Udaltzainburua
Gipuzkoa
—Udaltzaingoa:
1. TAO zerbitzuaren funtzionamendua kudeatu eta ikuskatzea: funtzionamendu- eta kalitate-kontrolak ezartzea, fakturak balidatzea eta diru-sarrerak kontrolatzea.
2. Oria eskualdeko Ertzaintzarekin eta Udaltzaingoekin bilerak egitea hilean behin.
3. Trafikoaren arloko eta udal-ordenantzak (animaliak, ostalaritza, etab.) ez betetzearen arloko zehapen-prozedurak izapidetzea.
4. Herritarrek udaltzaingoaren, herritarren segurtasunaren eta mugikortasunaren arloari buruz eginiko kexa, kontsulta eta salaketei zuzenean erantzutea.
5. OTA-TAO bizileku-txartelak eta bizikleta-aparkalekuan sartzeko txartelak sinatzea.
6. Gertaera esanguratsuenen parteak eta salaketen zerrenda egunero biltzea eta horien berri Ertzaintzari ematea.
7. Kobratutako tasen sarrerak kontabilizatzea eta dirua Kontu-hartzailetzari ematea.
8. Tolosako herri barneko bus-zerbitzuaren jarraipena egitea, haren kalitate eta ordutegiei dagokienez, eta hobekuntzak edo aldaketak proposatzea.
9. Honako espediente hauetan sinatzea, alkateak eskuordetuta: Belena patioa, laugarren kategoriako armak, arriskutsuak izan daitezkeen animaliak eramateko lizentziak eta arriskutsuak izan daitezkeen animalien erregistroa.
10. Poliziaren ekipamenduak, uniformeak eta hornidura egoera onean daudela zaintzea.
11. Udaltzaingoaren atarian istripuei, lege-hausteei eta administrazio-salaketei buruzko datu estatistikoak sartzea.
12. Ezarritako bideozaintza-sistema kudeatzea: irudiak lege-hausteekin lotutako irudiak kudeatzea eta Eusko Jaurlaritzako Segurtasun Sailari behar diren baimenak eskatzea urtero.
13. Tolosako Babes Zibileko taldeko udal-koordinatzailea eta arduraduna izatea.
14. San Joan jaietako su artifizialetako segurtasun-arduraduna izatea.
—Arloko/unitateko arduraduna:
15. Zerbitzua/Unitatea planifikatu, ikuskatu, proposatu, erabakiak hartu, antolatu eta kontrolatzeko funtzioak egitea.
16. Unitatearen funtzionamendu-jarraibideak ezartzea, Udalbatzak erabakitako helburu politikoak lortu ahal izateko; kontrol- eta kudeaketa-mekanismo egokiak ezartzea horiek lortzen direla egiaztatzeko, eta behar diren neurri zuzentzaileak hartzea.
17. Unitateko jarduera tekniko-juridiko eta administratiboa bultzatu eta haren kontrola egitea.
18. Arduradun politikoek bere eskumenaren arloko aholkularitza tekniko-juridikoa ematea.
19. Udalbatzarekin bilerak egitea lanen garapenaren berri eta ezarritako helburuen gaineko kontuak emateko.
20. Unitatearen urteko aurrekontu-proposamena egitea, eta haren jarraipena egitea, exekuzioa kudeatuta.
21. Bere eskumen-eremuan ordenantza- eta erregelamendu-proposamenak egitea.
22. Zerbitzu, obra edo horniduren prestazioa proposatzea eta horri buruzko irizpena ematea.
23. Bere funtzio-eremuko espedienteetan proposamen teknikoen orriak egitea, eta balioespen-txostenak egitea horietan oinarritutako lizitazioetan.
24. Kontratazio-organoak zehazten dituen kontratuez arduratzea, zerbitzua, obra edo hornidura ematen dela bermatzea, eta horien ondoriozko fakturak egitea.
25. Bere eskumen-eremuan dirulaguntzen eskaera eta justifikazioa bultzatu, koordinatu eta ikuskatzea.
26. Teknikari gisa parte hartzea, horretarako eskatuz gero, eta bere eskumeneko arloei dagokienez, udal informazio-batzordeetan edo beste udal-organo batzuetan.
