Euskal Herriko Agintaritzaren Aldizkaria

72. zk., 2006ko apirilaren 12a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizi Administrazioa

Bilboko Lehen Auzialdiko 14 Zenbakiko Epaitegia

1980

EDIKTUA, seme-alaben zaintza eta babesari eta elikagaiei buruzko 263/05 hitzezko judizioaren ondoriozkoa.

JAKINARAZTEKO ZEDULA

Bilboko Lehen Auzialdiko 14 zenbakiko Epaitegian (Bizkaia), L2 263/05 seme adingabearen elikagaiei buruzko neurrien gaineko adostasunik gabeko espedienteari dagokion prozedura bideratu da, Vanesa Lorente Maestrok eskatuta, Karim Bouchta Meekiren aurka, L09 TIT.IV-VII L1 CC-ri buruz. Prozedura horren gainean epaia eman da. Hona hemen idazpurua eta epaitza, kopiatuta:

EPAIA

"Bilbao (Bizkaia), bi mila eta seiko martxoaren 15a.

Santiago Ibáñez Fernández epaitegietako prokuradoreak ordezkatuta eta María Jesús Gil González letratuak lagunduta, Vanesa Lorente Maestrok hala eskaturik, seme adingabearen zaintza eta babespeari, eta elikagaiei buruzko judizioaren autoak (263/05) epaitegi honetan burututakoak, ikusi ditu Bilboko eta bere barrutiko Lehen Auzialdiko 14 zenbakiko Epaitegiko magistratu-epaile den Aner Uriarte Codónek. Auto horietan honako hauek izan ziren alderdiak: Karim Bouchta Meeki, demandatu gisa (auzi-iheslari); Euskal Autonomia Erkidegoko Auzitegi Nagusiko Fiskaltza alderdietako bat da. Eta Konstituzioak ematen dizkidan ahalmenez baliatuaz eta Erregearen izenean ondoko epaia ematen dut:

EPAITZA

Baietsi egiten dut zati batean Santiago Ibáñez Fernández epaitegietako prokuradoreak ordezkatuta, Vanesa Lorente Maestrok sustatutako demanda. Parte demandatua hauxe da: Karim Bouchta Meeki, auzi-iheslari deklaratua, eta Euskal Autonomia Erkidegoko Auzitegi Nagusiko Fiskaltza ere parte da. Eta, bestalde, honako neurriak hartzea erabaki dut:

1.– Younes Bouchta Lorente adingabekoaren zaintza eta babespena Vanesa Lorente Maestro amari dagozkio, eta, eginkizun eta obligazio guztietarako, guraso biek izango dute guraso-ahala.

2.– Aitak, Karim Bouchta Meekik, bere seme Younes Bouchta Lorenterentzat hirurehun (300) euroko mantenu-pentsioa abonatu beharko du, amak izendatutako kontuan; eta Kontsumoko Prezioen Indizearen, zehazki, Instituto Nacional de Estadística-k argitaratutakoaren arabera eguneratu beharko da aipatu pentsio.

Ez da hartzen kostuak berariaz ezartzeko erabakirik.

Inpugnatzeko modua: apelazio-errekurtsoa, Bizkaiko Probintzia Auzitegian (PZLb, 455. artikulua). Epaitegi honetan aurkeztutako idazki baten bidez egin beharko da errekurtsoa, bost egun balioduneko epean, jakinarazpenaren biharamunetik aurrera. Errekurtso horretan, bestalde, honako hauek adierazi beharko dira: zein ebazpen apelatzen den, errekurritzeko nahia eta zein erabaki inpugnatzen den (PZLb, 457.2 artikulua).

Eta epai honen bitartez erabaki, agindu eta sinatzen dut.

Eta Karim Bouchta Meeki demandatuari behar bezalako jakinarazpena egiteko balio dezan ematen eta sinatzen dut hau, Bilbao (Bizkaia), bi mila eta seiko martxoaren hamabostean.

IDAZKARIA.