ZuEKIN Sortuz. Zumarraga 2019

Documentazio orokorra: a) Laguntza eskaera, Udalak prestatutako eskaera-eredu ofizialaren araberakoa. b) Nortasun juridikoa egiaztatzeko dokumentuak: ¿ Norbanakoen kasuan, NANaren kopia. ¿ Pertsona juridikoen kasuan, eskrituraren edo erakundearen edo entitatearen eraketa jasotzen duen dokumentuaren eta estatutuen fotokopia, hots, Merkataritza Erregistroan edo dagokion erregistroan behar bezala inskribatuena. c) Legezko ordezkaritzen kasuan, ordezkariaren NANaren edo balio bereko dokumentu baten fotokopia, ordezkaritzaren dokumentu bidezko egiaztapenarekin batera. Egiaztapen hori zuzenbidean baliozkoa den edozein bitartekoren bidez egin ahal izango da (notario-ahalordez, eskritura bitartez...). d) Eskatzailearen bankuko kontuaren titularitatearen egiaztagiria; titulartasun horrek bat etorri behar du eskatzailearen identitatearekin. Egiaztagiritzat balio dutenak honakoak dira: bankuko kontu laburpena; banku erakundeak emandako ziurtagiria edo diru-laguntza eskaeraren inprimakian «Kontu zenbakia» atalean banku erakundeak jarritako zigilua). e) Zerga betebeharrak eta Gizarte Segurantzarekiko betebeharrak egunean daudela egiaztatzen duten ziurtagiriak, Gizarte Segurantzaren Diruzaintza Nagusiak eta eskumena duen Ogasunak eginak. Edota, horren ordez, pertsona eskatzaileek izenpetutako aitorpena, espresuki adierazten duena baimena ematen dutela ziurtagiriak eman behar dituzten erakundeek zuzenean eman diezazkioten Udalari beharrezko diren datuak. f) Ekonomia Jardueren gaineko Zergako altaren fotokopia, edo ordaindutako azken erreziboarena. g) Identifikazio Fiskaleko Kodearen fotokopia. h) Zumarragako Udalaren zergen ordainketa egunean izateari buruzko egiaztagiria. i) Laguntzak xede izango duen proiektu, programa edo jarduerari buruzko azalpen memoria. j) Diru-laguntzaren xede den jarduerarako beste diru-laguntzaren bat eskatu edo eskuratu baldin bada, beste diru-laguntza horiei buruzko erantzukizunpeko adierazpena. Horrelakorik eskatu ez bada, horrixe buruzko erantzukizunpeko adierazpena. k) Onuraduna izateko aukera eragozten duten zertzeladetako baten beraren eraginpean ez egoteari buruzko erantzukizunpeko adierazpena. Dokumentazio espezifikoa: 1 Dagokion enplegu zerbitzu publikoak emandako ziurtagiria, enpresa sortzeko unean sustatzaileetako bakoitza langabetu gisa edo, bestela, lanbide hobekuntzarako inskribatuta dagoela egiaztatzen duena. 2 Laguntzak xede izango duen proiektu, programa edo jarduerari buruzko azalpen memoria. 3 Horretarako, eranskin gisa doa memoria hori garatzeko «Enpresa planerako eskema» izeneko dokumentua. Nahi dutenentzat, UGGASA eta ASLEk ekintzailearen eskura jartzen dute bere laguntza zerbitzua, bai banakako aholkularitzaz bai prestakuntza espezifikoen bitartez garatzekoa. 4 Kontuan har daitekeen beste edozein dokumentazio, laguntza emateko irizpideekin lotua betiere. 5 Laguntza programa honetan onuradun izatea eragotz diezaiokeen inolako zertzeladarik eragiten ez diolako zinpeko adierazpena. 6 Azken bederatzi hilabetean zehar Ekonomia Jardueren gaineko Zergan edo Gizarte Segurantzako Langile Autonomoen Araubidean (edo baliokide batean) alta emanda ez dela egon egiaztatzen duen frogagiria (lan bizitzari buruzko ziurtagiria)