Kontsumitzaileen eta erabiltzaileen hizkuntza eskubideak garatzeko diru-laguntzak. 2008
Saila / Erakunde Autonomiaduna
Kultura
Egitura atal kudeatzailea
Koordinaziorako Zuzendaritza
Xedea
Diru-laguntza deialdi honen helburua 123/2008 Dekretuaren eraginpean dauden entitateei laguntzak emateko modua arautzea da, 2008an entitate hauek aipatu Dekretuak kontsumitzaileen eta erabiltzaileen hizkuntza eskubideak bermatze aldera ezartzen dituen hizkuntz betebeharretara egokitu daitezen.
Nori Zuzendua
Diru-laguntza eskatu ahal izango dute:
- Euskal Autonomia Erkidegoaren eremuan, legez unibertsalak, interes orokorrekoak edo antzeko beste kategoria batekoak diren zerbitzuak egiten dituzten erakunde edo pertsona juridikoek, edo unibertsaltasun eta berdintasuneko araubide juridikoaren pean dauden zerbitzuak ematen dituztenek.
Kategoria horretan honako hauek sartzen dira:
a) Komunikazio-sareak ustiatzen dituzten komunikazio-operadoreak.
b) Bidaiarien trenbideko garraio publikoko zerbitzuak ematen dituzten tren-enpresak.
c) Bidaiarien errepideko garraio publiko erregularreko zerbitzuak ematen dituzten enpresak.
d) Bidaiarien aire-garraioko zerbitzu erregularrak ematen dituzten enpresak.
e) Energia elektrikoz hornitzen dituzten banaketa-enpresak edo merkaturatze-enpresak.
f) Erregaiak eta petrolio-erregaiak banatu edo txikizka saltzen dituzten enpresak, betiere kontsumitzaileei eta erabiltzaileei zuzenduta.
g) Kontsumitzaileei saltzeko, gas naturala merkaturatzen duten enpresak.
- Euskal Autonomia Erkidegoan kokatuta dauden jendeari begirako, produktuak saltzeko edo zerbitzuak emateko establezimenduek, baldin eta honako baldintza hauetakoren bat betetzen badute:
a) Merkataritza Jarduerari buruzko maiatzaren 27ko 7/1997 Legearen 13. artikuluko 3. idatz-zatian aipatzen diren establezimenduak izatea; lege hori azaroaren 10eko 7/2000 Legearen bidez aldatu zen.
b) 250 langiletik gora dituzten enpresetakoak diren establezimenduak izatea, betiere urtean 50 milioi euro baino gehiagoko negozio-bolumena badute, edo haien urteko balantze orokorra 43 milioi eurotik gorakoa bada, edo aurreko baldintza horiek betetzen dituen beste enpresaren batek haien kapitalaren edo boto-eskubideen % 25 edo gehiagoko partaidetza baldin badu.
c) Aurreko a) eta b) paragrafoetako baldintzak bete gabe, jendeari saltzeko gunearen azalera 400 metrotik gorakoa duten establezimenduak izatea, Bilbon, Gasteizen, Donostian eta I. eranskinean zerrendatutako udalerrietan -elebidunen proportzioa % 50 baino handiagoa dutenak- kokatuta badaude.
d) Aurreko a), b) eta c) paragrafoetako baldintzak bete gabe, 13.1 atalean zehazten den moduan bezeroarentzako arreta ematen duten langileak 10 baino gehiago dituzten establezimenduak izatea.
- Euskal Autonomia Erkidegoan kokatutako merkataritza-establezimenduek, betiere kolektiboak badira, hau da, esparru edo eraikin beraren barruan hainbat saltoki badaude, bakoitzak bere betebeharrak dituela aparte utzita.
- Euskal Autonomia Erkidegoan jendeari begirako establezimendua duten finantza- eta kreditu-erakundeek.
- Euskal Autonomia Erkidegoan etxebizitzak saldu edo alokatzen dituzten profesional, enpresa edo eraikuntza-obren sustatzaileek.
