarekin esleitutako espediente batean ez da kontratazio mahaia eratu eta ez dira pleguak irekitzeko aktak egin

Alegazioa.

Hau da adierazitako espedientea: zerbitzuan dauden tunelen egokitzapena eta AP-8 autobideko bide-kudeaketa hobetzeko, instalakuntza-proiektua idazteko laguntza teknikoa.

Agirian ez da jasotzen esleipena egiteko kontratazio-mahaiaren irudirik, eta, beraz, ez da eratu eta ez da Aktan jaso.

HERRI-KONTUEN EUSKAL EPAITEGIAREN OHARRAK

1. oharra Euskadiko Zerga Koordinaziorako Organoaren bilera agiriak Erregelamendua indarrean sartu aurretik azaleratutako auzien espediente osoak Batzorde Arbitralari igortzeko erabakia jasotzen du eta ondoren ezartzen du komenigarri irizten diola termino ekonomikoetan zein juridikoetan behar hainbateko garrantzia duten suposamenduak igortzeari. Inola ere ez da aktan islatzen GFAren alegazioak aipagai duen erabakia. Bestalde, Araba eta Bizkaiko Foru Aldundiek Batzorde Arbitralari 2004ko ekitaldia baino lehenagoko auziak igorri zizkioten, horietakoren bat GFAk igorri gabe utzi dituenak baino garrantzia txikiagokoa izanik.

2. oharra Ebazteko dauden gerorapenei ezartzen zaizkien ordainketa planetarako GFAk ez du berariazko ebazpenik egin. Bestalde, aipatutako gerorapenetatik batean ere ez da bermea gordailatu ebatzi bitarte arte.

3. oharra Ordaindutako sariak ez daude Giza Baliabideen Plan Estrategikoan finkatuta, baizik eta Langileen Erregelamenduan eta honenbestez, ez dira ezargarriak arautegian baldintza jakin batzuk betetzen dituzten plan estrategikoetarako aurreikusitako salbuespenak.

4. oharra Publizitateko kontraprestazioak ez daude baloratuak kontratuaren prezioarekiko.

5. oharra % 44ko ehunekoa kontrata bidezko obraren azken exekuzioari dagokio, 2003an 11.797 mila euroko zenbatekoarekin egindako hasierako esleipenari dagokionez.

6. oharra HKEEk aztertutako 56 diru-laguntza zuzenetan ez dago barne hartua Aranzazu Fundazioa.

7. oharra HKEEk aztertutako 56 diru-laguntza zuzenetan ez dago barne hartua Kirolgi Fundazioa.

8. oharra Publizitate eta lehia printzipioak ezartzeko berezitasuna edo ezintasuna ez du onuradun motak zehazten, diru-laguntzaren xedeak baizik. Nolanahi dela ere, onuradunaren berezitasunak Batzar Nagusiek onetsitako diru-laguntza izenduna eragin lezake; ez, ordea, Diputatuen Kontseiluaren erabaki bitartez. Honi dagokionez, alegatutako diru-laguntza gehienak Batzar Nagusiek 2009ko ekitaldiko aurrekontua onetsi inguruko datetan ematen dira. Beste kasu batzuetan, berriz, foru dekretuak daude laguntza horientzat edo lizitazio gai izan litezke.

9. oharra Diru-laguntza hauek emateko foru-dekretuak existitzen direnez gero, publizitate eta lehia printzipioak ezarri behar ziratekeen onuradunak zehazteko.

10. oharra HKEEk eragiketa hau objektibotasun eta gardentasun ezaren ikuspuntutik aztertzen du, besteak beste, txostenean aipatutako alderdietatik eratorritakoa eta ondasunen gainean egindako tasazioetatik, azken destinoa tasazioan aurreikusitakoaz guztiz bestelakoa dutenak.

11. oharra 2006 eta 2008ko ekitaldien artean destino berarekin hainbat eraikin erosi izanak lehiaketa publikoak egiteko aukera zegoela erakusten dute. GFAk berak 2009ko ekitaldian publizitatea ezarri du eraikin mota hau erostean.

12. oharra HKEEk egindako balorazioak ez du inongo lege hausterik bereizten, baizik eta gomendioen esparruan dago jasoa, diru-laguntzaren norakoa justifikatzean arriskuak estaltzeko bermearen ikuspuntutik.

13. oharra Hitzarmenean jasotako obligazioak abiaburu hartuta atera ditu HKEEk ondorioak, futbol taldeen artean kopuru zehatza banatzeko obligazioa, alegia; kopuru hori, ordea, banatzeko ardura zuenak egindako gastuekin murriztu da.

14. oharra Testu hau ez da GFA alegatzen ari den HKEEren txostenaren atal.

15. oharra Gipuzkoako Lurralde Historikoaren 8/1996 Foru Arauak agintzen du «kostu bidezko ondasun eta eskubideen erosketan administrazio eta ondare kontrataziorako aurreikusitako izapideak eta arauak beteko direla». Honenbestez, parte-hartzeen erosketak 8/1996 Foru Arauan aurreikusitako arauak bete behar ditu eta nolanahi dela ere, Sektore Publikoko Kontratuen Legean buru egiten duten printzipioak.

16. oharra 4. eta 6. irizpideak kontratisten kaudimen eta eskarmentuari dagozkio. Kontratua irekiera unetik aurrera hiru hilabeteko epean esleitu behar zatekeen, APKLTBren 89. artikuluari jarraiki.

17. oharra Kontratazio arautegiak hala agintzen du espediente honetarako.

Azterketa dokumentala