ADEFIN 2009

Eskatzaileek honako baldintza hauek bete beharko dituzte:

a) Helbide fiskala Euskal Autonomia Erkidegoan eduki beharko dute, baita gutxienez, produkzio-zentro bat ere.

b) Aurreko arloei lotutako erauzketetako edota eraldaketarako, produkzioko edo zerbitzu teknikoetako industria-enpresak izan beharko dira (produktuarekin edota produkzio-prozesuarekin zuzenean lotuta dauden enpresak, hain zuzen ere) edo informazioaren gizartearen eta komunikazioen arlokoak.

Aurreko paragrafoetan barne hartutako enpresa batek, gainera, jendearen zuzeneko merkataritza-jarduera egiten badu, gutxiengoa izan behar du, nolanahi ere, negozio-bolumenaren % 50etik beherakoa.

c) Enpresa txikiak eta ertainak izan beharko dira mikroenpresaren, enpresa txiki eta ertainen definizioari buruzko 2003ko maiatzaren 6ko Europako Batzordearen 2003/361/EB Gomendioan ezarritako irizpideen (2003.05.20ko L124/36 EBAO) edo ordezkatuko duten edo aldatuko duten xedapenen arabera.

Horren ondorioz, honako hauek hartuko dira enpresa txiki eta ertaintzat:

- 250 langile baino gutxiago dituzten enpresak.

- Urteko negozio-bolumenean 50 milioi euro gainditzen ez dituzten edo urteko balantze orokorrean 43 milioi euro gainditzen ez dituzten enpresak.

- Aurretik adierazitako baldintzaren bat betetzen ez duen beste enpresa baten, edo batera beste enpresa batzuen, % 25etik gorako partaidetza ez duten enpresak.

Enpresa txikiak eta ertainak bereizi behar badira, 50 langile baino gutxiago dituen eta urteko negozio-bolumenean edo urteko balantze orokorrean 10 milioi euro gainditzen ez dituen enpresa hartuko da enpresa txikitzat.

Datu horiek enpresaren kontuetan eta gainerako datuetan oinarrituta kalkulatuko dira, edo parte hartzen duten enpresen kasuan, bateratutako kontuetan oinarrituta.

Interes-tasetako hobari gisa ematen jarraituko dira laguntzak, orokorrean, interes-tasaren puntu 1, eta batera likidatuko dira, mailegu-eragiketaren kapital biziaren murriztapen gisa, finantzarioki kalkulatutako diru-laguntzaren zenbatekoaren arabera.

Puntu 1eko hobari gehigarriari eutsiko zaio enpresa txikiek sinatutako eragiketetan, eta baita 0,5 puntuko interesari ere, Elkarren Bermerako Sozietateek abalatutako eragiketen kasuan. Halere, Euskal Autonomia Erkidegoak erakutsitako dinamismo ekonomiko eta soziala kontuan hartuz, 2 puntuko hobaria kenduko da Premiazko Jarduna eskatzen duten Zona Behartsuetan kokatutako berfinantzaketa-proiektuetan.
Maileguen bolumenari dagokionez, maileguen balioaren urteko gehienezko zenbatekoaren muga ere desagertuko da, eta beraz, finantza-egoeraren araberako berfinantzaketa-eragiketak gauzatu ahal izango dituzte enpresek; bestalde, diru-laguntza kalkulatzeko, besteren banku-baliabideak sartuko dira, betiere baliabide horien epemugak eskabidea egin eta urtebetera eta deialdi-ekitaldiaren hurrengo bi urteetan gertatzen badira.
Eutsiko zaion muga bakarra Europar Batasunak ezarritako minimis arauaren betearazpena izango da; horren arabera, onuradun bakar bati emandako laguntzaren guztizko zenbatekoak ezin izango du 200.000 eurotik gorakoa izan 3 urteko denbora-tartearen barruan, Europako Batzordearen 2006ko abenduaren 15eko 1998/2006 EE Erregelamenduak adierazten duen bezala.

Agindu honen xedea Finantza Erakundeen eta Industria, Merkataritza eta Turismo Sailaren arteko lankidetzaren oinarri izaten jarraitzea da, arlo horretan baterako laguntza koordinatua emateko, industria-sare sendo, saneatu eta lehiakorra lortzen lagunduko duen baterako laguntza, hain zuzen ere.
Horretarako, egokitzat jo da agindu honetan sartutako eragiketei lehentasuna ematea, horrelako eragiketei datxekien arriskua konpentsatu ahal izateko.