Pertsona langabeak Kontratatzeko Urola Kostako Udal Elkartearen Dirulaguntzak. 2016

1. Edozein forma juridikoko enpresa edo erakunde enplega tzailea izatea, egoitza Urola Kosta eskualdean duena (Aia, Getaria, Orio, Zarautz edo Zumaian). 2. IAE-JEZn alta emanda egotea eta zerga horren betebeharrak egunean ordainduta izatea, betiere enpresaren jarduerak zerga hori ordaintzea eskatzen badu. 3. Administrazio edo erakunde publikoen edo txikitzat hartzen ez diren enpresen menpeko ez izatea edo horiek %25 edo gehiagoko partehartzerik ez izatea. 4. Zerga betebeharrak (udalekoak nahiz foru ogasunekoak) eta Gizarte Segurantzako betebeharrak betetzea. 5. Diru-laguntza publikoak jasotzetik baztertuta ez egotea arau-hausteak egiteagatik. 6. Diru-laguntza bidez egindako kontratazioak enplegusorrera garbia eragitea enpresan, diruz lagunduak izan diren kontratuen bidez kontratatutako pertsonak enpresan sartu aurreko 3 hiletan enpresak batez beste zuen plantilla osoarekiko. Horretarako, alderatuko dira aurreko hiru hilabeteetako batez besteko plantilla eta kontratatutako pertsonaren kontratuaren hasierako datako plantilla. Plantillaren batez bestekoa kalkulatzeko lanaldi osoan urte osoz lan egindako pertsonen kopuruak erabiliko dira. Lanaldi par tzialeko langileen kasuan, lan egindako orduen proportzioa hartuko da kontuan.