Tokiko merkataritza IKT-ak ezartzeko languntzak. Donostia - San Sebastián 2016

Dokumentazio administratiboa: a) Eskaera-orria (1. Eranskina). b) Erantzukizuneko aitorpena (2. Eranskina). c) Laguntza eskatzen duen pertsonaren edo erakundearen bankuko datuen altaren fitxa, dagokion banku-erakundeak zigilatua (3. Eranskina). d) Eskatzailearen NANaren kopia, pertsona fisikoa bada. e) Pertsona juridikoa izanez gero, eskatzailearen IFKren kopia, eta, hala behar izanez gero, sinatzailearen NANa. f) Pertsona juridikoa bada, eskritura edo eraketa-agiriak, Estatutuak edo sorrera-akta; bertan, beren jarduera erregulatzeko araudiak jasoko dira, behar bezala inskribatuta, hala badagokio, dagokion erregistro publikoan, zer-nolako pertsona juridikoa den kontuan hartuta. Berezko nortasun juridikorik gabeko Sozietate Zibilen kasuan, Foru Ogasunak zigilaturiko kontratu pribatua sartuko da. g) Zerga-betebeharrak egunean izatea egiaztatzen duen dokumentazioa. h) Gizarte Segurantzarekiko betebeharrak egunean izatea egiaztatzen duen dokumentazioa. i) Jarduera ekonomikoen agiri eguneratua-Gipuzkoako Foru Aldundiak emandako historikoa. j) Donostiako Udalaren ziurtagiria, laguntzaren eskatzaileak Udalarekin ez duela zorrik egiaztatzeko, edo, haren ordez, berariazko baimena Donostiako Sustapenak informazio hori Udaletik zuzenean eskuratu ahal izateko. Dokumentazio teknikoa: Memoria Deskribatzailea aurkeztu behar da laguntzaren objektu den jarduera zehaztuz; bertan, jarduera horren aurrekontu zehatza jaso behar da. (4. Eranskina) Memoria modu erraz eta argian idatzi behar da, erraz ulertzeko moduan eta ulertzea galarazten duten teknizismoak alde batera utzita. Halaber, berariaz aipatu beharko dira Oinarri hauetako 10. artikuluan proposamenak baloratzeko zehaztutako irizpideen inguruko alderdiak. Gehienez, 8 orrialdekoa izatea gomendatzen da. Memoriaren kopia digitala entregatu beharko da (edo e-mail bidez bidali helbide honetara: fomentoss@donostia.eus).