Donostiako merkataritza dinamizatzen laguntzeko programaren laguntzak. Donostia – San Sebastián 2016

Dokumentazio administratiboa: a) Eskaera-orria (1. Eranskina). b) Erantzukizuneko aitorpena (2. Eranskina). c) Laguntza eskatzen duen pertsonaren edo erakundearen bankuko datuen altaren fitxa, dagokion banku-erakundeak zigilatua (3. Eranskina). d) Eskatzailearen NANaren kopia, pertsona fisikoa bada. e) Pertsona juridikoa izanez gero, eskatzailearen IFKren kopia, eta, hala behar izanez gero, sinatzailearen NANa. f) Pertsona juridikoa bada, eskritura edo eraketa-agiriak, Estatutuak edo sorrera-akta; bertan, beren jarduera erregulatzeko araudiak jasoko dira, behar bezala inskribatuta, hala badagokio, dagokion erregistro publikoan, zer-nolako pertsona juridikoa den kontuan hartuta. Berezko nortasun juridikorik gabeko Sozietate Zibilen kasuan, Foru Ogasunak zigilaturiko kontratu pribatua sartuko da. g) Zerga-betebeharrak egunean izatea egiaztatzen duen dokumentazioa. h) Gizarte Segurantzarekiko betebeharrak egunean izatea egiaztatzen duen dokumentazioa. i) Jarduera ekonomikoen agiri eguneratua-Gipuzkoako Foru Aldundiak emandako historikoa. j) Donostiako Udalaren ziurtagiria, laguntzaren eskatzaileak Udalarekin ez duela zorrik egiaztatzeko, edo, haren ordez, berariazko baimena Donostiako Sustapenak informazio hori Udaletik zuzenean eskuratu ahal izateko. k) Jarduera egiteko parte-hartzea talde-mailakoa bada, honako dokumentazio administratibo gehigarria aurkeztu beharko da: •Parte hartzen duten pertsona guztiek sinaturiko akta, jardueran parte hartzeko konpromisoarekin eta jardueraren baterako finantzaketarekin, eskatzailearen izendapena nahiz horren guztiaren berariazko onarpena. •Parte hartzen duten saltokien zerrenda eta ondorengo datuak zehaztuta: jarduera-sektorea, identifikazio fiskaleko zenbakia, zerga-egoitza, harremanetarako telefonoa eta e-maila. (4. Eranskina). Dokumentazio teknikoa: Memoria Deskribatzailea aurkeztu behar da, merkataritza sustatzeko, dinamizatzeko eta suspertzeko ekintzak eta jarduerak jasoko dituena. Halaber, bertan ondorengoak adieraziko dira: helburuak, jardueraren geografia-eremua, parte hartzen duten pertsonak eta egin beharreko ekintzen deskribapen zehatza, aurrekontua eta kronograma. (Aurrekontuan jarduera ezberdinak banakatuta agertuko dira nahitaez, eta bakoitzaren prezio unitarioa eta aurrekontuan sartutako ekintza bakoitzaren zenbatekoa jarriko dira). (4. Eranskina). Memoria modu erraz eta argian idatzi behar da, erraz ulertzeko moduan eta proiektua ulertzea galarazten duten teknizismoak alde batera utzita. Halaber, berariaz aipatu beharko dira Oinarri hauetako 9. artikuluan proposamenak baloratzeko zehaztutako irizpideen inguruko alderdiak. Gehienez 8 orrialdekoa izango da. Memoriaren kopia digitala entregatu beharko da (edo e-mailez bidali helbide honetara: fomentoss@donostia.eus).