Diru kopurua
600.000 €
Araudia
AGINDUA, 2008ko uztailaren 29koa, 123/2008 Dekretuaren aplikazio eremuko entitateek aipatu Dekretuak kontsumitzaileen eta erabiltzaileen hizkuntza eskubideak bermatze aldera ezartzen dituen hizkuntz betebeharretara egokitzeko, diru-laguntzak emateko modua arautzen duena.
123/2008 DEKRETUA, uztailaren 1ekoa, Kontsumitzaileen eta Erabiltzaileen Hizkuntza Eskubideei buruzkoa.
Harremanak norekin
Jone Aboitiz
Tlf.: 945 019 298
Erantsi beharreko agiriak
Entitateari buruzko dokumentazioa
A)
- Administrazio honetako Erregistroan dauden elkarteak edo fundazioak badira: Erregistroko ziurtagiria; gainerako kasuetan, eratze-eskritura, entitateko estatutuak eta dagozkien Erregistro Publikoetan inskribatua dagoela egiaztatzen duen ziurtagiria.
- Legezko ordezkariaren NANaren edo pasaportearen fotokopia, eta lege-ahalmena duela egiaztatzen duen dokumentua.
- IFZren fotokopia.
B)
- (A) puntuan eskatutako dokumentazioaren ordezko aitorpena. (1)
- Zerga-zorrak kitatuta dituela egiaztatzen duen ziurtagiria. (2)
- Gizarte Segurantzarekiko betebeharrak kitatuta duela egiaztatzen duen ziurtagiria, edo salbuetsita dagoela egiaztatzen duen ziurtagiria.
2.- Jarduerari buruzko dokumentazioa
- II. eranskina: jardueraren edo proiektuaren azalpen-txostena.
- III. eranskina: jarduerari dagozkion diru-sarreren eta gastuen aurrekontu zehatza. (3)
- III. eranskina: 2008 urtean xede berberaz eskatutako eta jasotako beste diru-laguntzen zerrenda. (4)
- Eskaria baloratzeko aurkeztu nahi den beste edozein dokumentu osagarri. (5)
3.- Ordainketarako dokumentazioa
- IV. edo V. eranskina.
Eskabideak Aurkezteko Epea
2008-9-2tik 2008-10-1era
Eskabideak aurkezteko lekua
Eusko Jaurlaritza
Kultura Saila
Donostia-San Sebastián 1
Lakua I, 2.solairua
01010 Vitoria-Gasteiz
Bizkaiko Kulturako Lurralde Unitatea
Gran Vía 85
48011 Bilbao
Gipuzkoako Kulturako Lurralde Unitatea
Andia 13
20004 Donostia-San Sebastián.
Eskabideak zuzenean entrega daitezke edo, bestela, azaroaren 26ko 30/1992 Legean ezarritako edozein bide erabiliz. Posta-bulegoan aurkeztu nahi izanez gero, eskabide-orria kartazal irekian aurkeztu beharko da, posta-funtzionarioak, ziurtapena egin baino lehen, data eta zigilua jarri diezazkion eskabide-orriari.
Tramiteen deskripzioa
Hasiera, jarraibidea eta ebazpena
Egitura Atal Ebazlea
Hizkuntza Politikarako Sailburuordea.
Ebazteko epea
Lau hilabete, eskabideak aurkezteko epea bukatzen den egunetik hasita
Isilbidearen Ondorioak
Ezespenezkoak
Administrazio Bidearen Bukaera
Ebazpenak administrazio bidea agortzen du
Errekurtsoak / Erreklamazioa
Formularioak
Ikusi artxiboa (doc 468 kb)
Bestelako Agiriak
Ez dago
Oharrak
Ez dago
Abisua
Informazio hau orientagarri gisa bakarrik ematen da eta, beraz, honek ez ditu ordezkatzen ezta aldatzen ere prozedura administratiboak erregulatzen dituzten xedapen arautzaileak, eta, ondorioz, ezin ditu sortu berariazko Araudian jasota ez dauden eskubideak edota betebeharrak.
Azken aldaketa
16/09/2008