Gizarte eta lan arloko berrikuntza-proiektuak garatzeko diru-laguntzak. Bizkaia 2017

— Hartzekodunaren fitxa: Fitxan adierazitako kontu-zenbakiak eskabide orrian jarritako bera izan behar du. • Proiektuaren memoria, alderdi hauek zehazten dituena: • Lortu nahi diren helburuak. • Egin beharreko jarduketak; atal honetan, zehatz-mehatz azalduko da jarduketa bakoitza, eta adieraziko da zein epetan egingo den eta nor arduratuko den egiteaz. • Proiektuan parte hartzen dutenen kolektiboa • Eta, era berean, jarduketa bakoitzeko aurrez ikusitako gastuak, aurrez ikusitako sarrerekin batera. — Proposatutako ekintzaren egokitasuna justifikatzeko arrazoiei buruzko txostena: • Kolektibo parte-hartzailearen hartze, profil eta aukeraketaren deskripzioa. • Proiektua egitean aplikatu den metodologia • Enpresa-eskaria zehazteko lan-merkatuan egindako diagnostikoa — Amaierako profila, proposatutako ekintzaren amaieran parte-hartzaileek izango dituzten gaitasunei buruzkoa (ezagutzak eta titulazioa, trebetasunak, esperientzia eta balioak). — 2. ardatzeko gaikako 9. helburuan dauden kolektibo behartsuak laneratzeko proiektuaren inplementazioak gizarteari dakarkion onuraren analisia; hauek beren-beregi: guraso bakarreko familiak, ahalmen-urritasunak dituzten pertsonak, etorkinak, gazteak edota diru-sarrerak bermatzeko errenta hartzen duten pertsonak. — Proiektuaren parte-hartzaileak Bizkaiko Foru Aldundiak gizarte-inklusiorako, eta andrazko eta familiarentzat dituen zerbitzuen erabiltzaileak badaude, inguruabar hori izan badela egiaztatzea. — Proiektuaren berrikuntza-mailari buruzko analisia; izan ere, maila hori neurtuko da formula berritzaileen proposamenaren, ekintza berritzaileen eta IKTen erabileraren arabera, hauek guztiok errazten baitituzte proiektuan parte hartzen dutenen enplegagarritasunaren hobekuntza eta haien laneratzea. — Proiektuan dauden jarduketa guztietan genero-ikuspegia txertatzeari buruzko txosten justifikagarria.