Mugikortasun mugatuko taxiak pertsonentzat egokitutako autotaxiak erosteko diru laguntzak. Gipuzkoa, 2012

a) Eskatzailearen nortasunaren egiaztagiria (pertsona fisikoek NA aurkeztuta eta pertsona juridikoek, berriz, entitatearen eraketari buruzko eskritura edo entitatea eratu izana egiaztatzen duen edozein agiri, eta estatutuak aurkeztuta, guztiak Merkataritza Erregistroan edo dagokion erregistroan behar bezala inskribatuak). b) Indarrean dauden udal lizentziaren eta VT baimenaren kopia bana. c) Ibilgailu berriaren proformako faktura, egokitzapen gastuak barne hartuta, hala badagokio. d) Ordeztuko den ibilgailuaren fitxa teknikoa eta indarrean dagoen zirkulazio baimena. e) Homologatutako irratira atxiki izanaren ziurtagiria edo, bestela, atxikitzeko konpromisoa. f) Hirugarren oinarriaren 3. paragrafoan aipatzen den berariazko eta ardurapeko adierazpena, onuradun izateko baldintza lortzeko debekurik ez duela dioena, alegia. g) Berariazko eta ardurapeko adierazpena, zeinetan adieraziko baita ibilgailua zerbitzu publikoari atxikita egongo dela 5 urtez, gutxienez. h) Berariazko eta ardurapeko adierazpena, jasotako bestelako diru laguntzei buruzkoa (minimis laguntzak barne). i) Berariazko eta ardurapeko adierazpena, zerbitzua eskaintzerakoan mugikortasun mugatuko pertsonek lehentasuna izango dutela adieraziz. j) Zerga betebeharrak eta Gizarte Segurantzakoak egunean dituela frogatzen duten ziurtagiriak. Ziurtagiri horien ordez organo kudeatzaileari berariazko baimena eman dakioke ziurtagiriak emateko administrazio eskudunetatik datu horiek zuzenean eskura ditzan.