Euskadik FITUR azokan jarritako txokoa Ken Folleten azken eleberriaren eszenatoki bihurtu zen otsailaren 2an eta 3an, larunbat eta igandean. Ordu erdiko 8 saioetan, Gasteizko Santa Maria katedralean oinarrituta dagoen Galeseko idazlearen Un mundo sin fin liburuaren lehendabiziko kapitulua irakurri zuten.

Irakurketa egiten zen bitartean, bideo-flash bat erakutsi zuten. Bertan Ken Follet agertzen zen Gasteiz bisitatzen eta bere liburua katedralean aurkezten.

Irakurketa-saioen helburua Follet eta Santa Maria katedralaren arteko harremanean sakontzea zen. Javier Gauna irrati-esatari gasteiztarrak gidatu zituen saioak.

Entzuleek Arabako Errioxako ardo-kopa eta FITUR 2008rako propio egindako Un mundo sin fin eleberriaren lehendabiziko kapituluaren edizio berezia jaso zuten.