Enplegua sustatzeko enpresa eta saltokientzako diru-laguntzak. Muskiz 2018

Kontratazioari buruzko agiriak: a) Kontratuaren xede den pertsonaren NANaren kopia. b) Zinpeko aitorpena, egiaztatzen duena pertsona titularrak edo gehiengoa duten bazkideek eta enpresa edo erakunde onuradunaren gobernu-organoetako kideek ez dutela bigarren mailarainoko odolkidetasun- edo afinitate-harremanik, eta ez dutela elkarbizitza-unitaterik osatzen diruz lagunduko den kontratazioaren xede den pertsonarekin. c) Diruz lagunduko den lanpostuari dagokion kontratuaren kopia. Iraupena eta lanaldia jaso behar ditu. d) Gizarte segurantzaren erregimen orokorrean kontratatutako pertsonaren altaren kopia. e) Kontratatutako pertsonaren lan-bizitzari buruzko Gizarte Segurantzaren txosten eguneratua.(Informazio horren helburua da egiaztatzea kontratatutako pertsona langabezian zegoela eta enpresa edo enpresa-talde horretan bertan aurretik kontraturik ez duela izan). f) 4. oinarrian adierazitakoaren arabera kontratazioa kanpoan uzteko edo bateraezina delako arrazoirik ez dagoela adierazten duen erantzukizunpeko adierazpena. g) Zinpeko aitorpena (eskabide-eredu normalizatua). Honako hau barne hartzen duen aitorpen bakar bat da: ¿ Laguntzen deialdi honetako oinarriak ezagutzen eta onartzen direla adierazten duen aitorpena. ¿ Diru-laguntza publikoak itzultzeko prozeduretan edo zehapen-prozeduretan sartuta ez dagoela dioen zinpeko aitorpena. ¿ Zinpeko aitorpena, adierazten duena erakunde eskatzailea ez dagoela zigortuta zigor- eta administrazio-arloan diru-laguntza edo laguntza publikoak lortzeko aukera galtzearekin eta ez dagoela hartarako ezgaitzen duen legezko debekuaren eraginpean, sexu-diskriminazioaren ondoriozko debekuak barne, Emakume eta gizonen arteko berdintasunari buruzko otsailaren 18ko 4/2005 Legearekin bat. ¿ Jarduera berbererako beste erakunde publiko edo pribatu batzuei eskatutako edo horiengandik jasotako laguntzen zinpeko aitorpena. ¿ Minimis araua bete dela adierazten duen zinpeko aitorpena, Europako Batzordearen 2006ko abenduaren 15eko 1998/2006 Araudiak (EE) ezartzen duenarekin bat. Minimis laguntzen itunari buruzko 2006ko abenduaren 28ko EBEOn argitaratu zen (horrek ordezkatzen ditu 69/2001 Araudia (EE) eta horren ondorengo berrikuspenak). h) Lan-merkatuan sartzeko oztopo gehien duten kolektiboren bateko kide dela ziur- tatzen duen agiria. Enpresari buruzko agiriak: a) Eskatzailea pertsona fisikoa bada: Nortasun Agiri Nazionalaren fotokopia. b) Pertsona juridikoen kasuan: Identifikazio Fiskaleko Txartelaren kopia, pertsona eskatzaileen Nortasun Agiri Nazionalarekin eta ordezkaritza-botereekin batera. c) Pertsona juridikoak badira, erakundea edo enpresa eratzeko eskrituren fotokopia (ondoren izandako aldaketekin) eta dagozkion erregistroetako inskripzioa d) Berezko nortasun juridikorik gabeko sozietate zibilen kasuan, Foru Ogasunak zigilatutako kontratu pribatua gehituko da. e) Foru Ogasunak emandako Jarduera Ekonomikoen Zergan egindako alten eta bajen gaineko egiaztagiria. f) Enpresak edo erakundeak Gizarte Segurantzan alta eman duelako kopia. g) Diru-laguntza eskatu duen erakundeak bere zerga-betebeharrak eguneratuta dauzkala frogatzen duen Foru Ogasunaren agiri eguneratua. h) Erakundeak bere betebeharrak eguneratuta dauzkala frogatzen duen Gizarte Segurantzako Diruzaintza Nagusiaren agiri eguneratua. i) Hirugarrenen altari buruzko agiria, erakunde eskatzaileak eta dagokion banku-erakundeak sinatuta (bankuko datuei buruzko inprimakia, eskaera-eredu normalizatuan ageri den laguntza helbideratzeko xedez). j) Enpresaren lan-bizitzari buruzko txosten eguneratua, Gizarte Segurantzak emandakoa (langilearekin kontraturik izan duen egiaztatzeko).