Euskal Herriko Agintaritzaren Aldizkaria

222. zk., 2007ko azaroaren 19a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Iragarpenak

Industria, Merkataritza eta Turismo Saila

6328

IRAGARKIA, Eusko Jaurlaritzako Industria, Merkataritza eta Turismo Sailaren Gipuzkoako Lurralde Bulegoarena, Bidegoiango Udalerrian (Gipuzkoa) petrolio-gas likidotua biltegiratzeko zentroa eta B presio ertainarekin gas propano kanalizatua banatzeko sarea eraikitzeko proiektuari dagokionez, jendaurreko erakustaldia egiteko eta administrazio-baimena eskatzeko dena.

Hidrokarburoen Sektoreari buruzko urriaren 7ko 34/1998 Legeko 73.4 artikuluan (1998-10-08ko BOE), abenduaren 27ko 1434/2002 Errege Dekretuan (2002-12-31ko BOE), Nahitaezko Desjabetzeari buruzko 1954ko abenduaren 16ko 17-2 eta 52. artikuluetan (1954-12-17ko BOE) eta lege horren 1957ko apirilaren 26ko Arautegiaren 56. artikuluan (1957-06-20ko BOE), eta Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 86. artikuluan (1992-11-27ko BOE) aurreikusitako ondorioetarako, instalazio proiektu hau jendaurrean jartzen da:

Espedientea: RI.12.127 –CGF. 2007/2.

Eskatzailea: Repsol Butano S.A.

Helbidea: Julio Urkixo zumarkalea, 80, Bilbao (Bizkaia).

Eskabidearen xedea: administrazio-baimena, Bidegoiango udalerrian (Gipuzkoa) petrolio-gas likidotua biltegiratzeko zentroa eta B presio ertainarekin gas propano kanalizatua banatzeko sarea eraikitzeko.

Zerbitzuko presioa: B presio ertaina.

Biltegiratze-zentroaren ezaugarriak:

2 lurgaineko depositu (PGL); bakoitzak 22.090 litroko edukiera izango du.

Kokalekua: aurkeztutako proiektuan agertzen diren planoen arabera.

Aurrekontua: hogeita hamar mila bostehun eta laurogeita hamalau (30.594) euro.

Banaketa-sarearen ezaugarriak:

Banatzeko eroanbideen materialak: dentsitate erdiko polietilenozko hodiak.

Eroanbideen luzera: 2.455 m.

Trazadura: aurkeztutako proiektuan agertzen diren planoen arabera.

Aurrekontua: hogeita hamabost mila zazpiehun eta hogeita zazpi (35.727) euro.

Proiektua eta dagokion espedientea nornahik azter ditzan argitaratzen da hori, Eusko Jaurlaritzako Industria, Merkataritza eta Turismo Sailaren Gipuzkoako Lurralde Bulegoan (Easo kalea, 10, 20006 Donostia). Bulego horretan, halaber, bidezko iritzitako erreklamazioak eta alegazioak, eta eskabideak edo lehia egiteko proiektuak aurkeztu ahal izango dira (hiruna ale). Horretarako epea iragarki hau argitaratzen den egunaren biharamunean hasi eta hogei egunekoa izango da.

Donostia-San Sebastián, 2007ko irailaren 24a.

Lurralde Bulegoko burua,

JAVIER LOPEZ LARRINAGA.