Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

222. zk., 2007ko azaroaren 19a, astelehena


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Jaurlaritzaren Lehendakaritza
6295

5/2007 DEKRETUA, azaroaren 12koa, Lehendakariarena, Euskal Gizataldeekiko Harremanetarako Aholku Batzordeko kideak aldatzen dituena.

Apirilaren 11ko 234/1995 Dekretuak Euskal Gizataldeekiko Harremanetarako organoak arautu zituen, Euskal Autonomia Erkidegotik kanpo dauden euskal gizatalde eta etxeen harremanak arautzen dituen maiatzaren 27ko 8/1994 Legea garatuz. Dekretu honek lehendakariari ematen dio Euskal Gizataldeekiko Harremanetarako Aholku Batzordeko kideak eta ordezkoak izendatzeko ahalmena. Kide horiek batzordean ordezkatuta dauden erakundeek aldez aurretik aukeratuko dituzte.

Maiatzaren 5eko 7/2004 Dekretuaren bidez Euskal Gizataldeekiko Harremanetarako Aholku Batzordea osatzen duten kideak izendatu ziren eta 4/2007 Dekretuak izendapen batzuk aldatu zituen. Ordezkaritza-kargudunen artean orain aldaketak izan direnez, eta egindako proposamenak bideratu direnez, egokia da dagozkion izendapenak egitea, agintalditik gelditzen den denborarako.

Ondorioz, apirilaren 11ko 234/1995 Dekretuko 7. artikuluan xedatutakoari jarraituz, hauxe

XEDATU DUT:

1. artikulua.– Honakoak izendatzea Euskal Gizataldeekiko Harremanetarako Aholku Batzordeko kide, ordezkatzen dituzten erakundeek proposatu ondoren:

– Iñigo de Iturrate Ibarra jauna, Bizkaiko Foru Aldundiko ordezkari gisa.

– Carlos Sosa Azpeitia jauna, Euskal Etxeen ordezkari gisa.

– Xabier Felix Berrueta Elizaintzin jauna, Euskal Etxeen ordezkari gisa.

– Jon Zaballa Uraga jauna, Euskal Etxeen ordezkari gisa.

2. artikulua.– Dekretu honek Euskal Herriko Agintaritzaren Aldizkarian argitaratuko den egunaren biharamunetik aurrera izango du eragina.

Vitoria-Gasteizen, 2007ko azaroaren 12an.

Lehendakaria,
JUAN JOSÉ IBARRETXE MARKUARTU.

Azterketa dokumentala