27. Sailen arduradunen aldian behingo bileretan parte hartzea.
—Atxikitako baliabideen agintea:
28. Mendekoek gauzatu beharreko zereginak planifikatu, antolatu, ikuskatu eta koordinatzea, zerbitzuaren beharren arabera.
29. Mendeko langileei aholkularitza teknikoa ematea, eta haien zalantzak edo sortzen diren gorabeherak ebaztea.
30. Mendeko langileen kudeaketa egitea, eta horiek kontrolatu eta ikuskatzea, eta baimenen, prestakuntzaren, lizentzien eta oporren arloan oniritzia ematea.
31. Mendekoekin koordinazio, ikuskapen eta jarraipenerako bilerak egitea.
—Eginkizun komunak:
32. Arloa hobetzen laguntzea eta hobekuntza hori lortzeko beharrezkoak diren ekintzak eta aldaketak proposatzea.
33. Lana antolatzea, ezarritako helburuak beteko direla bermatzeko.
34. Unitatera/arlora atxikita dauden gainerako langileei laguntzea lanak pilatzen direnean, edo langileren bat kanpoan edo gaixorik dagoenean.
35. Lankideei aholkuak ematea eta laguntzea, bere ezagutza edota eskarmentuagatik hobeto menderatzen dituen lanetan.
36. Arloan dauden instalazioen eta baliabideen erabilera, Kontserbazioa eta mantentzea egokia dela begiratu eta zaintzea.
37. Bere kategoriari dagokion eta agintzen zaion beste edozein lan egitea, aldez aurretik horretarako jarraibideak jasota.
Goi mailako batxilergo, goi mailako lanbide-heziketa edo baliokidea den tituluaren jabe izatea.
3, nahitaezkoa.
Tolosako Udaleko karrerako funtzionario izateko hautaketa prozesuen oinarri orokorrak, laugarren oinarrian ezarritako baldintza orokorrez gain, honakoak bete beharko dira:
— 18 urte beteak edukitzea eta derrigorrez erretiratzeko adina ez gainditzea.
— Titulua: Goi mailako batxilergo, goi mailako lanbide-heziketa edo baliokidea den tituluaren jabe izatea.
Atzerriko tituluen kasuan, homologazioa egiazta tzen duen kredentziala izan behar da.
— A2 eta B klaseko gidabaimenaren edo baliokidearen jabe izatea.
— 3. Hizkuntza Eskakizuna edo baliokidea izatea.
— Gutxieneko 1,65 metroko altuera eduki behar dute gizonek eta 1,54 metrokoa emakumeek. Frogen hasiera baino lehen egiaztatuko da hori.
— Ez izatea kondenatua dolozko delituagatik, ezta Administrazio publikoko zerbitzutik kendua ere, ezta eginkizun publikoetarako desgaitua edo etendura hartua ere, hargatik eragotzi gabe birgaitua izateko aukera, arau penalen eta administratiboen arabera.
— 315/1994 Dekretuaren eranskinean ezarritako bazterketa medikoen taulan ez egotea, Euskal Herriko Poliziaren hautespen- eta prestakuntza-araudia bigarren aldiz aldatu zuen otsailaren 17ko 36/2004 Dekretuari erantsita doan «medikuntzako bazterketen taulan» aipa tzen diren arazoetako bat bera ere.
Gaitasuna hautaketa prozesua gainditu ondoren, indarrean dagoen araudian ezarritakoaren arabera medikuaren egiaztagiri edo azterketarekin egiaztatuko da. Kargu hartzea baldintza honen betetzearen menpe egongo da.
— Arau-hauste larri edo oso larri batengatik Euskadiko Polizia erakunde batean sartzeko hautaketa-prozesu batean baztertua ez izana, baztertze adierazpenaren datatik aurretiko izen emate epearen baliokidea den denbora pasa bada salbu.
— Falta larria edo oso larria egiteagatik zehapenik jaso ez izana, salbu eta ezarritako zehapena baliogabetzea lortu bada.
— 10 euro ordaintzea funtzionario edo pertsonal laborala hautatzeko prozesuetan parte hartzeko tasa arautzen duen Udal Ordenantzan ezarritakoa betez.
Udaleko Erregistro Elektronikoan aurkeztuta.
