Nekazaritza, ingurumen eta klima laguntzak eta nekazaritza ekologikoko laguntzak. Araba 2017

3.1 Pertsona fisikoak: a) Arabako Lurralde Historikoko Nekazaritzako Ustiategien Erregistroan inskribatutako nekazaritza ustiategi baten titularra edo titularkidea izatea. b) Zerga egoitza Arabako Lurralde Historikoan edukitzea. c) 18 urte beteta izatea eta 65 urte bete gabe izatea, konpromisoaren lehenengo urterako laguntza eskaerak aurkezteko epea amaitzen denean. d) Zerga betebeharrak eta Gizarte Segurantzarekikoak bete direla frogatzea. e) Arabako Foru Aldundiko Nekazaritza Sailak izapidetutako zehapen edo itzulketa prozedura batean ez egotea. f) Ez ezarri izana administrazio zehapenik ez zehapen penalik sexua dela-eta diskriminazioa eragin izanagatik, eta ez ezarri izana debeku hau emakumeen eta gizonen berdintasunerako Legearen ondorioz (4/2005 Legea, otsailaren 18koa). g) Eskaera bakar bat egitea. 3.2 Pertsona juridikoak edo ustiategi elkartuak: Sozietate zibilen, titulartasun partekatuen eta ondasun erkidegoen gisako ustiategi elkartuak edo bestelako pertsona juridikoak izanez gero: a) Eskatzaileak aurreko 3.1 artikuluaren a), d), e), f) eta g) letrek pertsona fisikoei ezarritako baldintzak bete beharko ditu. Sozietate zibilak, titulartasun partekatuak eta ondasun erkidegoak izanez gero, kide guztiek 3.1.d) artikuluan ezarritako baldintza bete beharko dute. b) Zerga egoitza eta egoitza soziala Arabako Lurralde Historikoan izatea. Ondorio horietarako, betekizun hori betetakotzat joko da pertsona juridikoaren erakundearen helbidea eta zerga helbidea Arabako Lurralde Historikoan egoteaz gain, baldin eta bazkide guztien erdiaren (ehuneko 50) eta, aldi berean, sozietatearen kapitalaren gutxieneko ehuneko 50eko partaidetza duten bazkideen erakundearen helbidea eta zerga helbidea ere Araban badago. c) Ustiategiko kideek 18 urte beteta izan beharko dituzte eta 65 urte bete gabe, laguntza eskaera aurkezteko epea amaitzen denean. Betekizun hori betetakotzat joko da, helbide eta zerga helbideari buruz artikulu honen 3.2 b) letran zehaztutako irizpidea betetzeaz gain, baldin eta bazkide guztien erdiak (ehuneko 50) eta, aldi berean, sozietatearen kapitalaren gutxieneko ehuneko 50eko partaidetza duten bazkideek betetzen badute. d) Beste pertsona juridiko batzuen partaidetza duten pertsona juridikoei dagokienez, sozietatearen osaera adierazi behar dute, kide diren pertsona fisiko guztiak identifikatuta; horrez gain, horietako bakoitzak ustiategi onuradunaren kapitalean zein ehuneko daukan adierazi behar dute. e) Nortasun juridikorik gabeko sozietateek ezin dute honelako laguntzarik jaso; salbuespena: jaraunspen erkidegoek jaso dezakete, baldin eta sei urtean gutxienez indibiso mantentzeko ituna egin bada. Sozietate zibilen kasuan, eskritura publiko bihurtutako agirien bidez osatuta egongo dira. Halaber, ezin dute honelako laguntzarik jaso makineria erabiltzeko kooperatibek (MEK). f) Kooperatibek Euskal Autonomia Erkidegoko Kooperatiben Erregistroan izena emanda egon beharko dute.