Euskal Herriko Agintaritzaren Aldizkaria

72. zk., 2006ko apirilaren 12a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizi Administrazioa

Barakaldoko Lehen Auzialdiko 5 Zenbakiko Epaitegia

1979

EDIKTUA, 729/05 prozedura arruntaren ondoriozkoa.

JAKINARAZTEKO ZEDULA

Barakaldoko Lehen Auzialdiko 5 zenbakiko Epaitegian (Bizkaia), L2 729/05 prozedura arrunta bideratu da Itziar Sánchez Garcíak eskatuta, Ministerio Fiskalaren eta José Antonio Rodríguez Alaminosen aurka (gaia: guraso-ahala kentzea eta bestelakoak). Prozedura horren gainean epaia eman da. Hona hemen idazpurua eta epaitza, kopiatuta:

158 EPAIA

Epailea: María Jesús Gómez Soria.

Lekua: Barakaldo (Bizkaia).

Data: bi mila eta seiko martxoaren seia.

IZO: 48.02.2-05/008024 prozedura: L2 729/05 prozedura arrunta.

Alderdi demandatzailea: Itziar Sánchez García.

Abokatua: María Isabel Arana Basabe.

Prokuradorea: María Luisa Gutiérrez Ontoria.

Alderdi demandatua: José Antonio Rodríguez Alaminos.

Abokatua:

Prokuradorea:

Judizioko gaia: guraso-ahala kentzea.

Nik, Mª Jesús Gómez Soriak, Barakaldoko (Bizkaia) Lehen Auzialdiko (Familia) 5 zenbakiko Epaitegiko magistratu-epaile naizen aldetik, 729/2005 prozedura arrunteko autoak ikusi ditut. Auto horiek, Itziar Sánchez Garcíaren izenean eta ordez, eta Arana Basabe letradu andreak lagunduta, Gutiérrez Ontoria prokuradore andreak aurkeztutako demanda dela-eta tramitatu dira, José Antonio Rodríguez Alaminos auzi-iheslariaren aurka. Ministerio Fiskalak parte hartu du.

EPAITZA

Ezetsi egiten dut Itziar Sánchez Garcíaren ordezkariak José Antonio Rodríguez Alaminosen aurka aurkeztutako demanda. Beraz, deklaratzen dut ez dela bidezkoa bien seme den Ericen guraso-ahala aitari kentzea, ezta aitak seme adingabearekin komunikatzeko, bisitatzeko eta berekin izateko eskubidea etetea ere.

Epai honen aurka apelazio-errekurtsoa aurkez daiteke Bizkaiko Probintzia Auzitegiko Zibileko Salan; idatziz prestatu behar da, epaitegi honetan, bost eguneko epean, epaia jakinarazten den egunetik aurrera.

Egin bedi ebazpen honen ziurtagiria, dagozkion autoei eransteko, eta eraman bedi jatorrizkoa epaitegi honen epaien liburura.

Epai hau erabaki, agindu eta sinatu dut.

Argitalpena: epaiari dagokion egunean, jendaurreko entzunaldia egiten ari delarik, sinatzen duen epaile berberak irakurri eta argitaratu du ebazpena. Fede ematen dut.

Eta José Antonio Rodríguez Alaminos demandatuari behar bezalako jakinarazpena egiteko balio dezan ematen eta sinatzen dut hau, Barakaldon (Bizkaia), bi mila eta seiko martxoaren hamahiruan.

IDAZKARIA.