Prebentzio-ordezkariak trebatzeko diruz lagundutako oinarrizko mailako prestakuntza emateko baimena.

a. Arau-arloko oinarrizko prestakuntza emateko egiaztatuak izatea (bai zerbitzuak ematen dizkieten enpresetako prebentzio-ordezkariak trebatzeko prestakuntza-zentro edo prebentzio-zer­bitzu egiaztatuak bai erakunde sindikal egiaztatuak).

b. Trebatu nahi den ikasle-kopurura doitutako hornidurak, baliabide materialak eta didaktikoak eskura izatea, ezaugarri hauen arabera:

1) Gutxienez 10 ikasle hartzeko ikasgelak izatea, ikasle bakoitzeko 2 m²-ko azalera eta irakas­learentzako 4 m²-ko azalera izanik.

2) Behar beste baliabide didaktiko eta hornidura edukitzea: arbela, ekipo informatikoak eta ikus-entzunezkoak, Interneteko konexioa, telefonoa, eta abar.

c. Laneko arriskuen prebentzioan tarteko mailako edo goi-mailako eginkizunak betetzeko pres­takuntza egiaztatu duten irakasleak edukitzea, edo eman beharreko gaietan gutxienez urtebeteko irakaskuntza- edo lan-esperientzia dutenak, eta denak ere prestakuntza hori euskaraz emateko gai izatea.

2026ko otsailaren 11ko Ebazpena indarrean jarri aurretik prebentzioko ordezkariak gaitzeko oinarrizko mailako diruz lagundutako prestakuntza emateko akreditatuta dauden eta akreditazio hori emateko baldintzak betetzen dituzten erakundeek, eskabidea betetzean, "Berritzea" aukera markatu beharko dute, eta eskabide horretan, dagokion erantzukizunpeko adierazpenaren bidez, akreditazioa emateko baldintzak betetzen dituztela egiaztatu beharko dute. Ebazpen hau indarrean jarri aurretik akreditazioa bazuten, baina akreditazio hori lortzeko baldintzaren bat aldatu bazuten, akreditazioa berritzeko eskaera bete beharko dute erakundeek, akreditazioa lortzeko baldintzak betetzen ez dituztela adieraziz, eta formatu elektronikoan erantsita dagozkion egiaztagiriak, bai eta eskatzaileak egokitzat jotzen dituenak ere.

a) Prestakuntza-zentro publikoak zein pribatuak edo prebentzio-zerbitzu akreditatuak izatea, zerbitzuak itunduta dauzkaten enpresetako prebentzio-delegatuentzat, edo sindikatuak izatea (araudi-arloko oinarrizko prestakuntza emateko).

b) Trebatu nahi den ikasle kopurura egokitutako instalazioak eta baliabide material eta didakti koak eskura izatea, ezaugarri hauen arabera:

1.– Gutxienez 10 ikasleentzako edukierako ikasgelak; hau da, 2 m2 ikasle bakoitzarentzat, eta 4 m2 irakaslearentzat.

2.– Behar beste baliabide didaktiko eta ekipamendu edukitzea: arbela, ekipo informatikoak eta ikus-entzunezkoak, Interneteko konexioa, telefonoa eta abar.

c) Irakasleek baldintza hauek egiaztatzea:

1.– Laneko arriskuen prebentzioko erdi-mailako edo goi-mailako eginkizunak betetzeko gai tasuna izatea, Prebentzio Zerbitzuen Erregelamendua onartzen duen urtarrilaren 17ko 39/1997 Errege Dekretuak 36.2 eta 37.2 artikuluetan eta bosgarren xedapen gehigarrian ezarritakoarekin bat etorriz.

2.– Prestakuntza-saioak euskaraz ematen badira, Europako esparruko C1 mailako titulua edo haren baliokidea izatea.

3.– Emakumeen eta gizonen berdintasunari buruzko prestakuntza izatea: gutxienez 20 ordu koa izango da, eta laneko arriskuen prebentzioaren gaineko alderdi espezifiko bat landuko du genero-ikuspegiarekin. Prestakuntza horrek organismo ofizial edo homologatu baten ziurtapena izan beharko du.

d) Arlo hauetan indarrean dauden legeak betetzea: emakumeen eta gizonen berdintasuna, indarkeria matxista, LGTBI pertsonen eskubideak, eta arrazan edo jatorri etnikoan oinarritutako diskriminazioa.

1.– Eusko Jaurlaritzaren egoitza elektronikoan eskura jarri diren bitarteko elektronikoak erabiliz eskuratu eta aurkeztu beharko dira eskabideak.

2.– Akreditazio-eskabidearekin batera, dokumentazio hau aurkeztu behar da:

a) Erantzukizunpeko adierazpena, non jasoko baita entitatea jarduera ekonomikoen gaineko zergan alta emanda dagoen epigrafea bat datorrela dekretu honen 5. artikuluko a letran zehaztu tako entitate publiko eta pribatuak bilduta dauden epigrafeetako batekin.

b) Prestakuntza emango duten irakasleekin sinatutako kontratuak edo lankidetza-akordioak, sexuaren arabera banatuta.

c) Haien prestakuntzari buruzko egiaztagiriak (5.c) artikuluaren arabera).

d) Prestakuntza emateko instalazioen planoak.

e) Emakumeen eta gizonen berdintasunaren arloko estatu-legeriak ezarritako baldintzetan, sexu-jazarpena edo sexuan oinarritutako jazarpena prebenitzeko eta horri aurre egiteko neurriak ezarrita dituen enpresa direla egiaztatzeko agiriak.

f) 50 langiletik gorako enpresa izanez gero, indarrean dagoen araudia betetzen duen berdin tasun-plana indarrean duela egiaztatzeko agiriak.

g) Erantzukizunpeko adierazpena, legezko ordezkariak sinatua, non hitzemango baita genero-ikuspegia txertatuz emango dela prestakuntza eta ikastaroaren material guztietan eta saioetan hizkeraren eta irudien erabilera inklusiboa egingo dela.

h) Erantzukizunpeko adierazpena, non jasoko baita ez duela indarrean zigor administratiborik sexuan oinarrituta diskriminatzeagatik edo emakumeen eta gizonen berdintasunaren arloko arau dia ez betetzeagatik.

i) Erantzukizunpeko adierazpena, non jasoko baita ez duela kondenarik edo zehapenik ezarrita laneko segurtasunaren eta osasunaren aurkako delitu edo arau-hauste administratibo oso astu nak egiteagatik azken bost urteetan.

j) Erantzukizunpeko adierazpena, Laneko Arriskuen Prebentzioari buruzko Legean jasotako betebeharrak betetzeari buruzkoa; hain justu, gai hauei buruz dagozkion betebeharrak: preben tzio-antolamenduko eredua, arriskuen ebaluazioa, prebentzio-jardueren plangintza eta, kasua bada, prebentzio-sistemaren auditoretza.