TURISMOA MERKATURATZEKO ETA SUSTATZEKO LAGUNTZAK 2011

1. ESKAERAREKIN BATERA AURKEZTU BEHARREKO DOKUMENTAZIOA

• Identifikazio Fiskaleko Zenbakiaren kopia.
• Pertsona eskatzailearen ordezkaritza-ahalordearen kopia, edota gaitasun hori egiaztatzen duen dokumentazioa.
• Hala badagokio, EJZn alta-agiriaren kopia.
• Irabazi-asmorik gabeko elkarte edo erakunde pribatuen kasuan, estatutuen fotokopia eta Elkarteen Erregistroan erregistratuta daudela egiaztatzen duen ziurtagiria.
• Gainera, fundazioek estatutuen kopia aurkeztu beharko dute, baita dagokien erregistroan erregistratu izanaren egiaztagiria ere.

2. ORDAINKETARAKO AURKEZTU BEHARREKO DOKUMENTAZIOA

• Diruz lagundutako proiektuaren egikaritze-memoria, besteak beste, egindako jarduerak eta horien kostua, eta jardunen helburuen lorpenari buruzko ebaluazioa jaso beharko dituena,
• Fakturen koadroa; bertan, fakturak behar bezala zenbakitu eta diruz lagundutako jardun bakoitzarekin behar bezala lotu beharko dira, eta bakoitzarentzat honako informazio hau zehaztuko da: fakturaren data, enpresa hornitzailea, azalpena eta zenbatekoa (BEZa barnean hartu gabe). Behar bezala osatutako fakturak bakarrik onartuko dira, eta betiere horien gastu-azalpenak laguntzaren xedearekin argi eta garbi, eta berariaz, lotuta badaude.
  Eredu bat www.euskadi.net/turismo web-orrian eskura daiteke. www.euskadi.net/turismo.
• Behin betiko fakturen fotokopia konpultsatuak, fakturen koadroan zehaztutakoekin bat etorri beharko dutenak, edo arduradunaren edo horretarako baimendutako pertsonaren ziurtagiria, fakturen koadroan bildutako datuen egiazkotasuna frogatuz. Gastuen egiaztapena faktura elektronikoen bidez ere egin ahal izango da, betiere zerga-arloan onartuak izateko betekizunak betetzen badituzte.

(On line)

Eskabidea Internet bidez soilik eskuratu eta bete ahal izango da, http://www.industria.ejgv.euskadi.net/appcont/osaga-emp/ctp.html helbidean eta web helbide horretan jasotako funtzionalitateen bidez. Eskabideko edukinak aipatutako helbidean eskuratu daitezke. Pertsona edo erakunde eskatzailearen baimendutako sinaduraz gain, eskabidearekin batera aurkeztu beharreko dokumentazio guztia eta Administrazioak eska dezakeen dokumentazioa aurkeztuko da, administrazio-prozeduretan bitarteko elektronikoen, informatikoen eta telematikoen erabilera arautzen duen abenduaren 18ko 232/2007 Dekretuan xedaturikoaren arabera.

(Aurrez aurrekoa)

Eskabideak http://www.industria.ejgv.euskadi.net/appcont/osaga-emp/ctp.html webgunean informatikoki gordeak izan ondoren, inprimatu egin beharko dira eta erakunde eskatzailea ordezkatzeko legezko ahalmena duen pertsonak sinatuta bidali Turismo Zuzendaritzara, eta, aurkeztu, Industria, Berrikuntza, Merkataritza eta Turismo Sailaren lurralde ordezkaritzetan aurkeztu behar dituzte Eusko Jaurlaritzak duen Herritarrari Arreta Eskaintzeko Zerbitzuan (Zuzenean) edo, bestela, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legeko 38.4 artikuluan zehaztutako lekuetako edozeinetan.