- Tolosako Udaleko Erregistro Orokorrean (Plaza Zaharra, 6), 07:15etik 14:15era astelehenetik asteazkenera eta ostiraletan, eta ostegunetan, 07:15etik 19:00etara. Eskatzaileek Udateko langileen aurrean egiaztatu beharko dute nor diren.
- Eskabideak aurkeztu ahal izango dira 39/2015 Legeak, urriaren 1ekoak, Administrazio Publikoen Administrazio Prozedura Erkidea arautzen duenak, 16. artikuluan aipatzen dituen lekuetan. Eskabideak posta bulegoetan aurkeztu nahi badira, aurkezteko epea amaitu baino lehen eraman behar dira bulego horietara, gutun-azal irekian, bertako funtzionarioak data eta zigilua jar diezaien. Horrela bakarrik ulertuko da postetxean aurkeztu ziren egunean sartu zirela.
C1 GAITEGI OROKORRA
Estatuaren eta EAEren antolamendua.
1. gaia. 1978ko Konstituzioa. Printzipio orokorrak. Espainiarren oinarrizko eskubide eta betebeharrak.
2. gaia. Espainiako toki-araubidea. Konstituzio-printzipioak eta erregulazio juridikoa.
3. gaia. Euskal Autonomia Erkidegoko Autonomia Estatutua. Esanahiaren ideia orokorra. Egitura eta edukia.
Toki-araubidea.
4. gaia. Udalerria: udalerria, biztanleria, antolamendua eta eskumenak.
5. gaia. Toki-erakundeen funtzionamendu-araubidea: bilkuren, bozketen, bertaratzeen eta deliberazioen deialdia eta araubidea.
6. gaia. Tokiko administrazioaren esku-hartzea jarduera pribatuan. Lizentziak emateko prozedura.
7. gaia. Euskadiko Toki Erakundeei buruzko Legea: toki-erakundeen eskumenak: printzipio orokorrak.
8. gaia. Euskadiko Toki Erakundeei buruzko Legea: auzotarren eskubideak, betebeharrak eta erantzukizunak. EAEko toki-erakundeen publizitate aktiboko betebeharrak. Informazio publikoa eskuratzeari eta erreklamazio-organoari buruzko printzipioak.
Herri-administrazioen araubide juridikoa eta administrazio-prozedura.
9. gaia. Administrazio Publikoen Administrazio Prozedura Erkidearen Legea. Prozedurako interesdunak: kontzeptua. Ordezkaritza eta egiaztatzeko moduak. Ahalordetzeko erregistro elektronikoak. Interesdunen eta interesdun berrien publizitatea. Administrazio-prozeduran interesdun direnen identifikazioa eta sinadura.
10. gaia. Herri-administrazioen jarduera. Dokumentuen sarrera- eta irteera-erregistroa. Dokumentuak aurkezteko baldintzak. Komunikazioak eta jakinarazpenak. Ebazteko betebeharra eta administrazioaren isiltasuna.
11. gaia. Administrazio-egintzak: betekizunak, legezkotasun-presuntzioa, efikazia, jakinarazpena, erabateko deuseztasuna, deuseztagarritasuna eta administrazio-egintzen errebokazioa.
12. gaia. Administrazio-prozedura: prozeduraren faseak.
13. gaia. Sektore Publikoaren Araubide Juridikoaren Legea. Zehatzeko ahalaren printzipioak eta zehatzeko prozedura.
Enplegu publikoa.
14. gaia. Herri-administrazioetako langileak: motak. Funtzionario publikoen eskubideak eta betebeharrak. Enplegu publikorako sarbidea. Karrerako funtzionarioen administrazio-egoerak. Lan-kontratuko langileen araubidea.
Kontratazioa.
15. gaia. Toki-mailako administrazio-kontratuak. Sektore publikoko kontratuak: aplikazio-eremu subjektiboa. Kontratu motak. Kontratuen izaera administratiboa eta pribatua. Administrazio-kontratuen araubide juridikoa. Kontratu pribatuen araubide juridikoa.
Ogasun Publikoa.
16. gaia. Toki Ogasunak: diru-sarreren sailkapena. Ordenantza fiskalak.
Datu pertsonalen babesa.
