Mahasti zaharrak mantentzeko eta kontserbatzeko laguntzak. Araba 2019

Pertsona fisikoak: a) Arabako Lurralde Historikoko Nekazaritzako Ustiategien Erregistroan inskribatutako nekazaritzako ustiategi baten titularra izatea. b) Zerga egoitza Arabako Lurralde Historikoan edukitzea. c) 18 urte beteta izatea eta 65 urte bete gabe izatea, laguntza eskaerak aurkezteko epea amaitzen den momentuan. d) Zerga betebeharrak eta Gizarte Segurantzarekikoak egunean izatea. e) Arabako Foru Aldundiko Nekazaritza Sailak izapidetutako zehapen edo itzulketa prozedura batean ez egotea. f) Ez ezarri izana administrazio zehapenik ez zehapen penalik sexua dela¬eta diskriminazioa eragin izanagatik, eta ez ezarri izana debeku hori emakumeen eta gizonen berdintasunerako Legearen ondorioz (4/2005 Legea, otsailaren 18koa). g) Eskaera egitea, dekretu honetan jasotakoaren arabera. 2.2 Pertsona juridikoak edo ustiategi elkartuak: Ustiategi elkartuen kasuan, hala nola sozietate zibilak, titulartasun partekatua eta ondasun erkidego edo bestelako pertsona juridikoak: a) Eskatzaileak aurreko 2.1 artikuluaren a), d), e), f) eta g) letrek pertsona fisikoei ezarritako betekizunak bete beharko ditu. Sozietate zibilak, titulartasun partekatua eta ondasun erkidegoak izanez gero, kide guztiek 2.1.d) artikuluan ezarritako betekizuna bete beharko dute. b) Zerga egoitza eta egoitza soziala Arabako Lurralde Historikoan izatea. Zerga egoitzaren ondorioetarako, betekizun hori bete dela ulertuko da zerga egoitza Arabako Lurralde Historikoan dagoenean eta gutxienez bazkideen ehuneko 50ek Arabako Lurralde Historikoan zerga egoitza izateaz gain Araban kokatuta dagoen sozietate horretako kapital sozialaren ehuneko 50eko partaidetza badute gutxienez. c) Ustiategiko kideek 18 urte beteta izan beharko dituzte eta 65 urte bete gabe, laguntza eskaera aurkezteko epea amaitzen denean. Betekizun hori betetzat joko da, zerga egoitzari buruz artikulu honen 2.2.b) letran zehaztutako irizpidea betetzeaz gain, baldin eta gutxienez bazkide guztien erdiek (ehuneko 50) sozietatearen kapitalaren gutxieneko ehuneko 50eko partaidetza izateko betekizuna betetzen badute. d) Beste pertsona juridiko batzuen partaidetza duten pertsona juridikoei dagokienez, sozietatearen osaera adierazi behar dute, kide diren pertsona fisiko guztiak identifikatuta; horrez gain, horietako bakoitzak ustiategi onuradunaren kapitalean zein ehuneko daukan adierazi behar dute. e) Nortasun juridikorik gabeko sozietateek ezin dute honelako laguntzarik jaso; salbuespena: jaraunspen erkidegoek jaso dezakete, baldin eta sei urtean gutxienez indibiso mantentzeko ituna egin bada. Sozietate zibilak eta ondasun erkidegoak direnean, eskritura publiko bihurtutako agirien bidez osatuta egongo dira. f) Foru dekretu honen ondorioetarako, urriaren 4ko 35/2011 Legean xedatutakoarekin bat etorriz titulartasun konpartitua duten nekazaritzako ustiategiek sozietate zibilek duten tratamendua izango dute, baina ez dute bete behar eskritura publiko bidez eratuta egoteko betekizuna.