Euskal Herriko Agintaritzaren Aldizkaria

196. zk., 2005eko urriaren 14a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Jaurlaritzaren Lehendakaritza

5070

EBAZPENA, 2005eko irailaren 6koa, Lehendakaritzako idazkari nagusiarena, Duraznoko (Uruguai) "Euskal Etxea Durazno" euskal etxeari esleitu zaion dirulaguntzari uko egitea onartzeko eta aipatutako dirulaguntza Andorrako Printzerriko "Euskal Etxea D´Andorra" eta Venezuelako "Centro Vasco Venezolano de Carabobo"ko euskal etxeei emateko dena. Dirulaguntza IV. kapitulukoa da euskal etxeei dirulaguntzak emateko 2005eko deialdian.

Lehendakaritzako idazkari nagusiaren, 2005eko uztailaren 11ko Ebazpen bidez Duraznoko (Uruguai) "Euskal Etxea Durazno" euskal etxeari 2.510 euroko dirulaguntza esleitu zitzaion IV. kapitulurako, eguneroko gastu eta ekintzetarako.

Esleitutako dirulaguntza onartzeko epearen barruan, onuradun erakundeak Euskal Gizataldeekiko Harremanetarako Zuzendaritzari jakinarazi dio dirulaguntzari uko egingo diola. Beraz, euskal etxeei dirulaguntzak ematea arautzen duen ekainaren 10eko 124/2003 Dekretuaren 12.2 artikuluan ezarritakoa erabiliz dirulaguntza esleitzeko Ebazpenaren III. eranskineko IV. kapituluan datozen ordezko proiektuei emango zaie, adierazitako gehiengo zenbatekoaz, 2.510 euroko zenbatekoa bukatu arte.

Horregatik guztiarengatik, eta Euskal Gizataldeekiko Harremanetarako Zuzendaritzak aldeko txostena egin eta aipatutako uko egiteari baiezkoa eman ondoren, hauxe

EBATZI DUT:

Lehenengoa.– Duraznoko (Uruguai) "Euskal Etxea Durazno" euskal etxeari emandako dirulaguntzari uko egitea onartzea eta ordainketa bertan behera uztea. Dirulaguntza 2005eko deialdiaren ekitaldiari dagokio.

Bigarrena.– Ondoko Euskal etxeei esleitzea dirulaguntzak, ohiko gastu eta ekintzetarako, adierazitako kopuruetan:

– Santa Colomako (Andorrako Printzerria) "Euskal Etxea D´Andorra" euskal etxeari: 75 euro.

– Valencia-Caraboboko (Venezuela) "Centro Vasco Venezolano de Carabobo": 2.435 euro.

Hirugarrena.– Ebazpen honek administrazio bidea agortzen du; hala ere, aukerako berraztertzeko errekurtsoa aurkez daiteke organo berean hilabeteko epean; edo administrazioarekiko auzi-errekurtsoa Euskal Autonomia Erkidegoko Auzitegi Nagusiko Administrazioarekiko Auzietako Salan, bi hilabeteko epean. Epeok ebazpen hau Euskal Herriko Agintaritzaren Aldizkarian argitaratzen den egunaren biharamunetik aurrera hasiko dira kontatzen.

Vitoria-Gasteiz, 2005eko irailaren 6a.

Lehendakaritzaren idazkari nagusia,

JESÚS PEÑA MARTÍNEZ.