Boletín Oficial del País Vasco

98. zk., 2018ko maiatzaren 23a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

HEZKUNTZA SAILA

2738

IRAGARKIA, zeinaren bidez epatzen baitira Euskal Autonomia Erkidegoko Auzitegi Nagusiko Administrazioarekiko Auzien Salan izapidetzen ari den 1139/2017 administrazioarekiko auzi-errekurtso arrunteko hirugarren interesdunak.

Euskal Autonomia Erkidegoko Auzitegi Nagusiko Administrazioarekiko Auzien Salak agindu du bidal dakiola 1139/2017 prozedura arruntean jarritako administrazioarekiko auzi-errekurtsoari dagokion espedientea. Errekurtso hori agindu honen aurkakoa da: Hezkuntzako sailburuaren 2017ko maiatzaren 23ko Agindua (2017ko ekainaren 1eko EHAA, 103. zk.), zeinaren bidez 2017-2018ko ikasturtean doktoreak ez diren ikertzaileak prestatzeko doktoratu aurreko programako laguntza berriak eta laguntza-berritzeak erregulatzen baitira, eta laguntza horietarako deialdia egiten baita.

Administrazio-espedientea igorrita eta Administrazioarekiko Auzien Jurisdikzioa arautzen duen uztailaren 13ko 29/1998 Legearen 49. artikuluan xedatutakoarekin bat, prozeduran interesdun direnak epatzen dira, bederatzi eguneko epean, iragarki hau Estatuko Aldizkari Ofizialean argitaratu eta hurrengo egunetik aurrera, Euskal Autonomia Erkidegoko Auzitegi Nagusiko Administrazioarekiko Auzien Salan ager daitezen, egoki baderitzote, euren legezko interesen alde egiteko.

Estatuko Aldizkari Ofizialean argitaratu eta hurrengo egunetik aurrera izango du eragina jakinarazpen honek.

Vitoria-Gasteiz, 2018ko maiatzaren 15a.

Araubide Juridikoaren eta Zerbitzuen zuzendaria,

JON IÑAKI URBINA GARCÍA DE VICUÑA.

Azterketa dokumentala