Industrian energia eraginkortasunean eta energia berriztagarrien erabileran inbertsioak sustatzeari begirako laguntzak. 2015

a) I-1 eranskina. Diru laguntza jasotzeko eskabidea, behar bezala beteta. b) I-2 eranskina. Datu teknikoak eta administratiboak, eta bertan ageri diren dokumentu administratibo hauek: • IFKaren kopia. • Eratzeko eskritura, arau edo aktaren kopia. • Sinatzailearen NANaren kopia. • Eskatzailea ahalduntzeko eskrituraren kopia, edo haren ordezkaritza ahalduntzeko egiaztatzen duen dokumentua. • Diru laguntza eskatzeko orrian edo inprimakian adierazitako kontu korrontearen (24 digitu) titularra onuraduna dela egiaztatzen duen banketxearen agiria. Laguntzen programa honek eskatzen dituen baldintza guztiak betez gero, kontu horretan sartu edo ordainduko da diru laguntza. • Foru Ogasunean ordainketak eginak dituela egiaztatzen duen dokumentu eguneratua. • Gizarte Segurantzan ordainketak eginak dituela egiaztatzen duen dokumentu eguneratua. • Memoria tekniko-ekonomikoa eta deskriptiboa, oraingo egoeraz eta proposatzen denaz. Auditorien edo ISO 50001 araua ezartzeko kasuan, energia aldetik deskribapen tekniko orokorra emango da kokalekuaz (funtzionamendu-orduak urtean, langile kopurua, txandak, energia kontsumoak eta kostuak, urteko produkzioa eta abar); baita energia kontsumitzen duten instalazioaren inguruan ere, eta auditoriari emango zaion irismena azalduko da (egingo diren monitorizazioak, garatuko diren energia balantzeak eta berauen konplexutasuna, baterako sorkuntzaren bideragarritasun azterketa ala ez, energia berriztagarriak, etab.). • Aurreikusitako energiaren aurrezpenaren justifikazioa, energia auditoriak izan ezik. • Bulego-eraikinen inguratzaile termikoaren hobekuntzari lotutako proiektuetan, CTEren HE-1 dokumentua (energia eskariaren mugaketa) betetzen dela egiaztatzen duen justifikazioa (ikus 2.3 Taula). • Eraikinen inguratzaile termikoaren hobekuntzari lotutako proiektuetan, eraikinaren planta motaren krokisa, isolamendu termikoaren inguruan proposatzen den jarduerak eragindako fatxadak eta aldeak adieraziz. • Enpresa esleipendunaren eskaintza, sailka zehaztua. • Energia eraginkortasun handiko inbertsioaren gainkostua, «konbentzional» edo «estandar» baten aldean, 651/2014 Araudiaren 38., 40. eta 46. artikuluetan xedatutakoa betez (eraginkortasun handiko aldeak kontuan hartzen ez dituen oinarrizko inbertsio baten eskaintza edo antzekoa). • Eskatzailea eragindako instalazioaren jabea ez bada, diruz lagunduko den jarduerarekin zerikusia duen kontratuaren kopia aurkeztu beharko da. Horrekin batera, idazki baten zirriborroa aurkeztuko da, eskatzaileak eta jabeak sinatua, non jabeak ezagutzen eta baimena ematen du diru laguntza bideratzeko. Zerbitzuen ematearen ondorioz, inbertsioa jabeari jasanaraztea aurreikusten bada, fakturazio baten bidez, emango den diru laguntza jabeari jasanaraziko zaio, eta kontratuan edo bere eranskin batean nola egingo den azalduz. c) II. eranskina. Aurkezten duen proiektu bera egiteko, beste administrazio edo erakunde publiko edo pribatu bati eskatutako edota emandako beste diru laguntzei buruzko adierazpena. Beste diru laguntza osagarririk jaso ez bada ere, dokumentu hau aurkeztu beharko da. d) III. eranskina. Onuraduna izateko bateraezintasuna dakarren zigor edo debeku administratibo edo penalik ez izateari buruzko adierazpena. e) IV. eranskina. Enpresatzat hartzeko adierazpena, 651/2014 Araudiaren ondorioetarako, eta kasuan kasu, enpresa handia edo ertaina bada. f) V. eranskina. Eskatzailea enpresa bat denean, erantzukizun-adierazpena: Herrialde Pobretuekiko Justizia eta Elkartasunerako Gutunaren abenduaren 28ko 14/2007 Legea beteta, enpresak ez duela helburu sozialik eta ez dela aritzen armagintzaren ekoizpen, merkaturatze eta finantzaketan ere. g) VI. eranskina. Enpresan 250 langile baino gehiago izanez gero, zinpeko adierazpena aurkeztu beharko da, enpresan emakume eta gizonen arteko Berdintasun Plana dutela egiaztatzeko martxoaren 22ko 3/2007 Legearen arabera. h) VII. eranskina. Jarduera motaren arabera, dagokiona. i) 651/2014 Araudiaren menpeko enpresen kasuan, eta enpresa handiak badira, eragin sustatzailearen edo pizgarriaren justifikazioa, araudi horren 6.2 artikuluaren arabera.