itzuli

PEAGE II-ren zeregina

Eusko Jaurlaritza erreferentziako Administrazio bihurtzea, zerbitzuak modu efiziente eta eraginkorrean emateari dagokionez. Horrez gain, haren barne-antolakuntza eskari berrietara egokituko du, eta sare-lana bermatuko du Administrazioko beste maila batzuekin, bai Euskadin, bai Europan eta, berariaz, estatuan.

PEAGE II-ren ikuspegia

Hauek dira Administrazio eta Gobernu Elektronikoen bigarren Plan Estrategikoaren helburuak:

• Eusko Jaurlaritzaren lana nabarmentzea euskal Administrazioko beste mailekiko lankidetzan, horiek zerbitzu efiziente eta eraginkorrerantz bideratzeko, XXI. mendeko gizartean.- LIDERGOA
• Ahaleginak eta elkarreragingarritasuna batuko dituen kultura berria garatzea zerbitzu publikoak ematerakoan, euskal gizarte moderno eta aurreratu baten alde.- SARE PUBLIKOA
• Euskal Autonomia Erkidegoko Administrazio Orokorraren kultura eraldatzea, aurrea hartzeari lehentasuna emateko zerbitzu publikoak proposatu eta ematerakoan.- ADMINISTRAZIO PROAKTIBOA
• Gure gizarteari baliodun zerbitzuak eskaintzea, baliabide publikoen errendimendua optimizatzeko, teknologia berrien ahalmenen erabilera masibotik hasita.- BALIODUN ZERBITZUAK
• Ebaluazio eta hobekuntza jarraitua bultzatzea, herritarren iritziaren sendotzea eta kudeaketa efektiboa sustatuz zerbitzu publikoak eskaintzeko fase guztietan.- GARDENTASUNA

PEAGE II-ren balioak

ERAKUNDEEN KONPROMISOA.- gobernuko erantzukizun-maila gorenen inplikazioa, Administrazio eta Gobernu Elektronikoen helburuak lortzeko.

LANKIDETZA EUROPAKO EREMUAN.- koordinazio- eta elkarreragingarritasun-proposamenak bultzatu eta garatzea euskal Administrazioekin, estatukoekin eta Europakoekin, euskal gizartea eta horren instituzioak gehiago garatu eta integratzeko Europako eremuan.

GIZA AHALAREN GARAPENA.- Euskal Autonomia Erkidegoko Administrazio Orokorreko giza ahala osatzen duten profesionalen inplikazioa, aldaketa eta lanbide-aberastea bultzatzeko prozesuak ezartze aldera.

HERRITARREN INGURUAN ARDAZTUA.- modu sistematikoan, emandako zerbitzuen kalitatea aztertuko duen kultura garatzea, euskal gizartearen iritziaren eta proposamenen egituraketa eta kudeaketatik abiatuta.

BERDINTASUNA.- zerbitzuak ematerakoan, gizarte-talde bat ere ez baztertzea, zerbitzu horiek erabiltzeko duten gaitasunari dagokionez.

KANAL ANITZ.- zerbitzuen eskaintzarako sarbidea modu eraginkorrean bermatzeko.

INFORMAZIOAREN ETA KOMUNIKAZIOAREN TEKNOLOGIAK.- zerbitzuaren kalitatea eta baliabideen erabileraren efizientzia azkartuko dituen faktorea.

itzuli