Energia berriztagarrien erabilera eta aurrezpen zein ergainkortasun energetikoa toki mailan bultzatzeko diru laguntzak. Gipuzkoa 2016

a) Obren kasuan, obren proiektua. Honen edukia, Sektore Publikoko Kontratuen Legearen testu bategina onartzen duen 3/2011 Legegintzako Errege Dekretuak, bere 123. artikuluan, ezartzen duena izan beharko da. b) Eraikin publikoetan aurrezpen eta eraginkortasun energetikoa bultzatzeko obren kasuan, aurreikusitako aurrezpen energetikoaren justifikazioa. Aurrezpen hori, konparazio gisa xehatu behar da aurreko instalazioaren kontsumoarekiko (ekipamenduak eta instalazioak berritzen diren kasuan) edo ohikoak edo estandarrak diren instalazioen kontsumoarekiko (instalazioak berriak diren kasuan). c) Eraikinetan energia berriztagarriak jartzeko obren kasuan, dokumentazio justifikagarria aurkeztu beharko da Eraikuntza Kode Teknikoa (CTE) ez zaiola, eraikuntza hasteko unean, eraikin horri aplikagarria. Dokumentazio justifikagarri horren adibide gisa, honako agiri hauek aurkeztu daitezke: CTE indarrean sartu aurreko eraikuntza lizentziaren kopia, dagokion eskrituraren kopia, argi, gas, telefono eta abarren ordainagiriaren kopia eta abar. d) Gainerako jarduketen kasuan, burutzekoa den jarduketaren memoria deskriptiboa. Barnean eraman behar ditu, egin behar diren lanen aurrekontu xehatua eta partidaz partida banandua, baita denborazko plangintza bat ere. e) Erantzukizunpeko adierazpena: Gipuzkoako Lurralde Historikoko diru laguntzei buruzko 2007ko martxoaren 27ko 3/2007 Foru Arauak 12. artikuluan eta 2015eko martxoaren 9ko emakumeen eta gizonen berdintasunari buruzko 2/2015 Foru Arauak 26. artikuluan ezartzen dituzten onuradun izateko debeku arrazoietatik salbu dagoela; eta zerga betebeharretan eta Gizarte Segurantzakoetan egunean dagoela. f) Orubeak edo eraikinak hartu edo erabili behar badira, proposatutako jarduketa udalerriko hiri antolaketako arautegiarekin bat datorrela eta eragindako higiezina eskuragarri dagoela egiaztatzen duen agiria aurkeztu behar da. g) Erantzukizunpeko adierazpena: xede bererako orain arte eskatu edota jasotako beste laguntzak, zenbatekoa eta jatorria adierazita. h) Merkataritza sozietateek, esandakoez gainera, agiri hauek aurkeztu behar dituzte: • Eraketa eskrituren eta estatutu sozialen kopia, Merkataritza Erregistroan inskribatuta. • Zerga identifikazioko txartelaren kopia. • Sinatzaileak sozietatearen izenean jardun dezakeela egiaztatzen duen agiriaren eta bere nortasun agiriaren kopiak. • Banku edo aurrezki kutxa baten agiria, eskatzaileak bere izenean kontu korronte bat duela egiaztatzekoa. Laguntza lehen aldiz eskatzen denean edo kontu gorabeherak aldatzen direnean bakarrik aurkeztu behar da agiri hori.