Turismoaren garapenerako interes estrategiko berezia duten enpresak sorteen eta bertan inbertitzen laguntzeko GAUZATU-Turismo programa. 2009

a) Ondorengo kategorietakoren batekoa izatea. Kategoria horiek Kontabilitateko Plan Orokorrean ezartzen dira (abenduaren 20ko 1643/1990 Errege Dekretuan jasotakoa), puntu hauetan:
– 215 Aplikazio informatikoak
– 221 Eraikuntzak (urbanizazioa eta lur-mugimenduak barne)
– 222 Instalazio teknikoak
– 223 Makinak
– 224 Tresneria
– 225 Bestelako instalazioak
– 226 Altzariak
– 227 Informazioa prozesatzeko ekipoak
– 228 Garraio-elementuak
– 229 Ibilgetutako beste material batzuk
Aktiboen prezioa bere balio «garbia» izango da, hau da, Balio Erantsiaren gaineko Zerga kendu eta gero fakturatutako zenbatekoa.
228 puntuari dagokionez, laguntza jaso dezakete, baina elementu horiek proiektuaren osotasunerako behar-beharrezkoak direnean bakarrik.
Landetxeak egiteko proiektuetan, ez dira diruz lagunduko jabearen beraren etxebizitzan egindako inbertsioak.
221 puntua kalkulatzeko, ondorengo balioak hartuko dira kontuan:
– Eraikina edo horren atalen bat eraiki berri denean, bere balioa, baina lurraren balioa kenduta. Eraikina edo horren atalen bat erosi denean, soilik salerosketako balioa, lurraren balioa kenduta eta zergak eta komisioak kanpoan utzita.
– Aurretik beste erabilera batzuk izan dituzten eraikinean kokatuko diren establezimenduetan, turismo-establezimendu
bezala birgaitzeko berritze-lanen zenbatekoa.
Nolanahi ere, aktiboek zuzeneko lotura izan beharko dute enpresaren gizarte-helburua den jarduerarekin; hala ere, establezimenduen kudeaketa beste batzuei laga dakieke.
b) Gutxienez hiru urteko amortizazio-epea ezarrita izatea, eta enpresaren aktiboa, gutxienez, 5 urtez mantentzea.
c) Finantza-alokairuaren bidez finantzatutako inbertsioak laguntza jaso dezake, baldin eta enpresak dagokion erosketa-aukera gauzatzeko konpromisoa berariaz hartzen badu.
d) Diruz lagun daitezkeen aktibo inmaterialak onuradunaren establezimenduan bakarrik ustiatu beharko dira, aktibo amortizagarriko elementutzat hartuko dira, hirugarren bati merkatuko baldintzetan erosiak izango dira, eta enpresaren aktiboan, gutxienez, bost urteko
epean mantendu beharko dira.
e) Ez dira diruz lagunduko bazkideek generotan kapitalera egindako ekarpenak.
f) Inolaz ere ez da inbertsio bezala hartuko, turismoestablezimendu baten salerosketako balioa.
2.– Talde bera osatzen duten enpresa edo baltzuen aktiboak erosteko egiten diren inbertsioak, aktiboak edo pasiboak, gutxienez, bere kapital sozialaren %25a diren inbertsioak, Saileko organoei berariaz jakinarazi beharko zaizkie eta kanpotik kontrolatutako auditorien bidez balioztatuko dira.

1. DIRU KOPURUA:
5 urteko aurrerapen itzulgarriak eta urtebeteko gabealdikoa.
Onuradunek honako laguntza hauek jaso ditzakete:
- Inbertsio lagungarriaren %30eko aurrerakin itzulgarriak.
- Bideragarritasun-edota finantza-planaren %100eko aurrerakin itzulgarriak, 6.000 euroraino.
Itzuli beharreko aurrerakinek ezein kasutan ezin izango dute 900.000 euroko kopurua gainditu.

2. DIRUZ LAGUNGARRIAK DIREN PROIEKTUAK:
A. Hotelak: eraikin berri bat egitea edo eskuratzea, hotel gisa erabiltzeko; lehendik badagoen eraikin bat birgaitzea edo modernizatzea, hotel gisa erabiltzeko; aurretik badauden hotelen instalazioak eta ekipamenduak zabaltzea.
Horretarako, ondoko baldintzetatik batzuk bete beharko dira:
1. Parke naturalen barruan edo parke naturaletatik hurbil dauden udalerrietan egotea edo Urdaibaiko Biosferaren Erreserbaren inguruan egotea.
2. Turismo orientazioko udalerrietan egotea, bigarren eskuko etxebizitzetarako adierazleen arabera (Turismoa Antolatzeko Legea).
3. Premiazko jarduna behar duten zona kaltetuetan egotea.
4. Hotel espezializatutzat jotzea (Turismoa Antolatzeko 102/2001 Dekretuaren arabera).
5. Beren instalazioetan kiroleko, aisiako edo osasuneko jarduera osagarriak edukitzea.
B. Landetxeak: eraikin bat eraikitzea edo jada eraikita dagoen eraikin bat birgaitzea, landetxe bezala erabiltzeko. "Landetxeetarako Kalitate Sisteman" bildutako gutxieneko estandarrak bete behar dituzte.
C. Turismo apartamentuak: eraikin bat egitea edo aurretik badagoen eraikin bat birgaitzea, turismo apartamentu bezala erabiltzeko.
D. Kanpinak: instalazioari turismo-baimena emandako kanpinak eraikitzea.
E. Lehendik badauden hotelen, landetxeen, apartamentu turistikoen eta kanpinen egiturak edo ekipamenduak berritzea.
F. Turismo enpresak eta/edo turismo produktuak sortzea edo hedatzea naturaren, aisiaren edo osasunaren jardueretako sektore erakargarrietan, hala nola, golf zelaiak, pitch&putt edo antzekoak, zentro termalak, talasoterapia, natura, turismo aktibo eta kulturaleko jarduerak, denak jendeari irekiak.
G. Aurreko ataleko proiektuen bideragarritasun plana eta/edo finantza plana.