Laneko arriskuen prebentzioaren arloko ikerketa-proiektuetarako diru-laguntzak (2011)

2011ko urtarrilaren 1a baino lehen Euskal Auto¬nomia Erkidegoan erroldatutako pertsona fisikoek eta Euskal Autonomia Erkidegoan egoitza duten pertsona juridikoek, publiko zein pribatuek, eskatu ahal izango dituzte ebazpen honetan araututako dirulaguntzak.

657.000 euro erabiliko dira guztira, eta horiek honakoari egotziko zaizkio: “Laneko Segurtasuna eta Osasuna” 3113 Programa, “Zuzendaritza Nagusia” 01 Zerbitzua; hain justu ere “Eragiketa arruntetarako transferentzia eta dirulaguntzak” izeneko IV. Kapituluaren barruan.

2011. urtean zehar garatuko diren jardueretarako diruz lagun daitekeen aurrekontuaren % 100erainoko dirulaguntza emango da.

Proiektuarekiko lotutako gastuak (beherago zehaz¬tutakoak) estaltzera bideratuko dira ebazpen honetan aurreikusitako dirulaguntzak, betiere proiektu horiek exekuzio-epean burutzen badira eta eskabidean behar bezala espezifikatu badira:

1. Proiektua burutzeko material suntsikorra eta mate¬rial bibliografikoa eta dokumentala erosteari dagoki¬onez, proiektuko gastuak, behar bezala justifikatuta¬. Proiektuak dirauen bitartean, proiekturako erabil¬tzen diren hein eta denborari doakionez, tresnak eta ekipoak. Proiekturako esklusiboki ez badira erabiltzen tresnak eta ekipoak, proiektuaren iraupenari dagokion amortizazioaren kostuak soilik lagun daitezke diruz, betiere kontularitzako praktika onekin bat kalkulatu¬rik kostuok. Kanpoko zerbitzuak kontratatzea. Dieta eta joan-etorriei dagozkien gastuak, zeintzuetan hona¬koak kontsignatu beharko diren: bidaiaren iraupena eta ikerketa-proiektuarekiko interesa, baldin eta eska¬bide aurkezterakoan informazio hori eskura bada, eta guztiarekin ere, goreneko portzentajea ez da pasako proiektuaren guztikoaren %20tik.
2. Erakunde onuraduneko langileen gastuak; era¬kunde horrek egiaztatu egin beharko ditu proiektuan emandako orduak eta bai horien kostua ere. Eta gore¬neko portzentajeak ez du gaindituko proiektuaren guztizko aurrekontuaren %30a.
3. Garatuko den proiektutako berariaz kontratatu¬riko langileen ordainsariak.
4. Zeharkako kostuak: duten izaera dela-eta, pro¬iektuko gastutzat zuzenen ezin har daitezkeen gastuak (argindarra, telefonoa ... ); guztiarekin ere, ez dira izango eskatutako guztizko zenbatekoaren %10etik gorakoak.

Bakar-bakarrik erabilera administratiboetarako diren altzariak edo materialak erosteko gastuak ez dira se¬kula ere aintzat hartuko.

Administrazio honek, beste administrazio batzuek edo beste entitate publiko nahiz pribatu batzuek helburu bererako emandako dirulaguntzak bateragarriak dira deialdi honetan araututako dirulaguntzekin. Edonola ere, erakunde onuradunek Osa¬lani jakinarazi beharko diote beste laguntza horiek lortu dituztela.

Emandako laguntza eta dirulaguntzen zenba¬tekoak ezin izango du gainditu egindako jardueraren kostu osoaren %100, kontuan izanik, betiere, jardu¬era berarentzako beste dirulaguntzak edo finantzatu¬tako jardueran bertan lortutako diru-sarrerak.

Onartutako diru-laguntzaren % 25 esleipena ematerakoan emango da, diru-laguntzari atxikitako jarduerak burutzeko beharrezko finantzazio gisa. Diru-laguntzaren gainontzekoa, diruz lagundutako jarduera esleipen-ebazpenean ezarritako baldintzetan eta eran burutu eta gero ordainduko da onartutako. Horretarako, 2011ko abenduaren 31 baino lehen agiri hauek aurkeztu beharko dira:

• Burututako jardueren justifikazioko memoria. Bertan, burututako jarduerak eta lortutako helburuak deskribatuko dira, betiere, proiektuan zehaztu egutegia kontuan izanik, eta proiektuaren emaitza diren produktuak aurkeztuko dira (datu-baseak, informatika-programak, argitalpenak, ponentziak).
• Proiektua exekutatzeari buruzko laburpena, IV. eranskinaren ereduarekin bat datorrena eta gutxienez 10 orrialde eta gehienez 30 dituena; Osalanek laburpen hori zabaldu ahal izango du, paperean zein euskarri informatikoan. Hala ere, proiektua burutzeak sortu agiriak eskatu ahal izango ditu Osalanek, eta horretaz gain, in situ egiaztatu ahal izango ditu proiektuaren garapena eta exekuzioa.
• Onuradunak eskubidea izango du nahi dituen argitarapen, aurkezpen eta komunikazioak egiteko, betiere Osalan erakundek proiektua diruz lagundu duela aipatzen bada.
• Osalanek eskubidea du proiektutik ateratako emaitzak egoki iritzitako eran zabaldu eta ustiatzeko, betiere, apirilaren 12ko 1/1996 Legegintzako Errege Dekretuaren bitartez onartutako Jabetza Intelektualari buruzko Lege Orokorraren Testu Bateginean egileei ematen zaizkien eskubideen aurka egin gabe, besteak beste, proiektuko ikerlari nagusiari eta erakunde onuradunari dagokienez. Halaber, informatika produktuak ez eze, erabilera, mantenu eta aldaketetarako beharrezko diren materialak ere, murrizketarik gabe erabili ahal izango ditu Osalanek, betiere arlo horretan izan litezkeen kolaborazioak kaltetu barik. Proiektuaren emaitzak zabaldu eta ustiatzeari dagokionez, Osalanek hala eskatuz gero, diru-laguntzaren onuradunak berariazko baimena lagatzen diola formalizatu beharko du.
• Diruz lagundutako jardueraren edo jardueren aurrekontua. Eskabidean aurkeztutako kontu-sailaren egituran ezingo da aldaketarik egin. Aparteko aldaketaren bat egin behar izatekotan, proiektuaren ikertzaile arduradunak eskabidea egin beharko du, aldez aurretik eta arrazoiak emanez, eta betiere, erakunde onuraduna horren jakitun eginez. Balorazio Batzordearen esku egongo da aldaketa onartzea ala ukatzea.
• Onartutako aurrekontuan azaltzen diren gastuei dagozkien egiazko egiaztagiriak, jatorrizko fakturak edo konpultsatuak, edo Zuzenbidean onartzen den beste edozein agiri; eta ondokoak ere hala egiaztatu beharko dira: matrikulatik, agirien salmentatik eta gainerako finantzaketa-iturrietatik sortutako diru-sarrerak, guztiak ere proiektuan aurreikusitakoak.
• Kontzeptu finantzagarriak bereizita eta banakatuta agertu beharko dute faktura horietan. Gastuen fakturak edo dagozkien agiriak 2011ko abenduaren 31 baino lehenagokoak izan beharko dira.
• Diruz lagundutako jardueren publizitaterik eginez gero, publizitate horretan Osalanen lankidetza agerian adierazi dela justifikatzen duten agiriak.