17. gaia. Datu pertsonalen babesa: xedapen orokorrak. Datuen tratamenduaren printzipio orokorrak. Tratamendurako legitimazioa. Bereziki babestutako datuak. Pertsonen eskubideak. Datuen tutoretza: datuak babesteko agentziak eta datuak babesteko ordezkaria.
Diru-laguntzak.
18. gaia. Administrazio-dirulaguntzak: kontzeptua, printzipio orokorrak eta emateko baldintzak. Diru-laguntzen onuradunak: kontzeptua eta betekizunak. Betebeharrak.
Gardentasuna eta berdintasuna.
19. gaia. Gardentasunari, informazio publikoa eskuratzeko bideari eta gobernu onari buruzko Legea. Aplikazio-eremu subjektiboa eta publizitate aktiboa.
20. gaia. Emakumeen eta Gizonen Berdintasunerako Legea. Aplikazio-eremua, printzipio orokorrak eta toki-erakundeen eskumenak.
*Baldin eta aipatutako araudietan aldaketarik gertatzen bada, kontuan hartu beharko dira gai bakoitzean indarrean dauden testuak eskabideak aurkezteko epea amaitzen den egunean.
GAITEGI ESPEZIFIKOA
1. 2/1986 Lege Organikoa, martxoaren 13koa, segurtasun indar eta kidegoei buruzkoa. Xedapen orokorrak eta tokiko poliziak.
2. 1/2020 Legegintzako Dekretua, uztailaren 22koa, Euskal Autonomia Erkidegoko Poliziaren Legearen testu bategina onartzen duena.
3. 170/1994 Dekretua, maiatzaren 3koa, Euskal Herriko Polizia Kidegoen Diziplinazko Araudia onartzen duena.
4. 10/1995 Lege Organikoa, azaroaren 23koa, Zigor Kodeari buruzkoa. Zigor-bermeak eta zigor-legearen aplikazioa.
5. 10/1995 Lege Organikoa, azaroaren 23koa, Zigor Kodeari buruzkoa. Arau-hauste penalak.
6. 10/1995 Lege Organikoa, azaroaren 23koa, Zigor Kodeari buruzkoa. Delituen erantzukizun kriminala duten pertsonak.
7. 4/2015 Lege Organikoa, martxoaren 30ekoa, Herritarren Segurtasuna Babestekoa. Xedapen orokorrak.
8. 4/2015 Lege Organikoa, martxoaren 30ekoa, Herritarren Segurtasuna Babestekoa. Dokumentazio eta identifikazio pertsonala.
9. 4/2015 Lege Organikoa, martxoaren 30ekoa, Herritarren Segurtasuna Babestekoa. Herritarren segurtasuna mantentzeko eta berrezartzeko jarduerak.
10. 4/2015 Lege Organikoa, martxoaren 30ekoa, Herritarren Segurtasuna Babestekoa. Segurtasuneko administrazio-poliziaren ahal bereziak.
11. 1/2004 Lege Organikoa, abenduaren 28koa, Genero Indarkeriaren aurka Osoko Babesa ematekoa. Biktimen babeserako eta segurtasunerako neurri judizialak.
12. 3/2007 Legea, martxoaren 22koa, emakumeen eta gizonen berdintasun eragingarrirako. V. tituluaren V. kapitulua.
13. 4/2005 Legea, otsailaren 18koa, emakume eta gizonen berdintasunerakoa. Administrazioaren araudian eta jardueran berdintasuna sustatzeko neurriak. Emakumeen aurkako bortizkeria.
14. 5/2000 Lege Organikoa, urtarrilaren 12koa, Adingabeen Erantzukizun Penala arautzen duena. Legea aplikatzeko esparrua.
15. 5/2000 Lege Organikoa, urtarrilaren 12koa, Adingabeeen Erantzukizun Penala arautzen duena. Prozeduraren instrukziorako arau orokorrak.
16. 1/1996 Lege Organikoa, urtarrilaren 15ekoa, Adingabearen Babes Juridikoari buruzkoa, eta Kode Zibilaren eta Prozedura Zibilaren Legea aldatzekoa. Adingabearen eskubideak eta Administrazio ekintzaren Neurriak eta Printzipio azterkariak.
17. 4/2000 Lege Organikoa, urtarrilaren 11koa, Atzerritarrek Espainian dituzten Eskubide eta Askatasunei buruzkoa, eta Atzerritar horiek gizarteratzeari buruzkoa. Atzerritartasun-arloko arau-hausteak eta horien araubide zehatzailea.
