Ur baliabideak kudeatzeko laguntzak. Araba 2019

Eskabidea aurkezten duen entitatearen IFZa eta haren legezko ordezkariaren NANa. reztatzaile elkarteak laguntza eskatzeko eta ordezkaria izendatzeko hartu duen erabakiaren ziurtagiria. Ur masei eragiten zaienean, uren kontzesio titulua edo erregistro erreferentzia edo dagokion Konfederazio Hidrografikoko Plangintza Bulegoaren txostena, honako hau egiaztatzen duena: - Dena delako jarduna uren kontzesio batek babesten duela. - Zein diren erasandako ur masak, haien egoera (egungoa eta/edo potentziala) eta ea erauzketen presiorik baduten edo ez indarrean den sailkapen hidrografikoaren arabera. - Dena delako jarduna bat datorrela helburuekin, esleipenekin, erreserbekin eta indarrean den plan hidrologikoak ezarritako gainerako xedapenekin, eta, jardun hori gauzatzeak ez diela ezertan eragingo gainerako erabileretarako hornidura hidrikoaren bermeari ez eta gorde beharreko emari ekologikoei. Teknikari eskudunak gauzatutako obra proiektua edo memoria tekniko-ekonomikoa, salbu eta jarduna sinplea izateagatik ez bada beharrezkoa, eta, betiere, eskabide orrian behar bezala definituta geratzen bada; hartara, nahikoa izango dira 3 aurrekontu. Memoria horretan, honako hauek jaso beharko dira gutxienez: - Proiektuaren lokalizazioa eta ureztatzaile elkartearen ezaugarrien deskribapen orokorra. * Sustatzailearen identifikazioa. - Gauzatu beharreko ekintza zehatzen azalpen xehatua: inbertsioen deskripzioa, kontzeptuen xehetasunak eta laguntza zertarako eskatzen den. - Inbertsioaren helburuak eta onura aurreikusiak. - Uraren aurrezpenari eta/edo haren erabileraren eraginkortasuna hobetzeari dagozkion alderdiak, lehendik zeuden azpiegiturei eragiten dienean (ez da beharrezkoa urtegiak sortzeko, eraginkortasun energetikoa hobetzeko jardunetarako, azpiegitura berrietarako edo ur andeatuen erabileararako). - Ingurumenari egiten zaion ekarpena (ur hartzeen garaia, energia kontsumoari dagozkion zenbait alderdi eta beste alderdi axolazko batzuk). - Gauzatzearen programazioa. - Neurketak eta aurrekontu xehatua. Kudeaketaren ardura duen agintaritzak oniritzia emango dio proeiktuaren bideragarritasunari, aurkeztutako agirien analisiaren arabera, edo, osterantzean, egoki deritzen datu gehigarriak eskatuko ditu. ¿ Jardunaren arabera eskatzen diren beste batzuk: ingurumen prozedurei buruzko dokumentazioa, konfederazioaren ziurtagiriak eta beste batzuk. ¿Azalerak¿ izeneko balorazio irizpidea dela-eta, eremuren baten azalera kontuan hartzea nahi duten ureztatzaile elkarteek ziurtagiri bat aurkeztu beharko dute gaur egun ureztatzaileen elkartean sartuta dauden nekazaritza erabilerako lurzatiei buruz. Zerrenda horretan, datu hauek jarriko dira: udalerria, poligonoa, lurzatia eta kontuan hartu beharreko azalera, egungo katastroko identifikazioa (edo NPBGISekoa) oinarri hartuta. (Informazio hori euskarri informatikoan aurkeztu beharko da, Arabako Foru Aldundiaren webgunetik jaitsi daitekeen formatu normalizatuan).