Abanto Zierbenako enpresa sortu berrientzako 2016- laguntzen programaren

a) Eskatzailea pertsona fisikoa bada:Nortasun Agiri Nazionalaren fotokopia.Pertsona juridikoen kasuan:Identifikazio Fiskaleko Txartelaren kopia, pertsona eskatzaileen Nortasun Agiri Nazionalarekin eta ordezkaritza-botereekin batera. b) Pertsona juridikoak badira, erakundea edo enpresa eratzeko eskrituren fotokopia (ondoren izandako aldaketekin) eta dagokion erregistroetako inskripzioa.Berezko nortasun juridikorik gabeko sozietate zibilen kasuan, Foru Ogasunak zigilatutako kontratu pribatua gehituko da. c) Abanto Zierbena Udaleko Toki Garapenerako Agentziak zuzendutako enpresen bideragarritasun-plana. d) Abanto Zierbenako Udaleko Toki Garapenerako Agentziak antolatutako Enpresak sortzeko ikastaroa egin izana egiaztatzen duen ziurtagiria, halabeharrezko eta egiaztatutako kasuren bat tarteko, ikastaro egitea ezinezkoa izan bada salbu. e) Izen-emate eta bajen ziurtagiria Ekintza Ekonomikoen gaineko Zergan, Foru Ogasunak emandakoa. f) Enpresa edo erakundearen izen-ematearen kopia Gizarte Segurantzan. g) Zinpeko aitorpena (eskaera-eredu normalizatua). — Aitorpena, adierazten duena laguntzen deialdi honetako oinarriak ezagutu eta onartzen direla. — Zinpeko aitorpena, adierazten duena diru-laguntza publikoak itzultzeko edo zehapenak jasotzeko prozesuren batean ez dagoela. — Zinpeko aitorpena, adierazten duena erakunde eskatzailea ez dagoela zehatuta zigor- eta administrazio-arloan dirulaguntza edo laguntza publikoak lortzeko aukera galtzearekin eta ez dagoela hartarako ezgaitzen duen legezko debekuen eraginpean, sexu-diskriminazioaren ondoriozko debekuak barne, Emakumeen eta gizonen berdintasunerako otsailaren 18ko 4/2005 Legearekin bat. — Zinpeko aitorpena, azaltzen dituena ekintza berbera egiteko beste erakunde publiko edo pribatu batzuei eskatutako edo horietatik jasotako diru-laguntzak. — Zinpeko aitorpena, adierazten duena bete egiten dela Minimis araua, Europako Batzordearen Minimis araupeko laguntzei buruzko 2006ko abenduaren 15eko 1998/2006 zenbakiko Araudian (EB) ezarritakoarekin bat. Araudi hori Europar Batasuneko Aldizkari Ofizialean argitaratu zen 2006ko abenduaren 28an, eta horren bidez ordezkatu zen 69/2001 Araudia (EB). Halaber, arauaren ondoko berrikuspenak betetzen dituela adierazten da. h) Diru-laguntza eskatu duen entitateak bere zerga-betebeharrak eguneratuta dituela frogatzen duen Foru Ogasunaren agiria. i) Entitateak bere betebeharrak eguneratuta dituela frogatzen duen Gizarte Segurantzako Diruzaintza Orokorraren agiria. j) Hirugarrenen izen-ematearen dokumentua, erakunde eskatzaileak eta banku-erakundeak sinatuta eta zigilatuta (laguntza helbideratzeko banku-datuen inprimakia-Normalizatutako eskaera- eredua). k) Estatuko edo autonomia-erkidegoko kasuan kasuko Enpleguaren Zerbitzu Publikoak igorritako ziurtagiria, bazkide langile guztiak enplegu-eskatzaile gisa edo enplegua hobetzeko eskatzaile gisa inskribatuta daudela egiaztatzen duena.