18. 2/1998 Legea, otsailaren 20koa, Euskal Autonomia Erkidegoko Herri Administrazioen zigortzeko ahalmenari buruzkoa.
19. 40/2015 Legea, urriaren 1ekoa, Sektore Publikoaren Araubide Juridikoarena. Zehatzeko ahalaren printzipioak.
20. 6/2015 Legegintzako Errege Dekretua, urriaren 30ekoa, Trafikoari, Ibilgailu Motordunen Zirkulazioari eta Bide Segurtasunari buruzko Legearen testu bategina onartzen duena. Zehatzeko prozedura.
21. 320/1994 Errege Dekretua, otsailaren 25ekoa, Trafikoaren, Ibilgailu motordunen zirkulazioaren eta bide-segurtasunaren alorreko zigor-prozedurari buruzko araudia onartzen duena.
22. 1428/2003 Errege Dekretua, azaroaren 21ekoa, Zirkulazio-araudi orokorra onartzeko dena. Zirkulazioko jokabideei buruzko arau orokorrak.
23. 2822/1998 Errege Dekretua, abenduaren 23koa, Ibilgailuen Araudi Orokorra onartzeko dena (eranskinak ez).
24. 818/2009 Errege Dekretua, maiatzaren 8koa, Gidarien Araudi Orokorra onartzen duena.
25. 31/1995 Legea, azaroaren 8koa, Lan-arriskuen Prebentzioari buruzkoa: Prebentzio zerbitzuen eskubide eta betebeharrak.
26. Lehen sorospenak: lesioen lehen eta bigarren balorazioa. Bihotz-biriketako bizkortzea.
27. 153/1997 Dekretua, ekainaren 24koa, Euskadiko Herri Babeseko Plana onartzen duena eta 1/2015 Dekretua, urtarrilaren 13koa, zeinaren bidez onartzen baita berrazterketa berezi bat egitea Euskadiko Herri Babeseko Planean.
28. 1/2017 Legegintzako Dekretua, apirilaren 27koa, Larrialdiak Kudeatzeko Legearen testu bategina onartzen duena.
29. 407/1992 Errege Dekretua, apirilaren 24koa, Babes Zibileko Oinarrizko Araua onartzen duena.
30. 15/2012 Legea, ekainaren 28koa, Euskadiko Segurtasun Publikoaren Sistema Antolatzekoa: Euskal Herriko Poliziaren zerbitzuen koordinazioa eta jarduera osagarrien integrazioa. Larrialdiei aurre egiteko eta babes zibilerako euskal sistema.
31. Izaera Pertsonaleko Datuak Babesteko Europako Erregelamenduaren datuak babesteko printzipio orokorrak.
32. 10/2015 Legea, abenduaren 23koa, Jendaurreko Ikuskizunen eta Jolas Jarduerena.
33. 17/2019 Dekretua, otsailaren 5ekoa, Jendaurreko Ikuskizunen eta Jolas Jardueren Legea garatzeko Erregelamendua onartzen duena.
34. 296/1997 Dekretua, abenduaren 16koa, jendaurreko ikuskizunen eta jolas jardueren ordutegiak eta jarduera horiei buruzko beste alderdi batzuk ezartzen dituena Euskal Autonomi Elkartearen eremuan.
35. Polizia deontologia. Jokabide-kodea.
36. Bide publikoan terrazak, salgai dauden produktuen erakuslekuak eta beste elementu lagungarriak jartzea arautzen duen Ordenantza.
37. Zirkulazioaren eta denbora mugatuko aparkaldien antolamendurako arauak.
38. Autokarabanentzako zerbitzugunearen ordenantza.
39. Oinezkoen eta ibilgailuen zirkulazio ordenantza.
40. Etxe abereen udal ordenantza.
41. Tolosako udalerrian kaleko salmenta arautzen duen ordenantza.
42. Hiri hondakin solidoen bilketa eta tratamenduaren udal ordenantza.
43. 400/2013 Dekretua, uztailaren 30ekoa, Euskal Autonomia Erkidegoan artifizio piroteknikoak erabiltzen dituzten ikuskizunei buruzkoa.