Turismoaren garapenerako interes estrategiko berezia duten enpresak sorteen eta bertan inbertitzen laguntzeko GAUZATU-Turismo programa. 2010

a) Ondorengo kategorietakoren batekoa izatea. Kategoria horiek Kontabilitateko Plan Orokorrean ezartzen dira (abenduaren 20ko 1643/1990 Errege Dekretuan jasotakoa), puntu hauetan:
– 206 Informatika-aplikazioak.
– 211 Eraikuntza-lanak (urbanizatzeko lanak eta lurrak higitzekoak ere barnean direla).
– 212 Instalazio teknikoak.
– 213 Makineria.
– 214 Tresneria.
– 215 Beste instalazio batzuk.
– 216 Altzariak.
– 217 Informazio-prozesuetarako ekipoak.
– 218 Garraiatzeko elementuak.
– 219 Bestelako ibilgetu materiala.

Aktiboen preziotzat haien balio «garbia» har­tuko da, hots, fakturatutako zenbatekoari Balio Erantsiaren gaineko Zerga kenduta ateratzen den balioa.

218 epigrafeari dagokionez, diru-laguntzak emango dira baldin eta horrelako aktiboak be­har-beharrezkoak badira proiektua burutu ahal izateko.

Landetxeak sortzeko proiektuetan, ez dira diruz lagunduko titularrak bakarrik erabiliko dituen etxebizitzako aldeetan egiten diren in­bertsioak.

Aipatutako 211 epigrafea konputatzeko, balio hauek hartuko dira oinarritzat:
– Etxe osoa edo zati batzuk eraiki berriak direnean, eraikitze-lanen balioa hartuko da oinarritzat, lurren balioa kenduta.
– Eraiki berria den eraikin bat, osoa edo zati bat, erosten denean, bere salerosketaren balioa baino ez da kontuan izango, lurraren balioa, zergak eta komisioak kenduta.
– Establezimendua bestelako erabilerak izan dituen eraikin batean jartzen bada, eraikina turismoko establezimendu gisa atontzeko egin beharreko berrikuntza obren balioa hartuko da aintzat.

Edonola ere, aktiboek zuzeneko lotura izan behar dute enpresaren helburu soziala den jarduerarekin.

2.– Talde bera osatzen duten enpresa edo baltzuen aktiboak erosteko egiten diren inbertsioak, aktiboak edo pasiboak, gutxienez, bere kapital sozialaren %25a diren inbertsioak, Saileko organoei berariaz jakinarazi beharko zaizkie eta kanpotik kontrolatutako auditorien bidez balioztatuko dira.

1. DIRU KOPURUA:
5 urteko aurrerapen itzulgarriak eta urtebeteko gabealdikoa.
Onuradunek honako laguntza hauek jaso ditzakete:
- Inbertsio lagungarriaren %30eko aurrerakin itzulgarriak.
- Bideragarritasun-edota finantza-planaren %100eko aurrerakin itzulgarriak, 6.000 euroraino.
Itzuli beharreko aurrerakinek ezein kasutan ezin izango dute 900.000 euroko kopurua gainditu.

2. DIRUZ LAGUNGARRIAK DIREN PROIEKTUAK:
A. Hotelak: eraikin berri bat egitea edo eskuratzea, hotel gisa erabiltzeko; lehendik badagoen eraikin bat birgaitzea edo modernizatzea, hotel gisa erabiltzeko; aurretik badauden hotelen instalazioak eta ekipamenduak zabaltzea.
Hotel eta apartamentu turistikoetako inbertsio-proiektuak baztertzen dira honako toki hauetan kokatzen badira: Bilboko eta Donostiako udalerrietan eta Vitoria-Gasteiz hiriko eta haren barnean hartutako eta haren mugakide diren toki-entitate txikiagoen (Abetxuko, Aretxabaleta, Ariñez/Ariniz, Arkaute, Armentia, Arriaga, Astegieta, Betoño, Ehari/Ali, Elorriaga, Gamarra Nagusia/Gamarra Mayor, Gardelegi, Gobeo, Krispijana, Lermanda eta Margarita) hiri-lurzoruan edo lurzoru urbanizagarrian.
B. Landetxeak: eraikin bat eraikitzea edo jada eraikita dagoen eraikin bat birgaitzea, landetxe bezala erabiltzeko. "Landetxeetarako Kalitate Sisteman" bildutako gutxieneko estandarrak bete behar dituzte.
C. Turismo apartamentuak: eraikin bat egitea edo aurretik badagoen eraikin bat birgaitzea, turismo apartamentu bezala erabiltzeko.
D. Kanpinak: instalazioari turismo-baimena emandako kanpinak eraikitzea.
E. Lehendik badauden hotelen, landetxeen, apartamentu turistikoen eta kanpinen egiturak edo ekipamenduak berritzea.
F. Turismo enpresak eta/edo turismo produktuak sortzea edo hedatzea naturaren, aisiaren edo osasunaren jardueretako sektore erakargarrietan, hala nola, golf zelaiak, pitch&putt edo antzekoak, zentro termalak, talasoterapia, natura, turismo aktibo eta kulturaleko jarduerak, denak jendeari irekiak.
G. Aurreko ataleko proiektuen bideragarritasun plana eta/edo finantza plana.